المساعد الشخصي الرقمي

مشاهدة النسخة كاملة : تقرير عن الكشافات اليدويه شاركنا بكشافك الصور والمميزات


ALBDRANE
28/07/2010, 02:44 AM
السلام عليكم ورحمة الله وبركاته



الكل منكم يعرف أن الكشاف اليدوي يعتبر من أهم أدوات البر والتي لايكاد يخلو منه أي مكشاتي ويفضل أن يكون الكشاف من النوعيات الجيدة والقوية والقابله للشحن .

وفي هذا الموضوع ندعو الجميع للمشاركة وتزويدنا بما لديه من صور ومعلومات عن تجربته مع الكشافات على قولتهم ( البجلي ) بلهجة بعض القرايا ولا أعلم هل أحد قد كتب في هذا الموضوع من قبل أو لا المهم خير وبركة وسوف أبدا بالكشاف الي عندي والصراحة أشعر بالارتياح لما يكون معي ليصارت الدعوه خرمسيه المهم ما أطول
عليكم مميزاته :
ضمان دولي وله وكيل في الرياض
الضمان على اللمبه خمس سنوات والبطارية سنة والبودي 5 سنوات
مزود بشاحن كهرباء طبعاً وكذلك شاحن سيارة وهذا الي نبيه
خفة الوزن 0.18 من الكيلو طبعاً فيه منه أحجام والمقاس الاوسط هو الافضل من وجهة نظري
قوة الاظائه ونور أبيض ناصع على قولتهم زنن 500 متر
الشحن 12 ساعه والعمل 3 ساعات متواصله أو متقطعه
الصناعة كانهم صادقين الماني
السعر المعقول وهو بحدود 100 ريال

:good2:


أسم الشركة المصنعه
http://www.mekshat.com/pix/upload04/images173/mk34504_111711114.jpg
الكشاف ويظهر الكرتون
http://www.mekshat.com/pix/upload04/images173/mk34504_2222.jpg
الكشاف ويظهر خلفه كرت الضمان
http://www.mekshat.com/pix/upload04/images173/mk34504_3333.jpg
مدخل الشاحن ويوجد جلبه متحركة لمنع دخول الغبار
http://www.mekshat.com/pix/upload04/images173/mk34504_4444.jpg
قاعدة الكشاف ويظهر صناعته
http://www.mekshat.com/pix/upload04/images173/mk34504_555.jpg



نرجو ممن عندهم كشافات المشاركة مثل كشافات الرمايه وغيرها لتعم الفائدة وتحياتي
bedwizar
28/07/2010, 03:10 AM
ما اشوف له صوره على النت
بس بارتجل له صوره من تصوري الأحترافي (هههههههههههههههههههه خطير هاه؟) بالجوال وبرفعها على الصفحه بأذن الله
عاشق البانيلي
28/07/2010, 04:12 AM
انا كشافي اسمه
bret lite
صراحة مب معقول قوة في الاضاءة + بطارية تدوم عشر ايام بالبر
سعره 140 ريااال
وفيه ميزه خيال ولاتوجد الابالحجم هذا وهي ان شاحن الجوال حق السيارة ابوراس كبير يشحنه
ريان2002
28/07/2010, 04:45 AM
وعليكم والسلام ورحمة الله وبركاته
عجبني موضوعك وحبيت أدلو بدلوي الصغير :D


http://www.mekshat.com/pix/upload04/images174/mk136312_20102344.jpg


الأيمن سترونق لايت وصحيح مكتوب عليه ألماني ولكن يصنع في الصين على كلام بياعينه والأيسر بدون ماركه بس ممتاز إضاءته عريضة وليس بعيد المدى



http://www.mekshat.com/pix/upload04/images174/mk136312_280720102361.jpg


الأيمن برت لايت صيني والأيسر جيباس ياباني ولكن البرت لايت أفضل وأقوى في الإضاءة



http://www.mekshat.com/pix/upload04/images174/mk136312_280720102362.jpg


الأيسر إفريدي والأيمن ماأدري عنه بس ياحبي لهالكشافين الأبيض له معي حدود 20 سنه والثاني حول 13 سنه وماأركب لهم إلا بطاريات قديمه مثلهم وشغالين تمام
مميزاتهم / إضاءة نعاسي على كيفك :D:D + إضاءة لا يزيد عن 3 متر
أشكرك على طرح الموضوع وبإذن الله أهل الكشافات الماركات المعروفة يثرون الموضوع
ولك مني أجمل تحيه
ALBDRANE
28/07/2010, 02:16 PM
الاخ بدوايزر ننتظر الصور والصور الي نزلتها في الموضوع من تصويري يالغالي مهيب من النت

الاخ عاشق البابلي نوع كشافك ممتاز لاكن لو صورته وعطيتنا مميزاته يا سلام عليك بعدين بقولك شي انت تقول البطارية تدوم عشرة ايام بس عشرة ايام شغال ولا طافي هههههه
شف عاد اقول لك البطارية تقاس بساعات الاشتغال يعني ممكن يشتغل ثلاث ساعات ما يهم تكون متواصله أو متفرقه
شكراً للمشاركة الجميلة
ALBDRANE
30/07/2010, 01:51 PM
ريان 2002 مشكور على المشاركة الفعاله
واعجني الكشاف الي طايره بويته
ديك البراري66
30/07/2010, 04:26 PM
من أفضل ما استخدمت


http://img835.imageshack.us/img835/7360/img3169.jpg (http://img835.imageshack.us/my.php?image=img3169.jpg)
الماركة


http://img717.imageshack.us/img717/6123/img3166o.jpg (http://img717.imageshack.us/my.php?image=img3166o.jpg)


وشكرا
طير الهقاوي
30/07/2010, 05:15 PM
http://img717.imageshack.us/img717/6123/img3166o.jpg (http://img717.imageshack.us/my.php?image=img3166o.jpg)


اذا شفت العلامه هذي توكل على الله وشتر بس
ابوعابد2500
30/07/2010, 07:31 PM
طيب وش رايكم في هذا


طبعا نفس اللي يستخدمونه الشرطه الامريكيه

قيمته US $135.00

رابطه

هنا (http://cgi.ebay.com/35W-HID-Xenon-Torch-Flashlight-3500-Lumens-Spotlight-/270483942253?cmd=ViewItem&pt=US_Flashlights&hash=item3efa196b6d)

http://usih.merchantrun.com/ImageHosting/ViewImage.aspx?GlobalID=1003&MerchantID=412&ImageID=67&DisplaySize=-1





http://www.newcomdigi.com/images/goods/02/95/gpic_3a00b00d12b549d19230192cf697dbfe.jpg (http://javascript<b></b>:;)http://www.newcomdigi.com/images/goods/02/95/gpic_b206a2d9ec7c1ffa8c4074c56f0e7d67.jpg (http://javascript<b></b>:;)http://www.newcomdigi.com/images/goods/02/95/gpic_2fe9b511692cd03f380ae45eb0e47e9f.jpg (http://javascript<b></b>:;)http://www.newcomdigi.com/images/goods/02/95/gpic_e66c5cf7f7d507e10bbc2d7786de181a.jpg (http://javascript<b></b>:;)http://www.newcomdigi.com/images/goods/02/95/gpic_0ce07d0c5a2c6e11c821ea452e4f376e.jpg (http://javascript<b></b>:;)http://www.newcomdigi.com/images/goods/02/95/gpic_2f94e7dfd64338a8ac8a47d550166de4.jpg (http://javascript<b></b>:;)
سرهيد
30/07/2010, 07:50 PM
السلام عليكم

موضوع جميل

وسيكون لي مشاركة في الغد حيث اني خارج المنزل واريد ان اطرح صورا لما لدي

تقبل مودتي
موادع 1
30/07/2010, 08:47 PM
السلام عليكم

موضوع جميل

وسيكون لي مشاركة في الغد حيث اني خارج المنزل واريد ان اطرح صورا لما لدي

تقبل مودتي
بانتظارك يالعمده
فمشاركتك تثري الموضوع
ولا يهون الاخوان
ولكن لكتاباتك طعم خااااااااص للكييفه

واشكر صاحب الموضوع الجميل
ابومشعل؟؟
31/07/2010, 10:14 AM
brite lite كشاف لايعلى عليه


توني شاريه من عدت ايام وجربته خيال بالبر وعليه نور واسع


ومسافته 1600 متر ونوع لنبته LED شلنجر


ويشحن بالبيت والسياره على شاحن الجوال القديم الكبير


انا وصيت عليه واحد بالكويت وشراه لي وقيمته 12 دينار


وانصح اي واحد فيه لانه مره ممتاز وعملي
عاشق السيل
31/07/2010, 04:36 PM
سؤال ياصاحب الموضوع : كشافك رائع جدا وإن شاء الله بشتريه ،، لكن وين ألقاه ؟؟؟

وأنا عندي كشاف صغير يشحن بولاعة السيارة سعره عند برق الحيا بـ 29 ريال مدة شحنه ساعة وحدة تكفيه ويستمر معي طول موسم الكشتات مايحتاج لأي شحن ونوره ليس قوي جدا لكنه يؤدي الغرض وزيادة !!!

وقريبا إن شاء الله أدرج صورة ....
منتعش
31/07/2010, 07:38 PM
عافاك الله أخوي الغالي : ALBDRANE
على هذا الموضوع لتبادل الخبرات بين الأعضاء
وغالب الكشافات الموجودة الآن ( الزنون ) هي صناعة صينية
حتى لو كتب عليها صناعة ألمانية أو يابانية
ويوجد عندي كشاف نوع : brite lite
بطارية لثيوم شحن وسعره 160 ريال
ويوجد مقاسات مختلفة بأسعار مختلفة
أستخدمته أكثر من سنة وجيد .
حفظكم الله ورعاكم .
N.awaf
31/07/2010, 07:49 PM
الله يعطيك العافية
ALBDRANE
01/08/2010, 01:20 AM
ديك البراري وطير الهقاوي مشكورين على المشاركة والبريت لايت ممتاز وانا جربته وقارنته عند راعي المحل بالستورنق لايت لقيت الفرق ان البريت لايت ضوئه اكبر وتحس ان فيه بقعه في وسط النور عشان كذا فضل الستورنق فقط وممكن يكون المشكلة في اللمبه اقصد ممكن لو جربت ثاني احصله افضل وعلى كل حال جميعها ممتازة

بس حبيت أسئلك هل عليه ضمانات مثل الي انا كتبت عنه في موضوعي ؟؟ ننتظر ردك
ALBDRANE
01/08/2010, 01:36 AM
أبو عابد تحياتي كشافك خوش كشاف بس عذروبه أن سعره غالي مقارنه بالمتوفر في السوق لاكن أذا كان أحد يبيعه عندنا علمني بمكانه بروح أشوفه ممكن يخش مزاجي ومشكور على المشاركة العسليه .
عبدالله الموسي
01/08/2010, 01:51 AM
عجبتني فكرة الموضوع وشكرا لك
الخولاني
01/08/2010, 01:53 AM
ابو مشعل حبذا تصور كشافك وتنزل صوره شكله ممتاز
ALBDRANE
01/08/2010, 01:54 AM
مرحبا بك سرهيد وننتظر أثرائك للموضوع ومثلك صاحب تجربه
النتاوي
01/08/2010, 02:45 AM
موضوع مميز .. ينقصه التفاعل بشكل أكبر
النتاوي
01/08/2010, 02:46 AM
يا ليت أحد يعرف ماركة كثافات الدفاع المدني

حيث أن في يوم وقفت على حادثه جبليه

وكانت هي المنقذ بعد الله

وضوح وطول مدى

أحد يعرف أي نوع هو ؟؟؟
محنك
01/08/2010, 02:58 AM
السلام عليكم ,,, اخونا النتاوي :
كشافات الدفاع المدني من نوع (( مــــــــــاق لايت )) امــــريكي الصنع تشارجـــر : شحــــن
وموجود لدى الرماية ولدى الرميح بالرياض ... وقيمته 370 ريال
ووكيلة المصباح للمكياج والعطورات وموقعه بالمعيقليه بالرياض ......
لكن في إعتقادي انه بعد توفر كشافات السترونق لايت وجيباس وماشابهها ,,,,
في السوق وبهذا السعر المناسب وبهذه الجودة المعقولة فإن كشاف مــــــــاق لايت الثقيل الحجم أصبح مكروها لدي بعض الشي مع انني اقتنيته عام 1417 هـ من وكيله العطاس سابقأ بقيمة 505 ريال ,,,,, وماقصر معي خلال هذه الفتره ,, لكن لكل جيل كشافاتــــه وبجلياتـــــه ...
محبكم ,,,
ALBDRANE
01/08/2010, 02:26 PM
موادع ----- أبو مشعل يا مرحبا بكم في بيتكم

عاشق السيل أنا أشتريته من محلات في البطحا ويا كثر المحلات الي تهتم بهذا النوعيات من الكشافات تبي تتفاجى من الاشكال
شف وانا خوك أذا وصلت طرف الكبري حق البطحا وانت متجه شمال شف عندك شويرع يروح يمين يم اهل المواعين ابد الى دخلت الشارع شفه عندك والوكيل لماركة ستورنق لايت يجيك بالصفه الي على يمينك أول المحلات خذ من عنده افضل سعر لانه يبيع بسعر الجمله وتحياتي
خريت الدهناء
01/08/2010, 02:37 PM
POLICE


الصناعة صيني أنا جربتها واشوفها عملية وممتازة لها شاحنيين كهرب وسيارة
النتاوي
01/08/2010, 08:55 PM
السلام عليكم ,,, اخونا النتاوي :
كشافات الدفاع المدني من نوع (( مــــــــــاق لايت )) امــــريكي الصنع تشارجـــر : شحــــن
وموجود لدى الرماية ولدى الرميح بالرياض ... وقيمته 370 ريال
ووكيلة المصباح للمكياج والعطورات وموقعه بالمعيقليه بالرياض ......
لكن في إعتقادي انه بعد توفر كشافات السترونق لايت وجيباس وماشابهها ,,,,
في السوق وبهذا السعر المناسب وبهذه الجودة المعقولة فإن كشاف مــــــــاق لايت الثقيل الحجم أصبح مكروها لدي بعض الشي مع انني اقتنيته عام 1417 هـ من وكيله العطاس سابقأ بقيمة 505 ريال ,,,,, وماقصر معي خلال هذه الفتره ,, لكن لكل جيل كشافاتــــه وبجلياتـــــه ...
محبكم ,,,
جزاك الله خير .. :good2: :good:
-الساري-
01/08/2010, 10:15 PM
http://www.mekshat.com/pix/upload04/images173/mk34504_2222.jpg


الله يعطيك العافيه أخوي على الموضوع الجيد لكي نستفيد من بعض
اللى عندي نفس نوعية اللى في الصورة (استرونق ليت ) حجم صغير
بطريته اللى معها نزلتها واستخدم بطاريات نوع صغير aa
اللى لهُ خبره فيها كيف يتم استبدال الشمعه بوحدة المانيه يشرح لنا ونكون له من الشاكرين ،،،،
عاشق السيل
01/08/2010, 10:37 PM
عاشق السيل أنا أشتريته من محلات في البطحا ويا كثر المحلات الي تهتم بهذا النوعيات من الكشافات تبي تتفاجى من الاشكال

شف وانا خوك أذا وصلت طرف الكبري حق البطحا وانت متجه شمال شف عندك شويرع يروح يمين يم اهل المواعين ابد الى دخلت الشارع شفه عندك والوكيل لماركة ستورنق لايت يجيك بالصفه الي على يمينك أول المحلات خذ من عنده افضل سعر لانه يبيع بسعر الجمله وتحياتي


شكرا لتجاوبك أخوي ،،

لكن شارع البطحاء فيه أكثر من كبري ،، هل تقصد أول كبري وأنا جاي من الدائري الجنوبي ؟؟

أو آخر كبري اللي بعده يجي فندق البطحاء ؟؟

أكرر شكري وتقديري مع اعتذاري لإزعاجك !!!
ALBDRANE
02/08/2010, 01:17 AM
منتعش انعشت الموضوع بلمساتك الجميله تحياتي

الساري الغالي يا مرحبا بك بس حبيت اعرف ليه غيرت البطارية وياليت تزودنا بصورة للبطاريات البديلة
أما بالنسبة لتغيير اللمبه ما أشوف له داعي لان الي فيه ما عليها كلام حت لو خربت عليك يشملها الضمان خمس سنوات وش تبي بعد الصينيين ما خلو علينا قاصر هههههههه طبعاً من مخابينا لاكن فكونا من الحرامية الي كانو مسيطرين على السوق واكبر دليل الكمبيوترات كان سعرها 12 الف ريال والحين 2000 ريال ولا يوجد مقارنه والامثله كثيرة يالحبيب

على كل حال الامور كل مالها تتيسر ياربي لك الحمد
سرهيد
02/08/2010, 01:54 PM
السلام عليكم

اتمنى ان لا اكون تأخرت عليكم

الحقيقة ان السوق مليان بأنواع كثيرة من الكشافات ، وكل ما شفت لك كشاف تقول ودي اخذه

وشوفوا النتيجة

http://www.mekshat.com/pix/upload04/images173/mk40450_img_0692%20[1600x1200].jpg

http://www.mekshat.com/pix/upload04/images173/mk40450_img_0693%20[1600x1200].jpg



http://www.mekshat.com/pix/upload04/images173/mk40450_img_0691%20[1600x1200].jpg

لكن مع الاستخدام لم استخدم الا الانواع التالية وهي كما ترون

http://www.mekshat.com/pix/upload04/images173/mk40450_img_0701%20[1600x1200].jpg

مرتبة من اليمين

الأول كشاف رأس من انتاج شركة المخيم الازرق

http://www.mekshat.com/pix/upload04/images173/mk40450_img_0694%20[1600x1200].jpg



الثاني وقد وصلني من قريب ويمدحه الاخ الفاضل ابو عمر الكاتب معنا باسم arrow

ويحضره عن طريق النت

وهذي كرتونه

http://www.mekshat.com/pix/upload04/images173/mk40450_img_0689%20[1600x1200]-1.jpg

الثالث كشاف عرضه الاخ الكريم م بندر وهذي معلومات عنه على الرابط التالي الضوايه الزيزوميه العجيبه (http://www.mekshat.com/vb/showthread.php?t=188844)

http://www.mekshat.com/pix/upload02/images100/mk37873_resized_1m.jpg

http://www.mekshat.com/pix/upload02/images100/mk37873_resized_2m.jpg

http://www.mekshat.com/pix/upload02/images100/mk37873_resized_3m.jpg

http://www.mekshat.com/pix/upload02/images100/mk37873_resized_4m.jpg

http://www.mekshat.com/pix/upload02/images100/mk37873_resized_5m.jpg

صور للزوم

http://www.mekshat.com/pix/upload02/images100/mk37873_resized_6m.jpg

http://www.mekshat.com/pix/upload02/images100/mk37873_resized_7m.jpg

http://www.mekshat.com/pix/upload02/images100/mk37873_resized_9m.jpg

http://www.mekshat.com/pix/upload02/images100/mk37873_resized_10m.jpg


ما سبق منقول من موضوع اخي م بندر

الاخير وزبدة الكشافات اللي عندي هو : مقلايت شاحن بيت وسيارة

من اروع ما رأيت

http://www.mekshat.com/pix/upload04/images173/mk40450_dsc05026%20[1280x768]-1.jpg



http://www.mekshat.com/pix/upload04/images173/mk40450_dsc05028%20[1280x768]-3.jpg

http://www.mekshat.com/pix/upload04/images173/mk40450_dsc05029%20[1280x768]-4.jpg

http://www.mekshat.com/pix/upload04/images173/mk40450_dsc05030%20[1280x768]-5.jpg

http://www.mekshat.com/pix/upload04/images173/mk40450_dsc05031%20[1280x768]-6.jpg

ومن الميزة فيه ان له وكيل يؤمن القطع وخاصة اللمبة والبطاريات والتي قد تتعرض للتلف

وله محل يستقبل الكشافات للصيانة

ووكيله هو المصباح في اسواق المعقلية متخصص في مجال العطور

ولا ادري كيف اصبح وكيل كشاف برغم اختلاف التخصص !!!

تقبلوا احترامي

تقبلوا احترامي
thadq
02/08/2010, 01:58 PM
شكرا أخوي albdrane على الموضوع الرائع×

حبيت أشكرك وجزاك الله خير
:good2::good:
ALBDRANE
03/08/2010, 03:04 PM
حياك الله ياسرهيد أثريت الموضوع بمشاركتك الفعاله

بالنسبة للكشافات الي أوردتها في بدايت مشاركتك فهي جميلة ولاكن صغيرة ومداها قريب واما الكشاف الاخير المق لايت فهو على كلامك ممتاز وياليت أخبرتنا بسعره ومدى الاظائه فيه

والصور الاخيرة الي أنت نزلتها شكله كشاف سيارة ثابت وليس يدوي

بيض الله وجهك وتحياتي

نبي المكشاتيين يشاركوننا بما لديهم لتعم الفائده والسلام
سرهيد
03/08/2010, 03:16 PM
حياك الله ياسرهيد أثريت الموضوع بمشاركتك الفعاله




بالنسبة للكشافات الي أوردتها في بدايت مشاركتك فهي جميلة ولاكن صغيرة ومداها قريب واما الكشاف الاخير المق لايت فهو على كلامك ممتاز وياليت أخبرتنا بسعره ومدى الاظائه فيه


والصور الاخيرة الي أنت نزلتها شكله كشاف سيارة ثابت وليس يدوي


بيض الله وجهك وتحياتي


نبي المكشاتيين يشاركوننا بما لديهم لتعم الفائده والسلام





هلا بك والله ويحيك ربي


بالنسبة للكشافات اللي قلت انها بقت معي وهي التالية


http://www.mekshat.com/pix/upload04/images173/mk40450_img_0701%20[1600x1200].jpg


عدا ما يوضع على الرأس فهي بعيدة المدى ورائعة جدا بدون اسثثناء طال عمرك


وهذا من واقع تجربة لكني لا استطيع تحديد المدى





والصور الاخيرة الي أنت نزلتها شكله كشاف سيارة ثابت وليس يدوي




ايهم طال عمرك ياليت تحدد اللي تقصد ؟
نباك
05/08/2010, 02:22 AM
المق لايت بكم سعره وهل وكيله له فرع بالشرقيه
ALBDRANE
07/08/2010, 11:07 PM
سرهيد شكراً للاستطراد

بنباك المق لايت يقولون بحدود 350
تحياتي
سرهيد
08/08/2010, 10:40 AM
المق لايت بكم سعره وهل وكيله له فرع بالشرقيه



هلا بك طال عمرك

اعتقد فيه نوع شحن وفيه نوع عادي

اللي عندي شحن وشارية بما يقارب الأربع مئة ريال ووكيله المصباح

فان كان لديكم محلات للمصباح لأدوات العطور فهو الوكيل

تقبل مودتي
ALBDRANE
11/08/2010, 03:46 AM
من رايي يا سرهيد أن الصينيين ما خلو شي الا صلحوه وريحو الناس
المق لايت وش فرقه عن ستورنق لايت تدري وش الفرق انك بقيمة هذا تشتري أربعه من هذا

المق لايت 400:eek: ريال الستورنق لايت 100 ريال ولا أشوف فرق يذكر في الاستخدام

والامثله كثيرة في مثل هالشغلات ليش أدفع كثير ...... ما أدري :(
ابوصالح77
11/08/2010, 03:04 PM
السلام عليكم ورحمة الله وبركاته
الكل منكم يعرف أن الكشاف اليدوي يعتبر من أهم أدوات البر والتي لايكاد يخلو منه أي مكشاتي ويفضل أن يكون الكشاف من النوعيات الجيدة والقوية والقابله للشحن .
وفي هذا الموضوع ندعو الجميع للمشاركة وتزويدنا بما لديه من صور ومعلومات عن تجربته مع الكشافات



جزاك الله خير موضوع قيم ومفيد جداً في ظل الغش التجاري .


وعليكم والسلام ورحمة الله وبركاته
عجبني موضوعك وحبيت أدلو بدلوي الصغير :d


http://www.mekshat.com/pix/upload04/images174/mk136312_280720102362.jpg


الأيسر إفريدي والأيمن ماأدري عنه بس ياحبي لهالكشافين الأبيض له معي حدود 20 سنه والثاني حول 13 سنه وماأركب لهم إلا بطاريات قديمه مثلهم وشغالين تمام
مميزاتهم / إضاءة نعاسي على كيفك :d:d + إضاءة لا يزيد عن 3 متر
أشكرك على طرح الموضوع وبإذن الله أهل الكشافات الماركات المعروفة يثرون الموضوع
ولك مني أجمل تحيه

ما شاء الله عليك عندك ولاء للقديم

السلام عليكم

اتمنى ان لا اكون تأخرت عليكم

الحقيقة ان السوق مليان بأنواع كثيرة من الكشافات ، وكل ما شفت لك كشاف تقول ودي اخذه

وشوفوا النتيجة

http://www.mekshat.com/pix/upload04/images173/mk40450_img_0692%20[1600x1200].jpg





http://www.mekshat.com/pix/upload04/images173/mk40450_img_0691%20[1600x1200].jpg

ووكيله هو المصباح في اسواق المعقلية متخصص في مجال العطور

ولا ادري كيف اصبح وكيل كشاف برغم اختلاف التخصص !!!

تقبلوا احترامي
ماشاء الله عليك يابو عبدالله وش هالكشافات ؟
المصباح المصنع والفرع الرئيسي في الإمارات كان الإخوان يشترون منه (يترزقون الله) .
ALBDRANE
16/08/2010, 05:39 AM
حياك الله أبو صالح
محنك
30/08/2010, 10:13 AM
للرفع لتعم الفائدة أكثر ...
عش حياتك
31/08/2010, 01:55 PM
يعطيك العافيه على هالموضوع
ALBDRANE
01/09/2010, 05:04 AM
محنك مشكور
عش حياتك ومن يقول
thadq
07/09/2010, 01:40 AM
أعجبني موضوعك عن الكشاف ورحت للبطحاء وشريت زيه وعندي أستفسار أبغى أشحنه هل أخلص بطاريته ولا أشبكه في الشحن على طول مع أنه يولع مشكور
سدير1400
07/09/2010, 02:02 PM
يا اخوان شريت كشاف سترونق لايت من يومين وإذ بغيت اشغله ارص الزرار ثلاث اربع مرات ويشتغل والحين رصيته اكثر من مائة مرة ولا اشتغل . وش الحل معه
ALBDRANE
08/09/2010, 05:39 AM
يا اخوان شريت كشاف سترونق لايت من يومين وإذ بغيت اشغله ارص الزرار ثلاث اربع مرات ويشتغل والحين رصيته اكثر من مائة مرة ولا اشتغل . وش الحل معه



الصراحة تحصل معي في الكشاف بس مهوب دايم أحيان
وجرب أنت أنك ما ترصه بقوة على خفيف
أفكر أودية للوكيل لان عليه ضمان أما يصلحونه لي ولا يستبدلونه
DIVE STAR
08/09/2010, 10:29 AM
انا اشوف كشافات uk الانقليزيه لا يعلى عليها

صحيح حقت غوص

لكن بصراحه ما تخاف عليه وله قطع غيار وما يستهلك بطاريات ولمبته ليد

افضل مقاس الصغير العادي ياخذ اربع بطارات وسط

سعره سلمكم الله 190

وان شا الله انزل لكم صورته

نزلت فيه 4 غوصات ليليه بما يقارب 5 ساعات استخدام والى الان ما رمش نوره

وميزته انك تقدر تغير له راس كامل بلمبه عاديه

ابو لمبه عاديه كامل سعره 85 ريال

وقوي ما تخاف عليه من مطر وخلافه ولا يصدي وتنطله في العفش ولا تشيل همه

تحياتي لكم
سدير1400
08/09/2010, 01:37 PM
الصراحة تحصل معي في الكشاف بس مهوب دايم أحيان
وجرب أنت أنك ما ترصه بقوة على خفيف
أفكر أودية للوكيل لان عليه ضمان أما يصلحونه لي ولا يستبدلونه




مرحبا يالبدراني ابشرك رجعته للمحل واستبدلته بنفس النوعية والحين معي تمام
ALBDRANE
09/09/2010, 04:23 AM
مرحبا يالبدراني ابشرك رجعته للمحل واستبدلته بنفس النوعية والحين معي تمام



تمام مدامهم رجعوه شكلي بسوي مثلك ولا يقدرون يقولون لا لان عليه ضمان غصب عنهم يستبدلونه وهذا من مميزات الكشاف بس الي عندي أحيان يسويها هههههههه مهوب دايم

دمت بود
وسم الشما ل
22/12/2010, 04:31 AM
جرب تمباس وماراح تندم الصناعه الماني المدى 1000متر والسعر140ريال الهيكل مصنوع من حديد الوزن اقل من كيلو والنور ابيض وهاذي الصوره



http://www.al-sharq2010.com/download.php?img=1221
المخلفي
24/12/2010, 07:30 PM
بالنسبه لي انا جربت brite lite الاسود مع احد الاخوان لابأس فيه
واعجبني ورحت لبرق الحيا اباخذ واحد مثله وبالمحل نصحني احد الاخوان بأن اقتني نفس الماركه ولكن اللون مموه (جيشي ) تقريبا نفس السعر هذاك 105 ريال و الجيشي ب118
الماني
ضمان سنه على الاضاءة والبطاريه والمدى الاكيد انه فوق 1800 م والاضاءة تشاهد من بعيد والي يبون القميري ويصيدونه بالليل مايحتاج لهم كبس
وشكرا
سوالف
24/12/2010, 09:08 PM
بصراحه الموضوع صار غنى بالمعلومات

والف شكر لصاحب الموضوع والشباب
برج المعيدي
03/01/2011, 02:43 AM
مشكورين ياشباب على ماقدمتو وبارك الله فيكم
عزوبي
14/01/2011, 02:04 AM
موضوع شيق والكل يحتاج له
اتمنى الوصول للافضل
واود من الاخوان التوضيح بعد الشرح اين يمكن ان يوجد لتعم الفائده للجميع
بتوفيق للجميع
الرهيف1
14/02/2011, 03:07 PM
انا اشوف كشافات uk الانقليزيه لا يعلى عليها

صحيح حقت غوص

لكن بصراحه ما تخاف عليه وله قطع غيار وما يستهلك بطاريات ولمبته ليد

افضل مقاس الصغير العادي ياخذ اربع بطارات وسط

سعره سلمكم الله 190

وان شا الله انزل لكم صورته

نزلت فيه 4 غوصات ليليه بما يقارب 5 ساعات استخدام والى الان ما رمش نوره

وميزته انك تقدر تغير له راس كامل بلمبه عاديه

ابو لمبه عاديه كامل سعره 85 ريال

وقوي ما تخاف عليه من مطر وخلافه ولا يصدي وتنطله في العفش ولا تشيل همه

تحياتي لكم

شكرا لصاحب الموضوع على اختياره وعلى افادتنا وجزاه الله خيرا
أخي hader ممكن صور للكشاف اللي تحدثت عنه وسعره ومحل بيعه
وفقك الباري

ولي عوده للموضوع
trky44
14/02/2011, 07:29 PM
[

http://www.mekshat.com/pix/upload04/images174/mk136312_280720102362.jpg


الأيسر إفريدي والأيمن ماأدري عنه بس ياحبي لهالكشافين الأبيض له معي حدود 20 سنه والثاني حول 13 سنه وماأركب لهم إلا بطاريات قديمه مثلهم وشغالين تمام
مميزاتهم / إضاءة نعاسي على كيفك :D:D + إضاءة لا يزيد عن 3 متر
أشكرك على طرح الموضوع وبإذن الله أهل الكشافات الماركات المعروفة يثرون الموضوع

ولك مني أجمل تحيه
[/QUOTE]


ما شاء الله عليك محافظ من الدرجة الاولى 20 سنة

انا اكثر شيء اشتريتة الكشافات والان ما عندي الا واحد

بارك الله فيك
سعد سعد 99
15/02/2011, 05:30 PM
صراحه استخدم السترونق لايت الصغير

لكن قل جدا استخدامي له بعد ماشريت انوفا الصغير هذا

http://www.mekshat.com/pix/upload05/images204/mk129670_11111111111111.jpg
ALBDRANE
27/02/2011, 11:21 PM
بصراحه الموضوع صار غنى بالمعلومات

والف شكر لصاحب الموضوع والشباب


حياك الله أخوي والله مير يسلمك

برج المعيدي _ حياك
عزوبي -- الله يجوزك 4
الرهيف _ حياك
تركي 44 - حياك
سعد سعد _ عندي مثل الي معك بالمداليه بس أستخدمه أستخدامات محدده لانه ماش نور قريب
أبو بردة
30/05/2012, 01:28 PM
مفيد يعطيكم العافية
السهم الناري
31/05/2012, 11:39 AM
شريت قبل فتره سترونج لايت 3800
لكن ماجا معه شاحن سياره
ضنكم ضحك علي وترك الشاحن عنده ؟
هوازني
31/05/2012, 03:13 PM
السلام عليكم ورحمة الله وبركاته






الكل منكم يعرف أن الكشاف اليدوي يعتبر من أهم أدوات البر والتي لايكاد يخلو منه أي مكشاتي ويفضل أن يكون الكشاف من النوعيات الجيدة والقوية والقابله للشحن .


وفي هذا الموضوع ندعو الجميع للمشاركة وتزويدنا بما لديه من صور ومعلومات عن تجربته مع الكشافات على قولتهم ( البجلي ) بلهجة بعض القرايا ولا أعلم هل أحد قد كتب في هذا الموضوع من قبل أو لا المهم خير وبركة وسوف أبدا بالكشاف الي عندي والصراحة أشعر بالارتياح لما يكون معي ليصارت الدعوه خرمسيه المهم ما أطول
عليكم مميزاته :
ضمان دولي وله وكيل في الرياض
الضمان على اللمبه خمس سنوات والبطارية سنة والبودي 5 سنوات
مزود بشاحن كهرباء طبعاً وكذلك شاحن سيارة وهذا الي نبيه
خفة الوزن 0.18 من الكيلو طبعاً فيه منه أحجام والمقاس الاوسط هو الافضل من وجهة نظري
قوة الاظائه ونور أبيض ناصع على قولتهم زنن 500 متر
الشحن 12 ساعه والعمل 3 ساعات متواصله أو متقطعه
الصناعة كانهم صادقين الماني
السعر المعقول وهو بحدود 100 ريال

:good2:


أسم الشركة المصنعه
http://www.mekshat.com/pix/upload04/images173/mk34504_111711114.jpg
الكشاف ويظهر الكرتون
http://www.mekshat.com/pix/upload04/images173/mk34504_2222.jpg
الكشاف ويظهر خلفه كرت الضمان
http://www.mekshat.com/pix/upload04/images173/mk34504_3333.jpg
مدخل الشاحن ويوجد جلبه متحركة لمنع دخول الغبار
http://www.mekshat.com/pix/upload04/images173/mk34504_4444.jpg
قاعدة الكشاف ويظهر صناعته
http://www.mekshat.com/pix/upload04/images173/mk34504_555.jpg





نرجو ممن عندهم كشافات المشاركة مثل كشافات الرمايه وغيرها لتعم الفائدة وتحياتي





اكبر حجم منه روعه ، موديله رقم 6300 يوصل حول كيلو
ومكتوب عليه 2 كيلو
له وكيل في الرياض والشرقيه وجده
احلا شيء فيه ان قطع غياره متوفر
حقيقه هو اقوى كشاف يباع في السوق بعد تجربه