ابي شوركم الله لايهينكم تراي غشيم

[ابو شهد قلبي]

السلام عليكم شباب


انا اموت بشي اسمه لومينا او كابريس والماديه لك عليها طالب جامعي والرزق على الله :(:( وربي رزقني مبلغ 12000 ريال :eek: وجلست ادور لومينا وكابريس .
المهم لقيت لومينا 1999 م وفيها الاتي وانا ماعرف وش السالفه :l .
طبعا القير موظب من ست اشهر :) على كلام راعيه والفاتوره موجوده .
وفحصناها كمبيوتر عند مركز الشروق بالنسيم طلع بها هالخرابات ...:
1- تصفية ماكينه :eek:
2- تشييك طرمبة بنزين :eek:
3- صوت بساتم المكينه خفيف :eek:
4- تهريب وجيه وصوف الماكينه :eek:
5- تشييك الدينمو :eek:
6- تهريب دودة الدركسيون بسيط :eek:
7- ربلات عمود التوازن :eek:
8- الغيار الاخير في القير يتاخر :eek:
الاستماره مطوفه 3 سنوات والفحص منتهي :eek: ( هذي سهله اعتقد اي يمني بالفحص يفحصها بـ 300 ريال )
الرجال طالب فيها 7000 ريال . :(
السياره شغاله تمام رغم كل هالخرابات والمكيف بارد وممشاها ممتاز وتعشيقاتها الاوليات ممتازه جدا والحراره ربع .:l
اخذها ولا لا او اخليه ينزلي 1000 او 2000 واكون انا كسبان
تكفون المشوره انا استشيركم والله غشيم باللومينات والكوابرس بس اكوت فيهم خصوصا لمن تعشق القير تنزل بالريوس وترتفع لاعشقتها قدام ( لبى بس ) .

[كاشت وحداني]

والله ان تبغى النصيحه انحش منها
شرينا لومينا 2003 وكاله وما شفنا الا المشاكلوالورش
وشرينا كابريس 2008 وكاله ال تي زد ونفس المشاكل
اول مشاكله
*المروحه الصغيره حقت الرديتر دايم تجيم
*طقطقه في المكينه وتتطور الى تخبيط
* كثرة انفراط القير
الفحمات استهلاك مو طبيعي
*الرجه مع مسك الفرامل حتى الوكاله يقولون طبيعي من المصنع
واذا تبي قالوا لك غير فحمات وهوبات
* عديمة توازن
*المكيف تبي تجربه رح اشارة الاحوال المدنيه بالرياض الساعه 2 الظهر .
ويبين لك مع الوقفات
* مقصاتها سئية جدا وتكلف عليك واجد .
* ابسط حفره تاكلها بتخرب عليك اشياء كثيره
* طرمبة البنزين سريعه الاحتراق خصوصا لو تاخذ مطب وانت مسرع .
ودامك طالب جامعي انصحك بسياره تخدمك مو سيارة تقعد تشقى علشانها وتصرف عليها .
ولاتزعل دامك طلبت النصيحه
واضف لمعلوماتك
ان اللومينا والكابريس الموجود بالشرق الاوسط ليس الشفر الحقيقي
انما سيارات هولدن الاستراليه اخذتها شفروليه وسوقتها في الشرق الاوسط

ولك خالص تحياتي .

[كاشت وحداني]

وش قررت يابو شهد .