وقت دعو الطيوربداية النقله

[صقارالواحة]

السلام عليكم ورحمة الله وبركاته
اخواني افيدوني ماهو انسب وقت للدعو بداية نقلة الطيرفي اخرشهر 9 بداية شهر عشره
1-الصباح بعد الصلاه وظهور النور
2-العصر قبل الغروب
3-وماسبب اختيار احدالاوقات

[عتيج الصوف]

لـــبرد الوقت الفجر ومن بعد العصير ... واهم شيئ يكون طيرك مصفي ...

[عبدالرحمن السالم]

وعليكم السلام والرحمة
والله يالغالي على حسب وقتك ، طبعاً تجنب الظهر ،
الافضل الصباح من الساعه 6 او انك تروح من 4 او 5 وتصلي الفجر وتعين من الله خير وتدعو
والا العصر يعني من الساعه 5 العصر يزين الجو وحتى انت نفسياً ترتاح


موفق خير يالغالي

[وراد.]

يا حي هالطاري
عسى الله يعجل بالبراد
ويرزقنا الصيد
انتبه من الدعو الصباح خصوصاً اذا كان طيرك صلف أو راسه يابس يطري عليه الحوم والوقت واسع لو تنكر راح
لاكن اذا طيرك راكد ووضعه زين لاباس ....
العصر لو يتنكر يضويه الليل وتمسكه مسك يد والله يوفق الجميع

[البتان]

افادوك الاخوان

[صاحب نوماس]

الفجر لان الجو يكون بارد

[مراد منصور]

أفادوك الشباب جزاهم الله ألف خير.... الدعو في الصباح الباكر مع الشروق وبعد العصر قبيل الغروب.

[صقارالواحة]

المعذره ياخوان انا ابي واحد من الاختيارين والسبب الاني ابي الافضل عندكم ولي نصيحه وراي سوف اطلعكم عليه يخص دعو الطير

[حفراوي 190]

وعليكم السلام ورحمة الله وبركاته

صراحة انا افضل دعو الصباح اذا كان الجو بارد لان الطير في دعو الصباح يعطيك غير عن دعو العصر لكن شرط ركادة الطير اذا الطير راكد ومدله قبل الدعو لان مثل ماقالوا الاخوان اذا فيه نزاره وراسة يابس يمكن يتنكر ومعه وقت يحوم ويبعد عنك .

[skeet]

افادوك الاخوان

[حفراوي 190]

صقار الواحة
انا افضل دعو الصباح

[ابوناصر السهلي]

افدادوك الاخوان

[صقارالواحة]

اخوي حفراوي 190 كانك تدري وش في بالي جزاك الله خير مشكور

[@قرناص@]

وعليكم السلآم ورحمة الله وبركاته ,,

دعو الطير في اواخر رمضاان اذا برد الجو ,,

وافضلها عصـير مثل مآذكرو الربع ,,

والله يجيب البرآآآد

[طير الهقاوي]

ان طرا عليك تطلع طيرك رمضان فلا يطري عليك انك تهد الى الصبح مع شقة النور ولا باح الشوف
والافضل انك تحتري وكل تاخيره فيهاا خيره والعجله مهيب ممدوحه
عيد وعين خير وتلا العيد من خامس وورا طلعه ودع صبح الافضل يرتاح طيرك بالبراد ويجيب اقصاااه
ونت تقوس نفسك وطيرك يمكن الله يامر ويعتدل جو العصر وهو الافضل لهدد الطير

[ولد حايل]

حياك الله

هلااابك وهلااا بالهطاري

اي تقل تنشطنا اخوي من هالسؤال

مثل ما قالوا الاخوان مع الفجر او عند المغرب

والله يلحقنا واياكم والجميع على خير

[الطبشي]

السلام
في الصفري افضل الدعو الصبح بدري
واخر العصر
0000000000000000

[ابوسرور الرشيدي]

انا افضل الفجر لان يكون ابرد وقت فليوم بس لازم تخلي طيرك علا نزول علا شان تضمن

[عمرالعامر]

الوقتين مناسبين

أنا شخصيأ أدعي بعد صلاة الفجر والمغرب يوميأ

من 15ـــــــ7 الحالي

[((السنياري))]

السلام عليكم ورحمة الله وبركاته
اخواني افيدوني ماهو انسب وقت للدعو بداية نقلة الطيرفي اخرشهر 9 بداية شهر عشره
1-الصباح بعد الصلاه وظهور النور
2-العصر قبل الغروب
3-وماسبب اختيار احدالاوقات

ولا حده
اذا بتدعي اول الوقت عندك الفجر اول الصبح يعني اول الزراق واذا انت راعي طويله العصر قبل ماطيح الشمس
والاحسن مسافات بسيطه
وبتوفيق وان شاء الله هالموسم اطيب من العام

[أبوفرحان]

افادوك الاخوان

[صقارالواحة]

اخواني =عتيج الصوف/ عبدالحمن السالم / وراد / البتان / صاحب نوماس / مراد منصور /حفراوي190 / skeet / المهذري/ قرناص / طيرالهقاوي / ولد حايل / الطبشي / ابو محبوب / عامرالعامر / السنياري / ابوفرحان . اشكركم جزيل الشكر على الرد والمشاركه وانا بقول وجة نظري بخصوص الدعو
1-الصباح بعدصلاة الفجرمع ظهور النور السبب شهر 9/10 تكون درجة الحرارة بالعشرينات مما يساعدالطير على الارتفاع واستمرارة بالطيران حتى يجردالطيرخلال عشرة أيام أو أسبوعين يكون جاهز للحوق الحباري يعطي كامل طاقته ويكون الجو نقي لغاية الساعة السابعه يبدا الجو يحتر
2-العصر قبل الغروب تكون درجه الحرارة بالاربعينات ويكون الجو حار نسبيا والجو ممتلى بالشوائب ولايعطي الطير مجال للطيران والارتفاع ويتعب بسرعه ويتعود على انه ينزل على اقرب رجم من شدة الحرارة الله يستر عليه من النهيته شكرا واسمحولي على الاطاله .

[حفراوي 190]

قلت واوفيت ياصقار الواحه كلامك عين العقل الله يجزاك خير واشاكر للمعلومات الثمينه .

[قناص الهمله]

افادوك الاخوان

[راعي غضبان]

ماقصروا الشباب ودعو البراد كله زين