أبو رداد
26/06/2005, 01:35 AM
السلام عليكم ورحمة الله وبركاته
ياجماعة الخير هذا تعليق لاخونا سرهيد في موضوع اخونا المري
بعد اذنكم هذا التعليق يستحق يكون موضوع مستقل
لان ربك يبلي ويعين
اعطى الغني الفلوس والفقير راحت البال
ولع الطيور ..... أقول الطيور صدق ولع ولكن فيه فرق شاسع بين احساس الاغنياء عن اللي حالهم وسط فتجد هل الدراهم الواجد مايجدون المتعه اللى يجدها الناس اللى على قد حالهم والامثلة على ذلك كثيرة ايك بعض منها :
راعي الدراهم طيوره واجد وهذا يسبب عدم ارتباط بطيوره ولا يخاف عليها (( يعني العوض زاهب عنده )) أما اللي ماعنده غير طير أو طيرين تلقاه من اللى قالو فيهم : يعاف النوم لو ريشه تثنى .
راعي الدراهم الواجد في العاده مايقوم بدعو طيوره ولا تدهيلها بنفسه بل يؤجر لذلك طاقم خاص ويدفع لهم الاموال لتجهيز الطيور للمقناص أما الضعيف تلقاه كل يوم رايح جاي من المدعى . وبالنسبة لي انا أجد مرحلة الدعو اجمل مرحلة بالنسبة للقوانيص فيها متعة واحساس وترابط مع طيورهم عجيبه بما فيها من مسرات واحزان .
راعي الدراهم لا جاء وقت الحبارى وقنص يقنص محلات بعيده تتوفر فيها الحبارى مثل ماتتوفر العصافير بالسدر ومن هنا لايستطيع ان يستطعم لذة الهدد الفعلية ولا ينخلع قلبه لا منه شافها مثل حالاتنا بل على العكس تجد اهم شي عنده (( سبرو الباقيات )) وهو طيره متفرقع من يده . ولو قنص في ديرنا اللى فيها تعب تلقى اخوياه يتبعونه بحباري الجلب اللى تجيك من برا ولامن ضاق صدره قال عطون خمس نضحك عليها . لا يقص ولا يستقطع ولا يدور المحاري ويحقر ثلثين الارض .
الضعوف ماغير تضربه الهواجيس ليله ونهاره بهالخبوت يطالع طيره مايدري يلقاله جره واللا مايلقى ولو لقى بيلاقيها جديدة واللا موطيتها المواتر وأن كان جديدة يلقى الحبارى ولا ما يلقاها وان لقى بيطلبها الطير واللا تخمه (( سعدا )) ؟؟؟؟؟ همن يصبح قبل الاذان الضعيف ويطنب بالاذان الساعة ثلاث الفجر ههههههههههههههههه المهم يصلى لربه ركعتين فيها دعاوي يالله ياربي يالله ياربي تصبحنيبها .
ياخذله ثلاث من المبهره ويعصب راسه ويتوكل ثم نهاره كله ......... لا شمعه ........ لا حصاة ........... لا مسيلة........ حتى اللي مافيها محارى يقلبها قلب........ وكل شوي يقول بضحي عقب شوي وعلى هالحال .... ولاااااااااااا منه صمل ماعاد يطالع الارض ودور له مضحى .......... داس على البنزين وشد على موتره
والينها تفرقع من عند الصدام ................ عندك ........... عندك .......... ويربط له بريك يخلي طيره يتشقلب ويخم الريشة تكفون يالربع ..........يصيح بالجهاز هههههههههههههه والضعيف ناسى ان مامعه اخوي ثم يقضب الطير وعندك دونك الطير وين والجهاز وين والريشه وراها ماتركب .............. وش فيني ماركبتها من الصبح ..........أبك انا وش جاني ....... وبرقا الجناح لها ملاغف مع السما وقلب الضعيف تقل مدفع .......... دييييييي ....... ديييييييييي ولامنه خذاله شوي والين الطير على يده والبرقع محلول ثم جاك الموت ياتارك الصلاة ههههههههه أبلجججججججج وطير شلوى مابغى شي كنه يقول وش ابطابك وهو ينتق من يده وينتق نياط القلب واياه ......... مخطور راعيه يموت لاصارت أول شوف .... وقام طيره يلاغف متنطحً الهوا وهو يطالع تقل عرسه ذا الليل وحجاجه منعقد ..... ثم أصطفق عليها أبو عكاريش وهي جالها ريغة مع السما ........ تكفى يا جهام... يطقها ....... وريش......... ثم تشقلب وأعتدل لها ثم تشوف الحبارى عقب ماونست الحراره كنها تقول ( هين توك ماشفت الطيار ) وقامت تماوج مع السما من حر الموت وهو عقدته وحده تقل يطلبها دم ............... وراعيه حدره بالموتر مسخر الارض تسخير مايروح لايمين ولا يسار وش من شمعة تهبد وش من حصاة صكتة وتسمعلها كشوعة حدر الموتر وش من خط معترضله ما درابه وعيونه ماغير تلاقط في النجوم ..... ثم نجمو نجمو نجمو الين غدو تقل ذر في ظهر فيل وقف الضعيف وخم الدربيل ابك وش فيه مايشوف ؟؟؟؟؟؟؟ ثم قام وفك الغطيان ويمده لايضيعهم .................. ياوجه الله ماغير أشوف الحبارى لا لمعت وهو يطالع يالله ياربي الطير يالله ياربى الطير ..... ثم قبع على الحروه ريشششششششششششششش تقل شوزن في حمامه على بعد متر .......... حي هالشوف كفوووووو
ثم جاك يهابد على الحروه ماعاد يدري يضحك واللا يصارخ واللا وش يسوى .......... والين ذاك جهام على ثناديها فاقً ثمه ... أنتهى
بسبب الاطالة .........ههههههههههههههههههه
كانت هذي رسالة موجهة لاخوي المري ولكن المقصود بها الاخ نهار .............. مسيك بالخير أخوي نهار أن كان لك قدرة على هالعلوم ترى الصقارة زينه ولكن يبيلها تعب شوي مثل ماتشوف .
المعذرة على الاطالة
ياجماعة الخير هذا تعليق لاخونا سرهيد في موضوع اخونا المري
بعد اذنكم هذا التعليق يستحق يكون موضوع مستقل
لان ربك يبلي ويعين
اعطى الغني الفلوس والفقير راحت البال
ولع الطيور ..... أقول الطيور صدق ولع ولكن فيه فرق شاسع بين احساس الاغنياء عن اللي حالهم وسط فتجد هل الدراهم الواجد مايجدون المتعه اللى يجدها الناس اللى على قد حالهم والامثلة على ذلك كثيرة ايك بعض منها :
راعي الدراهم طيوره واجد وهذا يسبب عدم ارتباط بطيوره ولا يخاف عليها (( يعني العوض زاهب عنده )) أما اللي ماعنده غير طير أو طيرين تلقاه من اللى قالو فيهم : يعاف النوم لو ريشه تثنى .
راعي الدراهم الواجد في العاده مايقوم بدعو طيوره ولا تدهيلها بنفسه بل يؤجر لذلك طاقم خاص ويدفع لهم الاموال لتجهيز الطيور للمقناص أما الضعيف تلقاه كل يوم رايح جاي من المدعى . وبالنسبة لي انا أجد مرحلة الدعو اجمل مرحلة بالنسبة للقوانيص فيها متعة واحساس وترابط مع طيورهم عجيبه بما فيها من مسرات واحزان .
راعي الدراهم لا جاء وقت الحبارى وقنص يقنص محلات بعيده تتوفر فيها الحبارى مثل ماتتوفر العصافير بالسدر ومن هنا لايستطيع ان يستطعم لذة الهدد الفعلية ولا ينخلع قلبه لا منه شافها مثل حالاتنا بل على العكس تجد اهم شي عنده (( سبرو الباقيات )) وهو طيره متفرقع من يده . ولو قنص في ديرنا اللى فيها تعب تلقى اخوياه يتبعونه بحباري الجلب اللى تجيك من برا ولامن ضاق صدره قال عطون خمس نضحك عليها . لا يقص ولا يستقطع ولا يدور المحاري ويحقر ثلثين الارض .
الضعوف ماغير تضربه الهواجيس ليله ونهاره بهالخبوت يطالع طيره مايدري يلقاله جره واللا مايلقى ولو لقى بيلاقيها جديدة واللا موطيتها المواتر وأن كان جديدة يلقى الحبارى ولا ما يلقاها وان لقى بيطلبها الطير واللا تخمه (( سعدا )) ؟؟؟؟؟ همن يصبح قبل الاذان الضعيف ويطنب بالاذان الساعة ثلاث الفجر ههههههههههههههههه المهم يصلى لربه ركعتين فيها دعاوي يالله ياربي يالله ياربي تصبحنيبها .
ياخذله ثلاث من المبهره ويعصب راسه ويتوكل ثم نهاره كله ......... لا شمعه ........ لا حصاة ........... لا مسيلة........ حتى اللي مافيها محارى يقلبها قلب........ وكل شوي يقول بضحي عقب شوي وعلى هالحال .... ولاااااااااااا منه صمل ماعاد يطالع الارض ودور له مضحى .......... داس على البنزين وشد على موتره
والينها تفرقع من عند الصدام ................ عندك ........... عندك .......... ويربط له بريك يخلي طيره يتشقلب ويخم الريشة تكفون يالربع ..........يصيح بالجهاز هههههههههههههه والضعيف ناسى ان مامعه اخوي ثم يقضب الطير وعندك دونك الطير وين والجهاز وين والريشه وراها ماتركب .............. وش فيني ماركبتها من الصبح ..........أبك انا وش جاني ....... وبرقا الجناح لها ملاغف مع السما وقلب الضعيف تقل مدفع .......... دييييييي ....... ديييييييييي ولامنه خذاله شوي والين الطير على يده والبرقع محلول ثم جاك الموت ياتارك الصلاة ههههههههه أبلجججججججج وطير شلوى مابغى شي كنه يقول وش ابطابك وهو ينتق من يده وينتق نياط القلب واياه ......... مخطور راعيه يموت لاصارت أول شوف .... وقام طيره يلاغف متنطحً الهوا وهو يطالع تقل عرسه ذا الليل وحجاجه منعقد ..... ثم أصطفق عليها أبو عكاريش وهي جالها ريغة مع السما ........ تكفى يا جهام... يطقها ....... وريش......... ثم تشقلب وأعتدل لها ثم تشوف الحبارى عقب ماونست الحراره كنها تقول ( هين توك ماشفت الطيار ) وقامت تماوج مع السما من حر الموت وهو عقدته وحده تقل يطلبها دم ............... وراعيه حدره بالموتر مسخر الارض تسخير مايروح لايمين ولا يسار وش من شمعة تهبد وش من حصاة صكتة وتسمعلها كشوعة حدر الموتر وش من خط معترضله ما درابه وعيونه ماغير تلاقط في النجوم ..... ثم نجمو نجمو نجمو الين غدو تقل ذر في ظهر فيل وقف الضعيف وخم الدربيل ابك وش فيه مايشوف ؟؟؟؟؟؟؟ ثم قام وفك الغطيان ويمده لايضيعهم .................. ياوجه الله ماغير أشوف الحبارى لا لمعت وهو يطالع يالله ياربي الطير يالله ياربى الطير ..... ثم قبع على الحروه ريشششششششششششششش تقل شوزن في حمامه على بعد متر .......... حي هالشوف كفوووووو
ثم جاك يهابد على الحروه ماعاد يدري يضحك واللا يصارخ واللا وش يسوى .......... والين ذاك جهام على ثناديها فاقً ثمه ... أنتهى
بسبب الاطالة .........ههههههههههههههههههه
كانت هذي رسالة موجهة لاخوي المري ولكن المقصود بها الاخ نهار .............. مسيك بالخير أخوي نهار أن كان لك قدرة على هالعلوم ترى الصقارة زينه ولكن يبيلها تعب شوي مثل ماتشوف .
المعذرة على الاطالة