حر شمالي

[بوعندودي]

السلام عليكم

شلونكم اخواني

انا عندي استفسارين :

1) الطير الشمالي يعتبر من الاحرار ولا وكري حرار مع العلم الطير الي اتكلم عنه مقاسه 17 في 17 ؟

2) في بجناح الطير عند المنكب ريش طوله تقريبا 5 سم يعني تقريبا طول الاصبع هل هذا عذروب وهل يؤثر بالطير وشلون علاجه اذا ياثر ؟

http://www.mekshat.com/pix/upload04/images173/mk1068_555.jpg


وشاكرلكم واتمنى تفيدوني

[جير دبي]

السلام عليك اخوي بو عندودي مافيه طير من فصيله الحرار يتسمي بشمالي
فيه الشماليه من فصيله العقبان وماينفع لشي
وياليت حطيت لنا صور من الطير الي عندك على اساس نقدر نحكم عليه
والسلام عليك اخوك جير

[طير الهقاوي]

يا الحبي تو ماطلع في الايام التاليه هذي الاسم الي ماله لاساس ولا راس
الا وهو المسمى وكري حرار
الحر حر والوكري وكري
وتقبل مروري

[ابن كندش]

الحر حر والوكري وكري

اعجبني تعليق اخوي طير الهقاوي ..
ويعطيك العافيه ..

[بحرة حوشان]

مساك الله بالخير يالخوي
نعم يطلق على الطيرالمدعج شمالي +الطير الخضر
والريشه الي تقول يمكن تقصد (البريك) او(الزوايد) ولها اكثر من تسميه اعتقد انها ماتأثرالا على الشكل
واما عن وكري الحرار
أأيد كلام اخوي طير الهقاوي
وسلامتك

[بوعندودي]

شاكرلكم على ردودكم

بس ابي كل من يبي يرد يشوف التقرير هذا من الصقار هاشم الصليلي ويسمعه عدل لانه يقول بالكويت نسميه الشماليات وبدول مجلس التعاون يسمونه وكري حرار كونه له مدامع

http://www.youtube.com/watch?v=PmSF76zGdzg&feature=related

[بحرة حوشان]

ونعم من ابوعبدالعزيز
والي يسمونه وكري حرار
الاخوان في قطر

[aboali22]

السلام عليكم

الطير اللي فيه ادعوج او مدامع نطلق عليه طير شمالي بالكويت

[ابوسرور الرشيدي]

السلام عليكم
نعم بلكويت يسمونه شمالي وفي باقي الدول مدري
بس الي اعرفه وكري احرار

[عشقي اكتوبر]

حياك الله اخوي انا اضم صوتي لي اخوي طير الهقاوي ولا هو اقصور في الاخوان
لكن في اطيور اوكاره تجي من سوريا ريشتها مقاربه لريشة الحر نسميها الرحيباوي وارجو من الاخوان ان اخطيت يصححون خطاي

[ضب نجد]

السلام عليكم

وكري الحرار أنا ماعرفه لاكن الريشه لي تقول ..
تسما البريكة مثل ماقال أخوي بحرة حوشان ..


http://www.omanibfs.com/uploaded/124_11224400683.jpg

طباَ الصورة هذي
تبين لنا بريكه الطير و من اسمها (البريك)و(الزوايد) وهي لتخفيف سرعه الطير وكذلك لحمايه عظم جناحه وكذلك لحمايه منبت الريش الاساس مثل الموس والنايفه وقت المعافره مع الطريده

والسلام عليكم ورحمة الله وبركاتة

تقبل مروري ,,:D

[برلين الغشام]

انواع الصقور

1:الصقور انواع منها الصقر الحر والسنجارى والشاهين والشمالى والبحرى والوكرى والجبلى والتبع

والصقر الحر اربع انواع وهى

الحر الصافى ويقصدبه صافى الوجه من السواد اومايسمى عند الصقاقير الدعوج وايضا صافى الظهر ولايوجد بظهره دقوق والعمد اى الريشتين العلويتين من ريش الشليل لايوجد بهن دق ايضا والشليل يعنى الذيل

الحر الفارسى ويتميز عن الصافى بتشديد ريش الجناح ودقوق الذيل بدق كبير نوع ما

الحر الشامى ويتميز عن الصافى والفارسى برش خفيف اسفل الظهر ولايوجد تشديد بجناحه

وعادة يكون عمده نصف الريشه نفسها فيه دق والنصف الاخر لايوجد فيه دق

والشامى والفارسى عادة متساويان برغبة الصقاقير والسعر ايضا وكثير مايختلف الصقاقير عندها

باقى الجرودى من الحرار

الجرودى يتميز بالدق على الظهر دقا واضح وليس بالدق المخطط وقلة الدعوج بالوجه او ربما شيئا بسيط لايذكر 0


السنجارى: وهو حر وموكر متميز 0والي اعرفه منها الاسود وهو قريب من الجير الاصلي بشكل ويمتاز بسرعه والشجاعه


الجير: ايضا موكر متميز ولسرعته الفائقه اصبح يهجن مع الشاهين ويهجن مع الحر وكذلك مع الجير لانتاج صقور سريعه جدا والبعض يعتبر الجير تهجين وهذا خطا فالجير موكرلحاله0
ا
الشمالى: واكثر الناس لايصنفه من الحرار ويقال له وكرى شمال ويكون ظهره ارقط وكثير الدعوج بالوجه0 وهو من فصيلت الحرار

اليبي: وهو من طيور ليبيا ويكون صافي الظهر والذيل ويكون مجهم ولون راسه يختلف من لونه غالبا

الوكرى :يكون راسه يختلف من لونه ويكون في الغالب احمر وصدره يميل الى البياض نوعا ما وظهره اسود0 او احمر ارقط

الشاهين البحري : تتصنف الى انواع منها الفارسيه وهي افضلها واشجعها واغلاها سعرا
ومنها المصريه وهي تقريبا تقارب للفارسيه بينهما اختلاف بصيط
ومنها الشاهين الاجنبيه وهي تختلف كليا من الفارسيه والمصريه وتجي غالبا حجمها اكبر
الوانها
تنقسم الى ثلاث الوان وهي السود وهي الي يجي ظهرها اسود ووجها او راسها اسود وهي افضل الشياهين واغلاها سعرا
والاحمر وهي الي يجي ضهرها افتح من الاسواد وحواف ريشها احمر ووجها احمر
والابيض وهي اكشف الشياهين يجي ظهرها افتح من الاحمر وحواف ريشها ابيض ووجها ابيض





الشاهين الجبلى:يكون لون راسه وصدره احمرويطلق عليه ايضا (جبليه) ويجي منها فارسيه وهي اطيب انواع الجبليات

وكذلك شاهين الحجاز وهي غالبا تجي سوداء


مقاساتها

الحر الفارسي والحر الشامي تأتي مقاساتها تقريبا متشابهه ويعتبر الصقاقير الوافيه منها اللتي يأتي مقاسها من

16 الى 17 بما في فيها المقاس 16,5 وهذه النوعيه من الطيور القليل اقليل منها يتعدى هذا المقاس

وتعتبر وافيه من المنسر والارضيه وفتحة الخشم وحجم الرأس لو اختلفت مقاساتها لاتنزل حدر 16 ولاتصعد فوق17

اما بالنسبه لطيور باكستان وروسيا ومنغوليا والجير والصين وليبيا .....والخ من المواكر

يتراوح مقاساتها من 16,5 الى 20 للطيور الوافيه منها ومقاساتها مختلفه

واغلب الطيور الروسيه والمنغوليه والجير تأتي مقاياتها كبيره ووافيه

من 17,5 الى20 وتتميز هذه الطيور عن غيرها بكبر الحجم

اما بالنسبه للشواهين

فالشاهين الجبلي الوافي منه 15 في 15

والشاهين البحري من 15 الى 16,5 ويبقى الاختلاف في الوفا بين المقاسات ةالمثايل

واكبر احجام الشاهين 16,5 في 16,5 وهي نادره الرؤيه

هذه مقاسات الطيور الوافيه بأنواعها ومواكرها

ملاحظه الصقر الفارسي (الجرودي يأتي اكبر حجما(ن) من الصافي الفارسي في بعض الاحيان)

اما بالنسبه للمقاسات الاخرى هي كثيره ويأتي الفرق بينهما بالاحجام من كوبج الى ربع الى مثلوث الى نادر مثاليث
والشاهين كذلك ابحري والجبلي من تبع الى محقوره الى مثلوثه

ومقاساتها اصغر من الطيور الوافيه



ارجو انكم تستفيدون وتفيدوون

[((السنياري))]

الشمالي لايعتبر من الحرار
الحر حر
الوكري وكري
17+17هذا ينقال عنه وافي بس شنو ريشت الطير ليت توضح

الريشه الزايده الي باالجناح ماتثر بطياره

[ابوناصر السهلي]

عطوووك العلم

[المغتر الهداد]

السلام عليكم

الطير اللي فيه ادعوج او مدامع نطلق عليه طير شمالي بالكويت

الجرودي يجي فيه مدامع يعتبر شمالي بعد
لا ياخوان الوكري حرار انسميه بالكويت شمالي بس ماهو كل طير فيه مدامع نسميه شمالي

[المغتر الهداد]

حياك الله اخوي انا اضم صوتي لي اخوي طير الهقاوي ولا هو اقصور في الاخوان
لكن في اطيور اوكاره تجي من سوريا ريشتها مقاربه لريشة الحر نسميها الرحيباوي وارجو من الاخوان ان اخطيت يصححون خطاي

لا ياخوي الرحيباوي غير والشمالي غير وللعلم الرحيباوي انقطع من السوق من حوالي 12 سنه

[قنيص غير]

افادوك الاخوان

[skeet]

افادوك الاخوان

[بوعندودي]

السلام عليكم هذي صور الطير الشمالي والرشه امبينه
http://www2.0zz0.com/2010/07/29/14/135738842.jpg

http://www2.0zz0.com/2010/07/29/14/856892357.jpg

http://www2.0zz0.com/thumbs/2010/07/29/14/731179859.jpg

http://www2.0zz0.com/thumbs/2010/07/29/14/937730553.jpg

http://www2.0zz0.com/thumbs/2010/07/29/14/157662977.jpg

[حوران نجد]

افادوك الاخوان

[قناص الهمله]

افادوك الاخوان

[شرهاب ليبيا]

وكري حرار واضح

[بوعندودي]

يعطيكم العافيه وماقصرتو اخواني ومشكورين

[عطيب المضارب]

الحر حر والوكري وكري

[صقار بحيث]

الحر هوو غير يابوي والكري غير الوكري يجيك سصعره وشكلا غير ورخيص اما الحر يجيك على المستوى والسعر اذا كان صايد يجيك غالي وله طوول من16-16 ليه فووق حده 19 اذا كان بكستاني يجيك 20 او 17-18 تحياتي صاقر بحيث

[دعاس]

الشمالي هو الطير المجهم المدعج ان كان تركي او غيره واقرب ماله شكل الوكري والطير اللي بتوقيعك الريش المفقود يسمى البريكات والزوايد والزعانف وكثير من التسميات لبعض الصقاقير