قدر الله علي وانشعرت القزازة بسبة حصاة عطونا الحل

[قروي الأول]

السلام عليكم ورحمة الله وبركاته

مساكم الله بالخير

يا جامعة الخير قدر الله علي وأنا في طريق الملك فهد ونقزت علي حصاة صغير وانشعرت القزازة والشعر قدامي ؟
هالحين وش الحل هل ألحّمها عند دكتور زجاج ان كان فيه أحد جربه ؟

ولا أغيرها بالكامل ؟؟

علما بأن الشعر حجمه حدود قوسين بحدود سبعة سنتي

[فرخ قطا]

لحمه احسن لك معي موتر ملحمه قزازته شعر طوله 5سم
وماشاء الله ماجاه شي

[ولد وايل..]

إن كان انت راعي خطوط وسرعه غيره وتاكد ان القزاز ما يكون به ولا شهرة وحده ولو صغيره....


التلحيم ممتاز لكن ما يقوم بالواجب بالنسبه لتماسك الزجاج ...يعطي شكل ويخفي الشعر لكن في الحقيقه هو غير متماسك....


والتلحيم مع الحرارة يتفك....


لكن انا اقول ....الأفضل انك اما تغير جديد بشرط اصلي ولو تشليح...

ولا تتوهق بالتجاري انتبه يسبب لك صداااااااااااااااااع
وكذا التلحيم للمنشعر اذا كان بامامك يسبب لك صداع....

انتبه...


الله يوفقنا ويااااااك

[طفقان]

لحمها ازين لك اللحام ممتاز انا مجربه 100%

[ابوفواز1000]

اذا كانت القزازه وكاله لحمها افضل لك وكانه تجاري غيرها

[برهان1]

اذا كانت القزازه وكاله لحمها افضل لك وكانه تجاري غيرها


اخواني ماهو التلحيم اول مره اسمع به ومن يسويه وهل هو ينفع للشعور الطويله حول 15 سم

[ابوفواز1000]

التلحيم هو اصلاح الشعر اللي في زجاج السياره ويكون عند محلات التلميع وعند محلات اصلاح الزجاج وهو ينفع للكسر البسيط
اما 15 سم والله ما ادري خله يشوفه وهو يحدد وهو عباره عن ماده توضع على الزجاج عن طريق جهاز بسيط وتتسرب داخل الشعر و تمنعه من الزياده وتخفيه بنسبه كبيره حوالي 80%
اذا كان الزجاج زجاج الوكاله انصح انك تلحمه واذا كان تجاري مايضبط غيره احسن لان قيمه التلحيم حول قيمه القزاز التجاري

[باسم الرياض]

والله نصيحه لاتغيرها لانك ماراح تستفيد الان يمكن بعد تطير حصاء بطريق ثاني وتكسر عليك القزاز ولاستفت شي من زين شوارعنا كلها حصه

ومسئلت دكتور الزجاج بصراحه انا كذا مره سويت اللحام للي يقولونه وهو صمغ يحطه على القزاز ويدخل ويمكس الكسر لكن شهر ويرجع ويمشي الكسر على حسب الحراره وبعض الاحيان يمسك إذا كان القزاز وكاله
لكن مر اقرب واحد حق زجاج وخله يضبطه لك لان لو طولت ماسويته ماراح يضبط ويمكن يكلفك اقل من 50 ريال على حسب الكسر

[جهام القصيم]

لحمها ازين لك اللحام ممتاز انا مجربه 100%
كلام سليم 100%

[هاوووي بحر]

كلام سليم بنسبه للتلحيم انا مجربه ومر عليه اكثر من سته اشهر والحمد لله زي العسل

[هايبر]

ترا حقين القزاز المتخصصين في تصليح الكسور يسوين العجب أشياء لا يمكن انك تتصورها حتى لو الكسر كبير و بعضهم يعطيك ضمان عليه .لو إني مكانك إذا كانت القزازه نظيفه يعني شبه جديده خاليه من أي عيب آخر صراحه بدون تفكير بالحمه عند حقين القزاز و إذا كان فيه عيوب أخرى و عندك القدره الماليه تشتري جديد أصلي بشتري أصلي .نصيحه التلحيم أفضل من إنك تشتري تجاري .

[عبدالإله9933]

انا جربت التلحيم واستمر معي سنه ونص وبعت السيارة وهي عدلة بس حاول ما تتأخر عليها لو تأخرت ممكن يقولك ما اسويها

[دددسن]

لا تقرب الوكاله لانهم نصابين ، سعرت قزازة ددسن 2003 (1500ريال) غير قيمة الربلة ومعها قطعة ثانية يعني بتوصل قيمتها بحدود 2000 ريال

وسعرتها بالسوق يقول صناعة اندونيسة 170 ريال وفيه موظف بهيئة المواصفات والمقاييس يمدح الاندونيسى

موفق خير