الباترول طفى ومارضي يشتغل

[صباح القايله]

السلام عليكم
يا اخوان موتري باترول فتك 2002
طفى الموتر وهو شغال كان واقف
وحاولت اشغله لكن ما فيه فائده
عطونا الحل
بارك الله فيكم

[سداح الشهراني]

يمكن مافيه بنزين؟؟

[صباح القايله]

الموتر فيه بزين
وين الجماعه وين الردود

[ساري الدياجي]

حرّك أصابع البطارية..

[ساري 111]

شيك ع الكتاوت

[الرسيفر]

شيك على كتاوت الطرمبة

[فالنتينو]

هذا طبع النيسان خله يبرد شوي وبعدين شيك على الفيوز تحت الدركسون والحل هذا اكيد ومجرب

[صباح القايله]

اي الكتاوتات
الي تحت الدركسون
ولا الي بالكبوت
واي واحد هو بهن هن خمس

[صباح القايله]

وين باقي الشباب

[صباح القايله]

ياشباب قالوا الطرنبه دفعه ضعيف وغيرناه
وزان الدفع
لاكن ما اشتفل

[العابر2222]

أخووي غير الكتاوت .... مشكلة موترك كتاوت

مكانها تحت الدركسون

الطرنبة سليمه ما فيها شي


وهذا شرح لموقع كتاوت الطرنمبة

http://www.mekshat.com/vb/showthread.php?t=136877

لاكن قبل تغييرها سو التجربة هذي وشف وش يطلع معاك (تبديلها بكتاوت مروحة المكيف)

http://www.mekshat.com/vb/showthread.php?t=142171

[ناصح]

فعلا هذه مشكلة مشهورة في الباترول


وهي كتاوت مضخة الوقود الطرمبة


جرب ضع السوتيش على ما قبل التشغيل ( إضائة الأنوار في الطلبون)
وإنزل من السيارة من جهة خزان الوقود إذا لم تسمع صوت فغالبا تكون هي المشكلة المشهورة


وقد وضع الشباب حل لها بالتفاصيل المصورة كما ذكر من قبلي في الرد السابق


وأنا حصلت معي المشكلة نفسها


وطبقت توصيات الشباب في مكشات والحمد لله لم يظهر العطل مرة آخرى .

[al faris]

أخووي غير الكتاوت .... مشكلة موترك كتاوت

مكانها تحت الدركسون

الطرنبة سليمه ما فيها شي


وهذا شرح لموقع كتاوت الطرنمبة

http://www.mekshat.com/vb/showthread.php?t=136877

لاكن قبل تغييرها سو التجربة هذي وشف وش يطلع معاك (تبديلها بكتاوت مروحة المكيف)

http://www.mekshat.com/vb/showthread.php?t=142171



هذا الحل وانا اخوك وانا مع قول اخونا ( العابر2222 )
لا نها صارت مع خويي مرتين وصلحتها له بهذه الطريقة
كانت تشغتغل السيارة مرة ومره لا واخيرا توقفت بالبر
ومنت خسران بدل كتاوت الطرمبه بكتاوت المروحة حقت المكيف

[صباح القايله]

بدلنا الكتاوتات ما اشتغل
والله غريبه

[سوبر VTC]

احيانا يكون من منظم الهواء
الطرمبة تشتغل لكن الموتر ما يشتغل
هذا عطل

العطل الاخر بكثرة هو كتاوت الطرمبة

رد سابق


لاتشغل الموتر حتى تطفى الطرمبة

مع احد الربع سلقة باترول م2006 الموتر عيا يشتغل
رغم ان الطرمبة تشتغل
و طلع الخلل من المفتاح شريحة السكيوريتي
برمج المفتاح عند شخص متخصص بالمفاتيح واشتغل الموتر
السلقة م99 او اي موديل تقريبا م2002 و تحت يفكون الكمبيوتر
و يلغون ايسية السكيوريتي او الشريحة حقت المفتاح ب200ريال
يعني يشتغل الموتر بمفتاح عادي

العثيم يصلح كتاوت الطرمبة للفتك ب50ريال و على الضمان مايخرب ابد



اقتباس:
المشكلة مهوب من المصنع المشكلة من الأستخدام
الحل : تدق سلف همن تبي تجيك كلمه على الطبلونat Check لاتشغل لما تروك الكلمة هاذي إذا راحت شغل وقضينا
(((((((الكلام هاذا من الكتالوج))))))



اقتباس:


انا قبل اكثر من يومين كنت عند الكهربائي ابو ابراهيم العثيم و جاء باترول سفاري2 موديل 2005 و طالع
طبعا الخراب من الكتاوت
يوم نزلوه من السطحة عند الورشة قام راعيه يبي يجرب
هو يشتغل ام لا
يوم انه اشتغل الموتر :)
ثم طفاه و دق سلف و عيا يشتغل :mad:
طبعا السبب من بليتين الكتاوت نفسه مثل بليتين الددسن
الرجال سئل ابو ابراهيم
قال انا ابصلحه و باذن الله ضمان ما يخرب ابد
اللي انا فهمت من كلامه
انه يطلع سلك منه او انه يخلي البليتين شابك دايم
عموما مكتوب بالكتالوج اذا فتحت السويتش انتظر حتى تطفى اللمبة اللي بالطبلون يصل الكهرب مية بالمية
اذا شغلت على طول البليتين بداخل الكتاوت يعمل كربون اسود او مادة عازلة فيمنع توصيل الكهرب
مثل تقريبا اصابع بطارية السيارة لو تلاحظه تلقى عليه طبقة كربون او تعريق زي الاملاح
تحياتي لك
http://www.mekshat.com/vb/images/misc/progress.gif


اقتباس:
يسولف علي رجال كبير بالسن قبل شهرين و الرجال فسقان و معه باترول سوبر سفاري م2006
المهم يقول حنا كاشتين يقول يوم جينا نمشي من محلنا و اشغل الموتر و عي يشتغل يقول
و الى معنا (جذع شباب :d )
و قام على كتاوت الطرمبة و انا اصلا ما عرف مكانه يقول و يطقطق الكتاوت و يفصل و يشبكه
يوم انه اشتغل الموتر :d
***
انا اقول الموتر ما بعده موتر من حيث النشاط و الراحة و الخفة لكن يعيبه الكتاوت و هذا عيب مصنعي
***
بعض الاخوان يرى انك تفك الكتاوت و تحط عليه سليكون عشان ما يدخل غبار و همن يعلق و لا يشتغل
***
افضل حل لضمان عدم خراب الكتاوت باذن الله ان تفتح السويتش و تنتظر ثواني ثم تشغل عشان يكون الكهرب واصل مية بالمية
***
تحياتي

اقتباس:
انا سئلت اليوم كهربائي مختص بالجيوب و الباترول
مشكلة الناس ما يعرفون طريقة تشغيله قلت طيب وشلون
قال
اذا جيت تشغل افتح السويتش و انتظر ثواني ثم دق سلف قلت طيب وش يفرق
قال
كتاوت الطرمبة بداخله بليتين زي بليتين الددسن
اذا دقيت على طول يكربن مع الايام و تتكون عليه طبقة سوداء و بكذا ما يشتغل الموتر
***
انا اقترح انه يحط عليه شحم عشان ما يكربن

[صباح القايله]

مشكورين على ردودكم
طيب هل ممكن يكون الخراب من غير الكتاوتات
بدلنا كل الكتوتات لاكن ما اشتغل
ومشكورين على ردودكم

[سوبر VTC]

طيب بعد تبدليل الكتاوت

هل اذا فتحت السويتش تسمع صوت الطرمبة ؟؟؟؟
صوته واضح جدا زنة زن زن

[صباح القايله]

ايه نعم تسمع الصوت
والمشكله انه طفى وهو شغال؟؟

[فوق هام السحب]

تئكد من السلف

[السليطين]

شيك على اسلاك الكويلات

[عاشق القطا.]

والله انا موتري 91 الكويل حق علية حمرا نسيت اسمها الاصبع حقها اضغطه يوم ظغطه اشتغل جررب اما لقحت ولا ماضرها الفحل

[بدر الصحراء]

على اقرب ورشة الله لا يهينك

الموتر له ثلاثة ايام عطلان الا اذا عندك خبره في الفك الربط

[صباح القايله]

جزكم الله خير على الردود
لكن الموتر عيئ يشتغل
ان دخلته ورشه يقول كل شي تمام لكن المكينه ما يجيه كهرب
طبعن يقول الطرنبه ضعيفه وغيرنا لكن لازلت المشكله
البطاريه زين يدق الموتر زين
لكن الموتر عيئ يشتغل انا تخلته عند ورشه بالخبر قير ون
يقول كل شي تمام لكن المكينه ما يجيه كهرب
احد يعرف الورشه زين هل شغلهم زين طبعن الي يشتغل شكله هندي

[aborajwa]

اخوي مكينة سيارتك لها سير تايمن .. يعني هل هي سير والا جنزير ترى اذا سير ومنقطع لا تفكر انها تشتغل وكثر المحاولات يمكن يدمر عليك عصيان العصافير حقت المكينة .. واذا الشغلة كهرباء ودها واحد فاهم وهو يحل المسألة ..

[سوبر VTC]

اخر احتمال الكمبيوتر

[صباح القايله]

هلا بالاخوان
الحمد الله تمام اصلح السياره
المشكله ان كثرنا الدق وقفل الكبيوتر وتم اعدة برمجه المفتاح وشتغل والله الحمد
طبعن تم الاستعانه بالعثيم والخضير وجزاهم الله خير وفقهم لكل خير
وجزاء الله خير صاحب الورشه يوسف السيد على حسن خلقه وسعة صدره
وجزاء الله خير كل من رد على الموضوع

[المغامرباترول]

مبروك ياطول بالك لكن متى تعشي الشباب لو على الفحم

[فهد33]

طرمبة بنزين

[عشقي دحروج]

السلام عليكم ورحمة الله وبركاته

انا صارت معي قبل كم يوم سفاري 92

وان ماشي فجأه انقطع الكهرب عن السياره بالكامل بس البوري وطفت

لا ناريه ولا اي حاجه شغاله بس البوري شغال

فتحت غطاء المكينه ولا فيه شيء منقطع ولا اي تغيير

خليت الناريه على وضع التشغيل وحركت الاسلاك بالمكينه قلت يمكن سلك ولا صار شيء

وبعد تقريبا 10 دقايق كنت ابي اتصل بصديق علشان يجيني والا اسمع صوت ( تك )

وكأنه صوت كتاوت

واشتغلت الناريه وادقه سلف ويشتغل والصوت اللي سمعته حول المكينه مهو داخل الغماره

ولا وديته للكهربائي للحين

اتوقع مشكلتك مهي بفيوز الطرمبه

الله يفرج همك ويوفقك

[فهد33]

اقتباس:
المشكلة مهوب من المصنع المشكلة من الأستخدام
الحل : تدق سلف همن تبي تجيك كلمه على الطبلونat Check لاتشغل لما تروك الكلمة هاذي إذا راحت شغل وقضينا
(((((((الكلام هاذا من الكتالوج))))))

أنا حصل معي بالباحة وطفا الموتر الباترول ويدق لكن مايشتغل على طول جاء ببالي انها طلمبة البانزين شلته على سطحه وقلت للكهربائي محتمل طلمبة البانزين قال ابشوفه واخبرك من بكره اتصلت عليه قال جب مع طلمبة جديدة وأصلية من الوكالة سعرها فوق ال700 ريال ركبها واشتغل الموتر وصار عزمه قوي بصراحة وغيرت الصفاي وركبت بواجي وغيرت فلتر القير ورجع ثقيل شيء غريب المهم محتمل الخراب ماهو من الطلمبة ممكن من الكتاوت لأن اللمبة اللي ذكرتوا تطلع عندي أول مرة أشوفها وكنت أدق قبل ماتروح أظنها ماتروح إلآ بعد مايشتغل هذا ظني الحين عرفت وشي وأشكركم على هالمعلومة وخصوصاً أخونا سوبر فتك ..

[العذال]

الي خايف من كتاوت طرمبة البنزين عند الوكالة كتاوت مطور لطرمبة البنزين غيرة وريح راسك والسلام

[عطيب المضارب]

ياجماعة الخير الباترول ( الفتك ) يعيبه كثرة الأفياش بكل زاوية تلقى فيش وحساس
وهو يعتمد على الكمبيوتر فلابد نراعي هذه النقطة يقولك الخبير لا تشتغل بكهرب الفتك
إلا وأنت فاصل البطارية . لا تعطي اشتراك إلا وأنت فاصل البطارية
والحل الامثل برأيي التوجه الى أقرب كهربائي متخصص بالفتك يشيك على الموتر
ويضبطه وبإذن الله ماراح تواجه أي مشكلة نهائياً

[صباح القايله]

هلا بالاخوان جميعن لكن شكلكم مقريتو الردود
الحمد الله تم اصلح الموتر له اسبوعين وهو تمام الحمد الله
المشكله انه الطرمبه ضعيفه وغيرناه لكن كثرنا عليه بدق السلف وقفل الكبيوتر وتم برمجه المفتاح وشتغل والحمد الله

[قيوط الصحراء]

اكره النيسان عن تجربه بسبب(انه ثقيل وفي النفود حمار اجرب_يلهط بنزيل لهط يجيب حقه من البنزيل_فيه مواسير الصخان لارتفعت الحراره تنفقع وتطلع من مكانها وتعدم الدنيا او الليات البلاستيكيه_مايمشي يعني عزمه حمار برضو بالطريق السهل_قطع غياره نار نار نار_وتتوقع اي شي يخرب فيه)

فيه ميزه وحيده بس انه بالبر ريح_______ملاحظه انا اتكلم عن ربع 2002