استفسار؟؟؟؟؟؟؟؟؟عن الشوازن

[خساره]

السلام عليكم ورحمه الله وبركاتي
اخواني اعضاء منتدى مكشات الكرام
ابي افضل الشوازن على العالم و اهم ميزاتهم ع:):good:

[خساره]

ردو ابي افضل شوازن في العالم
لو ماعليكم امر

[فرخ قطا]

عندك اكستريما البيكال البلجيك الروسيه التركيه
مرتبه بالدور هذولي ام خمس تبي ام وحده
عندك ام سيلان استفنز امريكيه ام كلتش
ارجو اني افدتك

[خالدالقنص]

البنللي وبس .

[مشاري 11]

افضل شي بالنسبه لي

البورنو التشيكيه

تقبل مروري

[ibrahim.k.s]

يالخساره انت قايل التركيااااااااااااات سويت موضوع كبر ايش

انا الصراحه ما عندي شوزن عندي سكتون بس كل جماعتنا يمدحون ثلاث البنلي والبراونينغ والبلجيكيه

[bader56]

اخوي شوف الرابط هذا بيفيدك بشكل كبير

عنوانه ادخل اسأل وحنا نجاوب (بخصوص الشوازن والفشق) الجزء الثاني

http://www.mekshat.com/vb/showthread.php?t=232592 (http://www.mekshat.com/vb/showthread.php?t=232592)

وشكرا

[خساره]

يعطيكم اف عافيه
لا هنتو
ويعطيكم العافيه

[عاشق اريفاليو]

انصحك ياخوي بالبانلي وخصوصن الريفاليو بدون شكات

[براوينغ]

والله ياخوي الشوازن واجد واذا انت ناوي تشتري شوزن العمر وتدفع فيها هاك المبلغ انا انصحك بثلاث شركات
( بنلي + برتا + ريمنغتون ) .. وانصحك بالبنادق ( بالريمنقتون انصحك بـ الموديل الجديد g3 1100 ) من احلى الشوازن من فئة 3 أنش بالعالم خفيفه الندف = الرجف = الارتداد ,, تتقبل مخزن اضافي لغاية 11 طلقه ,, تسوق سوق ورشها حار جدأً على الصيده لان رشها منتظم وصاك على بعضه وسلبياتها ثقلها كما في بنادق ريمنقتون ولكن دائما بنادق ريمنقتون ثقلها متوزع على جميع البندق يعني ما راح تحس بثقلها ,, والثقل ميزه بعد عند الطرد تكون ثابته ماتلعب بـ يدينك
برتا .. من أفضل الشوازن بفئة 3،5" بالعالم ،، ومن مميزاتها خفة الارتداد بشكل واضح بالقرامات العاليه وترمي جميع القرامات من 24 إلى 66 وادائها رائع جداً ومن سلبياتها عند البعض كبر الحاضن
بنلي .. انصحك بـ ( سوبر سبورت )
بنلي سوبر سبورت ،، طبعا انا امتلك هذي البندق و هذي البندق فئة 3" يعني ترمي من 24 إلى 56 قرام وما اعتقد تبي غير هالقرامات لانها أفضل شيء مميزاتها ( فتحات على السبطان بورتد ) لتخفيف الأرتداد وثبات السبطانه عند الرمي المتواصل يعني ( ماترتفع فوق عند الرمي ) ولتبريد السبطانه عند كثرة الرمي ,, وشوكات Extended اي بأرزه على فوهة السبطانه وتقدر تفكها وتركبها عن طريق اليد ماتحتاج مفك شوكات ، ميزة كمفورتيك لتقليل الأرتداد ، ممسكها رائع وملمومه وخاصه حق رمي الطيار تتحكم فيها كأنها عصى خفيفه وجسرها مرتفع وفيها ميزه بالستوكات .. تقدر تخلي البندق تزم وتهفي وترمي على النيشان بالضبط وتخليها ترمي يمين وترمي يسار .. والكعب = الربله حقت الارتداد ,, محفوره وتركيبتها على الكتف اسرع ومريحه للكتف - ويجي منها حق اللي يرمي يسار واللي يرمي يمين وشوكاتها 5 ,, 1 و 2 و 3 و 4 و 5 .. وطول السبطانه تجي 29 و 31 وبتسألني ليش الواحد انش زياده ,, اقولك الشوك بارز عن فوهة السبطانه 1 انش يعني لو تركب الشوك الاكسترا فل يطلع طول السبطانه 33 انش وسبطانتها معالجه بالكروم والشوكات أيضاً معالجه بالكروم وهي بندق مخصصه لـ ( الصيد + الاطباق ) ومرماها لا يعلى عليه وتجي نوع واحد وهو ( كاربون فيبر ) وليس فيبر عادي وسلبياتها ,, ماتقبل مخزن اضافي حدها 5 فشقات + صوتها عالي بسبب الفتحات اللي بالسبطانه ( البورتيد ) ,, وانا بصراحه ما اعتبرها عيوب لكن المميزات غطت على جميع عيوب هذي البندق الفتاكه وهي سعرها بالكويت عند وكيلها حول الـ 700 دينار أغلى بندق من بنادق بنلي طبعاً باستثناء المذهبات وإلخ .. وعلى فكره نزلت البنلي فينشي اجزائها بلاستيك ببلاستيك وكأنها لعبه وسعرها 550 ؟؟ مع انها اخر موديل نزل وشوف سعر السوبر سبورت بكم ،، وانا باعتباري أنها افضل بندق نزلتها بنلي بس يعيبها المخزن الأضافي ولو انه مايعتبر عيب لانها بندق خفيفه جداً وشكلها انسيابي لو حطينا لها المخزن يمكن تفقد هالميزه ،، ويكفيك شكل البنلي سوبر سبورت ،، وهي النسخة الرياضيه من ( بنلي كوردوبا ) والأختلاف هو طلاء الجسم الخارجي بالكروم المقأوم للتأكسد والصدى والتأكل ،، ووزنها مع الماصوره ال 30" مع الشوك 31" = 3،32 كيلوجرام ،، والحاضن والأخمس مصنوع من ألياف الكربون الفائقة القوة بالعكس الكوردبا الفيبر وهذي صوره لها
http://huntereg.jeeran.com/s_port_2.JPG
واسمحلي على القصور .. وتقبل مروري أخوك أبوسعد