المساعد الشخصي الرقمي

مشاهدة النسخة كاملة : صوت يشبه الصفير مع القومه يوكون


مزاااجي300
29/07/2010, 02:23 AM
السلام عليكم

اخوكم عنده مشكله في اليوكون 2001 دبل

فيه صوت مثل الصفير عند القومه او التبديل بين النمره والثانيه تستمر فقط 3 ثواني فقط وينقطع الصوت في المشي

طبعا قلت يمكن من المكينه جربت اثناء المشي وفضيت القير ودعست بانزين ما في صوت ابداً

قلت يمكن من القير في بداية القومه

وعلى فكره الصوت يطلع فتره ويختفى فتره اخرى
ونش
29/07/2010, 03:18 AM
اذا كان صفير اكيد فهو صوت شبك العفش الي فوق التنده كلام اكيد
سداح الشهراني
29/07/2010, 03:19 AM
كلام اخوي ونش صحيح

لاكن في احتمال ثاني

الي هو صوت الشكمان عند خروج الهواء من المكينه بسرعه عااااليه
مزاااجي300
29/07/2010, 02:15 PM
اشكر الاحبه على مشارتكم

الصوت يطلع من جهة المكينه
سحابة قبله
29/07/2010, 02:50 PM
السلام عليكم

صارت معي اكلت مطب قوي وصار الشكمان يحك شي بسيط بعمود الدبل وصار يطلع الصوت

نشغل الدبل الخفيف ودق ريوس اذا طلع صوت قوي تراه من عمود الدبل
بدوي جنوبي
29/07/2010, 11:58 PM
ينقل لقسم الاعطال
مزاااجي300
30/07/2010, 12:25 AM
مريت اكثر من واحد

قال من الدينمو ؟؟

المشكله ان الصوت يروح ويجي ؟؟ يعني غير متواصل

وانا راح اسافر 1500 كيلو وخايف يجيم لا سمح الله وينقطع السير ؟؟؟؟

رايكم يالغالين يهمني هل الدينو اذا خرب يطلع صوت متقطع ؟؟؟

بالرغم انه يشحن والانبير على 14 يعني ممتاز !!
ولد وايل..
30/07/2010, 12:30 AM
لاتكون ونه من الدفرنس..!؟


إذا الصوت واضح من قدام يعني المكسنه تاكد من السيور والشداداااات


وإذا كان يطلع مع المشي فقط...

يعني إذا فضيت ودعست ما يطلع الصوت تأكد من الدفرنس ....

الله يقويك...
مزاااجي300
30/07/2010, 12:42 AM
شيكت يالغالي على جميع الشدادات ولفها الفني بيده ما طلع صوت

المشكله الصوت يروح ويجي يعني غير مستمر ابداً

يقول يمكن من الدينو عند زيادة الحمل عليه يطلع الصوت ؟؟

ويقول ابي افكه وانظفة !

بس انا ما اقتنعت فيه
ولد وايل..
30/07/2010, 12:20 PM
إبدا بالسهل ثم الأسهل...

يعني أنت دامك خليته يشيك إشرط عليه إذا نظفه يروح الصوت...

وعقبها مر اربع خمس ورش وشف وش يصفون عليك وأبدا بالأقل وخله يشتغل ((إحرص إن شغله يكون ما يأثر يعني مجرد تنظيف أو شد أو كذا)

وتدرج الى إن تعرف من وين...


الله ييسر لك...
مزاااجي300
30/07/2010, 07:56 PM
بعد البحث والتحري لأكثر من ساعه

طلع الصوت من بكرة شداد المكيف

وتم تغيرها واختفى الصوت


شكرا للجميع
سوبر VTC
30/07/2010, 08:05 PM
الحمدلله على كل حال