أرجو من من عنده خلفيه عن الصقور يدخل هنا

[v506]

أنا شخص ما أعرف في الصقور شيئ

كانت لي خبره سابقا بالداجن والتفقيس ولأنتاج

وتربية الحمام
وانشاء مشاريع محدوده

والبيع والشراء ومريت على أغلب الحيوانات
لامن الارانب الى السمان والحمام والتفقيس والتهجين والتوليف
ومعرفة أنواع الحمام والأرانب والدجاج وانواع كثيره لا أستطيع
أنا أحصرها


وانتاجها
يعني كل شيوي حاط مشروع جديد

والمشكله أني أخسر خسائر بدون فائده بعدين تبدأ المعنويات بالإنحباط ومن ثم ارجع للحمام مثلا ومن ثم ارجع للأرانب وهاكذا
يعني مجرد هوايه فقط لا غير

يعني كل شوي أغير ما أحب أمشي على نمط واحد الى اذا سكلت الأوضاع

طبعا الأسباب الي تخليني اغير اني أخسر أو مرض انتشر ومات القطيع<< :)

الخ..

المهم أنا فكيت مع الصقور <<كل شوي يفك مع شيئ
المهم أني ما أدير فيها شيئ

رحت لأم الحمام
ورحت المعيقليه

وشوف الأسواق

يعني وحاول أني استنج أشياء لاكن وجدت أن مجال الصقور
علم مفتوح
يعني يبيله وقت عشان تكتسب خلاصه تستند عليها عند شرائك

فأبيكم تنصحوني بالعمر الي أشتري فيه الطير

والنوع أنا أشوف الشاهين هو الدارج في السوق

فهل أشتري شاهين
وأنا مستعد أفرغ طول وقتي لعيون الصقر

بس أبيكم تنصحوني بحسب خبرتكم الله يبيض وجيهكم

ونا رجال أبي أصيد به وأشخص به وكذا وبي أنا

الي أكون مدربه فماذا تنصحونني

والعذر أشد العذر لكل لحظه قضيتموها

بهاذا الموضوع والله يجعل كل ما قرأتوه

وأردتو مساعدة أخوكم المسلم في ميزان حسناتكم

بالتوفيق للجميع

[ابوناصر السهلي]

اقر المواضيع كلها وتستفيد

[قناص الهمله]

مثل ماقال المهذري

[قنيص غير]

مثل ماقال اخوي المهذري

[ابو جركل]

الله يعينك تسوي الي سويت انا اول مادخلت المنتدى مسكته من اوله لين صفحت خمسين
والحاجات الخفيفه فادوني فيها الاخوان

[skeet]

افادوك الاخوان

[طير الهقاوي]

الى ان طعت شري خل الصقور وعود على الي انت عليه قدك عارفه وفاهمه
والله يوفقك
ولا الطيور فيهاا خوابير مايخليك تنساه طول عمرك
انا وعوذ بالله من كلمة انا مدري هو انا اسلم ولا مسلم
فن طعتني عين خير
تقبل مروري

[طامي66]

من اهتوى شي عطاه الله حكمته

[صاحب نوماس]

اخوي فية روابط مثبتة فوق بامكانة الاستفادة منها بشكل كبير

[شقرااااان]

شف اول شي لاتستخدم اللون الأصفر فقع عيونا ولاهوب واضح

ثاني شي المنطقه الي انت فيها فيها صيد حباري ارانب كرواين على حسب الصيد اختار الطير




وحاااااضرين ياطويل العمر

[صقار الأسياح]

اخوي انصحك لا تقرب الطيور لانها غاليه وخسايرها خساير ما هي بسيطه وتبي خبير شفك مشروع ثاني سهل مثل الغنم زانحش عن البل لانها مثل الصقور صعبه

[مراد منصور]

شف اول شي لاتستخدم اللون الأصفر فقع عيونا ولاهوب واضح

ثاني شي المنطقه الي انت فيها فيها صيد حباري ارانب كرواين على حسب الصيد اختار الطير


وحاااااضرين ياطويل العمر


ههههههه:good2:..... والله انك صادق أخوي شقران وجزاك الله خير على النصيحة فعلا أختيار اللون لم يكن موفق.... وأحب أن أنصح الأخ الفاضل بمخاواة الصقارين اللي في منطقته والخروج معهم الي المقناص ومراقبته لهم لكيفية تعاملهم مع طيورهم من تدهيل و شيل و تاكيل و تطبيب و......الخ..... وبعد أن تصبح لديه المعلومه والخبرة الكافية في التعامل مع الطير عندها يمكن ان ياخدله طير بيتي مربب ويتعلم فيه..... المنتدى الكريم جدا قيم ولاكن لا يغني أبدا عن التجربة العملية..... وبالتوفيق انشاء الله.

[zais]

على قولة المثل الهاوى غاوي اذا كنت هاوي تبي تنبسط واذا كنت تدور المكاسب خسران ميه بالميه.

[v506]

اقر المواضيع كلها وتستفيد
قريتها كلها والله

بس أنا أبي نصيحتكم من ناحيه النوع والعمر فقط
الي يسهل تدريبه

ونا هاوي فقط ما أبي أبيع وشتري ولا شيئ
ومشكور على الرد:good2:

[v506]

الله يعينك تسوي الي سويت انا اول مادخلت المنتدى مسكته من اوله لين صفحت خمسين
والحاجات الخفيفه فادوني فيها الاخوان
مشكور على الرد الله يوفقك ونا مثل ما قلت أبي أعرف النوع السريع في التعليم

والعمر المناسب لي كمبتدئ:D

[v506]

الى ان طعت شري خل الصقور وعود على الي انت عليه قدك عارفه وفاهمه
والله يوفقك
ولا الطيور فيهاا خوابير مايخليك تنساه طول عمرك
انا وعوذ بالله من كلمة انا مدري هو انا اسلم ولا مسلم
فن طعتني عين خير
تقبل مروري


والله يخوك لا تحطمني أنا شابه معي أبي صقر

لو أشوفه قدامي عيوني شكل

وربطه بمليون حبل لا يصيد ولا شيئ أهم شيئ أبي صقر;)

[v506]

اخوي فية روابط مثبتة فوق بامكانة الاستفادة منها بشكل كبير
رحنى للمواضيع كلها الله يجزاك خير
لاكن أنا أبي خلاصتين الله يطول عمرك
1-ما هو العمر المناسب لي أنا لتدريب الطير
2-ماهو النوع المناسب لين أنا لتربيت الطير

فقط


والله يجزاك خير على الرد

[v506]

شف اول شي لاتستخدم اللون الأصفر فقع عيونا ولاهوب واضح

ثاني شي المنطقه الي انت فيها فيها صيد حباري ارانب كرواين على حسب الصيد اختار الطير


وحاااااضرين ياطويل العمر


معك حق اللون كان رديئ:D

أما عن الصيد أبد بنحصل الحبارى والكروان

والحمام والارانب والجرابيع:p

يعني منطقة الرياض عموما

أنا رجال عندي خلفيه من ها المواضيع المثبته لاكن ابي أعرف وش الي بيصلح لي

من ناحية

العمر والنوع



والله يجازييك بالخير على الرد:good2:

[v506]

اخوي انصحك لا تقرب الطيور لانها غاليه وخسايرها خساير ما هي بسيطه وتبي خبير شفك مشروع ثاني سهل مثل الغنم زانحش عن البل لانها مثل الصقور صعبه

يخوك كله صقر واحد وأنا أشوف أن أعمار الفروخ أو الطبات <<مثل ما يقلون راعين الحمام :D

يعني أسعارها شبه معقوله

أنا أقيم عن الي بالمعيقليه وأم الحمام
ولا تحطمني ونا أخوك :D

ونا ما أبي أكسب ولا شيئ

أبي بس أتفرج عليه وكذا يعني هاويه فقط


والله يجزاك خير على الرد:good:

[v506]

ههههههه:good2:..... والله انك صادق أخوي شقران وجزاك الله خير على النصيحة فعلا أختيار اللون لم يكن موفق.... وأحب أن أنصح الأخ الفاضل بمخاواة الصقارين اللي في منطقته والخروج معهم الي المقناص ومراقبته لهم لكيفية تعاملهم مع طيورهم من تدهيل و شيل و تاكيل و تطبيب و......الخ..... وبعد أن تصبح لديه المعلومه والخبرة الكافية في التعامل مع الطير عندها يمكن ان ياخدله طير بيتي مربب ويتعلم فيه..... المنتدى الكريم جدا قيم ولاكن لا يغني أبدا عن التجربة العملية..... وبالتوفيق انشاء الله.
أو شيئ أعتذر عن اللون:D فعلا كان الاختيار فاشل:p

أما عن أخاوي صقارين ما حولي صقارين ولا كان خاويتهم:(



أنا أبي أصير صقار بلحالي:p:D

ومشكور على الرد بيض الله وجهك :)

[v506]

على قولة المثل الهاوى غاوي اذا كنت هاوي تبي تنبسط واذا كنت تدور المكاسب خسران ميه بالميه.

ايه بالله صدقت

كلامك ما عليه أي غبار:good2:

[v506]

الله يجزى خير كل من رد ويجعله بموازين حساته :)

[v506]

الي عنده معلومه ولا شيئ لا يبخل علينا

[v506]

أفيدونا الله يجازيكم بالخير:(

[v506]

أرجو المساعده:(

[قناص الطيرر]

بسئلك<سئوال

ض1
مالي ومال الصقور

لاكن الرياض وينها وين الحباري والارانب جرابيع وتخب

[ابوسرور الرشيدي]

والله اللوان بطة عيني بس يخوك اول لا تشتري خلك ويا اهل الطيور ربعك وتعلم منهم كل شي وبعدها شوف تصلحلك ولا لا وشكرن

[الوبال2010]

بسم الله الرحمن الرحيم;
مايبالها شي ياخوي ;
الصقور ياخوي لها انواع متعدده مناه;
الحر والشاهين والوكري وفر الشهانه

[الوافي589]

أما عن أخاوي صقارين ما حولي صقارين ولا كان خاويتهم:(



أنا أبي أصير صقار بلحالي:p:D
هههههههههههههههههههههه
ومشكور على الرد بيض الله وجهك :)


الله يعينك

[شقرااااان]

شف ياطويل العمر

من تجربه ونصيحه

احرص على الحر الأصيل المخبور صقاره واشتر من شوف عينك ولامن ثقات

حاول تجالس صقاره او تتعرف عليهم ..معرفة الرجال تجاره...ومعرفة النسا خساره

اخدم هوايتك بتتبع طرح الطيور ونقلها وهجرة الحباره وجاهزيت الطير من رفع اللياقه وغيرها

تووووكل على الله واشتر الطير عسى الله يرزقكك

[@قرناص@]

الى ان طعت شري خل الصقور وعود على الي انت عليه قدك عارفه وفاهمه
والله يوفقك
ولا الطيور فيهاا خوابير مايخليك تنساه طول عمرك
انا وعوذ بالله من كلمة انا مدري هو انا اسلم ولا مسلم
فن طعتني عين خير
تقبل مروري

:good::good::good::good::good::good:

[قناص الطيرر]

خخخخخخخخ

تبي تخاويلك صقاره

اشتر صقرين ض1

ومرني وعطني واحد منهم

<<وابشر بالطلعات ض1>لاتصدق

[v506]

بسئلك<سئوال

ض1
مالي ومال الصقور

لاكن الرياض وينها وين الحباري والارانب جرابيع وتخب

يرجال المقصد ماهو 100%100 نبي نصيد لأ

ابي اشخص به وخليه حولي كلمالي وشوفه
بس


الله يجزاك خير على الرد:p

[v506]

والله اللوان بطة عيني بس يخوك اول لا تشتري خلك ويا اهل الطيور ربعك وتعلم منهم كل شي وبعدها شوف تصلحلك ولا لا وشكرن
الله يجزاك خير على الرد

ماعلي من اخوياي أنا أبي أشتري وبس:(

[v506]

شف ياطويل العمر

من تجربه ونصيحه

احرص على الحر الأصيل المخبور صقاره واشتر من شوف عينك ولامن ثقات

حاول تجالس صقاره او تتعرف عليهم ..معرفة الرجال تجاره...ومعرفة النسا خساره

اخدم هوايتك بتتبع طرح الطيور ونقلها وهجرة الحباره وجاهزيت الطير من رفع اللياقه وغيرها

تووووكل على الله واشتر الطير عسى الله يرزقكك





اول شيئ ردك كمال والكامل وجه

الله لاكن وشرايك تبيني اروح الحين وشتري ولا اصبر

انا رجال أبي شكل والتدريب انا الي بدربه ما يحتاج


وشرايك ونا اخوك


شر علينا

وجزاك الله عني كل خير

[v506]

خخخخخخخخ

تبي تخاويلك صقاره

اشتر صقرين ض1

ومرني وعطني واحد منهم

<<وابشر بالطلعات ض1>لاتصدق
ههههههه

الله يرجك ههه

خلني اشتري لنفسي بعدين افكر

اعطيك:D

[قناص الطيرر]

ههههههه

الله يرجك ههه

خلني اشتري لنفسي بعدين افكر

اعطيك:d

هههههههههههههه

[((السنياري))]

وانا عا اعيونك اقولك

خل الصقاره والطيور ابركلك
نصيحت اخ
وانت عاد كيفك بس اتمنى تتذكر كلامي لادخلت هاالمجال

انا لوني منك وفاضي وعندي مكان
ادخل مجال الزراعه
او
مثل منت قلت دام عندك تجارب ادخل مجال
انتج زاجل سباقات
او
دجاج اي نوع
او
اقابلي غنم ابركلي الغنم غنيمه :)

[ابوعيون1]

مشكور وماقصرت

[التميمي 2009]

الله يحيك والانترنت ما يقصر

[v506]

وانا عا اعيونك اقولك

خل الصقاره والطيور ابركلك
نصيحت اخ
وانت عاد كيفك بس اتمنى تتذكر كلامي لادخلت هاالمجال

انا لوني منك وفاضي وعندي مكان
ادخل مجال الزراعه
او
مثل منت قلت دام عندك تجارب ادخل مجال
انتج زاجل سباقات
او
دجاج اي نوع
او
اقابلي غنم ابركلي الغنم غنيمه :)


والله كلاممك موضوع مشاء الله تبارك الله
لاكن أنا ماني ماخذ بكلامك الى بعد ما اشتري طير

الواحد لين تهيض تهيض

قسم بالله أني ما ابدى او اتهيض على شيئ الى وشاور الناس وأغلبهم يحطمونك

قلت أغلبهم مهوب كلهم

المهم اني اسير في هاذى الشيئ

أقل شيئء أكتسب خبره يخوك

هاذى أقل شيئ

والله جازيك بالخير على الرد

تسلمــ

الله يوفقك ويستر عليك في الدنيا والآخره

[v506]

الله يحيك والانترنت ما يقصر


تسلم يالتميمي ونعم والله


لاهنت ايميلك :)

[ابوفهيدالسهلي]

اخوى تبى الكلام الى يجمد على الشارب عليك بسوق قدامك (ابوسلطان)لا تردد توكل على الله

[v506]

اخوى تبى الكلام الى يجمد على الشارب عليك بسوق قدامك (ابوسلطان)لا تردد توكل على الله
يعني أشتري ونا أخوك
اروح لسوق

ولا اصبر شهرين افضل

دلنا الله يجازيك بالخير ونا في منطقة الرياض بالتحديد الخرج

ييعنيي اروح لرياض وشوف الأسعار وتشوف

الله يجازيك بالخير على الرد:good2:

[ابوفوااز]

ان طعت شوري خل عنك الصقاره مافي الولع هالوقت غير المخاسير

[v506]

ان طعت شوري خل عنك الصقاره مافي الولع هالوقت غير المخاسير
انا قد المخاسير وش سوي

لاكن اهاوي طير

أبي أي طيري :)

الله يعين يخوك ونا قد الخساره
الي خسر قبل يقدر يخسر في هاذي:p

[شقرااااان]

شف وانا اخوك

دامك تبي اوصاف الشكل

طبح السوق وشف الطير الي يفزله قلبك

وخبرك القلوب ماهيب سوى

قلبن يفززه 5000الاف ريال وقلبن يفززه 500000الف ريال

[v506]

شف وانا اخوك

دامك تبي اوصاف الشكل

طبح السوق وشف الطير الي يفزله قلبك

وخبرك القلوب ماهيب سوى

قلبن يفززه 5000الاف ريال وقلبن يفززه 500000الف ريال





الله يعين :D

مشكور على الرد بيض الله وجهك وما قصرت معي

في الأوله والتاليه

الله يبيض وجهط

[v506]

شف وانا اخوك

دامك تبي اوصاف الشكل

طبح السوق وشف الطير الي يفزله قلبك

وخبرك القلوب ماهيب سوى

قلبن يفززه 5000الاف ريال وقلبن يفززه 500000الف ريال





الله يعين :D

مشكور على الرد بيض الله وجهك وما قصرت معي

في الأوله والتاليه

الله يبيض وجهك

[zais]

اقول روح السوق وقول ابي جير كشخه بالحيل ورخيص بنفس الوقت . يطرد الحمام ولا يروح حويلك .

[v506]

اقول روح السوق وقول ابي جير كشخه بالحيل ورخيص بنفس الوقت . يطرد الحمام ولا يروح حويلك .

بروح اليوم انشاء الله الرياض