وصّـــــف طــيـــرك الــشــــاهــيـــن..

[المري]

السلام عليكم

لو واحد سألك : ويش أوصوف الشاهين اللي يحبها قلبك ؟ من ناحية المواري والكبر وووووو..


تعالو نشوف اوصوووف الشاهين الزينة..


نــبـــدأ على بركة الله....


مع أول المشاركين...

في انتظار تواصيف الأعضاء ..

[راعي مزيون]

السلام عليكم ورحمة الله وبركاته

تسلم ياخوي المري على الطرح الطيب
هناك مواري ومواصفات عديده في الشاهين يحبها الصقار ان تتوفر فيه
بعضها ضروري والبعض لا
الاشياء الضروريه التي اشوفها من وجة نظري المتواضعه هي :
الوزن ( الروز ) - عرض الثندوه - كبر الصوايد - جبر الطير ( جله ) - طول جناح الطير
الاشياء المكمله وهي :
كبر الطير أو صغره -الوجه وجماله - العين ( تحري والا ما تحري بالخير )
وهناك البعض من يروح على اللون وركزة الطير

وشكراً

[فارس العجمي]

السلام عليكم
انا من نظرتي
1) تكون وافيه
2) الطيار
3)لونه وبشرط ابحريه طبعن ماحب الجبليه

[راعي مسكت]

عرضه 16 وطوله 15ونص وجبر ومناخره فتحتها وسيعه وضبته اكبر من العادي بشي بسيط وله سابعه عريضه ويقابله ثندوه تقول افزر ويجيك قطعه وحده ونزر طرح اخر 11 يعني قد هد وصاد (مهوب شرط فيه طيور تهد قبل لكن اخر 11 اكيد هد وصاد وصاد وانتبه لازم شناذره على شان الكيس )واقرع وريشه شوي .وكل ماتشوفه مره ومرتين وثلاث ماتمله بل تتعلق به.(فيه طيور تمل منها العين وطيور ماتمسي ذاك اليل تهوجس من وين باجيب فلوسه)
هذا الي اخوك يحب وذا النوع باذن الله مايفلس واكثر صيده فصيله .
معليش زودناها شوي لكن (شريت فرخ اعراقي 16 في 16 الاربع في شهر 11 \2004 وشافه الشيبه الله يخليه لنا ويخلي لكم شيبانكم و قال ياولدي ذا الطير مهوب قاعد عندك وجعل الطيور الباقيه فداه لاعاد تجيبه المجلس وانا ابوك العين حق والله اني مبطي من جنسه وقالي ان الله احفظه والله ان تعاف كل الطيور و تخالي به على الطيور كلها .وسميته لهيب لانه اسود اسود
المهم 6 ايام مانقز طبعا حليته وحذف شحمه مبطي من شوفها خضراااا وعقبها رويته الحمامه سودا طبعا وحول عليها وطق طق صوت رقبتها وبسم الله وز وصلال وزاجل المربع وكيروان علومه .وامبسطت مضبوط المهم قبل المقناص بيومين جاه مصيبه فزعت به للامريكي وقال يمكن رداد قلت ياشيخ فرخ وتقول رداد ماتعرف شي وركبه الطياره والبحرين ورحت لفارس فقال ياحبيبي الطير مولي ياشيخ خاف الله شاريه اذيك الحكايه ومايستاهل تكفا قال شف الطير رداد ومنتشر شف محطه (اخضررر) كم يوم قال الله اعلم 2 او 4 على الكثير اتصلت في الوالد وقال لي هاه مات لهيب قلت بيموت قال ياولدي ذا الطيور ماتعيش ون عاشت ضاعت)وسلامتكم واسمحولي على الاطاله

[شَعَّـاااال]

السلام عليكم ورحمة الله وبركاته

ما شاء الله ماشاء الله

الله يرزقكم بما وصفتوا وللمري مثل

احب الدلما (السودا )

ليا صارت 16 و حولها

كراعها واصابعها عريضه

صوايدها مدببه مهي مجوفه

ولا تنسى فخذها وزندها

والله اني اجسه ليا حصلت

وكل ما قـل ريش العام فيها كان اطيب

واحبها اكثر ليا جيبت معها

حمامة متعلقه معها بشبكه..



والحين نبي وصفك يالمري .

[المري]

مرحبا اخوي شعال وحياك الله والظاهر انك تحب الشاهين قرناس الوحش اكثر من الفرخ لانك تقول(( كل ماقل ريش العام))..

وصفي يالغالي حول وصفك ووصف باقي الربع:

احب الشاهين الوافي من جميع الصفات الاصبع جليله وطويله والساق جليل والعين حاده والبوز وافي والمنخر وسيع

والجناح دقيق وطويل!!!!!!! والذيل اجبع (( يعنى قصير بالحيل)) والمنكب جليل والريش اشوي والثندوه قاسية ومليانه ..

والعرض اكثر من الطول...واللون افضل الحمرا ..والروز لاننساه ثقيل بالحيل.. المواري الزينه واجد

وتكون فرخ ولا قرناس بكر مرقعه بالموس...........ياسلام

الله يحفظ الجميع وماقصرتوا وفي انتظار المزيد

[سرهيد1]

بسم الله الرحمن الرحيم

المواصفات المطلوبة التي أبحث عنها في الشياهين هي كما يلي :

وافية بوز – واسعة منخر – قادحة عين – عاقدة حجان – فارعة عاتق – عكشة الغارب – عارية ريش – هبرة ثنادي – متخالفة جنحان – جليلة فخذ – فجحا – هجره .
لا قفيتها تحقرها ولا نطحتها تهولك – متدرحمة تقل كورة – أرضها لعقاب وريشها لغراب ووجهها للداب .

أقرب شيهانة جمعت أغلب الحلايا السابقة هي شيهانة شراها مني واحد من (( عوال زايد )) عسى الله يبارك له فيها . والله اني مابيعها لوما دريت أن اللي شاريها كفو بيقدرها حقها . عسى الله يعطيه منها الخير ويكفيه عنها الشر . وسلامتكم

الشكر الوافي لإخواني السابقين في الردود وأعتذر من أخوي المري عن التأخير في المشاركة

صورة لبعض الشياهين اللى مرت علي الموسم الماضي



هذي الصورة لجل خاطر المري :D
http://www.mekshat.com/pix/upload/images8/mk11878_shoaheen.jpg

[المري]

حي ذا الحين من ذا الشوف..

وحي ذا العين منها ومن تخلباص جريره دايم

تسلم اخوي سرهيد وماقصرت وعزالله انك كفيت ووفيت..

وجبت العلم الوكاد

اخوك / المري

[صياد الدبدبة]

بيض الله وجهك على هالموضوع يالمري انت والربع وعزالله انكم ذكرتوا المواري الطيبه وانت يالمري تفضل الون الاحمر مثلي حي والله هالراس واكيد تحبها عاريه ريش ومناكبها متفهقه ومرتكزه وثندوتها بارزه ههههههههههههههههههههههه....؟

[صقر]

مشكور اخي المري على هذا الموضوع الرائع والفريد من نوعه.

وسواليف الصيف ماهناك احلى منها ففيها تبادل الخبرات والعلوم الطيبة.

ولكن يا جماعة هناك بعض الأوصاف ما فهتمتها ( اعذروني) فهي قد تختص بمنطقة معينة

ياليت اخوي سرهيد يحاول يرادف لنا هالاوصاف ببعض المرادفات حتى الكل يستفيد ومشكور اخي سرهيد مقدما .

بارك الله فيكم جميعا.

[المري]

أخي صقر

حياك الله يالغالي..

بس ياليت تعطينا الكلمات اللي مافهمتها

[سرهيد1]

السلام عليكم ورحمة الله وبركاته

أخوي صقر عطني وش تبي من المعاني وأبشر بالشرح

الله حسبي عليك يالمرى وش الله حادك على فتح المواضيع اللى تتل نياط القلب والله من يوم ماشفت موضوعك وانا أتقلب تقل مقروص في راسي بدع ...ههههههههههههههههه

الوكاد أني كل ماحطيت صدر بعجز والينها محقوره عند ماقاله (( البستان ))

على كل حال أهديكم هذي القصيده لشاعر مطير : محمد بن خلف الخس وهي من أجمل ماقيل في الشواهين من غير منازع وقد سمي البستان لانه بستان شعر عسى الله يطول عمره .

أنا في يدي خرشة تشادي وجه الداب
http://www.dwaihi.com/poem/32qnas6.ram

أخوي صقر أن كانك لقيت عسر في بعض الفاضي أجل عسى الله يعينك على ماسمعت هههههههههههههه

[جلال الشمري]

حي الله الشاهين الاسود البحري وفرخ من الوحوش عاد الوزن والراس الاصغيييييييير والعرض الوافي بعد أخوكم الشمري

[نايف الخالدي]

السلام عليكم اخواني اما انا مالي في الشواهين بس ناوي السنه الجايه ان شاء الله ومشكور يالمري على الموضوع
الله لا يهينك

[الناصر888]

السلام عليكم ورحمة الله وبركاته
بيض الله وجيهكم جميع واخص المري وسرهيد ولا هانوا الباقي عز الله انكم كفيتوا ووفيتوا الشياهين حقوقها بالوصف والعلوم الطيبه........ :BUTT1: :alarm:

[ابو عايد]

السلام عليكم ورحمة الله وبركاته

اخي المري تسلم على هذا الموضوع ... يعطيك الف عافيه

نفس مواصفات اخوي سرهيد لكن اعجبتني الصورة جدا

خاصة اول الطيور اعجبني جدا جدا ... مشاء الله عليه

وتقبل خالص تحياتي // العاشق الولهان

[سرهيد1]

حياك الله اخوي ابو عايد وأبشر لك بوحده اختها في الموسم الجاي

[{السبيعي}]

المواصفات
وافية > واسعة المنخر< هبرة الثنادي < جليلة الفخذ<قصيرة السيقان