وش رايكم ,, أخوكم يبغى يشتري دافور [الأرشيف]

تلميذ الصحراء

29/07/2010, 03:25 PM

:sالسلام عليكم :s

أخواني أعضاء مكشات الكرام

""الله يحييكم""

أخوكم يبغى يشتري "دافور"
و راح لبعض محلات الرحلات البرية

ولقيت الصيني والإيطالي والهندي

وقلت ياولد أسأل اخوانك وهم يدبرونك

فاوش رايكم؟

طير الهقاوي

29/07/2010, 03:56 PM

انا بالنصحك بالهندي
والايطالي تمام
اما الي غيره انحش على ظهرك
هذا على حد علمني
تقبل مروري

جبل خزة

29/07/2010, 04:17 PM

خذ دبة بريموس الهندية أو الدبة الإيطالية

بس الراس لا تاخذ الا بريموس

تلميذ الصحراء

29/07/2010, 06:20 PM

يعني الإيطالي ممتاز [والراس بريموس ؟] وش مميزاته؟

جبل خزة

29/07/2010, 06:22 PM

لان ناره قوية وتوزيع اللهب مميز

تلميذ الصحراء

29/07/2010, 06:40 PM

يامال العوافي والله
طيب يالذيب كم سعرة ؟

جبل خزة

29/07/2010, 06:41 PM

والله ماني متاكد بس اذكر انه من 60 ريال وحولها

شاص

29/07/2010, 09:31 PM

عند برق الحيا دافور من ترهيم أخونا أبومها .. لا يفوتك

الكايف 1

29/07/2010, 09:49 PM

عند برق الحيا دافور من ترهيم أخونا أبومها .. لا يفوتك

أؤيد كلام اخوي شاص وبقوه

تلميذ الصحراء

30/07/2010, 12:37 AM

طيب وش أسميه عندهم
دافور ترهيم أبو مها

راعي شبة

30/07/2010, 02:28 AM

اذا تبي النصيحة شفلك السويدي بريمس اأ وحاول تكون الدبة والراس من نفس الشركة سواء ايطالي او سويدي وبالتوفيق انشالله

تلميذ الصحراء

30/07/2010, 02:40 AM

طيب إذا كان الراس يختلف عن الدبة فيه مشاكل؟

راعي شبة

30/07/2010, 03:56 AM

طيب إذا كان الراس يختلف عن الدبة فيه مشاكل؟

اخوي هو مجرد اقتراح مني حاول تبتعد قدر الامكان عن الترهيم فجميع منتجات الشركات العالمية خضعت لادق التجارب حفاظا على سمعتهم كشركة وحتى لا يدخلوا في مساءلات قانونية من قبل المستهلكين من ناحية السلامة. فعلى سبيل المثال لو لاسمح الله احد اشترى شي مرهم من المحلات وانفجر فيه هل راح يعوضونك بشي هالمحلات؟ وارجع اكرر هذا مجرد رأي شخصي ولك تحياتي

العاذر

30/07/2010, 05:34 AM

تلميذ الصحراء

30/07/2010, 08:42 AM

يامال العوافي والله وماقصرت يا راعي الشبة

تلميذ الصحراء

30/07/2010, 08:44 AM

ماقصرت يالعاذر على النصيحة

تلميذ الصحراء

30/07/2010, 08:46 AM

إذا أحد عنده إضافات لامانع
أنا بالإنتظار

سرهيد

30/07/2010, 09:54 AM

اقول توكل على الله وخذ ترهيم البرية مع القاعدة الحديدية
والله ان تدعي لي
خذ الحجم اللي يناسبك والدبة انحش من الصيني خذ بريموس هندي

هذا رايي اللي استقريت عليه بعد سنوااااااااات تجربة مع المواقد

وعموما خلك حذر بحيث تربط الراس زين ما يكون مرتخي في جميع المواقد

ولا تنس جراب يحميه
والسلاااااااااااااااام

:good2::good2::good2:

ترهيمة البرية لها عندي سنين وما منها خلاف .. من افضل ما رأيت وخاصة في قوة الشعلة وقوة التحمل ايضا

ولو اخذت ايطالي تراه زين وخاصة انه اقل سعر ايضا من البريموس

والايطالي ما عليه خلاف

تلميذ الصحراء

30/07/2010, 12:54 PM

يامال العوافي والله

طيب وين يباع ؟

محلات الكشاتة

30/07/2010, 11:59 PM

يمكنك زيارة المحل ومشاهدة الكثير من طرق الدوافير

وبأسعار مناسبة

وخصوصآ حامل الدافور

ابو سيـف

31/07/2010, 01:41 AM

السلام عليكم وكيف حالك

انصحك بالبريموس

http://www.mekshat.com/pix/upload04/images173/mk143684_ddd.jpg

ولكن البريموس السويدي غير متوفر ،، يعتبر نادر جداً
وحالياً توجد في محل البرية وسعرها بـــ 130 ريال
ولكن في بديل للبريموس وهو الايطالي بــ 50 او 60 ريال رخيصه وممتازه
وأنصح بها بشده من واقع تجربة 10 سنوات
وبالنسبة لرأس الدافور انصحك بفوكر الايطالي وغيره
لا تركب .
تقبل تحياتي ،،،،،

تلميذ الصحراء

31/07/2010, 02:37 PM

الله يجزاك خير
يامحلات الكشاتة

تلميذ الصحراء

31/07/2010, 02:40 PM

الله يجزاك خير
يابوسيف
وما قصرت على الصور
يالغالي

عاشق السيل

31/07/2010, 04:20 PM

نصيحة مختصرة :

إذا كنت بالرياض رح لمحل البرية بحي الروابي شارع الزبير بن العوام ( رضي الله عنه ) ،،

هذولا متخصصين بالدوافير وعندهم ترهيمات عليها الكلام ولي معهم تجارب من سنين ،،

إن شاء الله تبي تدعيلي ،، وإذا ما أعجبك شغلهم أنا آخذ منك الدافور بنفس قيمته !!!

تلميذ الصحراء

02/08/2010, 03:01 PM

الله يعافيك ياعاشق السيل

رفيع المقام

02/08/2010, 03:08 PM

خذها قاعدة لا تأخذ الصيني أبد.

تلميذ الصحراء

02/08/2010, 03:11 PM

الله يرفع مقامك
يا رفيع المقام

رفيع المقام

02/08/2010, 03:19 PM

آمين ومن يقول

ومن يقرأ(عشان ما نزعل القراء):)

موفق

الخالد1

02/08/2010, 05:37 PM

ممتاز بارك الله فيك

النتاوي

02/08/2010, 09:22 PM

يا ليت الزملاء الكرام الذين أتحفونا بالردود يتحفونا بالصور أفضل وأحسن

أبو مها

02/08/2010, 10:00 PM

السلام عليكم ورحمة الله وبركاته
الاخ تلميذ الصحراء
لابد من تحديد إحتياجك لهذا الموقد
لنتمكن من ترشيح موقد مناسب لك
علما أن جميع المواقد المرهمة خطرة وتحتوي
على عيوب كبيرة
نصيحة إبتعد عنها وهنا بعض مشاركات الاعضاء
وما حدث لهم مع المواقد المرهمة:
http://www.mekshat.com/vb/showpost.php?p=4613930&postcount=44

http://www.mekshat.com/vb/showpost.php?p=3935686&postcount=3

وقد طرحت موضوعي التالي
لتغطية كثير من العيوب والخطورة:

موقد (( أبو مها المطور ))...... ترهيم بأقل قدر من العيوب (http://www.mekshat.com/vb/showthread.php?t=297988)

ومع ذلك إبتعد عن جميع الموقد المرهمة
فهي قنابل موقوتها،،
بارك الله بك وحفظك.

أخوك أبو مها

العاذر

02/08/2010, 10:30 PM

ومع ذلك إبتعد عن جميع الموقد المرهمة
فهي قنابل موقوتها،،
بارك الله بك وحفظك.

أخوك أبو مها

الله يجزاك خير أبو مها على حرصك لكن كلامك في مباااااالغة وتعميم
ولا أعلم أحد اشتكى منها واستخدمها سنوااااات وعوافي الحمد لله

أبو مها

02/08/2010, 10:43 PM

الله يجزاك خير أبو مها على حرصك لكن كلامك في مباااااالغة وتعميم
ولا أعلم أحد اشتكى منها واستخدمها سنوااااات وعوافي الحمد لله

مرحبا أخي العاذر
الله يجزاك خيرا وشكرا لدعائك
أخي الغالي بنفس المشاركة وضعت رابطين
لتجربت المرهم أحد الرابطين كان هناك وفيات
http://www.mekshat.com/vb/showpost.p...0&postcount=44 (http://www.mekshat.com/vb/showpost.php?p=4613930&postcount=44)

http://www.mekshat.com/vb/showpost.p...86&postcount=3 (http://www.mekshat.com/vb/showpost.php?p=3935686&postcount=3)

كما أن السواد الاعظم من مستخدمي المواقد هذه لايكتبون
بالمنتدى والله تعالي أعلم
أنا مجرد ناصح وانتم مخيرين في هذا
بارك الله بك

العاذر

02/08/2010, 11:06 PM

أخي الغالي أبومها في الرابط الذي أدرجته :
1- أن(سبب الانفجار جهل من الشغاله) هذا ما قرأته ولا تعليق لي سوى أن هذا يحصل في جمييييع المواقد

2- أن (الموقد المرهم السابق حصل لي معه
إشتعال كامل للموقد من جمبع الجهات) ربما زاد على الشعلة أو لم يتأكد من ربطه

وعموما ليس هناك إلى الآن ما يفيد التحذير منها لشكوى غير واضحة وحدة شغالة والثاني لا يعرف سبب اشتعال كامل الموقد

وبيض الله وجهك ويعطيك العافية

انتيفا

02/08/2010, 11:10 PM

اخي العزيز اسعد الله اوقاتك بكل خير لا امدح هذا ولا اسب ذاك فالعاقل خصيم نفسه زر محلات الرحلات فسوف تجد ماتبحث عنه اما اذا انك تبحث عن المرهم فلا تتعدى دوافير البريه فهي صراحه قويه واقتصاديه والذي يقوم بالترهيم شخص سعودي ويعمل بيده يعني تهمه السمعه لمنتجاته ويدعى ابو يزيد فهوا انسان نصوح اذا استفسرت منه افادك بمميزاته وعيوبه حتى لوهو من ترهيمه تحياتي للجميع

الوابصي 44

02/08/2010, 11:37 PM

بريموس الهندي ممتاز
قبله اخذت صيني ورميته بعد مدة قصيرة لانه يسرب الغاز وفيه خطورة
وااخذت بريموس وارتحت لاتنسيم ولا شي وشعلته ممتازة
صحيح انه اغلى شوي بس يريحك والفرق بالسعر مو كثير