المساعد الشخصي الرقمي

مشاهدة النسخة كاملة : تهريب زيت الدركسون vx-r


ابو اياد737
29/07/2010, 04:50 PM
( السيارة لاندكروزر vx-r موديل 2001 استخدام امريكي 8 سلندر )

ياجماعة الخير مساء الخير..

عندي تهريب في زيت الدركسون وغيرت اصلاح علبة الدركسون مرتين مافيه فايده علما ان التهريب كثير وواضح وانا ازود الزيت في العلبة من 3 الى 4 ايام في الاسبوع والاحظ ثقل في الدركسون ولما انعطف بالسيارة انعطاف حاد تقريبا تولع عندي في الطبلون لمبة الانزلاق ويطلع صوت جرس واذا استمريت في الانعطاف احس السيارة تطفى وتهدى سرعتها - اظن والله العالم انه حساس عشان ما انقلب - علما بان السيارة لم تتعرض لاي حادث نهائيا ولله الحمد .. افيدونا ماجورين
ابو اياد737
30/07/2010, 12:50 AM
معقوله مافي رد؟؟؟؟
ابوفواز1000
30/07/2010, 03:13 AM
الله يمسيك بالنور
شف اخوي ابو اياد انا صار عندي تهريب في علبه الدركسون ورحت لورشه وشرطت عليهم التصليح مع الضمان وقالو لي جب اصلاح من الوكاله المهم ضبطوا لي التهريب وقالوا على الضمان لمده شهر وبعد اسبوع طلع تهريب ورجعت لهم وفكوا العلبه وقالوا فيه اشياء تحتاج خرط ودوها للمخرطه وضبطت ولله الحمد لاكن اهم نقطه الضمان لاتنساه اشرط عليهم اذاهربت يصلحونه مجاناً
اما المشكله الثانيه ماعندي علم عنها يفيدونك الشباب
ابو اياد737
30/07/2010, 04:04 PM
مشكور اخوي ابو فواز الله يعطيك العافيه
سوبر VTC
30/07/2010, 05:28 PM
انت متاكد ان الورشة سوت اصلاح للعلبة ؟؟؟
هل هم ثقة ؟؟؟
هل انت عند الموتر يوم يصلحونه ؟؟؟

يفترض ان اصلاح العطل على ضمانة الورشة
بمعنى
لو ماراح التهريب يجب ان يتحملوا السبب او العطل + قيمة الاصلاح


هل اذا لفيت الدركسون و انت واقف ثقيلة الطارة ؟؟؟
ابو اياد737
30/07/2010, 06:25 PM
اصحاب الورشه ثقه وقالو لي احتمال كبير ان العطل من مجموعة الدركسون بس بنغير الاصلاح للخروج من الموقف باقل الخسائر اذا مشى الحال والا ترى يبغالك مجموعه وغيروه وانا معاهم بس مافيه فايده
----
ايه اذا لفيت الدركسون وانا واقف الطارة ثقيله وكمان اذا جيت بأديور ولفيت بسرعه يثقل كمان واحس السيارة تلعب اذا صرت ماشي كأن فيه فضاوه
باسم الرياض
31/07/2010, 12:01 AM
والله يااخوي شكل هذا عيب بالجيب الاند لان معي هدد واكثر الشباب كلهم يشتكون من الدوده
وعندي انا بعض الاحيان تثقل الطاره تقول بدون هواء ولازم اوقف والف الدركسون يمين او يسار وادعس بنزين ثمن امشي ويضبط تصير معي مرتين بالاسبوع والعلبه تنقص كل اسبوع ازووده
ابو اياد737
31/07/2010, 11:24 PM
شكرا لمرورك اخوي باسم..

طيب لو غيرت له مجموعة دركسون كامله وكالة بتروح المشكله والا بس باتوهق والله اني ماعاد دريت وش اسوي؟