محلات الرحلات في ماليزيا وين نحصلها

[ملف علاقي]

حياالله كل الاخوان انامتواجد حاليا في ماليزيا وبحثت عن اماكن الرحلات وماوجدتها ولا احد قدر يدلني عليها لو فيه احد عنده خبر عنها يخبرنا وين مواقعها مشكور ودنا نمر عليها يمكن عندهم شي يناسب لنا ولكم ودي واحترامي

[sharpvtc]

انا ايضا اخوي انتظر حد يدلني عليها

[القناص الأسود]

حياك الله يا الغالي...

أنا بدلك على مكان ولو وما وجد فيه غرضك تكون فهمت وين تحصله

في ماليزيا محل أسمه الـ giant سلسلة سوبر ماركت ضخمة... بها تقريباً كل شي
وتختلف أحجامها من مكان لأخر...
http://www.giant.com.my/

في قسم فيها خاص بالرحلات أنصحك بزيارته قد تجد ما تبحث عنه... وإن لم تجد ابحث في السوبرماركتات الأخرى

لكني وللأسف لا أعرف مكان بعينه (محل رحلات)

وأسف لو قصرت معك في شي أو معلومة ولو في أي شي راسلني عالخاص


عندهم قسم خاص بإكسسوارات السيارات لا تفوته

[الزعازع]

انا قد لا افيدك الكثير لكن قد اساهم في معلومة بسيطة ممكن تمسك طرف الخيط ...

ممكن تسال الفندق الي انت ساكن فيه .... تلاقي عندهم من يتكلم العربيه ( من اصل عربي ) ممكن يفيدونك

او فيه شارع اسمه شارع العرب قريب من التايمز سكوير فيه محلات تبيع العود و البخور
اصحاب المحلات حضارم ممكن يفيدونك او في نفس المنطقه المطاعم العربيه العاملين فيه عرب

او اصحاب التكاسي الذين يتحدثون العربيه
و اذا تبي ارقام تيلفوناتهم ممكن اعطيك على الخاص
ممكن تكلمهم و اذا يعرفون يجونك و يوصلونك الى المحل

ارجو ان تجد ضالتك...
تحياتي لك

[مستور الحال]

1- اذا كنت ساكن في كوالالمبورفيه مجمع كبير جدآيسمى ( مد فالي مول) هذا سوق كبير بمعنى الكلمة ويعتبر اكبر سوق في شرق آسيا ويبغالك اكثر من ثلاثة ايام لين تمر عليه كامل انت ونشاطك طبعآ . تاخذ تكسي وتقول له يوديك ويوقفك عند المدخل الشمالي هناك تقدر تسئل الاستعلامات عن اماكن الرحلات وبيدلونك عنها ان شاء الله ( اتمنى انك تتكلم انجليزي ) بتهون امورك كثيروحاول انك ما تضيع المدخل لان التكاسي متوفره في المدخل هذا ويعتبرالمدخل الاساسي للمول .

2- فيه مجمع صغير ومحفوف ومرتب صراحه عاجبني كثير مره لا فوضى و لا ازعاج وكامل من مجاميعه وراقي جدآ في منطقة بيتالنج جايا (PJ-Section fourteen) واختصارها منطقة بي جيه الجزء رقم 14 اسم المجمع جايا 33 ( Jaya 33 ) الدور الثاني ويسمون محلات الرحلات و العدد هارد وير( Hardware) .

هذا اسئل الله ييسر امورك واي خدمه انا مستعد ياغالي .