الي له خبره با لباثفندر هنا لا تعدانا

[سفاح الصفاري]

السلام عليكم ورحمة الله





من مراقبي

و أعضاء

و زوار





حبية أسألكم عن الباثفندر 2005 والله أدور لي ولا

أدري عنه





ويا ليت ألي مجربه ولا له خبره عنه ويعرف عيوبه يعلمنا عنه





ولي يمدحه ويخبر لانا واحد يا ليت لاينسنى





بس أهم شي يكون نظيف ولا فيه سمكره





ولا صدمات ولا تهريب زيوت





ولا ارتفاع حرارة





من يخبر لنا لا ينسى نا





بس بعد ما نسمع عيوبه





ومشكورين

[abo tayyar]

وعليكم السلام ...


ابرز عيوبه نقص زيت المكينه
(من موديل 2003 - 2005 مكينه 3,5 )
وسببه ضعف بالشنبر وطبعا عيب مصنعي بكثير من السيارات الجديده ..
والشي الثاني مسامير الثلاجه حقت المكينه عيبها تطيح مع الوقت وتخبط المكينه بسببها وحلها تلحمها أو تلغيها ولا تخاف منها شغلتها بسيطه ..
غيره خذ موتر تبي راحه تبي عزم تبي خفه تبي شكل ما شاء الله ..


بالتوفيق والله يرزقك بالموتر النظيف ..

[عصاقيل الدخله]

اهم شي بالباثفندر مسامير الثلاجه تكون مشيوله ولا ملحمه
وبالنسبه للحراره فيه ناس تشتكي منه وناس لا وكل هذا يرجع للاديتر والبلف وغيرها من الامور
ما خبرة شي حولي لاكن ادخل على رابطة ملاك الباثفندر الجيل القديم وانشاء الله تلاقي انشاء الله اني افدتك ،،، سلام

[PATHFINDR]

السلام عليكم
مساء الخير اخوي
انا معي باثــ موديله 2003 مطلعه على ايدي من ايامه فل كامل صورته اللي بالتوقيع
ولله الحمد موووووووووووتر اشهد فيه بكل ثقه وفخررر
برررر طلعت عليه وكشت بشعبان اللين مأذنة
خط مكست عليه خطوط وابعد مكان رحت عليه الامارات وقطر وصلاله

موتر حرااره تماام مسامير الثلاجه موجوده عندي الا الان ومافكيتها ولا لحمتها وماشاء الله حتى الصوت ماطلعلي

نجي للعيوب :
نقص الزيت (( وبين قوسين على الاستخدام طبعاا النقص ينقص لاكن على حسب رجلك واستخدامك
انا يمشي معي الزيت 6000 االى السبعه اذا جيت اغير الزيت ناقص يمكن نص علبه الا علبه الا شوي ماشاء الله
البانزين (( البانزين الصراحه ياكل وبكثره خاصه اذا وصل الامبير النص يبدا ينقص بقوهـ

هذا الللي انا ملاحظه على الموتر

وطبعا فيه الميكانيكه عيوبه على حسب الاستخدام
واي شي تبغاهـ طال عمرك ارسلي رساله على الخاص وابشر بعزك

ومووووووووووووفق خير ان شاء الله ...

[مهاجر الليل]

والله صدقتوا أن الباث
مشاكله واجد
وتقبلو مروري

[سفاح الصفاري]

والله يا شباب ألي هذا أوله ينعاف تاليه

والله الظاهر صرف النظر عنه أصرف

وأما أخوي Pathfindr أنت فاكه على أيدك ومحافظ عليه

مو مثل ذا الي جيك لاعن والديه ثم يقول بابيعه

بس ألي يحصلي مخزن ياليت يردلي

ومشكررررررررررررررروين وعساكم على القوه

[ابوناصر السهلي]

الله يرزقك

[عبدالعزيز999]

ابعد عن الباثفندر حتى لو كان نضيف اقصد من مديل 2003 الى 2005
ان مستخدمه فيه عيب مصنعي بالماكينة يعني لابد من الحرارة وبالنهاية الله يعينك عليه
وقطع غيار نار
واعرف تقريبا 10مواتر كلها جاته حرارة
النصيحة :اابعد عن الشر وغنيله

[nasseeer]

والله يالربع انا عندي 2005 ومرتاح معه مررة ،، الحرارة ركب لها رديتر رصتين ويضبط معك تماااام التماااام مجربه من اكثر من واحد
والمسامير فكها 200ريال وخلاص انحلت المشكلة ،، انا الحمدلله ماواجهتني مشكل فيه مع اني امسك خطوووط كثير وبشكل دائم،،طبعا لابد انك تحافظ عليه في بعض الامور مثل تغيير الزيت وغيره وهذا شيء طبيعي والي بيشتري مسنعمل يجي انه يتأكد انه نظيف لان اكثر الي معهم الباث ويشتكون منه تبقاهم لاعنين جدفه في البر والله الحافظ