المساعد الشخصي الرقمي

مشاهدة النسخة كاملة : ودي اشتري لي طراد


المدمر (1)
27/06/2005, 12:21 PM
السلام عليكم يالمكاشيت

في خاطري اخذ لي طراد بس ماعندي اي خلفية عن الطراريد واسعارها

اذا احد عنده خبره ياليت يفيدني او احد عنده طراد للبيع نظيف وصغير مثلا 18 قدم ياليت يساعدني


ماش السيف مايساعد :d
( برى بحرى)
27/06/2005, 12:26 PM
هلا وغلا فيك يا المدمر والكل راح يساعدك

بس قول انت من وين
المدمر (1)
27/06/2005, 12:36 PM
هلا والله اخوي بري بحري

انا من الدمام
( برى بحرى)
27/06/2005, 01:04 PM
عزيز وغالى طال عمرك

لو بالكويت من عيونى والله

بس خل افيدك بشىء انتبه الى المكينه الافضل والاحسن تكون فور ستروك يعنى الجيل اليديد والافضل بعالم المكائن البحريه

يعنى الوقود بروح والدهن بروح ليست نظام الخلط مثل التو ستروك دهن + وقود

الفور استروك اقتصاديه بكل شىء من حيث الوقود والدهن يعنى مثل سيارتك وصوتها اهدى شويه

اما التو ستروك مزعجه ومصرف دهن + وقود

والله يوفقك
المدمر (1)
27/06/2005, 04:15 PM
تسلم لي على هالمعلومة اخوي الله يوفقك
gulfhunter
27/06/2005, 04:36 PM
السلام عليكم ورحمة الله وبركاته

حياك الله اخوي المدمر 1..... ماشاء الله عليك زاد الشوق للبحر.... تستاهل......

تبي جديد او مستعمل....

الله يوفقك بطراد جيد.... يوسع خاطرك....
المدمر (1)
27/06/2005, 06:27 PM
لا والله مستعمل على قد الحال
gulfhunter
28/06/2005, 06:50 AM
السلام عليكم ورحمة الله وبركاته

هلا بك اخوي المدمر (1).......... بالنسبه إلى المستعمل بتلاقي ......... لكن شوف لك طراد عدل.... والمكينه تكون جيده وأهم شي المكينه .... بالنسبه إلى فور ستروك ماراح تلاقي مستعمل ....... المستعمل كل مكاينه من النوع القديم..... الروضان 18 زين ....... وفي 18 مصنع يعقوب وهو زي الروضان ..... وفي انواع كثيره ... وانت شوف وإذا لقيت شي نزل موصفات في المنتدى ونعطيك راينا فيه والله يوفقك
graywhiteshar
28/06/2005, 01:56 PM
السلام عليكم ودي اسال اهل الخبر اذا كانو يعرفون اسعار الفور ستروك انجن كم بلاقيها جديده
gulfhunter
28/06/2005, 02:20 PM
السلام عليكم ورحمة الله وبركاته


حياك الله أخوي graywhiteshar .......... زيت منت عارف المكاين الفورستروك اكيد أغلى من القديمه...... لكن يعتمد على نوع الأنجن وكم القوه....... لكن ماراح تلاقيها اقل من 15000 SR
riffe
28/06/2005, 07:39 PM
السلام عليكم


المدمر ماقلت لنا طول الطراد وليش راح تستخدمه هل حداق ولا قراقير ولا نزه ولا لشبك حتى نقدر نساعدك اكثر
Abu_Mahmoud
29/06/2005, 11:22 AM
السلام عليكم ورحمة الله وبركاته
سعر الفور ستروك الياماها 100 حصان عند الخريف بحوالي 26000 ريال و ما اعرف محل ثاني في الشرقيه عنده 4 ستروك لكن في جدة مليان
المدمر (1)
29/06/2005, 12:15 PM
اخي riffe

شكرا لمداخلتك

ابغاه يعني 18 قدم

وللحداق فقط
riffe
29/06/2005, 03:36 PM
انا اعتقد اذا كان طوله 19 المكينه رقم 75 او 85 اوكى عليه بس نوع الطراد لزم تشوف البحاره اللى فى نفس منطقتك لنه فى بعض الطرادات لما تمشى بهاا تروس من جدام وبعضها يكون تقيل بس ما يتحرك بلموج وما ينفع تروح فيه مكانات بعيده وصرفيه البترول تكون كبيره بس 19 قدم اكيد بكون صعب فى المياه المفتوحه لو تاخذ لك 26 قدماو 25 والمكينه مثل مانصحك اخوناا برى بحرى بس اذا كانت ماعندك امكانيه تقدر بعد تحط 85 او 75 ويكون طراد خفيف يمكن يجب لك سرعه من 40 الى 50 كيلوو

اخوى المدمر لزم تعرف ليش بتستخدم الطراد اذا كان داخل الخيران ينفع 19 قدم بس فى المياه المفتوحه ما ينفع ولزم يمكن تستخدم القراقير ومادرى شو رايى اخوانى البحاره