مشكله في مكيف السياره

[حب لاينتهي]

السلام عليكم

المشكله في مكيف السياره الفورد كراون فكتوريا 2004

وهو اذا شغلت المكيف يجيك هواء بس وبعد ربع ساعه يجيك الهواء البارد

وبعدها بشوي يرجع الهواء بس

مع العلم اني عبيت فريون ولا فيه تهريب

وفيه من قال غير كويل الكمبرسر

وش الحل بارك الله بكم

[ابوعيون1]

السلام عليكم ورحمة الله وبركاته..
اخوي صاحب الفورد تأكد بأن الكمبرسر يشبك ويفصل يمكن يفصل ولا يشبك . وتأكد من حساس الكمبرسر..اعانك الله على مشكلتك... وتقبل تحياتي...

[adil33]

غير الثيرموستات تحت الطبلون من جهه الراكب الامامي وباذن الله يضبط معاك

[حب لاينتهي]

ابوعيون

مرحبابك الف شكر سلمك الله

[حب لاينتهي]

غير الثيرموستات تحت الطبلون من جهه الراكب الامامي وباذن الله يضبط معاك

هلابك أخوي

بس هذا وش عمله بالضبط وكم قيمته

بارك الله فيك

[حب لاينتهي]

هلابكم

وش تنصحوني بالورشه الزينه في الرياض

بارك الله بكم

[سطام vip]

هلا بك اخوي انا صادفتني مشكله مقاربه لمشكلتك

بس عندي سؤال هل اذا شغلت المكيف تسمع صوت طقه في الطبلون؟؟؟

اذا كان ايه هذا يالطيب من بوابه الهواء الحار ما تقفل لانها اتوماتيك

وتعلق وتصليحها يكلف حوال 2500 ريال بس فيه مهندسين يقفلونها لك

ويكون ما فيه مكيف حار بس بارد يقفلونها ب100 ريال فقط ويضبط المكيف

واحسن ورشه يسوونها هم ورشه القحطاني في صناعيه العاصمه على طريق المدينه المنوره

في الرياض اذا دخلت الصناعيه محلات قطع الغيار على يسارك ثالث شارع يمين ادخل معه

ثاني ورشه على اليسار لوحتها صغيره فيها كهربائي باكستاني ملتحي يحبه قلبك ونصوح

الله يوفقك ويسهل امرك اخوي ودمت بخير

[exsoskeleton]

ببب

هلا بك اخوي انا صادفتني مشكله مقاربه لمشكلتك

بس عندي سؤال هل اذا شغلت المكيف تسمع صوت طقه في الطبلون؟؟؟

اذا كان ايه هذا يالطيب من بوابه الهواء الحار ما تقفل لانها اتوماتيك

وتعلق وتصليحها يكلف حوال 2500 ريال بس فيه مهندسين يقفلونها لك

ويكون ما فيه مكيف حار بس بارد يقفلونها ب100 ريال فقط ويضبط المكيف

واحسن ورشه يسوونها هم ورشه القحطاني في صناعيه العاصمه على طريق المدينه المنوره

في الرياض اذا دخلت الصناعيه محلات قطع الغيار على يسارك ثالث شارع يمين ادخل معه

ثاني ورشه على اليسار لوحتها صغيره فيها كهربائي باكستاني ملتحي يحبه قلبك ونصوح

الله يوفقك ويسهل امرك اخوي ودمت بخير




إجابة وافيه ... وهذا نفس الى حصل معي

[فهد خميس]

اخوي اعمل تنظيف لثلاجة المكيف
وبتشوف الخير ان شاء الله

[حب لاينتهي]

ابو سطام

هلابك هذا صارمعي قبل سنه ونصف قفلت الحار وصار بارد بس

والآن اذا شغلت المكيف يطلع هواء بس بدون تبريد وبعد ربع الساعه يطلع الهواء البارد تقول انه شبك الكمبرسر مدري

وش رايك

[حب لاينتهي]

ببب


إجابة وافيه ... وهذا نفس الى حصل معي


مشكور اخوي

[حب لاينتهي]

فهد

كم تكلف

وهل مامنها خوف اخاف تخرب ولا تخرب شيء ثاني

سلمك الله

[حب لاينتهي]

افيدوني تكفون

[حب لاينتهي]

شكل مشكلتي مالها حل مستعصيه والي يلقى حل لايبخل علي ذبحنا الحر

[حب لاينتهي]

الحمد لله لقيت الحل

في صناعية الخليج

اول مارحت لواحد سوري قال مدري وتركته ورحت لواحد سوري ثاني قال

الكمبيوتر يبيله تزيين خلها وتعال بكره وبزينها 600ريال وتركته

رحت لفلبيني وقال سوفحص كمبيوتر ويوم رحت افحص قال الكمبيوتر

مايطلع خراب المكيف قال وش القصه علمته قال عندي 250ريال

قلت توكل على الله لعب فيني الحر وانا صايم

فك المكيف ونضفه ونضف السلاك وفك الفصله بس بدون مايفك الطبلون

فتح الدرج وفكها

لاتسمعون للي يقول لازم افك الطبلون ترها تفك من عند الدرج

ونضف الي عند الكويل

والحمد لله زان بس عاد يبي من يمسك به خط ونشف

مشكورين

[الجوكر2010]

خذ علم انا اخوي زي كذا وحط فريون اصلي ومشا معاه

[ابوصالح77]

الحمد لله لقيت الحل

في صناعية الخليج

اول مارحت لواحد سوري قال مدري وتركته ورحت لواحد سوري ثاني قال

الكمبيوتر يبيله تزيين خلها وتعال بكره وبزينها 600ريال وتركته

رحت لفلبيني وقال سوفحص كمبيوتر ويوم رحت افحص قال الكمبيوتر

مايطلع خراب المكيف قال وش القصه علمته قال عندي 250ريال

قلت توكل على الله لعب فيني الحر وانا صايم

فك المكيف ونضفه ونضف السلاك وفك الفصله بس بدون مايفك الطبلون

فتح الدرج وفكها

لاتسمعون للي يقول لازم افك الطبلون ترها تفك من عند الدرج

ونضف الي عند الكويل

والحمد لله زان بس عاد يبي من يمسك به خط ونشف

مشكورين
الحمد لله على البركة
زين سويت بها الحرمية

[كريم الطباع]

هههههههههههههه السواريه ما تعوق معهم فحص كمبيوتر و 600 ريال
بس لو تكرمت اسم الورشة ووصفها وين عن محلات قطع الغيار

[حب لاينتهي]

الجوكر

هلابك

كيف احط فريون اصلي تقصد تعبيه انا عبيت اصلي ولا فاد

تسلم

[حب لاينتهي]

ابو صالح

هلابك

الله يبارك بعمرك تسلم

[حب لاينتهي]

كريم الطباع

اسم الورشه مدري

الوصف

وانت وجهك شرق اذا لفيت يمين تجي محلات قطع الغيارعلى يدك اليمين لاتلف الشارع سيدين خذ

اول مديور (يوتيرن)وآخر ورشه على يدك اليمن هي

وان شاء الله تنحل مشكلتك