المساعد الشخصي الرقمي

مشاهدة النسخة كاملة : طقطقة في دركسون الفورتشنر عند المطبات والبطانيج


ساري الدياجي
30/07/2010, 08:53 PM
عندي مشكلة وهي عدم ثبات كامل في (المقود ) أثناء المطب حيث يظهر صوت طقطقة أو قرقعة مصحوبة باهتزاز خفيف بالدركسون (أحس الصوت صادر من داخل الغمارة عند رجولي تكرمون) متأثرة بأي مطب أو بطناج أثناء السير بالفورتشنر بغض النظر عن سرعة السيارة حتى لو كنت أمشي بسرعة 10كلم/ساعة وأكثر ما تظهر في الطرق الوعرة والمطبات والبر



وعندما أمسك الدركسون بقوة وأثبته بيديني وأنا أمشي أثناء المطب والبطناج ألاحظ أن الطقطقة تخف

كأن الدركسون مرتخي ..أو ما أدري أيش بصراحة

فما العمل يا أهل الخبرة؟
دحيم الفزعة
30/07/2010, 10:28 PM
السلام عليكم
اخوي انا ما ني فاهم لكن عندي خلفيه بسيطه ويمكن تفيدك
يمكن تكون جلبه ذراع الدركسون عندك متقطعه
شيك عليها
تحياتي ===
ساري الدياجي
31/07/2010, 04:43 AM
السلام عليكم
اخوي انا ما ني فاهم لكن عندي خلفيه بسيطه ويمكن تفيدك
يمكن تكون جلبه ذراع الدركسون عندك متقطعه
شيك عليها
تحياتي ===

هلا أخوي دحيم الفزعة

الجلبة اللي بين الغمارة والكبوت سليمة.. لكن الذراع يتحرك خفيف إلامن هزيته.. وأنا أزعجني صوت القرقعة اللي داخل الغمارة.. تحت الطبلون
ساري الدياجي
31/07/2010, 05:14 AM
هل الفورتشنر فيه مفاتيح تشحيم؟

أقصد أماكن للتشحيم في السيارة وين؟ وكم عددها ؟

لأن موترى تعدى 120 وما شحمته نهائيا. وأسمع أصوات بعمود الدركسون وطقه بالقير خفيفة عند التغيير من D لى R
وكذلك ثقل بعصا الدبل

أرجو منكم يا أهل الخبرة أن تدلوني والله يبارك فيكم

بالانتظار
عبدالإله9933
01/08/2010, 12:59 PM
شيك على صليب عمود الدركسون يمكن يحتاج تغيير ولا تشحيم لانها سات بيوكن الوالد ووديته ورشه فكوه ونظفوه ثم رجعوه وراحت المشكلة
والله يساعدك في حل مشكلتك
اتمنى اني افدتك
ساري الدياجي
01/08/2010, 09:54 PM
شيك على صليب عمود الدركسون يمكن يحتاج تغيير ولا تشحيم لانها سات بيوكن الوالد ووديته ورشه فكوه ونظفوه ثم رجعوه وراحت المشكلة
والله يساعدك في حل مشكلتك
اتمنى اني افدتك

جزاك الله خير ياعبد الإله

ما قصرت..
مسمار شداد
18/02/2012, 10:08 PM
نفس المشكله في جكس 2000
عشق البر
20/02/2012, 05:28 PM
اخوي يمكن الذراع عندك يبيله (كبس اذرعه) على كلامك انه يهز شوي والدركسون يتحرك مع المطب؟
وقبل ما تكبسه اسأل بكم سعر الجديد اذا مافيه فرق واجد عن الكبس غيره اضمن لك
وان كبسته لاتكبسه مره ثانيه
وبالنسبه للصوت الدركسون متى يطلع وهل هو قوي صوته؟؟