يا اخواني عندي استفسار للي يمسكون خطوط { الامارات }

[ط ع ا 856]

السلام عليكم ورحمة الله وبركاتة


اخواني عندي كم سؤال وياليت تجاوبوني عليها ...

1- انا ناوي اروح لللامارات بسيارة صغيرة خلونا نقول وشي السيارة السيارة كورولا من الموديل الجديد..
السؤال هو هل توصلني لدبي مع طريق حرض يعني تعرفون الطريق من حرض مقطوع مافية ولا محطة .... والسيارة حلوة صرفيتها ... مع العلم ماني راعي سرعة ... يعني هي توصلني للخبر والتانكي باقي فية الربع ...

انا متخوف من هذا الشيء و اخاف تنقطع فيني ... وابلش ... ؟

2- كم كيلو من اول ما امسك طريق حرض لين منفذ البطحاء ... ؟

3- وكم كيلو من المنفذ لدبي ... ؟

وهل فيه احد جرب او شاف سيارة صغيرة ؟

وشاكر لكم واسف على الاطالة ......

[ابو ذياب444]

السلام عليكم
اولا المسافه من الرياض الى حرض 260 كيلو ومن حرض الى منفذ البطحا 270 كيلو ومن النفذ الى دبي تقريبا 430
ثانيا الخط من الخرج الى حرض ومن حرض الى البطحا سيد واحد:eek:
ومن المنفذ الى دبي سيدين ومطنوخ بعد:good2:
ثالثا محطات بعد حرض اكثر من خمس:good2:
رابعا اخوي عادي سياره صغيره اهم شي تمشي:D


اي استفسار حاضرين

[ط ع ا 856]

ماقصرت اخوي أبو ذياب 444 على ردك الرائع ..... ...

وانشاء الله اني ابي اتوكل على الله وامشي ...

[new boy]

السلام عليكم ورحمه الله وبركاته

ابنصحك بخط جديد احلى من خط حرض 100 مرة هو طريق سعد بعد ماتعداء اول نقطة تفتيش وانت مع طريق الرياض الدمام

يجيك كبري سعد اطلع منه سيدين الى الاحساء وقبل الاحساء فيه دايري مايدخلك الديرة والطريق كله محاط وسيدين وافضل من حرض كثير والفرق مايجي 60 كيلو وتشري سلامتك وراحتك من طرق مقطوع وغبار 24 ساعه وتريلات على طول هذ جديد وخيال مره
من وجهت رجل مجرب طريق الامارات
كل شهر

[ابو ذياب444]

لاشكر على واجب
حبيت انبهك على الخط اذا بتمشي بالليل تنتبه لان الرمال متحركه :(
درب السلامه انشالله:good2:

[مجنون عسل]

عزيزي الغالي اذا نويت بالسفر لا تجي الخط الا على وجهة نهار لعدة اسباب :-
1- خط واحد رايح جاي كون الخط الثاني لسه ما انتهى مسوين له صيانه
2- رمال متحركة
3- وجود في بعض المحلات عزب لأهل الابل
نصيحتي لك إذا لك نية باممشى ولا انت راعي سرعه وتركز في الطلعات والنزلات حاول انك تمشي مع خط حرض قبل المغرب بساعه ما يجي بإذن الله العشاء الا وانت في البطحاء
بالنسبه للمحطات فيه بعد حرض في الوسيع محطه قريبه من هجرة المهرة لكن اذا عبيت من حرض راح توصلك للبطحاء بالراحه بس اهم شي لا تتعداء 140
اتمنى لك سفراً سعيداً

[نقى المطوع]

الأخ New Boy
هل الطلريق اللي ذكرت يوجد فيه محطات

[مداوي الجرح]

من الخرج الى حرض حوالى 160 ومن حرض الى البطحاء 250 تقريبا بعدحرض وانت متجه الى البطحاء بخمسين كيلوووووو تجيك محطة بنزين تروح وترجع بالسلامة انا توني جاي منهاي استفسار جاهز

[shebali]

السلام عليكم ورحمة الله وبركاته
اول مشاركه لي بالمنتدى
انا كنت اسأل نفس السؤال من شهر وكنت ناوي اروح لدبي وسيارتي صغيره (سيفك) ومعي العائله
نصحوني بأكثر من طريق
استخرت الله ومسكت طريق الرياض الدمام
لين مفرق الهفوف يبعد عن الرياض حوالي 250 كيلو تاخذ يمين للهفوف
مفرق الهفوف ( N 25.87553 E 048.91133 )

من المفرق لين سلو الحدود السعوديه القطريه 255 كيلو تاخذ يمين للحدود السعوديه الاماراتيه البطحا
سلو الحدود السعوديه القطريه ( N 24.76781 E 050.74629)

من سلو لين الحدود السعوديه الاماراتيه البطحا 127 كيلو
الحدود السعوديه الاماراتيه البطحا ( N 24.13676 E 051.57002)

من الحدود لين ابوضبي حوالي 350 كيلو
ومن ابو ضبي لين دبي حوالي150 كيلو

توجد محطة بنزين عند مبنى جامعة الهفوف مباني جديده
( N 25.27230 E 049.56170 )
فيه محطة ساكو على اليمين قبل مفرق سلو
وفيه محطه قبل الحدود السعوديه الاماراتيه البطحا
الطريق بالكامل مزدوج
فيه محطات كثير
الطريق فيه رمال كثير لا تسرع
انا مشيت الضهر وماشي على مهلي صليت المغرب في البطحا
والحمد لله رجعت بنفس الطريق قبل اسبوع
اتمنى اني افدك
واتمنا لك رحله سعيده

[ط ع ا 856]

ماقصرتوا يا اخواااااااااااان وبيض الله وجيهكم ....

وانا انشاء الله عزمت على السفر .... بعد كم يووووم ....

[اماراتي1]

السلام عليكم ورحمة الله....

اهلا وسهلا في بلدك الثاني الامارات العربية المتحدة

اولا :
اللي اعرفة ان ان الكورلا تقطع بخزانها الواحد اكثر عن 525 كم على سرعة 150 كم/ساعة عن تجربتي الشخصية

وان الطريق من الرياض الى حرض ما يقارب 300كم توجد به خدمات الوقود على اخر مناطق الخرج....يعني 150 كم لا يوجد وقود على حسب علمي

ومن الحرض الى البطحاء المنفذ السعودي توجد ثلاث محطات او اكثر موزعة....240كم
من الغويفات الى دبي توجد اكثر من 9 محطات وقود موزعةعلى 450كم
وهي مقسمة كالاتي:
محطة السلع بعد المنفذ الحدودي ب15 كم
ومن ثم محطة الحمرا على بعد 110كم
ومن ثم محطة طريف على 150
ومن ثم محطة الشوامخ على بعد 110
ومن ثم محطة السمحة على بعد25 كم
ومن ثم محطة غنتوت على بعد30 كم

ملاحضة :كل المحطات على يمين الطريق (((يعني على نفس المسار الذي انت تسلكه ناهيك عن محطات المسار المعاكس لحركتك.....مع ان محطات الوقود شاملة الخدمات من (مسجد وسوبرماركت وخدمات السيارات ومطاعم وغيرها...

والطريق امن ليس عليه خوف من ان تسلكه بسيارتك
نتمنى لك رحلة سعيدة,,,,
ولاي استفسارات حنا حاضرين....

[ط ع ا 856]

السلام عليكم ورحمة الله....

اهلا وسهلا في بلدك الثاني الامارات العربية المتحدة

اولا :
اللي اعرفة ان ان الكورلا تقطع بخزانها الواحد اكثر عن 525 كم على سرعة 150 كم/ساعة عن تجربتي الشخصية

وان الطريق من الرياض الى حرض ما يقارب 300كم توجد به خدمات الوقود على اخر مناطق الخرج....يعني 150 كم لا يوجد وقود على حسب علمي

ومن الحرض الى البطحاء المنفذ السعودي توجد ثلاث محطات او اكثر موزعة....240كم
من الغويفات الى دبي توجد اكثر من 9 محطات وقود موزعةعلى 450كم
وهي مقسمة كالاتي:
محطة السلع بعد المنفذ الحدودي ب15 كم
ومن ثم محطة الحمرا على بعد 110كم
ومن ثم محطة طريف على 150
ومن ثم محطة الشوامخ على بعد 110
ومن ثم محطة السمحة على بعد25 كم
ومن ثم محطة غنتوت على بعد30 كم

ملاحضة :كل المحطات على يمين الطريق (((يعني على نفس المسار الذي انت تسلكه ناهيك عن محطات المسار المعاكس لحركتك.....مع ان محطات الوقود شاملة الخدمات من (مسجد وسوبرماركت وخدمات السيارات ومطاعم وغيرها...

والطريق امن ليس عليه خوف من ان تسلكه بسيارتك
نتمنى لك رحلة سعيدة,,,,
ولاي استفسارات حنا حاضرين....


أشكرك أخوي جزيل الشكر ...... والله رد واااااااااافي وما قصرت .... وراسك شامخ أخوي ......

ولا يهنون الاخوان