بسبب تغيير الزيت ارتفعت حراره السياره

[سلفاريو]

السلام عليكم جميعا
ياشباب مشكله ومدري هي من الزيت ولا شي ثاني كانت حراره سيارتي الربع والمكيف شغال وقت الظهر وبعد ماغييرت الزيت على طول صارت ترتفع الى النص وتتعدى شوي مدري ...وش تتوقعون الزيت له علاقه ولا لا ...علما باني غيرت نوع الزيت لان ماحصلت عنده نفس الزيت الي متعود اغيره ...
الزيت السابق كاستروال 20 50 والزيت الحالي سوبر 20 50 اتمنى من يفيدني ولكم مني كل الشكر

[أبو هاجوس]

وش نوع السياره الله يجزاك خير

[أبوصقر]

والله شف طال عمرك..من ناحية ارتفاع الحرارة فإذا كان التغير معك بعد تغيير الزيت فالأكيد أن المشكلة منه..بالنسبة لزيت سوبر فما أدري عنه..وأما الكاسترول..فهو الزيت الأفضل بالنسبة لدي وهو الزيت الي أنا أستخدمة..أرجع للزيت القديم أفضل لك..

[black050]

والله وانا اخوك خلك على الزيت الي دايما تستخدمه الله اعلم اذا كان منه السبب او لا
انت جرب من خسران شي ارجع للزيت الأول وشف اذا كان منه او لا

[دددسن]

أخوي سلفاريو صباح أو مساء الخير

أنا ما أعتقد أن الزيت له دخل برتفاع الحرارة لاني سبق وأن غيرت نوع الزيت ولم يحصل شئ
تأكد من مراوح التبريد هل هي تعمل أم لا وكذلك ماء الاديتر يمكن يكون ناقص وخاصة إذا كانت السيارة قديمة

[عبدالإله9933]

تأكد من السيوفون(الفلتر) ممكن يكون مو اصلي ولا يخلي الزيت يدور

[سلفاريو]

شاكر مروركم ياخوان والله يعطيكم الف خير ...بالنسبه للسياره فورد وانيت غماره ونص f150 2006 وكل شي في السياره ولله الحمد ممتاز وكنت جاي من مشوار وكل حاجه تمام بس مجرد تغيير الزيت حصلت المشكله ...ولكن مالي الا اغير الزيت واشوف ...

[مركز حراره]

الزيت لتزليق اجزا المحرك
الما لتبريد المحرك

[سلفاريو]

شاكر لكم ياخوان على المرور

[ابومشخص]

من باب الاحتياط غير زيتك وافتك رجعه مثل الاول

[عبدالعزيزف]

صارت معي نفس المشكلة وهي من الزيت لأن اكثرهم يحطون لك زيت مقلد
ويبيعه بنفس قيمة الاصلي نفس العلبه لاتختلف صعب التفريق بينها