زيت القير ... يهمني رايكم

[شايب مطور]

السلام عليكم ورحمة الله وبركاته


يا أخوان عندي جمس صالون موديل 2001 حجم8100

تم شراؤه مستعمل من 3سنوات او اربع

وعلى مااعتقد لم يتم تغير زيت القير من شريناه


وبما أن عندنا سفر عليه طويل


والسؤال هل أغير الزيت والا أخليه والا وش اسوي؟





تكفون ردوا علي ضروري

[قمري قيال]

زيت القير التماتيك المفروض يغير كل 40000 الى 60000
واكيد ان التغيير افضل بالذات اذا كان لونه يميل للسواد ور ائحته متغيره عن الزيت الجديد
طبعا مع الفلتر وغيره عند مكنيكي فاهم وانحش عن البناشر

[شايب مطور]

قمري قيال اشكرك اخوي



سمعت من واحد يقول نقصه شوي وزده زيت جديد وبعد اسبوع نقصه اكثر من الاولى وزده

وبعد اسبوع غيره كامل



هل كلامه صحيح والا اغير مرة وحدة

[aborajwa]

شف وانا اخوك بعض الناس غير زيت القير اللي له سنين ماغيره وحصل ان خبط القير عليه والسبب انه كان هناك رايش من برادة والتروس تعودت عليه ثم بعد التغيير فرط القير معه .. وقاله خبير القيرات المفروض انك خلاص ما تغيره لكن لو فيه نقص زيده .. لين يطلب الحل بعدها تنتبه له ..

الطريقة اللي انت سمعتها تراها تنفع لانها تخفف القير شوي شوي لين يتعود على الخفه وبعدها تكب الزيت والسيفون وتحط جديد ..

بعض كتيبات السيارات تقول ان الزيت ما يتغير الا اذا كانت السيارة تقاد في ظروف صعبة يعني تحميل وجر وما الى ذلك يغير كل 4 سنوات او كل 80 الف .. واذا كانت فقط داخل مدينه وسفر خفيف فانه ما يغير حسب ما قرأت في كتيب المالك .. طبعا سيارتي فورتشنر قير تماتيك .. والمهم هو القير وليس نوع السيارة ..

[ولد وايل..]

على حسب ممشاك وأنا اخوك...

بساهم شي لا رحت تغيره تأكد ان الزيت غير مستهلك...

ولا سوا الحركه اللي قالها لك خويك اللي تعبيه بالتدريج...

وأخبر طريقه قالنا عنها أستاذنا اصيل حجازي لو تراجع مواضيعه أنه تشغل الموتر ماني عارف ايش بالضبط...

المهم
انت قبل لا تغير اشتر غاز قيت للكارتير مع الفلتر وكاله وخذ علب زيت قير من الوكاله لا تاخذه من البنشر...

وإن كنت بالرياض رح لاحد محلات اي سي ددلكو يغيرونه لك ....


لكن مثل مااقلت لك تأكد ان الزيت غير مستهلك (يعني ماتحول لرايش...)

وإن كان ممشاك قليل اتوقع الزيت يكون حليل....

[سامي900]

غيره خساره زيت ولا ينحاس القير كله بكبره

[ابولانا22]

لالالالالالالالالالا تغير انتبه وتاكلها زي مااكلتها وبالاخير فرط القير
شيك عليه ناقص زيده مو ناقص اتركه

[فهد خميس]

اخوي قوم بتغيير الزيوت للافضل
ويعطيك العافيه