** سرداليات ** ( 4 ) [الأرشيف]

SRDAL

28/06/2005, 10:51 AM

السلام عليكم ورحمة الله وبركاته

تحياتي لجميع الاخوان في هذا المنتدى واحب ان اهي لكم هذه الصور المتواضعه فعد فتره انقطاع والسموحه على

التأخير واتمنى ان الصور تعجبكم .

http://www.mekshat.com/pix/upload/images8/mk12787_DSC01540.jpg

http://www.mekshat.com/pix/upload/images8/mk12787_DSC01542.jpg

http://www.mekshat.com/pix/upload/images8/mk12787_DSC01551.jpg

http://www.mekshat.com/pix/upload/images8/mk12787_DSC01553.jpg

وهذي صور صيدنا من الحمام يعني شغالين حمام قفدار تحت الماي وحمام بري فوق الماي قولو ماشاء الله

http://www.mekshat.com/pix/upload/images8/mk12787_DSC01549.jpg

وتحياتي للجميع مره اخرى

محبكم واخوكم / srdal

gulfhunter

28/06/2005, 11:07 AM

وعليكم السلام ورحمة الله وبركاته

هلا وغلا اخوي ابونواف عزالله انك سويتها........... ماشاء الله عليك ...........كفو والله ........حلوين وطعمين......... على جميع الجبهات.......... لكن اللي احلى من الصيد اللي سادحه وراك............. :eek:

SRDAL

28/06/2005, 11:19 AM

السلام عليكم ورحمة الله وبركاته

حياك الله اخوي بوعبدالله .

افهم من كلامك ان الصور اعجبتك الحمد لله .

بالنسبه للي سادحه وراي هذا سكن عود قصدي واحد من الشباب جاي من العمل وطالع ويانا ودايخ مسيكين .

تحيايتي لك .

srdal

gulfhunter

28/06/2005, 11:57 AM

وعليكم السلام ورحمة الله وبركاته

الله يبقيك اخوي بونواف ............ قبل الصور انت تعجبني ....... وانت ماشاء الله عليك دوم منورالخيمه البحريه بالصور الزينه اللى ماخذه من حلوتك شوي...... والله لايحرمنا منك ومن صور يالغالي....

بنيللي

28/06/2005, 12:13 PM

السلام عيكم ورحمة الله وبركاته

ما شاء الله على الصيد يا بو نواف الظاهر طلعت حرتك عقب الطيحه وعساه صيد العوافي .
أمس انا طلعت البحر بعد هدوء الريح عندنا في الكويت بعد عشرة أيام وإستقليت الفرصة وطلعت مع الربع وكان صيدنا 7 دويليمية وطلاحتين و3 ربيب وفلتنا يمكن 15 دويلمي .

graywhiteshar

28/06/2005, 01:53 PM

ما شا الله صيد طيب والله يوفقكم دايما ونشوف منك الي يوسع خواطرنا
بس ودي اعرف وين مكان الصيد
ولكم جزيل الشكر

كشات

28/06/2005, 01:57 PM

وعليكم السلام ورحمة الله وبركاته

الف الف شكر يا ابونواف على هالصور الحلوه

وبصراحه تصفيف السمك كانه واقفين يصلون حلوه :D

بس الصوره الخامسه مو كأنه حمام :confused:

Keynes

28/06/2005, 02:07 PM

ماشاء الله صور جميلة وصيد أحلى ... وانشالله بالتوفيق دوووم

MARINE

28/06/2005, 02:32 PM

السلام عليكم ورحمة الله وبركاته

ما شاء الله تبارك الله صيد طيب مافيه الا قوة ربيب وين خوينا الاسود ما شفناه

الله يعطيك الصحه والعافيه اخوي ابونواف ومشكور وماقصرت

مع تحياتي لك

MARINE

رسلان

28/06/2005, 02:32 PM

ماشاء الله تبارك الله ....
عليكم بالعافية ... ومشكووووور أخوي على المواضيع والسلسلة الجميييييييلة ...

وتقبل أجمل تحية من أخوك ....

SRDAL

28/06/2005, 03:08 PM

السلام عليكم ورحمة الله وبركاته

تسلملي يابوعبدالله وتسلم على هالكلام الحلو المنسق بصراحه قلت من قبل وراح اقولها مره ثانيه والله كلك ذوق

والخيمه منوره بوجودكم ووجود الشباب وبأداره مشرفينها الغالين .

وماقول غير الله يخليك لنا ذخر يابوعبدالله والله انك كفو .

تحياتي لك

اخوك / بونواف

SRDAL

28/06/2005, 03:14 PM

السلام عليكم ورحمة الله وبركاته

حياك الله اخوي بنيللي .

كيف الحال وش اخبار الهوا عندكم هاليومين بصراحه والله مطلع روحنا عندنا مو قادرين ندخل بحر

يعني امس بالعافيه دخلنا وبايعينها والرؤيه ياسلام سلم مو شبه معدومه الا معدومه والله نضرب على زول السمكه

والله للحين ماطلعت حرتي يابوعبدالله يبيلها بعد . خبرك الهامور متغلي علينا هاليومين .

ماشاء الله امس شكلنا متواعدين على البحر . طيب ليش فلتو الدويلميه .

وصيد العوافي .. وبعدين وين الصور .

تحياتي لك يالغالي .

srdal

SRDAL

28/06/2005, 03:18 PM

السلام عليكم ورحمة الله وبركاته

حياك الله اخوي graywhiteshar .

تسلم اخوي على المرور والله يوفق الجميع وانشاء الله راح اتشوف الي يوسع صدرك بأذن الله بس انت ادع لنا .

مكان الصيد بالدمام عند الباخره الطبعانه .

تحياتي لك .

srdal

SRDAL

28/06/2005, 03:24 PM

السلام عليكم ورحمة الله وبركاته

حياك الله اخوي كشات

لاشكر على واجب اخوي واهم شي ان الصور اعجبتك

حلوه صف السمك كانهم يصلون ;)

وزي ماتفضلت الصوره الخامسه حمام .

تحياتي لك

srdal

SRDAL

28/06/2005, 03:27 PM

السلام عليكم ورحمة الله وبركاته

حياك اخوي Keynes

تسلم اخوي على مرورك ومشكور وماقصرت .

والله يوفق الجميع .

تحياتي لك

srdal

SRDAL

28/06/2005, 03:36 PM

السلام عليكم ورحمة الله وبركاته

حياك الله الغالي بوخالد حي الله راعي بو ....

بشرني عنك شخبراك طال عمرك احنا ترا في انتظار الغنايم . القوي ترا رب العالين .

والله شقولك يابوخالد خوين الأسود متغلي علينا هاليومين شاح مو راضي يطلع لنا تعرف رواعي بو قميص من

الجنوب ماخلو لنا شي ورواعي منيفه من الشمال هم ماخلو لنا شي الله يهديهم .

بس لاتخاف راح يطلع انشاء الله غصب عنه بأذن الواحد الأحد .

وتسلم اخوي بوخالد والله يعطيك الصحه والعافيه .

اخوك / بونواف

SRDAL

28/06/2005, 03:39 PM

السلام عليكم ورحمة الله وبركاته

حياك الله اخوي رسلان

الله يعافيك اخوي وماقصرت . ولا شكر على واجب طال عمرك واله يخليك .

ولك من ارق التحيات والتقدير .

srdal

gulfhunter

28/06/2005, 04:56 PM

السلام عليكم ورحمة الله وبركاته

هلا بك اخوي بونواف ماشاء الله عليك .... خايف من العين ... ماصففت الكلام ولاجبت شي من عندي هذا اللي انت تستاهله .... الله يبارك فيك ... اقول ماعليك زود يالغالي.............

انتبه التمساح جااااااااااااااااااااااااااااااي في الطريق

SRDAL

28/06/2005, 05:23 PM

السلام عليكم ورحمة الله وبركاته

حياك الله اخوي بوعبدالله

طال عمرك انا ماخف الى من رب العالمين معنا العين حق بس توكل على رب العالمين والي بيجي من الله حياه

الله .والى شقولك

وانت بعد ماتستاهل الى كل خير

وبصراحه انا هاليومين قاعد في البيت مابي اطلع وانت انتبه لنفسك تعرف التمساح قريب منك يحوم حولك الله يستر

منه .

srdal

gulfhunter

28/06/2005, 05:34 PM

وعليكم السلام ورحمة الله وبركاته

حياك الله أخوي بونواف .... العين حق ... الله يبعده عنك وعنا .................. وان شاء الله ماعندك مشكله.......... لكن التمساح يقول الوعد قدام............. والعلم تشوفه بالخيمه :j ...... هذي الرساله

بنيللي

29/06/2005, 08:06 AM

صبحك الله بالخير ابو نواف :

الهواء هذا موسمه ( البوارح ) ومدتها شهر ونصف ولكن بينها فككوك والواحد يستغل الفرص ويطلع للبحر ولكن على حساب الرؤية معدومه ومثل ما قلت نرمي على زول السمكة . أما ليش يفلت السمك مني يا خوي عندي رؤوس الأسهم منت خابر فيهم ربل هذا دائما ينقطع عندي وإذا ضربت السمكه الراس ما يفتح يكون إمسكر وما يفتحه إلا الربل وماني عارف كيف أدخل ربله جديده في الخرق الصغير ، إذا عندك حل علمني يا بو نواف او باقي الأخوة ( marine - gulfhunter ) وجزاكم الله خير والوعد جدام إن شاء الله .

aziz2727

29/06/2005, 08:18 AM

ما شاء الله تبارك الرحمان
جعله عليكم بألف عافيه وهني .

SRDAL

29/06/2005, 09:42 AM

السلام عليكم ورحمة الله وبركاته

صبحك بالخير اخوي العود بوعبدالله

كيف صباحك اليوم انشاء الله صبح حلو

امين الله يبعدها عنا وعنك على كل من يعز عليك ... رسالتك وصلت والله يستر منه عندي احساس انه هالمره

جاي بقوه . الله يستر منه .

srdal

SRDAL

29/06/2005, 10:07 AM

السلام عليكم ورحمة الله وبركاته

صبحك بالخير اخوي بوعبدالله ( بنيللي ) كيف حالك انشاء الله بخير .

اخوي بوعبدالله بالنسبه لكلامك هاذي الأيام ايام هويات الى هي البوارح كلامك صحيح بس مو هاذي بداية ايام

البوارح انت تعرف وزي ماتفضلت ان مدتها تقريباً 45 تقريباً وهي دخلت من زمان وهذا والعلم عند الله هذا خروج

البارح الحفار ودخول بارح الدبران الى هو اخر ايام البوارح والله اعلم . وهذا من صفاته انه في الصباح يكون

الهوا فيه خفيف وكل مااشتدت الشمس زاد الهوا فيه واذا جا الليل طاح الهوا .

اما بالنسبه لحربه الصيخ الي عندك اذا ماخب ضني ان نوع الحربه الى عندك هي الي فيها شفرتين او باذرتين

وانا بصراحه ماقد استعملتها ان استعمل الصيخ الي فيه شفره وحده وها في اعقادي ان هذا افضل وانصحك

باستعماله لان خراباته قليله واحتكاكه في الماي قليل ولما تضرب السمكه يوكون فتحته في السمكه صغيره .

واذ كان على التحدي ترانس قد التحدي وزي ماقلت الوعد قدام :mad: . ;)

تحياتي لك ... وبالتوفيق انشاء الله

اخوك / بونواف

SRDAL

29/06/2005, 10:09 AM

السلام عليكم ورحمة الله وبركاته

حياك الله اخوي aziz2727

الله يعافيك وجزاك الله خير ومشكور وماقصرت يالغالي

تحياتي لك

srdal

MARINE

29/06/2005, 02:26 PM

السلام عليكم ورحمة الله وبركاته

هلا بك اخوي العزيز ابونواف الله يحيك ويسلمك ، انتظروني قريب ان شاء الله

راح تعجبكم الصور باذن الواحد الاحد والتمساح اذا هجم يهجم بقوة وينسف اللي قدامه

الله يستر منه وانا عند كلمتي ان شاء الله بس ارجع الى القاعده سليما اليوم راح اضبط الصور

وان شاء الله لنا لقاء قريب مع تحياتي لكم

MARINE

SRDAL

29/06/2005, 04:47 PM

السلام عليكم ورحمة الله وبركاته

حياك اخوي بوخالد

توصل بالسلامه انشاء الله واحنا في انتظار ضحايا التمساح .

والله يوفق الجميع

اخوك / srdal

gulfhunter

29/06/2005, 06:49 PM

السلام عليكم ورحمة الله وبركاته

الله يمسيكم بالخير اخواني بونواف,بوخالد...........الحمدلله على السلامه يابوخالد نورت الخيمه والخبر....

راح تعجبكم الصور باذن الواحد الاحد والتمساح اذا هجم يهجم بقوة وينسف اللي قدامه

الله يستر منه وانا عند كلمتي ان شاء الله بس ارجع الى القاعده سليما

الله يستر منك يالتمساح شكلك نواي تخربها...... كل اللي قدامه...

SRDAL

29/06/2005, 06:58 PM

السلام عليكم ورحمة الله وبركاته

الله يمسيك بالنور والسرور اخوي الغالي على قلونا بوعبدالله

والله انك صادق شكل التمساح جاي بقوه . الله يستر منه .

تحياتي

srdal

gulfhunter

29/06/2005, 07:43 PM

وعليكم السلام ورحمة الله وبركاته

هلا وغلاه يابونواف .......مالنا الإ الصبر ;)

MARINE

30/06/2005, 03:01 PM

السلام عليكم ورحمة الله وبركاته

حياكم الله ياشباب تقدرون تشرفونا في الموضوع حياكم الله

تحياتي لكم

MARINE

riffe

01/07/2005, 12:51 PM

السلام عليكم

مشاء الله اخوى سردال على الصيد بس شلون تصيديون هل تقعدون وتنتظرون السمك يجيكم او تتدورون عليه وعلى فكره فى طريقه تخلى القفدار يقرب لك بس الكل يقعد فى مكان واحد وحنا نسميه اليب انك تضرب بسكين على علاقه السمج وتنثر الرمل من القووع اذا كان فيه تياار وبعد احنا نجمع القنافد ونكسرها بحصاا وتفوح منها ريحه القنفد وننثره مع الرمل ومرات نستخدم العومه للجنعد و وهذا الصوت يخلى السمك يفكر انه تكسر عضام او سمك ياكل واعتقد من صيدك خبرتك كبيره وانا عندى صوور للقفدار بس انا جديد فى المنتدى ونشا ءالله راح اشارك فيهم قريب

Bader-M

01/07/2005, 01:19 PM

ما شاء الله

تبارك الله

صيد وفير
وبالعافيه عليكم

FaHoOoDy23

01/07/2005, 06:42 PM

يعطيك العافيه اخوي سردال و طبعا اسف على الانقطاع الطويل لانه انشغلت بالامتحانا و كنت بحاله صحيه غير جيده ولكن الحمد الله ردينا انشا الله و

و مشا الله عليك يا بو نواف كبير و الكبير طول عمره كبير يا بو نواف هذا الصيد ولا بلاش و يعطيك الف عافيه و خوش صيد والله و بالعافيه هالصيد الطيب

SRDAL

02/07/2005, 10:46 AM

السلام عليكم ورحمة الله وبركاته

تحياتي للجميع

** اخوي riffe **حياك الله ومشكور على زيارتك الغاليه على قلبي

زي ماتفضلت اخوي بالنسبه للقفدار دائماً نروح للمكان الى دائماً يتواجد فيه وبعين نتوزع اذا كنا مثلاً ثلاث انفار

يكون بين الواحد وخويه على الأقل مترين وبعدين نشتغل على القفدار الى يمر ودائماً يكون الصيده في اكثر بدايه

الرشه . بس بصراحه اذا انتو مجربين الخطه حقتكم ونفعت راح اجربها .

وبالتوفيق انشاء الله

** اخوي طاير بالعجه ** حياك الله ومشكور على زيارتك الغاليه على قلبي

الله يعافيك اخوي ومشكور وماقصرت

وبالتوفيق انشاء الله

** اخوي فهودي الجنرال ** حياك الله ومشكور على زيارتك الغاليه على قلبي

المشكل انك عطيتنا العذر قبل ما نشره علي ولاكن مانقول غير الحمد لله على السلامه وماتشوف شر يالغالي .

والحمد لله على سلامتك بعد القطيعه ... ومباركين التفوق في الأختبارات .

على العموم مشكور وماقصرت يالغالي والله يعافيك واذا انا كبير ترا كل بتشجيعكم الله يطول بعمرك .

وبالتوفيق انشاء الله ... على فكره ولهنا على صور صيدكم الحلوه .

اخوك / srdal

FaHoOoDy23

02/07/2005, 01:16 PM

يا هلا والله اب بو نواف و حبيب ما قصرت و انشا الله لك مني هديه بس انطر علي شوي لانه تدري الهوى هالجم يوم الي طافو و ماكو بحر يعني الحين تعد الجو و انشا الله راح تلاقي الي يسرك انشا الله :) و يعطيك الف عافيه

riffe

02/07/2005, 01:25 PM

http://f-up.net/animations/index.php?q=/up/8زريدى.MPG&f=true

اخوى شوف الزريدى كيف يقرب لما رفيجى يضرب على الصيخ بسكين بس على علاقه السمج اامن من الصيخ

عشان لا تجى السكين على اسيور المسدس وبنسبه لطريقه التفويح اعطيك عليها قرنتى الف من الميه واهم اكل العومه اعتقد السردين مادرى شو تسمونهاا والقنفد بس زين حق الشعرى وبنسبه للعومه تحطها فى كيس وتخليه مسكر وفيه ماى وتعصره مع الفرك حتى يطلع مطحون مع ضرب الزعنفه برمل وتكسير القنفد يجمع اكثر شى الشعرى والفسكر بنت النوخذه بس لا تضرب برمل اذا ماكان فيه تياار راح يغبر المكان

وهذى يمه قفددار
http://f-up.net/animations/index.php?q=/up/يمه_يب.MPG&f=true

وصور ه المعارك تحت قليله لنى اكثر الاوقات اكون اضرب وما اتفيق بس اجرب هل يشتغل المقطع ولا لا وراح يجك الباقى

riffe

02/07/2005, 01:27 PM

ماطلعت المقاطع شو اسوى

gulfhunter

02/07/2005, 02:09 PM

السلام عليكم ورحمة الله وبركاته

مرحبا اخوي riffe.... اللي انت منزلهم ...... صور أو مقاطع فيديو.............. إذا صور روح على تحميل الصور ...... بعدين يجيك صفحه ثانيه....... طلع الصور عن طريق BROWSE وبعدين انسخها بالكامل..... والصقها في الموضوع...... ملاحظ ..... لازم يكون الأسم بالنجليزي مو عربي.....

لقطات الفيديو......شوف تحت (التحكم بالملفات المرفقه) .... سولها BROWSE وبعدين (رفع) وان شاء الله تجي معاك .............

وإذا بقيت شي اخوي راسلني على الخاص....

وشكراً لك وللجميع..... ابونواف العذر والسموحه...

riffe

02/07/2005, 06:34 PM

قفدار (http://f-up.net/up/h.zip)

وقت الضرب على العلاقه (http://f-up.net/up/ZZZ.zip)

انشاء الله بنجح تنزيل ااافلام

gulfhunter

03/07/2005, 06:50 AM

السلام عليكم ورحمة الله وبركاته

حياك الله أخوي riffe...... الحمدلله اخيراً ضبط معك شي............ الكليبات حلوه...... واخر واحد كان ودك تختمه بصيد............. لكن ان شاء الله في المستقبل لاتنسانا.....

والله يوفقك ويبارك فيك