ابي فزعتكم ياشباب في الباثفندر

[كحيلان جده]

السلام عليكم ورحمه الله وبركاته
عندي مشكلتين ابيكم تفزعولي
1\السياره لمن تقوم على اخر الدعسه ويوصل عداد المكينه الى 4 تقطع ولاتقبل بنزين
2\رجه من بعد السبعين الى150تقريباً
علمن اتي رصصت ووزنت ماخليت شي
وســـــــــــــلامتكم

[ابو فيصل 99]

اخوي تاكد من صفاية البنزين
2اذا الكفر جديد رصص مره ثانيه عند محل معروف
ووش مديل سيارتك
احتمال تكون الرجه من عمود الدبل

[أبوغيث 2003]

بالنسبه لمشكلة الرجه رح لورشة وقله يفك عامود الدبل وترى ما يبيله شي يفكه لك بـ 20-30 ريال ثم شف اذا راحت الرجه رجع عامود الدبل وركب فرارات


واذا كانك موب راعي مكاشيت لا تركب عامود الدبل عادي ما يضر

طبعا هذا اذا كان موديل السيارة 2005 وتحت اما الجديد فما اعرف

[_دربيل_999]

اخوي بالنسبة للتقطيع محتمل من الفلاتر..إما فلتر البنزين أو فلتر الهواء..


أما الرجة قم بفحص رمانات الكفرات الأمامية..يمكن تبي شــد لأن لها صامولة كبيرة يشد بها الهوب لانها إذا كانت راخية تترك مساحة يتحرك فيها الكفر من اعلى لاسفل تحدث الرجة..


وفقك الله..


الروقي

[كحيلان جده]

بيض الله وجيهكم يالنشاما ومديل السياره 2004
اتمنى من الخوان الي يعرف ورشه تضبط الباث في جده لا يبخل علي تكف