حرارة الفتك 2002 ارجوا الافاده

[عبسي4800]

السلام عليكم

ياالربع انا غسلت سرندل الموتر قبل شهرين ونظفت المكينه

ويوم جيت اعبى الماء لقيت ما احمر ومكتوب علية لاتضيف ماء معه

لانه مخلوط من قبل هذي الشركة الي كاتبه كذا

مالكم بالطويله عبيت الموتر من هالمويه الحمرا الموتر شال تقريباً جركل ونص

المهم يوم مشيت من عند الرجال ومير انقد على موتري

اذا وقفت اكثرا من 5 دقايق وانا مشغل المكيف تبدا الحراره بالارتفاع

الين توصل النص وبعد يمكن تزيد شوي

والصراحه مادري وش العله

الي يعرف او مرت عليه يخبرنا وش الحل الله يجزاكم خير


مع العلم ان الحراره في السابق ماتتعدى الثلث ابدأ واقف والا ماشي

[مركز حراره]

وشو نوع الماء

[صباح القايله]

اخوي تاكد من الماء هل هو ناقص
لن الفتك ياخذ جركلين وشوي

[محسن اليامي]

وعليكم السلام

أنا مرت على نفس حلت موترك إذا وقفت 5 دقايق ترتفع فوق النص بواجد 3 أرباع

شيشت الرديتر والحمدلله رجعت الربع سواء واقف أو ماشي أو حتى طاير

ملاحضه : بدل غطاء القربه والرديتر يمكن يكون منها تراها سبب رئيسي في ارتفاع حرارة الفتك
وسعرها رخيص أهم تكون أصليه

[أبوعبدالله20]

يمكن الماء كثير

[باسم الرياض]

اللي اعرفه ان السياره إذا جاها حراره من قبل او راس المكينه مصدي او قديم مايصلح المويه الاصليه لابد من اضافه ماء مقطر

اما المكاين الجديده المويه الحمراء ممتازه ماتسبب حراره ابد لكن اللي مستخدم من زمان ومره يحط مويه عاديه ومره كذا
ماينفع غير المقطر وبس مع اضافه من الماء الاحمر بس بشكل قليل نص العلبه

[A.B.A]

السلام عليكم
أخوي الغالي

لمدة كم يوم حاول انك تتأكد من ان الماء بالرديتر والمطارة فل
والطريقة الله يسلمك كالأتي

اذا بردت السيارة

أفتح الرديتر وخلة مفتوح وبعدين رح يم المطارة ونسم لها لمن يطلع الماء من الرديتر سكر المطارة وبعدين سكر الراديتر بعدها افتح المطارة وعبها فل وسكرها

سو العملية هذي لمد كم يوم بس ملاحظة هاهة

الموتر يكون طافي مو شغال وأذا عبيت وسكرت الأغطية شغلة

شاكرلك أخوي على القرائة الطويلة

[عبسي4800]

وشو نوع الماء

والله اضاهر انه اي سي ديلكو الجركل الواحد ب 40 ريال احمر من الغشام بعنيزه

[عبسي4800]

اخوي تاكد من الماء هل هو ناقص
لن الفتك ياخذ جركلين وشوي


تأكدت من الماء الى درجه مره مليت القربة الىعلى اليمين فل ومير يفور طلع الماء
الي بالقربة الزايد

[عبسي4800]

وعليكم السلام

أنا مرت على نفس حلت موترك إذا وقفت 5 دقايق ترتفع فوق النص بواجد 3 أرباع

شيشت الرديتر والحمدلله رجعت الربع سواء واقف أو ماشي أو حتى طاير

ملاحضه : بدل غطاء القربه والرديتر يمكن يكون منها تراها سبب رئيسي في ارتفاع حرارة الفتك
وسعرها رخيص أهم تكون أصليه



والله يالغالي ماقصرت بس انا رحت للورشه ويقول تصييخ الاديتر اذا تقصد بكلمتك تشيش وقالو لي اذا الحرارة ترتفع معك وانت تمشي بالخط صيخ واذا انت واقف ترتفع الحرارة ماهو من التصيخ


وجزاك الله الف خير على النصيحه
والظاهر اني ابصيخ الاديتر وابغير الغطيان

[عبسي4800]

السلام عليكم
أخوي الغالي

لمدة كم يوم حاول انك تتأكد من ان الماء بالرديتر والمطارة فل
والطريقة الله يسلمك كالأتي

اذا بردت السيارة

أفتح الرديتر وخلة مفتوح وبعدين رح يم المطارة ونسم لها لمن يطلع الماء من الرديتر سكر المطارة وبعدين سكر الراديتر بعدها افتح المطارة وعبها فل وسكرها

سو العملية هذي لمد كم يوم بس ملاحظة هاهة

الموتر يكون طافي مو شغال وأذا عبيت وسكرت الأغطية شغلة

شاكرلك أخوي على القرائة الطويلة


والله التجربه خير برهان ابجرب انشالله واعلمكم بالنتيجة

وجزاكم الله الف خير

[ع ى ع 031]

انا عندي نفس المشكلة اذا وقفت لخمس دقايق ارتفعت الحرارة

وسيخت الرديتر ولا نفع واليوم ان شاء الله بغير تماتيك المروحة وبشوف عسا الله يعين

وغير كذا تاكد من الرديتر الصغير الي يكون ورا الشبك مباشرة الظاهر حق المكيف لايكون متسدد ولايدخل هواء للرديتر

علشان كذا يحتر

[yasser1389]

اخوي عب الموتر من ماء البطاريه المقطر واترك من اي نوع ثاني

[ALBDRANE]

السلام عليكم

الربع ما قصرو عطوك أحتمالات كثيرة وكذلك حلول

وأنا بعطيك أحتمالات لعلها تفيدك

ممكن يكون فيه كيس خاش بين الاديترين حصلت معي في سيارة صغيرة
ممكن تسييخ وهذا أحتمال كبير اذا كان لك أكثر من سنتين ما سيخت الاديتر
ممكن يكون من بلف الحرارة متعطل أقصد ما يفتح حسب الحرارة
لاتصب الا ماء أصلي ويمدحون الي نوعه فورد ماهو الديلكو وخل نصه ما مقطر
لا بد من تنسيم الهوى بعد التسييخ أو تبديل الماء

أرجو أني أفدتك بالي ينفع وتحياتي

[صلفان.نجد]

نفس الشي صار معي من لحظة تغيير الماء وقال اللي غيره ان السبب دخول الهواء وقام وفتح الاديتر وشوي ضبطت الحراره.

[مركز حراره]

نحن طريقتنا بلغسيل على خمس مراحل
1-اخراج الماء كامل من الاديتر والمكينه
2-الغسيل بلماء
3-الغسيل بمحلول خاص لتنطيف السرندل والاديتر
4-الغسيل بماء لتنطيف
5-التنطيف بلهوء لاستخراج كامل الماء من الاديتر والمحرك
بلأظافه لوضع فلتر لضمان عدم رجوع الاوساخ للمحرك او الاديتر
وكذالك ماسك الرايش لضمان أعلى حد من النظافه
أفضل ماء تايوتاء بدون اضافه

[rooos]

السلام عليكم اخوي مركز الحرارة انت عندك محل مثلآ إذا عندك ياليت توصفلي محلك وشكرآ

[الذيب 502]

السياره مافيها بلا

بلاها ان في المكينه هواء

خل السياره واقفه لين تبررررررد مررررره

يعني خلها الليل وتعالها الصبح وزدها مويه وتضبط

[ابوسند9]

اخوي الشباب ما قصرو وان شاء تنحل مشكلتك
لكن انا اتوقع انه من بلف الحراره لا ن البلف يتعطل فجاءه دون سابق انذار يقفل وياخذ وقت ما فتح
والفتك المفروض كل ثلاث سنوات يتغير البلف وسعره ب 70 ريال

[آ’بوخالد]

شيك على البلف وغطاء الرديتر وتماتيك المروحه ..
وذا طلعت مظبوطه افتح غطاء الرديتر الصبح وشغل السيارهـ وخل واحد يدعس بنزين وشف المويه اذا تحركت او انسحبت للآسفل معناهـ امورك إن شاء الله تمام ..وذا دعست وطلع الماء برى فالمشكله براس المكينه يمكن مشعور بسبب حرارهـ ولا شي ..اتمنى آفدتك بالي عندي :)

[Almethaly]

اخوي صراحة انا ما عرفت نوع السياره (الفتك) وشهو له اسم ثاني

بالنسبه للحراره اذا ما كان فيه حراره من اول اكيد فيه هواء بالمحرك

حاول تتبع طريقة الاخوان في تفريغ الهواء والسياره بارده