يا اهل البواترول

[سامي900]

السلام عليكم ورحمة الله وبركاته

استفار بسيط لاهل الفتك

وش افضل مساعدات أماميه وخلفية للباترول الصالون


ووش رايكم بالمساعدات الاستراليه (الصفراء)




وجزاكم الله خير

[أبوصقر]

والله شف طال عمرك مامثل الأستراليات..صحيح أنها غاليات شوي بس أنها تريحك بالديرة وبالنفوذ..وبالبر..من عندي خذها ولاتشاور..

[ابو عود]

خذلك مساعدات شاص تويوتا من 2001

منتازه ورخيصه

الاسترالي زين بس غالي

[سامي900]

مشكور يابو صقر ويابو عود ماقصرتوا

[موتك]

مساعدات شاص ولا تفكر بغيرها

[باثفندر]

اذا موترك من الجدد

ماعندك خيار غير المساعدات الاسترالية او مساعدات الشاص
الجبرايل ما نزل للجديد
واعتقد هذه الانواع الوحيده اللي ماتحتاج ترهيم

وكلهن تجي غاز ممتازات ، والاسترالي اطول عمر واقوى تحمل وان عزمت عليه للمعلومية الجديد صار يصنع بالمكسيك ،، حاول تاخذ لك من الاستوكات القديمه .

والله يوفقك بالزين

[دسوقي]

يارجال خذ لك مساعدات شاص مثل ما قالو وركب ياي استرالي وريح راسك كد ومد

[سامي900]

اشكر الجميع على التفاعل والإفادة وماقصرتو

[اول 9099]

اخوي انا مجرب الشاص قدام وورا ماينفع
ينفقع على طول امامي يمين انفقع ماكمل سنة
الخلفي بيكسر ظهرك من القساوة
يطلع اصوات تس تس تس تس تس مع المطاب
مافيه اي تقنيه مقارنة مع الاستراليه

طبعا الشاص رخيص جدا مقارنة بالاسترالي

[اللهيب ssss]

اسال مجرب ركب مساعدات شاص من 2001 الي 2009 امامي وخلفي ونم

[اول 9099]

اسأل مجرب مساعدات الشاص ماتنفع
ركب مرسيدس بلستاين قدام

وورا مونورو او حظ ياي استرالي وركب مساعد وكاله جديد

[سامي900]

والله مادري وش اركب هذا مجرب وهذا ينصح وانا ودي بحقات الشاص لأنهن رخيصات

[موتك]

والله وانا اخوك انا مجربهن على الباترول 92 وباترول 2008 كلهن مساعدات شاص

وعلى كيف كيفك

توكل على الله وانا اخوك

وتراهن ارخص من المرسدس

[سامي900]

l
مشكور يالغلا وماقصرت (طيب حقات الشاص يركبن ورا للباترول او حقات الفكس ار)

[ابوحفصه]

السلام عليكم

الاسترالي زين ورخيص يباع في الصناعية القديمة في محلات قطع غيار نسيان قيمة الحية165

اسم الشركة المصنعة منوروا

[راعي الطلعات]

زي ما قالو الشباب مساعدات الشاص التيوتا و المساعدات الاسترالية هذي طيبات

لكن المنورو انحش عنها ما تعيش على قيمتها الغالية

بالتوفيق

[بلاتين]

جيت ادور معلومه اختبصت زووود

على العموم موتري 2006 ربع ركبت منرو رفعت الموتر وش زينها ممتازه مع العلم انها توها جديده

الحين ابي اركب مسعدات شاص امامي هل هي تركب بدون توليف ؟ اطلب اي مديل افضل , هل هي غاز ولا زيت

[ناصر الدهمشي]

انا متابع الموضوع لان ودي اركب مساعدات ويايات

والشباب حيرونا :)

والظاهر مافيه مثل مساعدات الشاص على قولتهم رخيصة واليايات نشوف وش تاليها

[راعي الارطى]

والله يالنشامى من ناحيت تجربتي في النياسن جربت الاسترالية والشاص من ناحية الاسترالية ما عليها كلام لكن يعيبه غلاها اما الشاص فهي تقوم بالواجب واكثر وسعرها رخيص اربع مساعدات ب330ريال اما الاسترالي الواحد ب290على خبري
وخذ نصيحتي لا تعدى مساعدات الشاص

[بلاتين]

تم تركيب مسعدات شاص امامي وخلفي مونرو الحمد الله ممتازه بالحيل

مسعدات الشاص تحس بفرق شنيع صار الموتر قاسي وهذا الى ابيه تحسه متماسك , طولت عليكم

[~ V T A C ~]

لمساعدات الاسترالية

[سامي900]

فعلا مساعدات الشاص حلوة ورخيصة ركبتهن (تحس إن الموتر صامل مابه هزه مع المطبات)

[ناصر الدهمشي]

هل مساعدات الشاص ترفع الموتر ولا لا

[الهجاني]

ياشباب والله حيرتونا ماندري وش الصحيح ...

وياليت اللي بعدهم يعلمونا ...

[ناصر الدهمشي]

بالانتظار هل مساعدات الشاص ترفع الموتر ولا لا

[ابوخالد2004]

ركب قدام حقات شاص زي ماقالو الشباب
والي وراء ركب حقات فكسار مديل 98 توديهن لراعي الكنداسات ويقصهن من فوق ويغير القاعده لانها تختلف
وبهن ميزه تاكيات مرررررره

[ابوخالد2004]

بالانتظار هل مساعدات الشاص ترفع الموتر ولا لا

الي يرفع الموتر الكعكات الى تركب على الياي تلقاها عند السيف ببريده

[ذيب حريملاء]

اخوي ركب يايات استراليه ومساعداات جبريل اللي لونه ابيض

المساعداات الاستراليه والله ماجربتهاا بس ساامع انهاا قاااسيه

[محمدالعريني]

اخوي انا على موتري ياي استرالي ورا اكبر مقاس وقدام 3 سم ومركب قدام مرسدس وورا شاص مسكته مافيها كلام يبين فعلها في الردميات والطرد والمطامر الموتر ماسك مايهابد
وقدام ما اتوق تلقى اصبر من المرسدس بس ترا تركيبها ترهيم يعني بتكلفك 320 ريال شامله الماسعدات مع التركيب
وورا 200 ريال ايضا شامله