كم سعر الكامري الــ Sport ؟؟

[ولد الحاره]

السلام عليكم ورحمة الله وبركاته ..

اخواني الله لا يهينكم ابغى استفسر عن سعر الكامري السبورت

اللى مديلها 2007 او 2008

يعني كم سعر النظيفه او متوسطة النظف ولايكون ممشاها متعدي الـ 200 ألف او حولها .

واللى يخبرلي وحده حلوه وسعرها مناسب يقولي ؟

و وش افضل معارض القصيم و لا الرياض ؟

[ولد الحاره]

Up.............

[ولد الحاره]

..........

[MjNo0oN]

نصيحه ابعد عنها

انكانك تبي موتر عليه الكلام خذلك اكورد نضيفه او شفلك سوناتا وكاله ابرك

انا معي كامري 2008 ماشه الحين 60 الف والي يقولي الكمري الجديده تتحمل اقول ماعنده ماعند جتدي الله يرحمها
الزبده الموتر الي معي من وكالته ماجاه شي وكل يوم اسمع صوت جديد واشوف عله جديده ((تخيل انك تشوف الموتر قدامك كل شوي تلقا فيه شي يتاكل ولا شي فيه بداية خراب وماينفع الا التغيير يعني مايمديك تلحق عليه )) ومن المشاكل الي في موتري بداية كلتشات وهو قير تماتيك وتاكل في راس العكوس الاماميه الثنين وفوق هاذا الوكاله تقول سوء استعمال وقطع الغيار جديده سلخ الكلتشات لحاله تكلف 1500 ريال في عبد الطيف جميل بدون التركيب و العكوس مايجيبون الا كامل وسعره 500 او 600 الواحد ولا طلبيه من زين السعر عشان اطلبه منهم هاذا بدون الجلب و الجلب 3 مع الشحم 300 ريال << مشاء الله عليهم كريمين حاطين معه شحم

طبعاً على الكلام الي يقوله لي الموضف فيه فرق بين قطع غيار السبورت و العاديه يعني السبورت اغلى وانا شاري على عماها ومتندم عليها

والشوف اغلب الي معهم المواتر الي ذكرتها لك مرتاحين نوعاً ما خصوصاً حقين الاكورد وحقين الكوري يقولون الموتر خذه وكاله وعقب 5 سنين دفه لانه اذا بدا يطلب مهوب واقف

[ولد الحاره]

جزاك الله خير اخوي والله يعينك عليها .

طيب انت تذم السبورت ولا الكامري بشكل عام ؟

اكرر شكري لك ..

[MjNo0oN]

والله يا قلبي على الي اشوفه من موتري وموتر واحد من الشباب اذمها بشكل عام واخص السبورت منها لانها مهنا لاعزم ولا داخليه يعني شكل خارجي فقط مع فروق خفيفه في نضام التعليق و ومداخل الهواء والفلتر يختلف اختلاف بصيط لايكاد يذكر بفارق مبلغ 150

وازيدك من الشعر بيت ديكورها الخارجي احس انه مركب من الغرابي حفيف مره واي طقه ينفك معك على طول

[ولد الحاره]

بيض الله وجهك كفيت و وفيت


تقبل تحياتي .