سيارتي يقضي فريونها كل شهر وش الحل

[باجيرو 99]

السلام عليكم
عندي مشكلة في جيب لاند كروزر كل شهر اعبي فريون المكيف و فحصت الليات ولا لقينا التنسيم
كل الليات الي في الكبوت ما فية تنسيم
يقول الكهربائي رح للوكالة يفحصون لك المكيف
و انا بعيد عن الرياض و الوكالات
مافيه حل للمشكلة يعني مثل سائل يصب مع الفريون ويسد التنسيم
اسعفونا يا الربع
دلونا على حل؟
وشكرا مقدما؟:good2:

[ولد وايل..]

تأكد ان الفريون أصلي....


الصيني ينسم ولو مافيه تنسيم....

[ريحه سمر]

اخوي تاكد من الفريون

وحاول انك تحط فريون امريكي هواحسن الموجود من خلال التجربه

وتقبل تحياتي

[هبوب]

شيك على الكرمبسر

[ابو زياد88]

يالغالى انا صار لى مثلك ولكن الموتر سفارى كل ماعبيت ا لفريون يقضى رحت ورحت الين تعبت وكل واحد يعطينى شور واخيرا حصلت المشكله ولقيته المكيف الخلفى ينسم وفكيته وحصلته متأكل وغيرته وزان الموتر يمكن موترك مثلى جرب فك الديكور الخلفى ويبن لك اذا كان فيه تنسيم

[رفيع المقام]

أخي الكريم

أكيد أن فيه تنسيم بس لم يكتشف ، إذهب إلى أكثر من ورشه وهم يفيدونك

أو للوكالة إن أردت

[فهد خميس]

اخوي قوم يتشييك دائرة التكييف كامله منها الكمبرسر ولاديتر الامامي للمكيف والمواصير واذا لم يوجد تنسيم قم بتشييك الثلاجه الداخليه للمكيف
والله يكون في عونك

[الربوض]

اخوي لاتتعب نفسك عليك بالوكاله يفحصون لك فحص كمبييوتر ويبين لك المشكله
لا تتعب نفسك مع الورش نفس المشكله صارت معي ولفيت على 8 ورش وكلهم من المشهورين بالتكييف وبالأخير قالي واحد منهم عليك بالوكاله لا تتعب وطلع السبب اديتر المكيف طبعا شغل الوكاله غالي يكلف 3500 وشريته صيني ب 200 ريال وشغل يد 200 والحمد لله طلع اخو الجديد وشغال زي الحلاوه :good2:

[باجيرو 99]

يا شباب انا ما أركب إلا الغالي الامريكي و اللحين غلا بعد
بس وشلون يكون السبب الاديتر
فهموني
الاديتر مالة دخل في الفريون؟؟

[باجيرو 99]

طيب لو اروح للوكالة وش بيسون صيانة على طول و لا بيلطعوني برا ثم يقولون تعال بكرة
ولا وشلون يعني بيفحصون الموتر و انا واقف؟؟

[sameer_1798]

أنا مثلك وكل شهر شهرين اعبي فريون اصلي وفيه تهريب لكن ماحد عرف وينه فحصوا المواصير والليات والبلوف والثلاجه وبدون فائده
استسلمت للفريون كل فتره اعبيه .
آخر شيء الله هداني على ورشه تفحص المكيف بالكمبيوتر بسعر 400 ريال واخيراً تم اكتشاف التهريب وطلع من رديتر المكيف وغيرته وارتحت الآن

يعني انت شيك على رديتر المكيف تراه رديتر ثاني غير رديتر المكينه إذا كان فيه تهريب فريون تشوف بقع من زيت الفريون عليه .
مثل هذه الصورة
http://www.autotips101.com/cms/media/air_conditioning/oil_residue_on_condenser.jpg

ماتشوف التهريب إلى إذا فكيت الرديتر من السياره (رديتر المكيف ملاصق برديتر المكينه )
سعر رديتر المكيف بالوكاله للاند 1350 ريال .... لكني لقيت رديتر صيني جوده عاليه عند البيحاني بـ 600 ريال وركبته

[باجيرو 99]

طيب وين محلات المكيفات في الرياض

[الرويضة اون لاين]

سد الفريون بعلك باطوق , انا مجربها

[باجيرو 99]

للرفع
للرفع
للرفع

[stewrd]

ياخي انا صارت معي نفس المشكله وحلها بسيط جدا انه لمى تجي تعبي فريون لازم اللي يعبي الفريون يفضي الكمبروسر من الفريون بالجهاز اللي عنده والله صارت معي وراحة المشكله ولله الحمد

[باجيرو 99]

طيب دلونا على ورشة كوبسة

[باجيرو 99]

**كويسة** و شكراا

[باجيرو 99]

للرفع
للرفع
للرفع

[ابوصالح77]

أخوي عندك تنسيم ،
وغالباً يكون من إما من الثلاجة أو سيلة (جلبة ) الكمبروسر ،
وبالنسبة للجيب يجب عليك فحص الثلاجة والمكيف الخلفي .

[باجيرو 99]

للرفع للرفع للرفع

[رجه]

نفسس كلام اخوي الرويضه اون لاين..

[عـاشق الشيهانه]

السلام عليكم
اخوي باجيرو انا صارت معي بسيارتي gx لاند وحصلت الاديتر الامامي فيه تهريب وغيرت الاديتر اصلي بـــ1250 ريال تقريبا والحمد لله الحين سالك معي له اكثر من شهرين

[باجيرو 99]

للرفع
للرفع
للرفع نبي ورشات للمكيف
اماكن الورشاتفي الريض الموتر جكسار

[باجيرو 99]

**اماكن الورشات في الرياض الموتر جكسار **

[سهم قيادي]

وعليكم السلام
مر ورشه البلبيسي في صناعية العويضه فحصهم 250 ريال ولا زم تاخذ موعد اذا كان عندهم زحمه وتقعد عندهم السيارة يوم كامل

[عاشق الحيسية]

السلام عليكم..

إذا كان الفريون الأمريكي الأصلي..

أتوقع إن مشكلتك من أديتر المكيف فيه تنسيم لأنه قد صارت لي نفس مشكلتك وصارت من أديتر المكيف وغيرته والحمد لله الأمور تمام...