الحقووووووووووووو ((((((((((((برستد ضبان))))))))))))))))

[قناص شقراء]

بسم الله الرحمن الرحيم
السلام عليكم ورحمة الله وبركاته
اليكم هذي الطريقة الجديدة في طبخ الضبان وهي مجربة و على الشرط (تخلي الي ما يحب الضبان ياكل أصابعة وراها و يلعط الي باقي في الصحن أو التبسي)


المقادير :

- لحم ضب (احرص على العكرة) .
- زيت قلي
- بيض .
- شابورة (أحسن شي "شابورة قراميش" أبيض مو بر ) .
- ملح و بهارات (حسب الرغبة) .
- ما يونيز و كاتشب و ليمون (حسب الرغبة) .


طريقة التحضير :

- تجيب اللحم و تقطعة .
- تطحن الشابورة .
- تغطس اللحم بالبيض ثم تقلبة على الشابورة المطحونة .
- ترش البهارات و الملح عليه .
- تسخن الزيت على النار.
- تقلي اللحم فيه اللى ان يصبح لونه ذهبي .
- تحطه في الصحن أو التبسي وتدق فيه الين تشبع .

وجربوها وعطونا رايكم .......



أخوكم : راعي الهواوي ...

[...الطوقي...]

السلام عليكم ورحمة الله وبركاته

مشكور اخوي على الموضوع

بس مايمدي راحت الضبان :D

بس ماتشوف ان الضب يبي له طبخ :)

بالكاتم يالله يالله ساعه ;)

انا اقوووول لو تطبخه بماء تسلقه بعدين تقليه

او تدور من الضبان الصغار الين

والا وش رايك

الا اذا انت مجرب مدري :)

انتظر ردك












تحيتي
الطوقي

[قناص شقراء]

- هو أحسن شي انك تقطع العكرة الى شرايح متوسطة الحجم...
- تصير النار وسط عشان ما تحرقه ....


و على العموم شكراً على مرورك


أخوك : راعي الهواوي ..

[}{التميمي}{]

عز الله

بفتح بوفيه


وبتنقرض الضبان

:)

[السفاح 911]

راعي الهوى شكلك كد طلعت معي على الضبان ( لاتقول وش المعرفه ؟؟؟؟ )

والله ياهو غطى على محلات البروست ( لا يدري فيه أبو هنيد تراه يجيب الورر ويسوي فيه بروست ويقول بروست دوبان ) ههههههههه


وتعرف رأيي فيه ( للحين طعمه بفمي )

أخوكم / السفاح 911 ( أبو ضروس )

[سفير الجزيرة]

السلام عليكم ورحمة الله وبركاته
شكراً على هالطريقة الحلوة وبجربها بإذن الله .
لكن كما قال أخوي الطوقي : الضب يبي له طبخ وأحسن شيء تطبخه لين يقرب يستوي ثم تقليه في الزيت

مشكـــــــــــــــــــــــــــــــــــــــــــــــ ــــــــور

[عاشق النحم]

الله يعطيك العافية على هالطريقه بس لو انه بدري







(طاااااااااااااااااااااااااااااااااح بـــــــــــه) :d

[قناص شقراء]

اخواني الكرام :-
- }{التميمي}{
- السفاح 911
- سفير الجزيرة
- عاشق النجم



أقدم لكم الشكر الجزيل على مروركم أنكم ما تخلوننا وسيرو علينا مرة أخرى .....



أخوكم : راعي الهواوي ....((أبو خالد)).........

[ظلام الليل]

السلام عليكم ورحمة الله وبركاته مشكوور الهواوي على الطريقة لكن من وين الحين ضبان :D إلا كان عندك بالفريزر عطنااااا :p :D لكن ياراعي الهواوي الكتسب والمايونيز والليمون قلتها بالمقادير ونسيتها شكلك بطريقة التحضير متى نحطهن أو نرجعهن للسيارة ونرجع فيهن للبيت وأنت حاطهن تمويه حتى تكثر مقاديرالطبخة ;) مشكووووووووور وما قصرت والله يعطيك العافية

[**القنيص**]

اقول أخلصو مافي أحد سو الطريقه أخاف أسويها ويوروح علينا الضب
راعي الهواوي أنت مسويها بس الضب كبير ولا صغير
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[اسيزو 4x4]

يازينها ولكن الموسم راح ومشكور يالغالي على الطريقة الرووووووعة

[ولد قطر]

ابي صور للسلوقي العربي الاصيل
ويعطيكم الف عافية
اخوكم من قطر
ولد قطر وششششششششششششششششششششششششششششششششكرا

[عاشق الأشهب]

السلام عليكم ورحمة الله وبركاته:
الطريق ممتازة ومجربة ولكن يمكن أستعمال خبز مفرود أبيض ميبس بدل من الشابورة وذلك لأنها لا تتوفر في كل مكان إذا كنت في البرية

[سنتافي]

خلاص انا ابي اقترحها على البيك اذا سمحت

[قناص شقراء]

السلام عليكم و رحمة الله

أخواني المكشاتين نشكركم على مروركم واعذروني على التأخير بالرد عليكم وشكراً


أخوكم : راعي الهواوي .

[بدولوجيا]

الله لا يهينك


بدولوجيا

[سجات الفكر]

[ راعي الهواوي
تحية طيبة لك وللإخوة الكرام
سبق وأن قمنا بالتجربة وقد أعجب الحضور ولفت الانتباه يعني غطى على مطاعم البروست لكن تعقيبا يحتاج الى سلق الى أن يكون نصف استواء ثم العملية السرية ولايدري احد
لكم كل الحب والتقدير]
اخوكم :سجات الفكر

[AL-OTAIBI]

والله من زمان عن الضبان يا راعي الهواوي والله عقب ما شفت الوصفه اشتهيتها انشالله اول ما ارجع الديره بطرح ضبين عالنار
و مشكوووووووووووور وماقصرت

[قناص شقراء]

بسم الله الرحمن الرحيم
أخواني سجات الفكر , Al-otaibi

مشكورين على المرور و ان شاء الله انكم تجربون الطريقه و اذا جربتوها لا تنسون تعلموني و تقولون لي رايكم فيها


أخوكم : راعي الهواوي ...............

[ابومرتاح]

وين مطعم البيك عنكم؟؟؟؟؟