دفع الهواء في مكيف الهايلوكس ضعيف

[أبو مسفر]

السلام عليكم
عندي هايلوكس 2006 ديزل دفع الهواء فيها ضعيف حتى اني احط المروحة على 4 ولها صوت قوي لكن دفع الهواء مثل 2 أو 1 في بعض السيارات .
قال لي واحد نظف الفلتر تلقاه خلف الدرج
لكن الديزل مالها فلتر خلف الدرج
إذا كان أحد يعرف مكان الفلتر أو طريقة لتقوية دفع الهواء لا يبخل علينا .
وجزاكم الله خير

[قناص*07]

اذا ما له فلتر نظف الثلاجه

[exsoskeleton]

أخوي موجود الفلتر . شوف الموقع
http://www.toyodiy.com/parts/p_G_2007_TOYOTA_HILUX_KUN25L-PRMDHV_8714.html
وهذا رقم القطع وموجوده بالصور
87139c

تأكد

[مشموش]

نظف الثلاجه حقت التبريد وادعلي

[حسن الخلق]

حلها بسيط الفلتر اللي خلف الدرج انا كانت سيارتي جديدة وحالتها مثل حالتك فنصنحني احد الاخوان بتنظيف الفلتر موجود خلف الدرج في جميع سيارات تويوتا

[أبو مسفر]

اخواني قناص ومشموش
جزاكم الله خير
وابشروا بدعوة صالحة في ظهر الغيب
لكن وين محل الثلاجة ؟
وهل استطيع تنظيفها بنفسي والا لازم ميكانيكي ؟

اخي : exsoskeleton
مشكور على التوضيح وخاصة رقم القطعة

اخي : حسن الخلق
اشكر لك حسن خلقك
وجزاك الله خير صحيح مثل ما ذكرت الفلتر خلف الدرج لكن في هايلوكس الديزل مسدود خلف الدرج ما فيه فلتر
واعتقد مثل ما وضح اخي : exsoskeleton انها داخل الكبوت

[أبو مسفر]

أبشركم حلينا المشكلة وذلك بتنظيف الثلاجة

وتوكلت على الله ورحت لواحد فك الثلاجة ونظفها لكن للاسف ما كنت عنده وهو يفكها لكن يقول انه طلع منها طبقات من الاتربة لكن ما ضبط شغله برد المكيف يومين من احسن ما يكون وفي عز القايلة احطه على رقم 2 ولا احسن منه ما كمل اليوم الثاني الا وجاه مشكله وهي انه مرة يبرد ومرة يحتر ورحت لواحد ثاني مشهور في عالم التكييف وقال لازم افضي الفريون واعيد تعبئته مدري وش السبب ؟؟
المهم فضاه واعاد تعبئته وقال ان الفريون الاول زايد عن الحد المطلوب .
واخذت الهلي منه ولله الحمد له اكثر من اسبوع والموتر من احسن ما يكون والمروحة في عز القايلة على 2 من احسن ما يكون .