المساعد الشخصي الرقمي

مشاهدة النسخة كاملة : حـــظ إدغه



فيلسوفة الزمن
03/08/2010, 05:06 PM
السلام عليكم ورحمة الله وبركاته
حياكم الله لهسالفه كان ياما كان في قديم الزمان
كان به رجل عنده زوجتين وحده اسمه ادغه وهي ام الحظوظ بس مشكلته انه مسكينه وضعيفه ودايم المره الثانيه تغلبه لاكن ربي مقوم لها الحظ
وهذا الي ولع النار عند المره الثانيه
فقامت المره الثانيه تخطط بالحيل لتأذي إدغه
فأول مره راحت وجابت لها غزل من جارته
وقالت لإدغه يحول والله انك مسكينه تعتبتي على هالغزل وديه عند ربع يصلحونه لك بدقيقه
انا غزلي هذا وديته لهم وهذاهم زينوه وهي قصده تبي تضيعه عليها
وقالت لها وديه بذيك العواشز وقولي ياعواشز تناشز وراح يغزلونه لك
اخذت ادغه غزله وراحت للعواشز وحطته وقالت ياعواشز تناشز فسبحان الله قامت العواشز من اهل الأرض (بسم الله الرحمن الرحيم) وصلحته لها
ويوم رجعت لجارته إلا ماشالله غزله صدق مغزول
قالتله جارته من صلحه العواشز ردت ادغه قالت ايه هم زينوه
فالجاره ازداد غليلها وقام يتبخر من زود القهر
ففكرت بفكره جهنميه وراحت وجابت لها حصاة كبيره سوداء مثل لون كبد البعير
شافتها ادغه سالتها منين لك هذي
ردت عليها قالت هذي كبد ركبيي شقيت بطنه وخذيت الكبده وخطت على بطنه وماضره (وهي هنا تبي تذبح بعير ادغه عشان مايصير عنده ركبي ويشدون ويتركونه لأن مالها ركبي)
إذا ادغه راحت لبعيره وشقت بطنه بتاخذ الكبد لاكن مات بعيره لأن جارته اصلا تكذب عليه
بعدها حصل للجاره ماتريده
انهم يشدون وادغه مالها ركبي
فقالوا لها يادغه اجلسي لاما يفرجها لك الله
ادغه استسلمت للأمر وجلست وهم شدو وخبروها بمكانهم
المهم ادغه كانت تمشي على رجولها ان وصلتهم كان بها ولا فالموت اقرب ومن التعب قالت بستريح بذيك المغاره في قمة جبل وهي جالسه
جا حنشل في اسفل الجبل الي هي فيه وكانوا جامعين من حنشلتهم الكثير من الخير
هي مادرت عنهم بس كانت تحكي على نفسه وتصارخ وتقول كلمات مثل(جاكم جاكم ــ الحقوهم ــ منا منا ) والجبل يعطي صدا فصار صوته مليون صوت معه
الحنشل في الوادي يسمعون الصوت وخافوا انه الجماعه الي حنشلو منهم ففروا للهروب وتركو كل خيراتهم الي محنشلينه
إدغه ريحت ثم نزلت بتكمل مسيره إلا تصادف ذيك الخيرات قدامه حقات الحنشل فرحت وقالت فرجها لك الله يالله الحقي اهلك وعطيهم من هالخير وتركب اطيب الخيل وتلحق زوجها وجارتها
جتهم وهي مثل الأميره محمله بالخير وتركب اطيب الخيل
وصار كل من له حظ قالوله حظ إدغه
ولها كماله بس هذا الي اذكره

وسلامتكم

ابوناصر السهلي
03/08/2010, 05:58 PM
الله يعطيك العافيه

أم الامبراطور
04/08/2010, 03:25 AM
السلام عليكم
يا حبي للقصص القديميه واحب اسمعها من جدتي
بس دائما استغرب من الاسامي اللي يسمون فيها بناتهم إدغه ...شلوى
المهم مشكووور عالقصه الجميله...

الشبانه
04/08/2010, 10:48 AM
الله يعطيك العافيه ويسلمك مشكوره وماقصرتي بارك الله فيك

ابو خا11لد
04/08/2010, 11:24 AM
مشكور.......... ..........

التسي
04/08/2010, 11:29 AM
ههههههههه
دغه عندنا بالقصيم معناه شين
وتطلق على الهدر او الطرمبه
طلعت صاحبة الحظ المسكت
ومع هذا تضل ادغه رغم حظه

BO-SARA
04/08/2010, 11:47 AM
الله لا يهينك ما قصرت وبيض الله وجهك

وننتظر منك المزيد

Al3rands
04/08/2010, 02:13 PM
السلفه حلوه بس اعجبني رد( التسي)ياحبي لوه

فيلسوفة الزمن
04/08/2010, 02:21 PM
إلى الجميع وكل من اطلع على القصه مشكورين وماقصرتوا الله يجزاكم الجنه

المشتاق 2009
05/08/2010, 01:37 PM
مشكوووور قصه جميله
سرد رائع
ربي يبارك فيك

الشيخ هريدي
07/08/2010, 04:25 AM
الله يذكرك بالشهاده ذكرتينى بالماضي الجميل

دغة انا اعتبره اجزاء مثلا الجزء الاول والثاني وهكذا كذلك تريترا

واحب ان اضيف انه باحد المرات دغة تحط ولده على الخرج ويميل به الخرج من على ظهر البعير فقالت له جارته اقطعيه ثنين وحطي كل قطعه بجهه وكذا يتعادل الخرج ولا يميل وعملت دغة بالنصيحة الكيديه
وقام حضه وصار عنده ولدين !!!
وحنا مصدقين وعلى طول ننام