تعبت وانا ادور حل ؟؟؟

[الملك20]

السلام عليكم :

يا اخوان انا عندي ذيخ ازرق ابلشني

كل ما اطلع فيه امر من عند ( فطيس) الله يعزكم يقعد يتقلب به ويتحكحك

وش الحل هل الضرب ينفع اولا ؟

ابي ردكم سريع الله يعطيكم العافيه.

[وتر عيسى]

وانا اخوك الضرب مايجيب فايده
بس انت شوف ممكن عنده مشكله في الجلد (جرب او غيرهـ ..........

[قناص الوسطى]

الامر عادي ترى هذا طبع الذيخ لاكن اذا سوى معك كذا امسكةوجبه قدام الجيف وعطه مسطتين وقله عيب يمكن تنفع معه وترى اغلب الذكور تسوي كذا ولا لقت شي مرتفع راح وزغل عليه وانتم بكرامه عادي جدا

[الذود العفر]

التذييخ طبيعي أنه يطير الشرب على شجره أو شي مرتفع ,,

أما يتقلب على الفطيس هاذي غريبه علي ,,

أنا الذيخه اللي عندي مابهن اللي ياقف على الفطيس ,,

لكن أذا كان كبير مالك الا الضرب لاوقف يتمرغ بالفطيس أنزل

وأجلده وخلك على هالموال كل ماوقف عند الفطيس أنزل عليه

وصوت له بصوت عالي بأي كلمه أنت معوده لابغيت تخانقه

أو تنهاه عن حاجه مثل كلمة ( عيب ) أو ( لا لا ) ,,

أما أذا كان صغير حاول بقدر المستطاع أنك ماتضربه لأن الضرب

يؤثر بشخصية الجرو مستقبلا ويخرب طبعه ويخليه مايتقبل التعليم منك ..

أرجو أن أكون أفدتك لو بالقليل ..

[الملك20]

مشكورين والله اني ارتحت الله يعطيكم العافيه

[طير بيروت]

تحيه طيبه لك ايها الملك عندي سلقه سوت مثل الي عندك تمرغ على كلب ميت ولا ادري وش المشكله سبحان الله وله في خلقه شئون
انا قلت في نفسي اصابها حزن على الكلب الميت وتمرغت غليه

[LEUPOLD]

وعليكم السلام
الامر عادي كل الكلاب تسويها
اذا شفت فطيس وجا يتمرغ عليها ادعس با السياره لا تخلي له مجال يتمرغ
طير بيروت حلووووووووووه صراحه صابها حزن
ههههههههههههههههههههههههههههههه
تقبل مروري اخوك الباهلي

[الأكيدر]

ماقصروا الشباب
ورائي اذا كان السلوقي كبير مالك الا الضرب هو الي يعقله
ويكون الضرب عند الفطيسه
وجرب كذا مره انك تصير قريب من الفطيسه وكل ماشف السلق
راح يمها تناديه واذا ماجاك رح يمه واضربه عند الفطيسه
وان شاء الله انها تزبط معك

[بوسيف 22]

السلام عليكم :: ما قصرو الشبابب :: بس هاذي عاده فلكلااب انهم يتمرغدون ويفركون اجسامهم فلجيف اكرمكم الله وهذا الحركه مثل وضع اشاره فلمنطقه بس بصبق ريحة الجييف في جسمهم لانه ريحة الجييف يشمونها الكلااب من بعيد واذا شموها و جولها يشموون ريحة الكلب او الكلبه الي مرة من هلمكاان بهلجيفه ويا سبحاان الله ::: الحل هو تسنييع الكلب يعني من تشوفه اهنااك لا تضربه بقووه لا بلكلاام وكف كفيين بيتعلم انشالله وان كررها العن والديه اكثر ونكررها اكثر وةزييد وزييد الين يفهم انك ما تحب تصرفاته

[@قرناص@]

اذا الذيخ شايب لاتعطيه مجال يتمرغ انزل واضربه ومع الوقت يضبط ,,

[هاوي القنص505]

عليك بسيم (المعلاق ) والله اناعندي ذيخ ماخذه من واحد مدلعه يفتحله باب الصندوق على شان يركب وخذيته وجبته عند الموتر
مرتين اركب ماركب مسطه وحده بسيم وعلى ذا الحال لين صار اول ما يسمنع اركب يطمر

[مدهـوش]

العلم لم يجعلنا جهلا في الامور


هذا السلوقي وطبعه

مثال/

هناك الناقه ترا انها اذا جات المراغه او ما يسمى بالريغة انها تتمرغ او تحكك فيها وهذه تعتبر لها مثل التنظيف للجسم

مثل الانسان اذا تسبح وتنظف

والسلوقي ايضا مثل ذلك ينضف عمره عليها ويتحقق لان كل مخلوق وحسب الشئ الي يتنظف منه او يتحكك

ولو شفته في محله او استراحه تلقاه يتحكك على زاوية جدار او يحفر في ارض قويه شوي حتى يتمكن من التمرغ والاحتكاك للجسم

هذا والله ولي التوفيق