هدية بعد القطيعة

[النوخذة]

السلام عليكم ورحمة الله وبركاته
اهدي هذه الصور الى جميع رواد المنتدى الغالي
وآسف جدا على القطيعة لاني كنت اواجه مشاكل اثناء تسجيل دخولي للمنتدى لاكني لم انقطع عن قراءة
جميع المشاركات وماشاء الله كان فيه مشاركات مدمرة للبيئة :D
وكان هناك عمالقة مثل سردال,MARINE,بنيللي,GULF HUNTERولايهون باقي الربع الحقيقة الكل كان رائع
هذه الصور كانت في جزيرة كران لاكن للأسف البحر كان مغبر وهذه تقريبا اوضح الصور اللي قدرت التقطها اما الصيد فكان طيب و مشكل والحمد لله
http://www.mekshat.com/pix/upload/images8/mk5291_mub.jpg
http://www.mekshat.com/pix/upload/images8/mk5291_muba.jpg
http://www.mekshat.com/pix/upload/images8/mk5291_m.jpg
http://www.mekshat.com/pix/upload/images8/mk5291_mu.jpg

تـــحـــيـــاتــــي للــــجـــمــــيــــع
الـــنـــوخـــذة

[riffe]

مشاء الله صيد حلو بس شكلك منوع فى السمج اكيد ماخذ من البحر اللى خاطر فيه

وبلعافه اخوى النوخده

[مشتاق البحر]

عوده حميده يا اخي (النوخذه) و اهلا وسهلا بك .

صور جميله وصيد طيب ماشاء الله ,, لكن عندي سوئال ايش نوع السمكه البنيه التي في الصوره الثالثه بارك الله فيك

و السلام عليكم ورحمة الله وبركاته

[MARINE]

السلام عليكم ورحمة الله وبركاته

يقول المثل من طول الغيبات جاب الغنايم وما شاء الله عليك اخوي النوخذة

ماقصرت ماخليت شئ في وجهك الا ونسفته تشكيله رائعه من الصيد وصور الغوص روعه جدا

اتمنى لك التوفيق دوما في كل رحلاتك

تحياتي لك

MARINE

[النوخذة]

السلام عليكم ورحمة الله وبركاته
riffe كلامك مظبوط لاني كنت اتعمد التنويع في الصيد وهذا شغل الغواصين دايما لانهم يختارون السمك مش مثل الحداق بالسنانير
اخوي مشتاق البحر الله يحييك.ماادري اي سمكة تقصد ان كانها اللي فوق فهي معروفة بعدة أسماء لاكن معظم الناس يسمونها شقرة او نعيمي وفيه ناس يسمونها حمرا لاكنها مش حمرا .عموما ترا لحمها طيب مرة وأنصحك تجربها

[النوخذة]

100 هلا و 23 مرحبا باخوي MARINE اشكر مرورك
واللي نسف البحر يعرف نفسه ;)
لاداعي للتوضيح فالصور تشهد معي ضدك
تحياتي

[( برى بحرى)]

ما شاء الله يا النوخذه فعلا اسم على مسمى

وتعجبنى طريقتك بالتنويع يعنى صيد مشكل او مخلط

عليك بالعافيه

[نوخذه عتيج]

الله يعطيك العافيه يالنوخذه
اسم على مسمى
التنويع بالصيد احلى مافي الطلعت البحريه
الله يهنيك اخوي ويرزقك من رزقه وهديتك مقبوله

بالنسبه للسمكه البنيه هذي يسمونها اشقاره وطعمها لذيذ بالفعل وبالعافيه عليكم الصيد

[SRDAL]

السلام عليكم ورحمة الله وبركاته

حياك الله اخوي النوخذه ... والحمد لله على السلامه سواء من البحر او من القطيعه .

ماشاء الله عليك يعني نوخذه من جد شمال جنوب شغال الله يعطيك الصحه والعافيه وتشكيله حلوه .

والأحلى هذا التصوير الرائع والجميل والرايق .

بالتوفيق انشاء الله

تحياتي لك

srdal

[gulfhunter]

السلام عليكم ورحمة الله وبركاته

حياك الله أخوي ا لنوخذه ............الحمدلله على السلامه........ ماشاء الله عليك شغل عدل .... صيد طيب وأخراج أحلى ..... مشكور أخوي النوخذه على الأهداء ..... وان شاء الله زالت المشاكل..... وإذا عندك استفسار وأي شي نقدر نسويلك ايه .... بس أمر......

[MARINE]

السلام عليكم ورحمة الله وبركاته

اخوي العزيز النوخذة ابوعتيق اعتقد حتى انت ماقصر واكثر الرحلات نكون مع بعض

والا انت تسوي نفسك ماتصيد شئ ;) تحياتي لك

MARINE

[النوخذة]

السلام عليكم ورحمة الله وبركاته
اشكر جميع الاخوان على المرور والتعقيب
الاخ SRDAL الله يسلمك ويعطيك الف عافية وماشاء الله عليك انا شفت مشاركاتك الصراحة انت اللي مخطط السيف شمال وجنوب اما حنى لنا الله
الاخ GULFHUNTER الله يسلمك من كل شر ولا خلا ولاعدم
ابو خالد انا اقول طلع من المستخبي

[MARINE]

السلام عليكم ورحمة الله وبركاته

ليه وانت خليت لنا شئ عشان نخبيه كل اللي عندي تعرفه

وش رايك انت تطلع اللي مخبي لنا الله يستر منك

تحياتي لك

MARINE

[ابن الاخيل]

ماشاء الله عليك يا اخوي النوخذه ..
اللحين الصور اللي في المــاء من تصويرك؟
والله شدتي مواضيعك .. حفظت ملفك الشخصي عندي في المفضله
وكل يوم اتفرج بذالصور اللي تجيب العافيه

[صاحب الجردي]

ماشالله تبارك الله...عليكم بالعافيه.....وانواع السمك كانه من البحر الاحمر...مشكله الالوان...العاده اهل الخليج صيدهم بلون ولا لونين.....

اخوي هذي الجزيرة في اي منطقه؟

[غواص الشمال]

ما شـــــــاء الله تبارك الله

بارك الله فيك