المساعد الشخصي الرقمي

مشاهدة النسخة كاملة : وش رايكم


سعد2006
04/08/2010, 04:22 PM
السلام عليكم ورحمت الله وبركاته
انا عندي gxr 2006 قير عادي ابغى ابيعه
وش رايكم ابيعه قبل رمضان او بعد العيد ؟
وايضاً ابيعه في الجنوب او في الرياض او القصيم ؟
يهمني رأيكم الله لايهينكم.
بحرالمحبه
04/08/2010, 07:59 PM
عطني مواصفاته ولونه وموقعك والحد لان خوي لي يدور له جيب قير عادي
سعد2006
04/08/2010, 09:10 PM
برحبابك يابحرالمحبه
والله ياخوي الصراحة انا ماعرضته في الموقع
لكن ان كان خويك صامل
الموتر لونه لؤلؤي
مكيفين
ثلاجة
سبير علاق
بلوتوث
البدي سليم من الرش والسمكره
الموتر بريمي
العداد175 قابل للزيادة
من حد لد
موقعي الرياض
لكن الي عنده راي لايبخل علينا
السبع2
05/08/2010, 04:01 AM
الله يعطيك خيره ويكفيك شره
بالنسبه للبيع والله بأي وقت اعرضه بمكشات النظيف نادر الحين واللي معاه ما يفرط فيه ابد
لكن نصيحه لاتروح للجنوب خلك بالبيت واعرضه بالنت لأن اهل الجنوب شغالين بجيوب ابوجميل
سعد2006
05/08/2010, 05:02 AM
شكراً اخي السبع2
على مرورك وإبداء رأيك
وجزاك الله خير
والي عنده راي لايبخل علينا
صبي مطير
05/08/2010, 05:27 AM
والله اخوي انا اشور عليك لا تبيع الى في الشتاء لن الجيب بشكل عام في الشتاء يرتفع لنه هذااااا موسمه الا اذا كنت منحد شي ثاني والمعارض الرياض والقصيم فقط
سعد2006
05/08/2010, 02:44 PM
والله اخوي انا اشور عليك لا تبيع الى في الشتاء لن الجيب بشكل عام في الشتاء يرتفع لنه هذااااا موسمه الا اذا كنت منحد شي ثاني والمعارض الرياض والقصيم فقط

مرحبا صبي مطير رايك في محله
لكني ابيلي شاص واكيد ان الشاص راح يرتفع سعره في الشتاء
وفي الشتاء ماني بلاقي شاص نضيف وسعره معقول!
badr2007
08/08/2010, 03:21 PM
شد الرحال الى المريخ ،، معارضهم طايره فيها الجيوب هناك خصوصاً ان موسم الربيع دخل من اسبوع!
يارجال رحم الله امراً اذا باع كان سمحاً ،،،
قنيص غير
09/08/2010, 08:42 AM
الله يرزقك الزبون الصامل والبيعة اللي تسرك
ولد وايل 2010
09/08/2010, 01:49 PM
اذا بغيت تعرضه بالقصيم يقال ان معارض القصيم افضل ببيع الجيوب ،،، والله الموفق
عاشق رامة
09/08/2010, 11:15 PM
السلام عليكم .. مسيتو بالخير ..
والله وانا اخوك رايي لك دور موتر واذا لقيت النظيف بع موترك واشر , لانك بتبيع جيب وتشري جيب , إن بعت برخص شريت برخص وان بعت بغلا شريت بأغلا ..
والديار وانا ما ادري الاسعار وحدة .. أنا من القصيم , احد الربع بيشري موتر قالو له رح لغير القصيم الجيوب أرخص .. ويروح ويجي ما غير خساير ووجع راس وبالاخير شرا من معارض بريدة ..
يقول السوق واحد .. فما لك بالطويلة الاسعار متقاربة جدا بكل الديار , خاصة لمثل موترك ما شاء الله جديد كل الناس تقدره وتثمنه , واذا فيه فرق بالاسعار بين المناطق فهو بسيط جدا ما يسوا التعب ومصاريف التنقل بالديار ..
الله يوفقك ويبارك لك بحلالك ويرزقك الشاص اللي ما بعده :) ..