انذااااااااااااااااااااااااااااااااااااااااااااااا اااااااااااااااااااااااااار شاص2011

[سعد2006]

السلام عليكم ورحمت الله وبركاته
الي يدورله ذي الايام شاص2011 ينتبه
انا امس الثلاثاء الموافق 22\ 8\1431هـ
جاي مع طريق الخرج جاي الرياض
ويمر من عندي شاصين 2011 رفارف
لوحات جمارك وناظر إلا والطبلون مفصول
ومشينا معهم حتى دخلنا الرياض
واحد اتجه جنوب الرياض والثاني شرق الرياض
حسبي الله ونعم الوكيل يبيع ذمته بـ1000ريال او اقل
عشان يقول الموتر اصفار وكاله

[أبويوسف3]

أخوي كيف عرفت أن الطبلون مفصول0

[سعد2006]

قربنا من عنده وشفنا عداد السرعة مفصول واذا صار عداد السرعة مفصول يكون حسب مااعرف عداد الكيلوات ايضاً مفصول
وبعدين طبلون الشاص واضح اذا قربت من عنده
اتمنى اني وضحتلك اخي العزيز

[أبويوسف3]

قربنا من عنده وشفنا عداد السرعة مفصول واذا صار عداد السرعة مفصول يكون حسب مااعرف عداد الكيلوات ايضاً مفصول



وبعدين طبلون الشاص واضح اذا قربت من عنده
اتمنى اني وضحتلك اخي العزيز
بارك الله فيك وجزاك الل خيرا 0 لكن هل هالمعلومة صحيحة 0

[الكونتر]

انا الله وانا الية راجعون
مشكور اخوي على التبليغ
تحياتي

[سعد2006]

بارك الله فيك وجزاك الل خيرا 0 لكن هل هالمعلومة صحيحة 0

انشاء الله حسب ما اعرف

[عبدالله الضويان]

ياخوي بعض الشريطيه حسبي الله عليهم
مايخافون الله طبعا مااعم الجميع لاكن اللي يفصلون الطبلون ويحلفون لك انها اصفار
خاصة اللي يجيبونها من الامارات وشكلهم متعودين على كذا
لانه العام اول ما نزل 2010
واحد من الاعضاء قال لنا نفس سالفتك بس الموديل اللي تغير كان 2010
كان يقول شاصين تجاوزوه جدد لوحاتهم جمرك وشافهم في المعارض عداداتهم اصفار ويحلفون على كذا يعني نفس كلامك بس انهم العام موهالسنه
يعني شكل السالفه دايم
حسبي الله عليهم

[سعد2006]

ياخوي بعض الشريطيه حسبي الله عليهم

مايخافون الله طبعا مااعم الجميع لاكن اللي يفصلون الطبلون ويحلفون لك انها اصفار
خاصة اللي يجيبونها من الامارات وشكلهم متعودين على كذا
لانه العام اول ما نزل 2010
واحد من الاعضاء قال لنا نفس سالفتك بس الموديل اللي تغير كان 2010
كان يقول شاصين تجاوزوه جدد لوحاتهم جمرك وشافهم في المعارض عداداتهم اصفار ويحلفون على كذا يعني نفس كلامك بس انهم العام موهالسنه
يعني شكل السالفه دايم

حسبي الله عليهم


شكراً على مرورك وعلى تعليقك
المفروض ان نتعاون على التشهير بهم.

[الذيب 4516]

انا الله وانا الية راجعون
مشكور الخوي على الموضوع
يعطيك الف عافيه

[سعد2006]

انا الله وانا الية راجعون
مشكور الخوي على الموضوع
يعطيك الف عافيه

برحبابك اخوي الذيب
لاشكرعلى واجب
والله يعفيك

[الوادعي 2008]

مشكور اخوي على الموضوع
فعلا ً ناس ماتخاف الله
يعطيك الف عافيه

[البقميVX.R]

ياخي بعض إلي يشتغلون في المعارض تكون الذمه عندهم زفت ما أقول إلا الله لا يبلانا
ومشكور أخوي على الخبر أقل شي ندعي عليهم ونقول حسبنا الله ونعم الوكيل

[صبي مطير]

ياخوان هذي قصه حصلت معي انا العام الماضي رحت لمعارض النسيم وكان في راسي جيب لكزس 2006 او 2007اخذت ايام ادور ولقيت جيب كان مع شايب بحكم ان الموتر بسمه وكاله وفرقت السوم واخذته على الفحص ويقول الشايب مافيه اي شي وطلع فيه سمكره ورش المهم طابت نفسي منه وخليته طبعا وكان ممشاه 290 الف وبعد يومين لقيت نفس الجيب مع شريطي دايم اشوف وجهه في المعارض وسالته كم على الزين قال قيمه روعتني اكثرمن القيمه الي كنت ابي اشتري 15 الف لا والممشى 78 الف وقلت ياخي خاف ربك الموتر ممشاه كذا وفيه كذاا وبغيت اتهاوش معه لنه يحلف ويتكلم بلعربي وصخ وتكرمون عنه وسلامتكم وماقول الا حسبي الله ونعم الوكيل شي يقهر

[سعود2006]

متى نزل 2011

[ابن مجدوع]

والله من غشامته .. يحطه بذمته عشان كم الاف .. الله لايبارك بها دراهم بتخليني كذا !!
االله يجيرنا وياكم والمسلمين .. واغلب وليس كل .. حقين المعارض الله يغفر ويتوب قليلين ذمة !!
تحياتي لك

[الليزر....]

ياخوان هذي قصه حصلت معي انا العام الماضي رحت لمعارض النسيم وكان في راسي جيب لكزس 2006 او 2007اخذت ايام ادور ولقيت جيب كان مع شايب بحكم ان الموتر بسمه وكاله وفرقت السوم واخذته على الفحص ويقول الشايب مافيه اي شي وطلع فيه سمكره ورش المهم طابت نفسي منه وخليته طبعا وكان ممشاه 290 الف وبعد يومين لقيت نفس الجيب مع شريطي دايم اشوف وجهه في المعارض وسالته كم على الزين قال قيمه روعتني اكثرمن القيمه الي كنت ابي اشتري 15 الف لا والممشى 78 الف وقلت ياخي خاف ربك الموتر ممشاه كذا وفيه كذاا وبغيت اتهاوش معه لنه يحلف ويتكلم بلعربي وصخ وتكرمون عنه وسلامتكم وماقول الا حسبي الله ونعم الوكيل شي يقهر
والله أنه حصلتلي سالفة مشابهه لسالفك نويت أشري هايلوكس غماره دق علي واحد من الشباب وقالي عن طريق واحد من خوياه معه هايلوكس توه شاريه الموتر نظيف رحنا وشفناه يوم وقفنا عند بيت الرجال راعي الموتر عرفتوه أنه شريطي يوم أخذناه وانا قلبي ناغزني الموتر ماشي 100 حكم استغربت والموتر مكدود قسم بالله صدفه وقفنا عند محل وطلع خوي الي معي قال الموتر العام شايفه ماشي 190 والموتر طبلنه لايرج ولايحزنون خارجي جديد وداخلي الله يخلف وعقب فتره شرا جيب وسألت عنه قالي خويي أنه كان ماشي 170 ورجعه 110 قلت وراه قال علشان مايشكون الناس أنه مرجع شف دنأة الشريطيه لكن الله مايضيع أحد..

وأسف على الأطاله ومشكور أخوي على التنبيه الله يجعله في ميزان حسناتك

[وتر حسآس]

وشلون عرفت أنه 2011 أصلا مافيه فرق عن 2010

أترك النسخ واللصق عنك سالفه من سنه جايبها لنا

[السبع2]

لا تشتري الجديد الا من الوكاله حتى لوخليجي اطلع وجبه
وراعي الجيوب والله يعرف وخصوصا الشاص واضح اذا كان اصفار اولا

[علي عليوه]

وشلون عرفت أنه 2011 أصلا مافيه فرق عن 2010





أترك النسخ واللصق عنك سالفه من سنه جايبها لنا




أخوي وتر أنا شفته بمعارض بريده ومكتوب عليه 2011



الفرق الخارجي المرايات نفس اللون




ومن الداخل تخشيب


http://www.mekshat.com/pix/upload04/images175/mk20567_sssssssss.jpg

[سعد2006]

أخوي وتر أنا شفته بمعارض بريده ومكتوب عليه 2011





الفرق الخارجي المرايات نفس اللون




ومن الداخل تخشيب


http://www.mekshat.com/pix/upload04/images175/mk20567_sssssssss.jpg

الله يهديك ياوترحساس واجد في السوق وما قصرت ياعلي عليوه

[سعد2006]

شكراً لكل من مر وعلق
اتمنى من الجميع التفاعل
لتعم الفايده

[كريم الطباع]

الله يهديهم ولا يبلانا
اللهم لا تجعل الدراهم اهم من ذمتنا وديننا وصدقنا

[سعد2006]

آمين ياكريم الطباع
وشكراً على مرورك

[مخطط 2008]

المشكلة يسمونها تجارة التجارة شطارة

[أبوتركي V8]

يا شباب ان تبهو كلام الرجال سليم اذا صار انمبير السرعه واقف وما يحسب السرعه يوقف معه عداد الكيلوات وانا استغربت انا بعض الشباب مايعرف المعلومه هاذي وفي مشترا السياره لا تستعجل اصبر الين اناس ياخذونه وينتشر تفادي للغش والعيوب ل
لان الشاصين ذولي انكان انه يبي يحطونه في المعارض بيروحن على طول انت تبي تشتري شاص وداخل المعارض وتشوفه وبتقول شاص موديل جديد وبتاخذه علنه جديد وهو مسحوب بين دوله ودوله مشي به

[أبوخطاب]

سبحان الله اللي يلعب بالعداد دايم تلقاه غير موفق ودراهمه ما فيها بركة وإن كثرت مبيعاته هذا إذا سلم من الحادث
واحد من الشباب على وقت 2003 كانت معه هايلكس2002 غمارتين فصل العداد بنية الغش وهو يقول ذلك ما تعدى أسبوعين إلا دخل بماصورة وراح الموتر تشليح

[ابو العز بلس]

وعليكم السلام ورحمة الله وبركاته
طيب ما حفظت اللوحات والا اي علامة تدل عليهم

[ابو الذهب511]

ابي اسئلكم ياعيال .فيه علامات اذا كان الطبلون مغير فييه؟ يعني اذا كان مرجع الى اصفار او اقل يعني اقدر اعرف الفرق بينه وبين الجديد؟

[شاهين الشاهين]

والله اللي يبيعون السيارات فيهم ناس مايخافون الله وماهم قليل شر
بس والله شوفت الطبلون والعداد حق السياره وهي تمشي احس انها
قوووووووووووووووووووووووويه شوووووووووي يالغالي
ماتحسون انها قويه هههههههههههههههههههههههههههههههههه
;)

[سعد2006]

وعليكم السلام ورحمة الله وبركاته
طيب ما حفظت اللوحات والا اي علامة تدل عليهم

اهلاً حيدون
ماجا على بالي وكانت الساعة1.30في اليل
وبعدين اكيد راح يفكها اذا وصل



ابي اسئلكم ياعيال .فيه علامات اذا كان الطبلون مغير فييه؟ يعني اذا كان مرجع الى اصفار او اقل يعني اقدر اعرف الفرق بينه وبين الجديد؟


اتوقع فيه
لكن ما راح يقصرون الاخوان الي عندهم العلم

[أبوعتقان]

ابغض خلق الله الشريطيه
ينطبق عليهم قول النبي صلى الله عليه وسلم((المنفق سلعته بالحلف الكاذب...))
الواحد يبيع ذمته بريال
طبعا ماهو كلهم لاكن اغلبهم والشر يعم والخير يخص

عموما
بيض الله وجهك
ومالنا الا ابوجميل والله يعين هههههه

[سعد2006]

ابغض خلق الله الشريطيه
ينطبق عليهم قول النبي صلى الله عليه وسلم((المنفق سلعته بالحلف الكاذب...))
الواحد يبيع ذمته بريال
طبعا ماهو كلهم لاكن اغلبهم والشر يعم والخير يخص

عموما
بيض الله وجهك
ومالنا الا ابوجميل والله يعين هههههه

ووجهك ابيض
وشكراً على مرورك وتعليقك

[metub1404]

الله يعين .............

[جنط]

صااادق اخووووووووووووي

حسبي الله عليهم ونعم الوكييييييييل ناش ما تخااااف الله ياكل حراااااااام و يوكل عيااااااله بالحرااااااااااااام


لاكن الى بيشري لايشري الى من البازعي اووو يروح هو شخصيآ للامارات

[سامي900]

الله يهديهم

[عاشق الطرمبه]

وشلون عرفت أنه 2011 أصلا مافيه فرق عن 2010

أترك النسخ واللصق عنك سالفه من سنه جايبها لنا


اترك عنك الفلسفة وشلون مافيه فرق اللي يعرفون للمواتر أكيد بيعرفون الفرق

[كلي مكشات]

اخوي سعد لو صاار مفصول تلقاه به فضاوه يبداا يلعب

[بواسامه]

منذ مبطي وهذا شغلهم
لا وفقهم الله

[الشهابة]

حسبي الله و نعم الوكيل ..

يحسبونها شطاره يبي الفرق 1000 او 2000 ريال او حتى 5000 ريال ..

عام 2001 اشتريت مكسيما سياحي جديد بـ 60000 ريال .. و بعد فتره طله فيها مشاكل و بعتها ماكملت سنه بـ 29000 ريال و عدادها 66000 كلم ..

بعد يومين رجعت للمعارض ابعطي الرجال الي اشتراها المفتاح الثاني .. و لقيت السياره منزلين عدادها إلى 35000 كلم و يقولون مسيومه بـ 41000 ريال و انها انظف من الجديده و مافيها مشاكل ..

الي اشترى السياره ماكلن موجود و قتها .. قلت لهم كم حدها قالوا يمكن 45000 ريال .. انت حط عربونك و نكلم راعيها ..

قلت هي باسمه و كاله .. قالوا هو شاريها من واحد مطلعها اقساط و باعها كاش جديده يعني ما استعملها إلا واحد بس ..

المهم يوم خلصوا كلامهم دقيت على الي اشتراها و قلت له انا في المعرض تعال خذ مفتاحك الثاني .. يوم سمعوني قالوا ياخي انت غلطان هذي ماهي سيارتك بس تشبه لها !!!!

سبحان الله .. نفس اللوحه و نفس المفتاح و نفس الضربه الي في الرفرف الخلفي اليمين و نفس الشطب الي في القزازه بس ترى ماهي هي تشبه لها !!!!