((ياخوان الفزعة رام دوج 2002 شكل 2003 ب26الف اشترية!!))

[ليالي المكشات]

الفزعة يا خوان انا ادورلي سيارة للبر يكون شكلها الخارجي مقبول فقط الي يهمني المكينة والقير ولقيت السيارة رام 2002 شكل 2003 ( الجيل الجديد) منزل سعرة
صدوم ورش سعرة 26 الف
هل سعرة مقبول بالموصفات والعيوب التالية ذكرها
لابد احدد موقفي بشراء بكرة

(((المواصفات)))
-سعودي
-غمارة ونص
-شاصية قصير
-دبل ازرار
- حجم 1500-
- ماشي 200كيلو (سعودي)
-فل كامل
-وقفتة زينة
(((العيوب عرفتة عن طريق فحص كمبيوتر)))
-رفرف امامي يسار رش ومعجون
-رفرف امامي يمين رش ومعجون
-باب امامي رش ومعجون
-كبوت رش ومعجون ومسمكر
-صدام خلفي وامامي رش
-باب امامي يسار رش ومعجون
-نص الرفرف خلفي يسار رش
-شنطة رش وسمكرة

((انا رجال مستخدم هل لوبعتة بعد او بشتاء سنة بيجيب اقل من 22 الف !!!!))
fff.aaa.ttt@hotmail.com

[exsoskeleton]

السلام عليكم ورحمة الله وبركاته

انت طلبت الشور... وشوري عليك..... انحش

يا مسلم ما بقى مكان إلا معجون ومسمكر إلا المرايه الداخلية
والظاهر من الوصف ان الماكينة أكيد متضضره من الحوادث الى مرت عليه

اصبر يا مسلم وتلقا غايتك

وعلى فكرة بالقيمة ذي تلقى شوركي ربع أو ربع نيسان 90 - 91
نظيف إلا إذا انت مصر على الحوض

بالتوفيق

[ليالي المكشات]

اشكرك على النصح

[GMC79]

انحش


بـ 26000 تجيب افضل من ذلك بكثير

[قطيفان]

الأخ ليالي المكشات ,,,, خذ من مجرب نصيحة ياخوي ححد موقفك انت بنفسك !! اذا كان الموتر داخل مزاجك و تبي تستخدم ,,, وتقول فحصته ,, ياخوي اهم شى المكينه والقير ,, توكل على الله واشتر ولا نبي تتحسف .. انا والشباب ماشفنا الموتر على الطبيعة ,, واعتقد المبلغ مناسب بالنسبه للموتر ومقارنه باسعار الشفر ,,, وبعدين بعد سنه يحله الحلال ياخوي !!! بالتوفيق

[عاشق ونيت]

والله استخر هذا اولا وثانيا ترا ماله سوق وانا اخوك الناس ماخذه فكره عن الدوج انه خرابات وبعدين بنصحك نصيحه رح لحوش ارامكو فالدمام لهم مبيعات هناك والله بتلقى لك بقيمة موترك جمس 2001 او 2002 جديد ولامشى بعد

[الحفولي]

حطك ارجيلك في بطنك وانحش

اكيد السمكره اثرت على الكيابل والحساسات والأجزاء الاخرى

الدوج اصلا خلقه راعي خرابات وهو ماجاه شي .. فمابالك بمصدوم؟

والله ان يعاقبك بالخرابات وقطع الغيار اللي ماتحصلها الا بعد مايشيب راسك

الدوج دجوا هله فــ اسبوع
عجزوا عن التتن يشرونه

البيت اللي فوق يمكن له اربعين سنه,,, دليل على سمعة الدوج الداجه

[قنيص غير]

الله يرزقك من واسع فضله