يامن عنده خبر

[الصامت 2008]

السلام عليكم ورحمة الله وبركاته
أخواني أعضاء وزوار منتديات مكشات الأعزاء
أنا بحاجة لجيب موديل 97 VXR فل أتوماتيك حيث كان عندي وراح الله يعوضني عنه وسبق وبحثت بالمنتدى وبعض المعارض ولم أجد اللي يطيب خاطري بالنظافة إلا أن أحد الأخوان ذكر لي بأن الشخص يستطيع جلب السيارة الذي يريدها من اليابان بشكل شخصي والنظام يجيز له ذلك فهل عند أحد منكم علم أو خبر عن كيفية وإمكانية ذلك أي البحث باليابان عن مثل هذا الجيب وأستيرادها ؟
وبعد أذن الإدارة لمن يريد التواصل معي عبر الأيميل فله ذلك متى ماطلبه مني وجزى الله المحسنين خير0

[ياوجودي]

السلام عليكم

أخوي هالموديل بالذات بتلقاه نظيف بسعر موديل 2001 نظيف

أخوي بواحد من معارض النسيم ماعرف اسمه المهم انه من المعارض اللي تفتح غرب.

97 فكسآر فتحه أوتوماتيك ليمتيد جلد ذهبي خليجي

أنا أول مره أشوف نظافته ماشاء الله تبارك الله

يقول حاده بـ 75.000 ريال.

اما اليابان انا سمعت ان الاستيراد ممنوع دون موديل الـ 2005

والله يبلغك ماتمنيت وافضل يارب.

[الصامت 2008]

بيض الله وجهك بالعلوم الطيبة وجعل دربك سمح منين ماوجهن 0

[صبي مطير]

اخوي بنسبه ليستيراد من خارج المملكه 2005وفوق فقط زي ماذكر اخونا كلام مثبوت والي عنده غير الكلام ليخرج ويبارزني وقريب بيلغون 2005 ويبداااا 2006 بنسبه للجيب vxr موجود ونظيف عند واحد اعرفه بس مادري بيبيع ولا لا وعطني ايميلك على الخاص واردلك تحياتي وتقبل مروري

[MjNo0oN]

اخوي الصامت شوري عليك دامك تدور شي نضيف اتوقع ماراح تلاقي الي يرضيك في الموديل الي انت تدوره وان لقيت بتلقا سعره مبالغ فيه وفكر في الموضوع شوي انت طالب موديل 97 يعني له مايقارب ال 14 سنه تحت الخدمه يعني ماراح يعيش او يطول معك بدون خرابات وخصوصاً المواتر القديمه ((اذا طقيت فيها مسمار طاح الثاني)) وانا اشوف اذا كنت بتوصل ال 75 الف او 80 الف بتلقالك جكسار زي الورده من مديل 2000 الى 2003 بهاذي القيمه ويمكن تلقاه فكسار ونصيحه لك ابعد عن الي فيها هيدروليك لانه لو خرب عليك الله يعينك على تصليحه

يعني رايي من راي اخوي ياوجودي

[مخاوي النادر]

صبحك مساك الله بالخير
في جيب عند واحد من الربع 97
موصفاته الون ابيض بودي وكاله قيرعادي استبنه ارضي خلفيه شنط مكيفين ثلاجه تنكيين ممشاه ما تعدا 190الف المكينه لها اسبوع موضبه بسبب نسي الغطاء الاديتر مفتوح ومشابه مشوار وخبطة

المكينه اسياره نظيفه

والرجال بياع وسمح

الموقع جده

كان بودي الرسال على الخاص بس مشاركاتي ماتسمح

والسلام عليكم ورحمة الله وبركاته

[الصامت 2008]

جزى الله خير من تعاون معي بالردود وكل ردودكم براس مالها لكن الموديلات من 97 وفوق ماهي جبارت الـ 97 أشوفهن مع بعض الربع ماتطلع للبر وترجع غير تروح للصناعية أما عن حرصي على وجود الـ97 عاش معي من موديلة من الصفر حتى وآفاه الأجل بـ 28/2/1431هـ بحادث سلمنا الله منه ولله الحمد وراح وهو والله مثل الجديد فهو سيارة بر تتحمل الصعاب بكل أنواعها مايطري عليك مكان وتحتار وهو معك بعد مشيئة الله على كل حال يأخي العزيز لا أتمكن من أرسال بريدي على الخاص وأعتذر من الأدارة وهذا بريدي
ibmz99@hotmail.com (ibmz99@hotmail.com)

[علي عليوه]

أخوي يبدو لي إنك ما جربت الموديل الجديد وبالذات من 2004 إلى 2007

وهذا فهمته من سياق حديثك .

أنا كان معي 97 والله ما كنت أتخيل نفسي أركب غيره لأنه بنظري جبار كما تفضلت ,, وقدر الله إني أبيعه واشتريت 2004

بصراحة حسيت بالفرق الشاسع من نواحي كثيرة جدا وأول ما لاحظت الدركسون ,, كنت بالـ97 كأني لاعب قوى من ثقل دركسونه

لكن اللي أهم من هذا كله الراحة .. والمراتب اللي ترد الروح ,, والمكينة الجبارة اللي ما يختلف عليها اثنين بعكس الـ 97

جلد بلوف ودخان ومشاكل

من عيوب الجديد كثرة خراب دودة الدركسون ,, والمقصات بعد جلد 4 سنوات يبي لها تغيير

وغيره توكل على الله

طبعا أنا فهمت إنك إنسان محافظ على السيارة لأن موترك لولا الحادث الله يعوض عليك كان نظيف ومريحك

الآن أقول لك خذ موديل جديد على حسب استطاعتك وأنصحك من 2004 وطالع وبعد أشهر راح تتندم على اللي فاتك مع الوحش

اللي ما طير سعره إلا أهل الطرد والصقور ,, وشفهم الآن يموتون على موديل 88 و 89 علشانه سست , مع إن 2004

وطالع أثبت جدارته وبقوة بالطرد

وكل أمر بالخيرة يستبين وعسى الله يوفقك ,,

[الصامت 2008]

جزاك الله خير أخ علي أنت وكافة الأخوان اللي شاركوني بموضوعي ويعلم الله أن حديثكم عزاني عن مافقدت وأنرتوا بصيرتي التي كان مسيطر عليها حب فقيدي أكرر وأقول جزاكم الله خير والخيرة بما يختاره الله 0