التيوس الباكستانية المباعة لدى الثلاجة العالمية

[مراقب الصيد]

http://www.mekshat.com/pix/upload03/images133/mk49539_sa00.jpg





ــ هل أحد جرب التيوس الباكستانية المبردة لدى الثلاجة العالمية المنتشرة بكل ارجاء المملكة.

ــ هل هي لذيذة ومناسبة للمندي والكبسات.

ــ هل هناك طريقة لطبخها كونها لحوم مبردة.

[حنون2000]

-----------------------------------

[رســــــلان الوجه]

هلا اخوووووووووووووووي انا ماجربتها لكن عن زملاء في العمل بأنها للشوي مية بالمائة اما الطبخ لا

أخوك / مجرهد

[عاشق الموطن]

الصراحه وانا اخوك ماشريت لاكن واحد من الشباب شرا منها ويمدحها حيل ويقول ان الصغير منها ممتاز جدا
ارجوا اني افدتك ...عزيزي

[ابوياسر2010]

السلام عليكم
انا جربت بس الصراحه لك عليه اللهم لك الحمد فيه نكهه عجزت اقبلها
مع ان فيه بعض الشباب جرب ويمدح بقوه

[بن حاضر]

والله يـ الغالي في الشوي مثل ماقال اخوي مجرهد الليل ..
وللمعلومية اغلبية محلات المشاوي تستخدمها حالياً .. وانا عن نفسي استخدمها في المشاوي حلوووه بس حاول تروح لهم يوم الاثنين ولا الثلاثاء لانها تكون طازجة ولو تعرف احد فيها يعلمك مته تجيهم بـ الضبط وتاخذها طازجة يعني تكون مذبوحه لها يوم ولا يومين بـ الكثير ..

[رحال الحجاز]

الله يحيك اخوي
الحقيقه سمعت عنها
ولكن ما جربتها الى الان

[الوافي.]

انا جربها شوي ممتازة ومندي والمطازيز ايضا ممتازة اما الكبسة فما طبختها ولكن ماجازت لي مع الكبسة بس مهب انا الطباخ ولكن عليك بالصغير لا يزيد ثمانية كيلو فقط

[جوبتير]

إرخ الريال ويرتخي كل مزيون
قرش يجيب الزين ما هو خساره


والله اما انا يا خوي خصوصا في اللحم ما اقدر اغامر ابداً ،، اذا ما اطق اطلق ذبيحه اقل شي 10% من وزنها شحم وما امسكها في الحوش الا بعد ما اتكسر ،، فلا ارتاح لها ابداً
صحيح ان الأسعار لن تقل عن 900 ريال ولكن الشكوى لله ،، هذا اللحم مزاج وهو سيد الطعام اذا ما كان على الاصول ما ينفع
والبدائل اذا كانت نظيفة والظروف لا تسمح بشراء الغالي فلا يمنع
تحياتي لك

[نواف نجد]

انا ما اعرف الا البلدي التيس البلدي اما الباكستاني والي من برا ما دخلت مزاجي للحين مع ان فيه ناس يمدحونه

[LEUPOLD]

وعليكم السلام
ان والله ما جربته ولا لي نيه عيت نفسي تقبله اللهم لك الحمدعلى النعمه ويالله لاتغير علينا
بس على الكلام الي جاني انه فيه زخمه ولحمته مع الطبخ ما تضبط
تقبل مروري اخوك الباهلي

[معارك]

انا جربتها زينه خاصه الصغار

[فهد-ابويزيد]

الله يديم النعمه ---- ماغير سوق الغنم خذ نعيمي بيدك وعلى المقصب-- ونكانك مضطر بالباكستاني نقعه في موية مع خل قليل لمدة نص ساعه -- بعدين تبلة بالثوم والزنجبيل الرطب وصلحه ايدام لحاله

[الحجاج2]

والله ياخوي جربته مرة وماعدتها
هو يستوي وترف لكن مابه دهن اللحم يعني مايعطيك موية لحم مضبوطة يعني كنك طابخ على موية عادية
لكن انكانك تبي شيء زين خذ النيوزلندي المجمد تراه ممتاز خذ كتف امامي الكيلو الظاهر ب 21 زين لابه ريحه وطعمه ممتاز خذه احسن

[مجازف2010]

اللهم لك الحمد والشكر على النعمة

والله انا اشتريت واحد اول مشكله فيه انه ما فيه شحم ابد وسويته مندي والله ياطلع فيه زفره وريحه عجيبه وبالاخير طلع لحمه ناشف وقاسي ما قدرنا نقطع اللحم تقول عمره 100 سنه

بعدين الحين اصبح سعره غالي تقريبا ب 300 ريال يعني زودها 300 وخذ لك بلدي يداوي الراس احسن من الخساير والمغامرات

[سلطان المغيري]

التيوس المبرده ممتازه لشوي وخاصه ان بيتها في تتبيله من

الملح والخل والماء والثوم تشوي لحم ممتاز لكن لطبخ

لاتطبخا نهايا يجي لها طعم غير مرغوب

لكن فيه لحوم تجي من تركيا طليان مافيه فرق عن الحري

واحسن مافيه ان الكبد والقلب والكلى تجي في داخله بكيس

وممتاز لطبخ لكن اذا تاريخ الذبح جديد

موجود الحم عن محلات المراعي الخضراء

وبكميه قليله وغير متوفر اكثر الوقت

[ابو شدون]

هاذي تجي عن طريق الطائرات
والحقيقه يوجدبها رائحه غير مقبوله من واقع تجربه

[طير الهقاوي]

والله ماجربتهاا والله يزيد من خيره

[فتى التويم]

انا جربته كبسه ماينفع ابد ابد فيه طعم غريب

ولكن بأجربه شوي على كلام الاخوان

[بليزر616]

انا اقولها لك صريحة مثل الشمس بعينك
تعرف لا صارت الشمس الساعة 7 بالصيف خذها مني

اكلها شي نفسي اذا نفسيتك تقبلت نوع هذه اللحمة والله ان تطلع عندك هبر هرفي ابو ست شهور
وان ماتقبلتها مثلي ان يطلع فيها ال1000 عيب وعيب اقلها ريحة زفرها ولا تدري كيف غسلوها او وين ذبحوها
او او او الخ

انا مجربها مره وهي اخر مره بس فيه ناس سووها كباب امدحوها مع اضافات الكباب
مو لحمة سادة

اتمنا كتبت مايفيدك جعل الهنا والسعادة في يوم عيدك

[القنيصان]

السلام عليكم

انا جربتها
الباكستاني فيه زخمه وصنقه
لكن فيه النوع الثاني حلو الي هو الهندي وغالبا يخلص على طووول

[omar salman]

وعليكم السلام ورحمة الله وبركاته
التيوس هذي موجودة كذلك لدى العثيم ولدى جيان أيام كانت موجودة وكارفور
والأسواق الكبرى واعرف طريقة الشراء المناسبة ومتى أشتري وما هي الأحجام
المناسبة وكيفية التعامل معهن من جهة الحفظ وطريقة الطبخ وأكثر ما يشوه ملامح المواضيع
الاستفسارية بالنت عامة تصدّر الكثير للإجابة حتى في حال عدم تجربة المسئول عنه المهم
للمصلحة العامة ولأمور شخصية اخترت عدم ذكر ما ألمحت له بخصوص الموضوع لأن بعض
الناس هداهم الله ما يصدقون يسمعون شيء إلا يروحون ويسوون مزاحم واعلان ونشر ودعايات
مما يضطر الواحد أن يعود لبيته دون إنهاء ربع ما خرج من أجله بسبب الزحام العشوائي .


وهذا الرابط هدية لصاحب الموضوع
وفيه عينة من التيوس لكن لا رائحة
إلا رائحة المندي الصح :


http://www.mekshat.com/vb/showthread.php?t=291844 (http://www.mekshat.com/vb/showthread.php?t=291844)

[Al3rands]

انا اعرفه من زماااااااان بس لا تقارنه بالبلدي وذا كنت تحب الشحيمات انس الموضوع

[مراقب الصيد]

يقال انك إذا أردت ان تقضي على أي رائحة لحم تسلقة سلق خفيف مقدار فوحتين فقط في ماء مع حبتين ليمون أصفر مقطع كل ليمونه إلى اربع قطع ، ثم تنثر الماء حيث ان الليمون يسحب الروائح والزفر ....وتطبخة بقدر آخر غير قدر السلق
هل منكم جرب أو سمع ذلك .

[ذيب الهويمل]

والله جربته



حلو بالحيل


بس لازم التاريخ مايكون قديم


انا والله ما عرف طريقته لان الوالد كد جاب منه

[أبوحمد 505]

أخوي أنا مرة شريت منهم لحمة خروف والله يالها ريحة تصدع بالراس وسوداء
وخذيت بعدها من عندهم كتف حمل نيوزلندي صراحة ممتاز جدا طبخ مع الرز لا ريحة ولا سواد

لذلك أنحش من لحمة الخروف ودور الحمل

[سيد الجو]

جربته اكثر من مره وبعضها صحيح يصير فيه زخمه وماعندي مشكله اجربه مره ثانيه بس بشرط ذبح اليوم

ولاتنسى حتى البلدي يجي فيه زخمه بعض الاحيان

عيبه ان مافيه دهن نهائيا

ميزته رخيص قبل اسبوع ماخذينه من عتيقه 10 كيلو ب245 ريال


وجربت الهندي لكن الباكستاني افضل

[ابورايف]

ملاحظة وتوضيح
اخواني التيوس البكستانية تذبح وتجمد في باكستان
وترسل في سفن عبر البحر وكل واحد منا يعلم مقدار المسافة
يعني من الشهر وطالع
وكثر ما اسمع اعنها انها غير مجدية في الطبخ وفيها رائحة غير مقبولة
الله يخلي لنا الهرفى والتيوس العارضية
وتقبل مروري

[بن نقا]

ياطويل العمر جربت مرره لحم مستورد وأظنه من الهند أخذت بالكيلو تجربه وماصدقت تخلص بعدها قلت لالحم إلا بلدي ...

[فتى مرات]

السلام عليكم ..
اناا جربت التيوس الكشمري بطريقة مندي الملح بصرااحه طععم مقبوول ولا فيهاا اي عييب .. جررببها منت خسراان شي انشااء الله تاخذ التيس من 100 وفيهاا اذا صغير .. ارجو اني افدتك ..

[وجد الكتابة]

ماجربتهن بس سمعت ناس يمدحونه

بس لا تعلم اللي ياكلون وهم يمدحونه لك اذا علمت قاموا يسبون

انا اشوف ان كله لحم

[دايت]

والله جربناه مرتين ..

اول مره وش زينه ولا ودك تقوم منه ..

والثانية لامنك طبخته صار فيه خنزه ..

كود تشتريه وهو توه واصل ..

والا غير كذا مامثل السوق..

:)

[مبثوث]

المطابخ ما يستخدمون إلا هو

أقل تيس مندي بـ 600 - 700 ريال

مستحيل يشتريه من السوق بـ 500 - 600 ريال

لكن الفن في الطبخ له دور ـ سمعت من أحد الزملاء إنهم ينقعونه في مويه وخل كم ساعة (عشان زخمة التجميد)

وبعض الأخوان اللي ما يبي إلا البلدي أبو 1000 ريال ـ هذا يا أما إن استخدامه للحم قليل ، أو دراهمه راهيه!!

ملاحظة : لم أجربه
لكن شريت من حق العثيم وبنده ما زبط معي أبدا أبدا
ولكني لا أتهم اللحم إنما أتهم طريقتي في الطبخ
لأن هالمحلات الكبيرة تبيع بالآلاف = هل كل ذولا ياكلون زفر وزخمة ووو لاأظن

أستفدت من تجارب الأخوان الله يجزاهم خير ويكثر من أمثالهم ويزيدهم من فضله لحبهم الخير وبذلهم المعلومة

شكرا لصاحب الموضوع والمشاركين

[abo tariq]

ما عمري جربته لكن شكلي بجربه الشهر الجاي

[ابوياسر555]

التيوس الباكستانيه اصلا ماتقبلها من اسمها

[ابوياسر555]

الله من قلبا يدميسه دمستيه دمس البعير الي برك علي الصليبه

[مراقب الصيد]

نستنتج من أغلب الردود المشاركة أن التيوس الباكستانية غير جيدة المذاق

[ابن الفيحاء]

خذ وانا أخوك تجربتي .. سمعت البعض يمدح الخروف الباكستاني المبرد انطلقت(اول مرة اشترى لحم مبرد) ومعي واحد شقردي واخذنا الخروف بسعر 250ريال الكيلو بسعر 30 ريال وضبطناه مندي ولكن مثل ماذكروا الاخوان فيه زخمة . وبعدها توبة ونصيحة اما خروف من السوق او لحمة حاشي وغيرها لاتدور لحم

[مراقب الصيد]

شكرا لك على مشاركتك ،،،،،

[ABU SALEM]

انا جربته عدة مرات مقبول بشرط انك تطبخه على طول يعني وجبه وحده لكن عندي نصيحه محترمه للي يدوراللحم انه ياخذ له من الجزارين لحم حاشي احسن الف مره من الباكستاني والا الهندي واذا ما تبي الحاشي لا يطوفك البتلو البلدي طعم احسن وطازج من البلد واذا الله رزقك بجزار ابن حلال ما يحتاج عطه تلفونك بس وخله معك على اتصال تقريبا انه من ناحية الفلوس بتكون متقاربه نوعا ماء هذا للي ما فيه شده على النعيمي والا الهرفي . وبعدين انا اشوف انها كبيره لما اروح لسوق الغنم واشتري تيس ما يجي 6 كيلو اقل شي 750 ريال ما ياخذ في الثلاجه 3 ايام كبيره شوي احس انه تبذير واسراف ما هو بخل والله لكن تيس وذا السعر صعبه احس ان نحن نضحك على انفسنا بالثقافه الغذائيه الخاطئه والا افضل شي في الترتيب في اللحوم حسب ما واحد قايل لي 1-الابل 2- البقر 3- الضان 4- الماعز
زي ترتيب الي الله حطه من ناحية الاجر والفضل في ذبايح العيد
ودمتم

[مراقب الصيد]

شكرا لمشاركتك ،،،،

[ابو العزي]

اخواني السلام عليكم و رحم الله امرىء قال كلمة حق بالنسبة للتيوس الباكستانية في الثلاجة العالمية انا شخصيا جربتها اكثر من مرة كبسة ومقلقل وصراحة عليها طعم مثل البلدي . بس فيه نقطة احب اوضحها لاخواني الذين يقولون ان فيهاريحه 1- هذه التيوس تأتي مبردةبالطائرةيوميا 2- لاتشتري الا اللي وصلهم اليوم 3-يوجداستكر على الذبيحة موضح فيه تاريخ الذبح 4-لاتشتري التيوس الباكستانية المجمدة لانها هي الليي يمكن يصير بها ريحة .اخيرايمكن اللي يقولون ان بها ريحة ازخمة عندهم تيوس بلدي يبيعون ويشترون فيها.هذا مااحببت توضيحه والله من وراء القصد

[vxr99]

الله يكرم النعمه عنها شريت واحد وسويته مندي طلع كنه فلين ولا انذاق

[قطاع البراري]

هلا اخوووووووووووووووي اناجربتها للشوي مية بالمائة اما الطبخ لا
كلام اخوي عاشق الموطن صحيح

[بارق المطر]

1- التيس الهندي أحسن ولكن لن تصل للمحلي.
2- مشاوي طيبة أما طبخ فطعمها لايصل بك الى الإحساس الجميل.
3- احرص ان تكون الذبيحة صغيرة الحجم ودسمة في نفس الوقت.

[العميد ابواروى]

جرب تاخذه بنفس اليوم يعني اسأل متى تاصل وخذها
والسالفه تعتمد على الطباخ اولاً واخيراً

[هآوي الصيد]

مامثل البلدي بس بنجرب وش ناقصناا ونشوف ولي رجعه للموضوع طبعاَ بعد التجربه إن شاء الله ..

[WWS]

هــــــلآ ؤ غــــــلآ أخووي
التيوس الباكستانية من الثلاجة العالمية أذكر غثنا بها واحد من الشباب الله يهديه و يصلحه
قال خلون نجربه و فعلا ً جربناه مندي قسم بالله إن فيه ريحه الله يعلم بها إني هاك اليوم ماأكلت قطعه منه ماعدأ الرز بس و حرمنا بعدها نقربه
و الله يوفق الجميع لما يرضى
هذا والله أعلم

[_دربيل_999]

بقولك اللي عندي ونخوك..
الثلاجة العالمية تجيب تيوس وتجيب لحم حاشي باكستانية وبصراحة كلها لك عليها..

تصدق اخوي ان حتى المقاصب صارت تأخذ لحم الحاشي من العالمية وتسوقه على انه نجدي..

والتيوس الباكستانية لحمها ماهو اللي انت تبي..

سلم لي والله على تويسات البلد وبس..

عافاك الله..

الروقي

[الخولاني]

الحري البلدي والتيوس الجنوبية وبس غير هذا ومن نفس النوع ارفع يدك

[مشعل العيسى]

أرى والرأي للجميع أنك تبتعد عنها إطلاقاً ... والله لو يوزعونها توزيع اقصد بلاش ما اخذتها ...
طبعاً هذي وجة نظر خاصة بي ...

[جرح _الرياض]

لاتشتري الا اللي وصلهم اليوم 3-يوجداستكر على الذبيحة موضح فيه تاريخ الذبح ( خير الكلام ما قل ودل خذ حق اليوم عندك مندي بتتبيلة ملح وصفار وصلصة حمراء وملعقة طبخ صلصة صوياء معتدلة) مثل المحلي
والطبخ بهارات مهران وبعد الطبخ اللحم في صينيه وتحط علية بهارات وصلصة حمراء وداخل الفرن يتحمر وجربو وعطوني خبر افضل شي تيس 8 كيلو

[دل البحار]

كل اللحوم الخارجيه في الطعم لاتقبل بالنسبه للسعودي الاصيل الي متعود على الحريات والنجديات والنعيمي

[اجياد]

الله يعطيكم العافية

[ودي وماودي]

السلام عليكم
انا جربت بس الصراحه لك عليه اللهم لك الحمد فيه نكهه عجزت اقبلها
مع ان فيه بعض الشباب جرب ويمدح بقوه

هههههههه ياسلام عليك طعمها مرة مو شي تحس ان اللحم ماله طعم :D

احب الصراحه واهنيك عليها

وكل عام وانتم بخير

[راكااااان]

مشاء الله

الله يرزقنا وياك


لاهنت اخوي

[سوبر152]

هرفي لباني
أواحويشي شبعان رمث

[مغلي]

كم سعر التيس الان بالثلاجه العالميه

وهل كلها باكستانيه
او هنديه

[ركان]

والله يالحبيب خذيت الباكستاني والسوداني ماهنا طعم كنك تاكل ليف الله يديم النعمة .

[ابو نادين2012]

من خلال تجربتي مانصح بها أبداً ماتصلح مالها نكهه
جربتها مندي الله يكرم النعمة تقول سلق ميت

[سيف وقلم]

جربت لي كم كيلو خذته من سوق الشمال, تيس هندي في مندي الغنام,ما فيه لا ريحة ولانكهة بس تحس إنه بدون طعم وما فيه شحم

[اجياد]

الله لا يهينكم
فوايد طيبة منكم