وش يسوى هذا الطير

[شقران 707]

الى اخواني في خيمة الصقور
السلام عليكم ورحمة الله وبركاته
بغيت اشا وركم في هذا الطير؟؟
الطير حمر مغاتير (فارسي) راسه كا شف فيه دق اسفل الريش وطوله 16.5 وعرضه 16.5 ويزود والطير وسره وقطوع مافيها كلام والطير(شرط راكد ويطلع و صايد حباري وكراوين) ويمكن ارنب
وسن الطير ينقل يا خامس يارابع

ارجو الرد واعطائي القيمه دون مجامله وشكرااااا

[دابان]

هلابك اخوي هل الطير للبيع

[قشاع الرمث]

السلام عليكم ورحمة الله وبركاته
هلا بك اخوي شقران 707
عندي كم سؤال قبل ما اعطي سعر او قيمه
انت شراي او بياع
الطير كم باقي فيه
صيده العام كم وهو على يدك او لا
وشلون سبقه ( وش يلحق من الحمام علما بان الحبارى
ماهي حول الحمام ولاكن عشان نعرف سبقة )
الطير مدعج او سالم من الدعوج
ممسوح العمد او مودع
وشلون طبعه ( نقل, صياح, مكافخ, يشبط الطيور )
اسف على كثر الاسئلة .

[شقران 707]

الاخوة الاعزاء دابان و قشاع الرمث
السلم عليكم
الطيريذكر لي عند رجال وباقي في الطير الموس فقط والطير العام ماوصله هدد والطير يلحق حمام المزارع وسبوق وسالم من الدعوج وفيه ودوع بسيطه اخر العمد ومافيه من الطبوع اللي ذكرتها ابدا

[دابان]

عطنا اخوي اخر سومه تر لي نظر بالطير

[نايف الخالدي]

السلام عليكم اخوي انا عندي سؤال بغيت اعرف بس لاتزعل من سؤالي الطير متى صاد وهو فرخ ولا قرناس ومن اي منطقه الي صاقره وهو فرخ وصدقني راح افيدك ان كان ضني صدق وارجو انك تجاوبني وبقولك كم يسوى الطير

[قشاع الرمث]

السلام عليكم ورحمة الله وبركاته
ابكلف عليك اخوي شقران 707اذا فيه
امكانيه صور الطير من قدام وورى
وان حصل صوره قريبه لوجه الطير
عشان نعطي الطير حقه .

مع الشكر

[وضاح الرقعي]

اخوي شقران .............
الطير من هو صقارة اول ومن اي منطقة .........
اذا هو من حفر الباطن او حراويها طق راسي وانا بجيب لك علومة كلها
اما ماذكرت بوجة عام فالطير يختلف من نظر صقار لاخر والسعر لايمكن تحديدة كذا
ويختلف السعر من ناحية ركادة الطير وطلعة ووجهة وعينة وطبوعة فبعضها يرد الروح شوفتة جنبك وبعضها ماودك تشوفة جنبك لو هو راكد وبعضها يطق ويحرب على العلف وطبوعة شينة يطير بالصيدة ويغثك في طلعة مثل اللي يطلع على البوه وعلى الضب او الحصني ويبهذلك ..............بس بوجة عام الطير من العشرة وفيها اذا كان ماذكرتة شرط اكيد

ابونوف

[شقران 707]

السلام عليكم بالنسبه للسوم يادابان اخر ماسيم ب15000
اما للصيد صاد فرخ وصاد قرناس اما صقاره مو معروف (غير مشهور) وصقاره من منطقة نجد ماهو من الشرقيه يالخالدي؟؟؟؟
وودي اجيب صور ياقشاع بس مايحصل
اما الطبوع فعز الله طبوعه حلوه لاينفل و لايحقل وطلعه على الحباري والكراوين و الارنب وغيره مايطلع

[نايف الخالدي]

السلام عليكم ورحمة الله وبركاته

كيف اخوي شقران انا كنت مشبه على الطير بطير كان عندي فارسي سبحان الله نفس الموصفات يختلف انه مو راكد والا انه نفس القرناس يقرنس رابع وان شاء الله بنزل صور للطير وطيور غيرة بموضوع ثاني بتعذرني على التشبيه :rolleyes:

واسف على الاطاله

[ابو عايد]

السلام عليكم ورحمة الله وبركاته

اخي شقران 707 خذ النصيحه مني ... والله انك غالي ولكن انتظر

وبتنزل الفروخ الاحرار وبتلقى الفروخ الزينه انشاء الله على ما سمعت هالسنه

الطيور كثيره بتلاقيها في حراج واستراحات الرياض ... وانا منتظر لين تنزل الفروخ

وانت وكيفك ............ !

تقبل تحياتي // العاشق الولهان

[وضاح الرقعي]

اخي شقران

اذا وصف الطير كما تقول
صاد فرخ وصاد قرناس
الطبوع فعز الله طبوعه حلوه لاينفل و لايحقل وطلعه على الحباري والكراوين و الارنب وغيره مايطلع
فهو طير يستاهل سومتة ......ففي ايام العبور عندنا احرص على الطلع الزين واللحوق ....
لقلة الحبارة ولكثرة الناس .....واللة يوفقك انشاء اللة ....
ابونوف

[المري]

مرحبا اخوي شقران وحياك الله

الطير يسوى من 13 الى 15 الف ويمكن يستاهل اكثر..

انت لو ترسل صورته عطيناك العلم..

**

مرحبا بخوي وضاح الرقعي وحياك الله بين ربعك واخوانك..

وتسلم على التوقيع الزين

أشري وناسة خااااااطري من حلالي ... ومحدا شريك لي على النقص والزود

تسلم

وتقبل تحيات اخوك / المري

[وضاح الرقعي]

المري
تسلم اخي العزيز على الترحيب
واتمنى ان نكون عند حسن الظن
والف شكر على توضيح صحة التوقيع
انا سمعتة من زمان في احد المقانيص من الشاعر نفسة ولم تسعفني الذاكرة بحفظة جيدا .
تقبل التحايا الممزوجة بريح النفل والخزامى
وللجميع ارق التحايا
ابونوف

[شقران 707]

يسم الله الرحمن الرحيم
الى اخواني في خيمة الصقور
ان شالله طيبيين
واشكر كل من رد علي وعطاني جواب من الشباب وترا الطير معروض للببع عند واحد من الشباب والي يبي يشوفه يبلغني

ولكم جزززززززززززززززززززززززيل الشكر

[مخبط القشع]

خذه وتوكل على الله
وخذ النصيحةيوم قال الشاعر
لايغرك الفرخ بصفة الريش طير الحباري يارمش العين قرناس

[قشاع الرمث]

السلام عليكم ورحمة الله وبركاته

والله اول شي الله يوفق البايع والمشتري
كانك رجال شره على اللحوق لا تدور
بالبيتيات طير الا ما ندر وطبعا بيكون
فوق الثلاثين طبعا اقصد اللحوق الي عليه
العلم .
ولاكن لا بد من طير بيتي طلع وركاده وصيد وجناح
طيب بالاظافه لوحش للتلحيق سواء فرخ او قرناس .

وبالنسبه لك اخوي مخبط القشع ما فيه شك بكلام الشاعر
واعتقد انه يقصد قرانيس الهوا وليست البيتيات مقارنه بالفروخ
لانه نادرا ما يفشل قرناس الهوا بالصيد مفرنه بالفروخ الي كثير منها
يفشل لانه يحتاجن تعلوم وبعض الصقاقير يفضخ قلب الفرخ خلال التعلوم .

واعتقد ان البيت
لا يغرك الفرخ بصفة الريش
طير الحباري ياريش العين قرناس
والظاهر قيل هالبيت بعد ما عيب الرجال بشيبه وكبر عمره
وبالتوفيق

[عبدالله بن فرحا ن]

السلام عليكم شقران


:good:

[قشاع الرمث]

السلام عليكم ورحمة الله وبركاته

وش صار عليكم
وهل الطير معروض والا بيع