كيف اصيد الناجل

[صياد مبتدء]

السلام عليكم
ممكن اصيد سمك ناجل من الكساره او من الشاطيء وسمك الناجل ممكن يكون موجود في ابحر وايش افضل طعم لسمك الناجل
وبالنسبه للطعم الحي يقولو انو الدود ممتاز كيف اجيبو هذا من فين

[abo yazn]

وعليكم السلام

ما ظنيت الناجل متواجد بالخور فابحر

خذلك بوت واطبع اي قطعه وقت النهار ( لان الناجل ينام فالليل )

وارمي جلبك وفالك الناجل

الله يرزقك

[Makaveli]

مممممممممممممممممممم
أنا أقلك الدود من فين
الله يسلمك من بحيرة عبدالصمد القرشي
حتلاقي الدود مثل الحنشان
واحد قللي يصيد في الحمرة (بحر الخدم) إللي بطلت أروحو
بس الطريق لها كيف ماأعرف
شوف الطريق بالقوقل وأطبعو وروح
أنا وصلت الحرم وجامعة مكة بالطريقه هادي
شغال على الخريطة زي سندباد
على العموم
لاتشتري الدود وتصيد
حاول تجيبه بنفسك وربنا حيرزقك
أما شغل الجاهز ماخلاني أطلع إلا مخدة من أبحر (مسند)

[نبض الحياه]

اخوي بالنسبه للناجل لا يتواجد على الشواطئ
وافضل طعم للناجل هو التيموس او العيده (طبعا حي )
وبالنسيه للدود
اما تشتريه من عند البرحه عند مستشفى الاطباء المتحدون او ترح تحفر بالكرنيش الجنوبي بعد الدوار الثالث
والي بيضرب على الدود
اسماك الطين الشاطئيه
واتمنا ان اكون افدتك

[عاشق الكنايا]

الناجل موجد فخور ابحر بس نادر جداوافضل طعم له الساردين البلدي وممكن تلاقي الدود فحوش بيتكم تحت التراب احفر في المناطق الرطبه وحتلاقيه انشالله

[k.h.a.l.e.d]

ياجماااعة البحر ارزاااق ..
يعني لا تجي تقول دا موجود هنا ولا مو موجود ..
والله ياجماعة انا طلعت توينه وزنها 20 كيلو ..من مرسى البحر الاحمر ..بالاخص في مربط البوت بتاعي .. والله على ما اقول شهيد

[Makaveli]

ياجماااعة البحر ارزاااق ..
يعني لا تجي تقول دا موجود هنا ولا مو موجود ..
والله ياجماعة انا طلعت توينه وزنها 20 كيلو ..من مرسى البحر الاحمر ..بالاخص في مربط البوت بتاعي .. والله على ما اقول شهيد


حبيبي خالد والله مصدقك وأنا تبع المبدأ هذا
أنا صدت هامور من الشاطئ وصدت بياض من الشاطئ أيضاَ وبسنارة النتش
والحمد لله الرازق , ربنا مايستناك تحط ساردين عشان يديك سمكة
يمكن تتثاوب على الشاطئ وربنا يخرجلك حبار في حلقك
:D:good2::good2:
مثل الأخطبوط طلع يوم أشتهيته جمب جزمتي وإنتم بكرامة وقفط أبوه

[Makaveli]

الناجل موجد فخور ابحر بس نادر جداوافضل طعم له الساردين البلدي وممكن تلاقي الدود فحوش بيتكم تحت التراب احفر في المناطق الرطبه وحتلاقيه انشالله

أنا كنت ألاقيه وبوفرة وكثييييييييير جداً
ولكن الوالد الله يهديه غير التراب وجاب تراب جديد ومافيه ولا شي
لأني كنت أجمع الدود وأحطه على حوض الشجر (بصل , فجل , كركديه , رُجّلة ) كلها أزرعها على البلكونه ودود الأرض مفيد للشجر ولكن بالعافية حصلت أطفال من الدود صغيرة تظهر على التراب مع صب الماء

[accentkool]

ان شاء الله يفيدوك حداقين البحر الاحمر

[sa_1899]

والله اول مره ادري ان خور ابحر فيه سمك

طلعت انا وابو همس وابو احمد والشباب صادوا من هناك يقولون

لكن والله ماصدنا ولااااااااا سمكه

ابو همس صاد سمكه صغيره حمرا نسيت اسمها

ولكن نرجع نقول البحر ارزاق وربنا لو كتبلك رزق بتاخذه

تحياتي لك

دمت بخير

[Makaveli]

والله اول مره ادري ان خور ابحر فيه سمك

طلعت انا وابو همس وابو احمد والشباب صادوا من هناك يقولون

لكن والله ماصدنا ولااااااااا سمكه

ابو همس صاد سمكه صغيره حمرا نسيت اسمها

ولكن نرجع نقول البحر ارزاق وربنا لو كتبلك رزق بتاخذه

تحياتي لك

دمت بخير

ياطويل العمر , أبحر تقدر تصيد فيه بس لازم الطعم قمبري فقط , أنا جربت أيضاً بسنارة النتش وطلعت معايا سمكة ماأعلاف إسمها عريضة تقريبا ً حجمها مثل المصحف وبيضاء ورجعتها الموية لأني ماكنت ناويي أصيد , ولكن المرات التالية لم أصيد فيها شيء أبداً (قبل أسبوعين تقريباً)

[أبن جدة]

ناجل ودود هههههههههههه ما يجي

[GarminPro]

البحر أرزاق أي نعم هذا الكلام صحيح ... ولكن الإجتهاد في أخذ الأسباب يفرق من طريقة لطريقة ...مثل صيد البراري لها أصول وإجتهادات .

وأفضل طريقة إجتهادية ... ويعمل بها الصياديين .. هو التخديج للعيده عند القطع والصيد بالعيده حي . والنتائج بتعمل فرق .

ولكل مجتهد نصيب .. والرزق على الله .

[غرنوق دبي]

السلام عليكم أخوي إذا بتصيد ناجل أحسن شي تاخذلك بوت وتطلع لأنه الصيد في عرض البحر يكون الناجل فيه بكثره ماأقلك مافي في أبحر ولكن أقول الله يرزقك أنا مره جلس جنبي واحد سوداني معاه الطعم دود ماشاء الله دق معاه سمك بياض عدد هائل ماكمل يمكن 3 ساعات وأنا من الصباح جالس ولكن الله يرزقك وإذا تبغا دود روح كورنيش الحمرا هناك أرمي وأشتري من الكورنيش اللي عند البنقله والصيد للناجل أحسن شي القمبري بس بسرعه يروح الحبار تصيد بعد لكن أجمل شي القمبري وحاول ترمي قصبات و جلب إذا بتنزل بعيد وسلامتك.

[Alzahrani]

هههههههههههههههههههههههههههههههههههههههههههههههههه هههههههههه

ياماكفيلي ضحكتني لمن قلت (بحر الخدم)
وبالنسبه لسؤالك اخوي خذلك بوت وجرب لعفة باغة ولا سردين او حبار وافضل وقت يكون في النهار وانشاءالله فالك الناجل

[ABO ZAIN 29]

انا أقولك كيف شويه شويه بعدين يتغير أسمك لصياد محترف تصيدوه

[غواص مبتدئ]

مساكم الله بالخير جميع
بالنسبة للناجل اللعف الحي افضل من الدود وبالاخص السردين ,,,واعتقد ان الناجل على بحر خمسين او ستين متر

[sarab2003]

شايب قديم من الرايس علمني اطلع الناجل بشعور ابو نقطه " لعف حي " سواء من الشاطي او داخل البحر


الله يوفق الجميع

[Baracoda1]

الباغه فيري قود اذا ما معاك حي

[( ابو سدين )]

انا اقولك كيف تجيب الناجل من ابحر

ادعي ربك قبل تطلع من البيت و ان شاء الله ربي يرزقك.

ارزاق يا جماعة الخير

اكبر ناجل طلعت معي كانت على يد شخص اول مره يطلع بحر و اول مره يمسك جلب و طول الرحله وهو شعال تصخير وجلبه مقاس 70 و الخيط منتهى . وسبحان الله كانت الناجل من نصيبه . مع العلم ان كل خويانه محترفين صيد.

ارزاق

[samihrt]

الباغه أفضل شىء أو العيده الحى