دعــامــيــات الــمـمـــيــز

[ABO-RASHID]

السلام عليكم

^
^
^
^
^

كيف حالكم


اخواني بغيت اسألكم وش رايكم بالدعاميات اللي يسويها ورشة المميز

و بالنسبة للاخوان اللي جربوها هل تحسون انها قوية وهل هي ثقيله على الموتر و تنزله من قدام ووشي ميزاتها و عيوبها


ويعطيكم العافيه

[طعيميس]

زينة محد اشتكا منها
الله يوفقك

[قناص*07]

انحش
المواهب افضل من ناحية الجوده والسماكه
وزنها تقريبا 30 ك
ميزاتها نظره للسياره وحماية الواجهه بعد الله سبحانه (وجهة نظر) معلاق ذبيحه وفأس مطرقه ومسحاه.


عيبها ان سيارتك تكون مميزه ومعروفه خاصه إذا كنت خارج الرياض و القصيم

لان سيارات قليله اللي راكبه عليها

[بوجندل]

اذا عندكم صور لاهنتوا


والعنوان حق اللي يفصل شي مضبوط

[قناص*07]

رقم ورشه المواهب ( صاحب الورشه اسمه ابو خالد ورقمه 0504492550عنده معلم اسمه سلامه لاتتعداه

http://www.mekshat.com/vb/showthread.php?t=311361

http://www.mekshat.com/vb/showthread.php?t=66764

http://www.mekshat.com/vb/showthread.php?t=262855

[ابوصالح77]

السلام عليكم

^
^
^
^
^

كيف حالكم


اخواني بغيت اسألكم وش رايكم بالدعاميات اللي يسويها ورشة المميز

و بالنسبة للاخوان اللي جربوها هل تحسون انها قوية وهل هي ثقيله على الموتر و تنزله من قدام ووشي ميزاتها و عيوبها


ويعطيكم العافيه


نفس الإستفسار ، وكم أسعارها

[قناص*07]

يعتمد اذا كانت سوداء او ستيل كامل او نصف استيل
اذا المواسير اللي بلوسط ستيل وكامله مع العده بـ 800 ريال ركبتها قبل شهرين عنهم
والسوداء سعرتها بـ600 ريال
والرقم موجود استفسروا من ابو خالد

[ماء السحاب]

اسعار ورشة المميز
450 اسود بدون عده
550 اسود مع عده
550 نيكل مع اسود بدون عده
650 نيكل مع اسود مع عده

[ع و ن]

السلام عليكم و رحمة الله و بركاته

أنا مركب دعامية المميز على موتري (( هايلكس غمارتين دبل )) .. و بأجاوب على أسئلتك :

س / هل تحسون إنها قوية ؟ جـ - نعم قوية .

س / هل هي ثقيلة على الموتر و تنزله من قدام ؟ جـ - نعم ثقيلة و تنزل وجه الموتر قدام .

مميزاتها :

1- تحمي - بعد حماية الله - في حالة الدقشات الخفيفة (( اللي يفرمل في وجهك عند الإشارة مثلاً :d )) .. ما تخاف على موترك من هالدقشات خصوصاً بعد ما صارت الصدامات بلاستيك

2- لا بغيت تدف لك واحد بالموتر .. برضو تدفه و أنت مرتاح لأن صدامك ما راح يبين عليه شيء ~~~> أو مثل حالتي بعض الأحيان .. أدف الزبالة أم أربع كفرات - الله يعزكم - علشان أوقف مكانها .

3- أربط فيها حبل السحب إذا جيت أسحب لي واحد مغزر أو متعلق بدل ما أنزل تحت الموتر و أربط الحبل في الحلقة اللي في راس الشاصي .


عيوبها :

1- في حالة الصدمات القوية تعفط الشاصي + تعفس وجه موترك زود على الصدمة اللي جاته .. يعني مثل ما يقول المثل : كأنك زايد على الطين ماء .

و دعاميتك بدل ما أنت مركبها تحمي وجه موترك تعبط وجهه زود .. لأنها ترجع على ورى و تكسر كل شيء قدامها .. و أما الشاصي ينعفط لأنها مربطه بمسامير في الشاصي .. و إذا كان الصدمة قوية بتنعفط الدعامية و بتعفط الشاصي اللي هي مربوطة فيه .

2- إنها ثقيلة على وجه الموتر و تنزله من قدام .. بس مو ذاك الثقل و التنزيل الواضح و اللي يأثر على الموتر .. ما يلاحظه و يفرق فيه إلا راعي الموتر

هذا ما عندي .. و أتمنى إني أفدتك .

في أمان الله

[ABO-RASHID]

السلام عليكم و رحمة الله و بركاته

أنا مركب دعامية المميز على موتري (( هايلكس غمارتين دبل )) .. و بأجاوب على أسئلتك :

س / هل تحسون إنها قوية ؟ جـ - نعم قوية .

س / هل هي ثقيلة على الموتر و تنزله من قدام ؟ جـ - نعم ثقيلة و تنزل وجه الموتر قدام .

مميزاتها :

1- تحمي - بعد حماية الله - في حالة الدقشات الخفيفة (( اللي يفرمل في وجهك عند الإشارة مثلاً :d )) .. ما تخاف على موترك من هالدقشات خصوصاً بعد ما صارت الصدامات بلاستيك

2- لا بغيت تدف لك واحد بالموتر .. برضو تدفه و أنت مرتاح لأن صدامك ما راح يبين عليه شيء ~~~> أو مثل حالتي بعض الأحيان .. أدف الزبالة أم أربع كفرات - الله يعزكم - علشان أوقف مكانها .

3- أربط فيها حبل السحب إذا جيت أسحب لي واحد مغزر أو متعلق بدل ما أنزل تحت الموتر و أربط الحبل في الحلقة اللي في راس الشاصي .


عيوبها :

1- في حالة الصدمات القوية تعفط الشاصي + تعفس وجه موترك زود على الصدمة اللي جاته .. يعني مثل ما يقول المثل : كأنك زايد على الطين ماء .

و دعاميتك بدل ما أنت مركبها تحمي وجه موترك تعبط وجهه زود .. لأنها ترجع على ورى و تكسر كل شيء قدامها .. و أما الشاصي ينعفط لأنها مربطه بمسامير في الشاصي .. و إذا كان الصدمة قوية بتنعفط الدعامية و بتعفط الشاصي اللي هي مربوطة فيه .

2- إنها ثقيلة على وجه الموتر و تنزله من قدام .. بس مو ذاك الثقل و التنزيل الواضح و اللي يأثر على الموتر .. ما يلاحظه و يفرق فيه إلا راعي الموتر

هذا ما عندي .. و أتمنى إني أفدتك .

في أمان الله




الله يجزاك خير

طيب وش رايك فيها على الاف جي هل راح تثقل عليه مقارنه بالهايلكس

وانا اشوف لو صارت الصدمة قويه هي خربانه خربانه فأحس لو بدونها السيارة راح تتضرر ويمكن اكثر بعد


ولا وش رايك ؟؟

وهل فائدتها اكبر من ضررها ؟؟

[ع و ن]

و فيه شيء بعد نسيت أقوله لك

ترى الفرق بين دعاميات المميز و المواهب هو في سماكة الحديد اللي تم تفصيل الدعامية منه .. و إلا من ناحية الشكل متقاربات جداً و غالباً ما تفرق بينهم في الشكل :

* ورشة المميز : تفصّل الدعامية من حديد مقاس 3 ملم .

* ورشة المواهب : تفصّل الدعامية من حديد مقاس 4 ملم .

و إذا تذكرت شيء ثاني بأرجع و أكتبه هنا :)

في أمان الله

[ABO-RASHID]

و فيه شيء بعد نسيت أقوله لك

ترى الفرق بين دعاميات المميز و المواهب هو في سماكة الحديد اللي تم تفصيل الدعامية منه .. و إلا من ناحية الشكل متقاربات جداً و غالباً ما تفرق بينهم في الشكل :

* ورشة المميز : تفصّل الدعامية من حديد مقاس 3 ملم .

* ورشة المواهب : تفصّل الدعامية من حديد مقاس 4 ملم .

و إذا تذكرت شيء ثاني بأرجع و أكتبه هنا :)

في أمان الله



هل الفرق يستاهل 3 - 4 ملم

لان الفرق بالسعر حوالي 100 ريال او اكثر شوي

[ع و ن]

والله يا عزيزي أنا اللي خلاني أتحمس أركبها واحد من الزكرت .. فوضوي بما تعنيه الكلمة في كل شيء حتى في السواقه .. سواقته الله لا يوريك .. و إذا مر شهرين ما سمكر موتره يعتبر سوى إنجاز .

المهم ما لك في الطويله عازة .. ركب دعامية المميز .. و صار يدف هالناس (( خصوصاً اللموزينات اللي ما يوقف أقصى اليمين عند الإشارات و اللي يمشي 20 في أقصى اليسار )) يدفه و لا عاد يلتفت عليه .. و لا يجي في موتر خوينا شيء .

هذا غير الدقشات الخفيفة اللي ما يعلمنا عنها .. لكن في الأخير نكتشف إنه مطير له واحد على الطاير :)

بس مرة صدم و هو يمشي بين الـ80 و 100 (( هو نفسه ما يدري كم كان يمشي )) و لعبت في وجه موتره لعب .. بس برضو ما تاب منها .. رجع و ركبها من جديد .

و من ناحية فائدتها أكثر من ضررها ~~~> إي نعم .. نفعها أكثر من ضررها .

و إذا جيت ورشة المميز بيوريك شكلها على الأف جي في كمبيوترهم قبل تتفق معه على التفصيل و الشكل و اللون .. إذا صلح لك شكلها بيفصلها لك .

و فيه شيء بس ما أدري هل هو بيركب على الإف جي أو لا .. و اللي هو الصدام اللي يسمونه عندنا في الشرقية (( الدامر )) .. و طبعاً الدامر صدام بس يشبه في تفصيله صدام شد البلد المستطيل .. يدمر كل شيء يصدم فيه و هو ما يبين فيه شيء .. ما هوب نفس شكل المميز أو المواهب .. و شكله على الموتر بيني و بينك قبيح على الموتر .. بس من ناحية الصدمات و الحوادث وحده بوحده ؛) ~~~> هذا إذا أنت قصدك حماية موترك من الصدمات .

[ع و ن]

والله أنا أشوف إنه يستاهل الفرق .. و لو إني كنت أدري بالفرق في سماكة الحديد كان ركبتها عند المواهب لو هي أغلى شوي

[ABO-RASHID]

قصدك نفس هذي

http://sphotos.ak.fbcdn.net/hphotos-ak-ash2/hs129.ash2/39778_425571312127_638582127_4668900_5883861_n.jpg



http://sphotos.ak.fbcdn.net/hphotos-ak-ash2/hs143.ash2/40501_425571342127_638582127_4668901_2664601_n.jpg




حسب علمي بها اسعارها على 1800 بدون تركيب وما اتوقع انها قوية احسن انها شكل اكثر من حماية ومع ذلك مخربه الشكل


وهو وراني صور للاف جي شكلها معقول >> تحس انك راعي بران

وانا شفت عنده لاندكروز قاعد يركب له دعامية نفس حقت الدوريات بس شكلها اتوقع بيطلع بايخ على الاف جي وبعدين خوفك الدوريات يزعجونا


و بمر المواهب مع اني ماره من اول بس احس شغله شوي فوضى بس بمره واشوف

والمشكله انت تقول انها ثقيلة و هي 3 ملم كيف 4 ملم


وانا ابغاها حماية وشكل و استفيد من الاشياء اللي معها مسحاة و شاكوش و غيره

[عاشق السيل]

أنا مركب عند المميز وشغلهم ممتاز بالحيل ،، العيب الوحيد إن البويه تتقشع بسرعة إلا إذا خليتها سوداء مايتغير لونها !!

مكانهم بصناعية الدائري مخرج 18 والله يوفق الجميع ....

[ABO-RASHID]

أنا مركب عند المميز وشغلهم ممتاز بالحيل ،، العيب الوحيد إن البويه تتقشع بسرعة إلا إذا خليتها سوداء مايتغير لونها !!

مكانهم بصناعية الدائري مخرج 18 والله يوفق الجميع ....


مشكور اخوي على المرور

طيب الدعامية ما لاحظت انها ثقلت على الموتر او فيها اي عيب غير البوية لاني بخليها سوداء



ويعطيك العافيه

[ع و ن]

ما لك لوى يا الغالي .. هذا هو الدامر اللي أنا أقصده

هذا شكله من الأمام :


http://www.mekshat.com/pix/upload03/images134/mk141718_b.jpg

http://www.mekshat.com/pix/upload03/images134/mk141718_o.jpg

http://www.mekshat.com/pix/upload03/images134/mk141718_u.jpg

و هذا شكله من الجنبين :

http://www.mekshat.com/pix/upload03/images134/mk141718_g.jpg

http://www.mekshat.com/pix/upload03/images134/mk141718_h.jpg

طبعاً هذا الدامر ماركة ARB مثل ما هو واضح من الإستكر اللي على الصدام .. و سعره غالي شوي - لكن ما أدري بكم بالضبط - لأنه يجي من برى .


و يفصلونه هنا في السعودية بـ 2500 إلى 3000 ريال على الشكل اللي أنت تبي (( ما هوب شرط مثل اللي في الصور بالضبط )) .. و أنا خابر الشباب عندنا يروحون للأحساء علشان يركبونه على مواترهم .

و هو عز الله إسم على مسمى (( دامر )) .. واحد من أخوياي كان معه سفاري ربع و مركب عليه دامر .. و صدم في فان شفروليت عائلي .. زين إن الفان ما فيه أحد ورى و إلا كان راح فيها .. لو تشوف الفان تقول صادمه قلابي .. راح جنب الفان وطي .. بينما موتر خويي ما جاه إلا العافية و كأنه ما له دخل في الحادث .. مع إنه يوم صدمه كان يمشي حوالي 80 كلم .


لكن ما أدري هل الدامر يركب على الإف جي .. و هل بيكون شكله حلو عليه ؟؟ الله أعلم


و بالنسبة لدعامية المميز على الإف جي .. والله يا الأجودي ما بعد شفت لي أحد مركبها على فاطمة جميل للحين (( فاطمة جميل = FJ )) لكن إذا جيت لورشة المميز قل للسوري يوريك صور لها على الإف جي إن كانها عنده في الجهاز .. و على فكرة .. أنا يخيل لي إني شفت عندهم دامر لكن وقتها ما فضيت أسألهم عنه


أتمنى إني أفدتك يا أبو راشد .. و آسف على الإطالة يا الغالي .. لكن يعلم الله ما طولت معك في الكلام إلا لأني أبي أفيدك

و إذا بغيت شيء لا يردك إلا لسانك و أنا أخوك .. في أمان الله

[rpk]

انصحك بالمواهب واترك عنك المميز

[تناهيت]

اذا الموتر يستاهل
أفضل ورشة بالرياض ومن دون قصور بالورش الثانية هي (( ورشة المواهب )) ... عند أبوخالد ... تلقى النصائح قبل التركيب وبعد التركيب .. وعندة ذمة في شغلة ... الله يجزاه خير ... بس ترى شغلة بمواعيد مسبقة يمكن توصل إلى الأسبوع ...

موقع الورشة :
مخرج 17 وجهك غرب .. تقاطع طريق الأمير سلمان مع على بن أبي طالب .. إطلع مع على بن أبي طالب وجهك جنوب خلك مع الخدمة ..ألين يجيك مسجد العويضة على يمينك .. عند المسجد شارع سايدين يدخل غرب .. أمش معة يجيك المديور الأول خلة .. تلقى الورشة بعد المديور الثاني بـــ 300م تقريباً على اليمين .. عليها دعّامة كبيرة فوق ...


تحياتي

[مخاوي الليل1]

السلام عليكم

يااااهلالالالا بخوي / ABO-RASHID

انت طلبت النصيحه

والله مواهب افضل فرق كبير واسئل مجرب

لايهمك المميز والله شغله تعبان مره

[راعي الطلعات]

صراحه المميز شغلهم ممتاز

انا معامله من سنين كم سياره صلحت لها دعامه عنده وغير السله والربع ممتاز

مع العلم ان المميز كان تلميذ عند المواهب بس ابدع

اضغط هنا المميز (http://www.t63ys.com/a3lan/almomyz/)

[قناص*07]

لا للمميز

المواهب وبس
وتحيى المواهب



ههههه

على فكره المميز شغل تجاري بحت
والمواهب الورشه للسعودي ابو خالد وسلامهات المشرف على الورشه وحديدهم المستخدم افضل واسمك ومتعاونين
واكثر من مره اجد ناس جايين من عند المميز ويصلحون اخطائهم عند المواهب

والله على مااقول شهيد

[ABO-RASHID]

لا للمميز

المواهب وبس
وتحيى المواهب



ههههه

على فكره المميز شغل تجاري بحت
والمواهب الورشه للسعودي ابو خالد وسلامهات المشرف على الورشه وحديدهم المستخدم افضل واسمك ومتعاونين
واكثر من مره اجد ناس جايين من عند المميز ويصلحون اخطائهم عند المواهب

والله على مااقول شهيد


والله الموضوع يحيير

خاصة اني قد زرت الورشتين لاحظت ان المميز مرتب بالنسبة للمواهب خاصة انك تتفاهم مع واحد عربي لاني يوم رحت للمواهب ما حصلت السعودي ابوخالد فمتى يكون متواجد في الورشه ؟؟

[عاشق السيل]

مشكور اخوي على المرور


طيب الدعامية ما لاحظت انها ثقلت على الموتر او فيها اي عيب غير البوية لاني بخليها سوداء





ويعطيك العافيه


الله يعافيك ،،

من ناحية الثقل أبدا لا يمكن تحس بشي إلا شي نفسي !!

وبالنسبة للهايلكسات والدداسن ممكن تأثر شي بسيط بالثقل لأن وجه الموتر خفيف وممكن ينزل بنسبة بسيطة لكن الجيوب مستحيييييييييل تتأثر !!!!

وهذي الدعامة اللي ركبتها عند المميز :

http://www.mekshat.com/pix/upload04/images176/mk49539_assdd.jpg

[ABO-RASHID]

للرفع .........

[الرويلي22]

الى اهل الخبره ابي دعاميه مع ونش كم سعرها لجيب باترول موديل 2000 ارجو الرد ع الخاص

[سهم قيادي]

وعليكم السلام
مركبها من سنتيان عند المميز بدون عدة بس ملاق ذبيحة فقط وشكلها اوذف من دعامية المواهب تركيبهم جيد جدا ولم الحظ شيئ يذكر عدا البويه طارت للعوارض فقط بسبس السافي والحل تركيب عوارض ستيل او بويه سودا

http://www.mekshat.com/pix/upload04/images175/mk66937_mk49539_assdd.jpg

بعد اذن اخي عاشق السيل بسبب قرصنه صورته :D

[ABO-RASHID]

للرفع........

[رآعي الددسن]

المواهب ولا تتعداه شغل صح ماشاء الله تبارك الله وقريب ان شاء الله بفصل عندهم هنقلين اما من ناحيه الوزن لاتخاف ماينزل وجه الموتر اما لاكان موترك خفيف اكيد بينزل لاكن الجمس والشاص ماينزلن ابد

[عاشق السيل]

وعليكم السلام
مركبها من سنتيان عند المميز بدون عدة بس ملاق ذبيحة فقط وشكلها اوذف من دعامية المواهب تركيبهم جيد جدا ولم الحظ شيئ يذكر عدا البويه طارت للعوارض فقط بسبس السافي والحل تركيب عوارض ستيل او بويه سودا

http://www.mekshat.com/pix/upload04/images175/mk66937_mk49539_assdd.jpg

بعد اذن اخي عاشق السيل بسبب قرصنه صورته :d

مافيه إلا حلالك أخوي سهم ،، وصدقت والله المواصير العرضية هي اللي تتأثر من الهواء وتطير بويتها !!!

[بليزر 1]

السلام عليكم اخوي انا قرأت الردود وحبيت إني اشارك اولا:السوري اللي عند المميز كان هو المعلم اللي عند المواهب سابقا عاد انت إفهمها ثانيا:سماكة الحديد 4 مللي اللي يستخدما المواهب مقاربه لسماكة الشاصي لذالك فهي تؤثر عليه مع الضربات المتوسطه والقويه مع العلم ان 3 مللي تفي بالغرض وهي قويه جدا لكنها قدتتاثر دون ان تؤثر على الشاص ثالثا:الدوريات كانت تفصل عند المواهب وصارت تفصل الان عند المميز هذا ما اردت ان اشارك به وارجوا من الله إصلاح النيه و الذريه وتقبل مروري

[ABO-RASHID]

للرفع .......