قبل ما احرق الفورد شوف وش مشكلتها

[مشجع اهلاوي]

السلام عليكم

قبل لا احط عود كبريت في التانكي واحرق ام السياره

يا شباب افزعو لي انا عندي فورد ماركيز موديل 92 كانت عندي مشكله انها تتفتف وتطفو غيرت لها طرمبة بنزين وغيرت بواجي واسلاك بواجي وغيرت صفاية البنزين وغيرة البطاريه

المهم نفس المشكله كل ما امشي تتفتف وتطفى

شو فو لي حل الله يرضى لي عليكم يا جنوبي بدوي افزع لي يا بن عمي يا حجازي اصيلافزعلنا

[الكازم]

غيرت لها طرمبة بنزين وغيرت بواجي واسلاك بواجي وغيرت صفاية البنزين وغيرة البطاريه



باقي تغير الموتر وتريح رأسك ليش تحرقه بيعه وشوف لك أنظف منه

[adil33]

اسباب العطل بالفورد كثيره وخصوصا التفتفه
وتاكد من المنظم اول شيء لانه عامل اساسي في تنظيم تسارع الماكينه وثباتها
وحاول تشوف حساس القربه حقت الهواء لا يكون فيه مشكله
يعني لا تروح تدور بعيد مشكلتك كلها في الحساسات
واذا انت بالمدينة بلغني ابي احاول اوقف معاك ونشوف المشكله سوا وان عجزنا عنها انا اتحمل اني اوديه لاي ورشه من الي اعرفهم واروح فيه بنفسي وما ارده لك الا وهو شغال تمام باذن الله

[الصامت 2008]

أخي الكريم سيارتي كانت مثل حال سيارتك بس تختلف بالنوع المهم مثل ماسويت مليت من السيارة وأخيراً تطلع المشكلة أبسط مايكون فقط يوجد بالكلبليتر فلتر بنزين كبر عقلة الأصبع كانت متسخة للغاية وتمنع وصول البنزين بشكل طبيعي غيرت هذا الفلتر الصغير بـ ( 5 ) ريالات بعد مخاسير واجد وزانت السيارة 0وكان عند أحد جيراني كرسيدا مثل حال سيارتك ووجد فلتر أتوماتيكي برقبة قربة الهوى داخله رمل وذلك بسبب نفخ محلات غيار الزيت للهوى مع مجرى رقبة القربة بالعكس 0 هذا ماعندي وعسى الله يوفق الجميع 0

[ebn alwtan]

نفس الحال زاتو عندي كابريس 91 جابلي الشيب ,,كل ماامشي تتطفي وفي الخط السريع تتفتف وانا ماخليت شي ماغيرته ,, بصراحه الامريكي اذا فك فمه ماراح احد يصكه الا بطلعة الروح..
وان شاء الله تتيسر والله يفرجها بإذنه سبحانه

[bn_501]

اخوي انت غاسل المكينه ؟

[المغامرباترول]

والله ضحكتني يابو الشباب لو اني ماادري ان احراقك للسياره اسراف كان شجعتك عليه اذا مانففع معاك نصائح الشباب ركب لها مكينه هاي لكس او داتسون او اي مكينه والا تصدق فيها بدخول رمضان بدل الاحراق تحياتي

[ebn alwtan]

قبل لا تحرق السيارة تفضل يمكن الرابط يفيدك http://www.mekshat.com/vb/showthread.php?t=208116 (http://www.mekshat.com/vb/showthread.php?t=208116)

ودائما ابدا بالاشياء البسيطة ثم الرخيص الى ان ييسرها الله

سلام

[رفيع المقآم]

بسم الله الرحمن الرحيم
السلام عليكم ورحمة الله وبركاته
ياأخي الكريم >>العامية احسن<<
وانا اخوك ليش تحرق الفورد حرام عليكم طول بالك شوي المشكله لها عدة اصلاحات راح اعطيك اياها وانت جرب ونبدا بالارخص
1- غير صفاية >>فلتر<< البنزين ومكانه تحت الباب الايسر الخلفي وهذا سبب رئيسي لمشكلتك وقيمتة 30 ريال وانت بيدك غيره الله لايهينك لانه هوزين فكهن وفك الفلتر وركب الجديد
2-عندك حساسات واجد بالفورد اول شي منظم الهواء مكانة خلف الثروتل قيمته 170 التركيب 30 ريال فقط لاغير
3- عندك الحساس اللي على شوتة الهواء عند فلتر الهواء قيمته 200 ريال وينظف نظفه احسن بدال التغيير
4- عندك فلتر الهواء اللي وسط الشوتة قيمته 30 ريال وتغيرة بيدك سهل للغاية
5- عندك الكمبيوتر والظفيرة كما حصل لي انا شخصيا وكلفني 1700 لكن ما اتوقع منها الا اذا انت صادم بالموتر مثلي
6- راسلني بالخاص متى شئت واعطني ردك واذا حليت المشكلة علمنا >>بالعربي مهندس فووورد <<اي وقت ابد وراسلني على الخاص اذا مالقيت الحل اجيبه لك بأذن الله

[باث2002]

السلام عليكم ورحمة الله وبركاته
بسم الله الرحمن الرحيم
يااخوان انتم نسيتوا حاجة يمكن عندكم تافهه بس عند الاغلبيه مهمة
وهي غطاء البنزين حق الامريكي يجيب المرض ويسبب نفس الحالة اللي تشكي منها اخ (مشجع اهلاوي)
اذكر تعطلت حول ام سدرة ودقيت على واحد معه كابرس اس اس 96 وقعدنا نحاول بسيارتي الين مازانت المهم تجيكـ السالفه طفت سيارة خويي اللي جاي يساعدني ونحاول فيها بس هو عندهـ خبرهـ بالميكانيكا وقالي هذا غطا البنزين خلها تبرد وتشغتل .....
وحبيت اوصل المعلومة لعلها تفيدكـ ,,,, مع فائق احترامي وتحياتي

[مشجع اهلاوي]

باقي تغير الموتر وتريح رأسك ليش تحرقه بيعه وشوف لك أنظف منه


اغير الموتر ومن وين اجيب دراهم عشن اشتري انظف منه

[مشجع اهلاوي]

اسباب العطل بالفورد كثيره وخصوصا التفتفه
وتاكد من المنظم اول شيء لانه عامل اساسي في تنظيم تسارع الماكينه وثباتها
وحاول تشوف حساس القربه حقت الهواء لا يكون فيه مشكله
يعني لا تروح تدور بعيد مشكلتك كلها في الحساسات
واذا انت بالمدينة بلغني ابي احاول اوقف معاك ونشوف المشكله سوا وان عجزنا عنها انا اتحمل اني اوديه لاي ورشه من الي اعرفهم واروح فيه بنفسي وما ارده لك الا وهو شغال تمام باذن الله


الله يعطيك العافيه انا من اهل الرياض

وبشوف مشكلة الحساسات

[مشجع اهلاوي]

أخي الكريم سيارتي كانت مثل حال سيارتك بس تختلف بالنوع المهم مثل ماسويت مليت من السيارة وأخيراً تطلع المشكلة أبسط مايكون فقط يوجد بالكلبليتر فلتر بنزين كبر عقلة الأصبع كانت متسخة للغاية وتمنع وصول البنزين بشكل طبيعي غيرت هذا الفلتر الصغير بـ ( 5 ) ريالات بعد مخاسير واجد وزانت السيارة 0وكان عند أحد جيراني كرسيدا مثل حال سيارتك ووجد فلتر أتوماتيكي برقبة قربة الهوى داخله رمل وذلك بسبب نفخ محلات غيار الزيت للهوى مع مجرى رقبة القربة بالعكس 0 هذا ماعندي وعسى الله يوفق الجميع 0



الله يعطيك العافيه بسوي الي قلت لي عليه عشن ما احرق الفورد

[مشجع اهلاوي]

نفس الحال زاتو عندي كابريس 91 جابلي الشيب ,,كل ماامشي تتطفي وفي الخط السريع تتفتف وانا ماخليت شي ماغيرته ,, بصراحه الامريكي اذا فك فمه ماراح احد يصكه الا بطلعة الروح..
وان شاء الله تتيسر والله يفرجها بإذنه سبحانه

الله ياخذ الامريكي ما راح اشتريه مره ثانيه حتى لو كان ما فيه سيارات لدنيا الا هو

[مشجع اهلاوي]

اخوي انت غاسل المكينه ؟

لا والله ماني غاسل المكينه

[مشجع اهلاوي]

بسم الله الرحمن الرحيم
السلام عليكم ورحمة الله وبركاته
ياأخي الكريم >>العامية احسن<<
وانا اخوك ليش تحرق الفورد حرام عليكم طول بالك شوي المشكله لها عدة اصلاحات راح اعطيك اياها وانت جرب ونبدا بالارخص
1- غير صفاية >>فلتر<< البنزين ومكانه تحت الباب الايسر الخلفي وهذا سبب رئيسي لمشكلتك وقيمتة 30 ريال وانت بيدك غيره الله لايهينك لانه هوزين فكهن وفك الفلتر وركب الجديد
2-عندك حساسات واجد بالفورد اول شي منظم الهواء مكانة خلف الثروتل قيمته 170 التركيب 30 ريال فقط لاغير
3- عندك الحساس اللي على شوتة الهواء عند فلتر الهواء قيمته 200 ريال وينظف نظفه احسن بدال التغيير
4- عندك فلتر الهواء اللي وسط الشوتة قيمته 30 ريال وتغيرة بيدك سهل للغاية
5- عندك الكمبيوتر والظفيرة كما حصل لي انا شخصيا وكلفني 1700 لكن ما اتوقع منها الا اذا انت صادم بالموتر مثلي
6- راسلني بالخاص متى شئت واعطني ردك واذا حليت المشكلة علمنا >>بالعربي مهندس فووورد <<اي وقت ابد وراسلني على الخاص اذا مالقيت الحل اجيبه لك بأذن الله
اشوف كل الي قلت لي عليها يسويها واراسلك على الخاص يس اذا كنت مهندس فورد يا ليت تعطينا نت خبرتك شوي

[مشجع اهلاوي]

السلام عليكم ورحمة الله وبركاته
بسم الله الرحمن الرحيم
يااخوان انتم نسيتوا حاجة يمكن عندكم تافهه بس عند الاغلبيه مهمة
وهي غطاء البنزين حق الامريكي يجيب المرض ويسبب نفس الحالة اللي تشكي منها اخ (مشجع اهلاوي)
اذكر تعطلت حول ام سدرة ودقيت على واحد معه كابرس اس اس 96 وقعدنا نحاول بسيارتي الين مازانت المهم تجيكـ السالفه طفت سيارة خويي اللي جاي يساعدني ونحاول فيها بس هو عندهـ خبرهـ بالميكانيكا وقالي هذا غطا البنزين خلها تبرد وتشغتل .....
وحبيت اوصل المعلومة لعلها تفيدكـ ,,,, مع فائق احترامي وتحياتي

الله يعطيك العافيه ما اتوقع من غطاء البنزين يسوي كذا

[حمود 1430]

الله يساعدك على حل مشكلت موترك

[الكيان]

احراق السيارة بشكل متعمد جريمة مالية وجنائية يعاقب عليها القانون

بعها تشليح اصرف لك لانك ما تقدر تبيعها كا استخدام

واحد من ربعي معه قراند ماركيز 1992 فل كامل ابيض وكالة كان مع ابوه والحين معه ممتاز مرة و الله يستر عليه وعلى راعيه

نحن مشكلتنا لا نتعامل مع السيارات بشكل جيد.

[مهداوي]

اخوي طيب ممكن البخاخات يبي لها تنظيف؟
انت وده لورشه تثق فيها وخله يشوف البخاخات

[برق سنام]

اخوي طول بالك انا ان شاءالله عندي حله بسيط مايكلفك 30ريال
اشوووف الأخوان ماتطرقوا له ابدا ابدا
انا صارت عندي نفس المشكله وسويت كل شي وخسرني خساير مايعلمها الا الله وهي بسيطه مررره
((الحساس اللي يركب بالدينمو من الخلف الظاهر اسمه حساس الكهرب ))
لاتغيره بس سوله تنظيف تلاقيه مكربن وبتدعيلي
بدلك على اللي سووها لي مادامك بالرياض
صناعية النسيم ادخل مع لفة الغامدي لقطع السيارات متوجه شرق ويكون الغامدي على يمينك
ثالث ورشه او رابع ورشه نسيتها والله
اأسأل عن المهندس ماجد السوري


وردلي خبر لزووووم

[مشجع اهلاوي]

للرفع

وما قصرتو يا شباب والله لايهينكم ويبيض الله وجيهكم

[العرجاني911]

والله وانا اخوك هذي المشكلة صارت مع اخوي سيارته فورد فكتوريا 2003 وهي ان السيارة تقطع وتنفض كل ما تدعس للسيارة بنزين ووداها لميكنيكي وقال له نضف البخاخات وقال له 2 او 3((ما ني متاكد)) من الكويلات خربانه ولازم يغير الكويلات كلها ويغير البواجي .... ولله الحمد غيرها والحين الموتر من احسن ما يكون

[رفيع المقام]

والله وانا اخوك هذي المشكلة صارت مع اخوي سيارته فورد فكتوريا 2003 وهي ان السيارة تقطع وتنفض كل ما تدعس للسيارة بنزين ووداها لميكنيكي وقال له نضف البخاخات وقال له 2 او 3((ما ني متاكد)) من الكويلات خربانه ولازم يغير الكويلات كلها ويغير البواجي .... ولله الحمد غيرها والحين الموتر من احسن ما يكون


نفس المشكلة معي وطلعة المشكلة أحد الكويلات عطلان وبدلته.

وصارت تمام

[ابوصالح77]

هههههههههههههه
ذكرتني بقصة واحد من رجال العيقلات الله يرحمه
شرى له ذلول ( وسط) قبل لايشدون الرحال للشام المهم دايم بقفى الجيش (القافلة) مغير يسمع الهجيني وكل ماريحوا يجون قبله وثم يلحق على تالي القهوة
وبالرجعة طقت كبده ونحر الذلول وسبق خوايه رجليه وقال لهم : كان تبون تعشون ترى الذلول نحرته ورى ذاك الطعس ورجعوا وتعشوا منه ، يوم صار الفجر مشوا ويمرون على قليب عندها شمري معه ذود ويرد إبله عشان يارد الطرقية الماء
قالوا: جابه الله ، نشري منه ذلول لخوينا ؟
حاولوا فيه ورفض وعزمومه على القهوة ورح يمههم وسمع قصة خويهم وقال : لو مانحره كان مو رجل ، وهذا الذلول هدية ، ورفضوا الرجاجيل قالوا نشتريه بالقيمة اللي شريته فيه ...... النهاية .......
زبدة الكلام لو هي توكل قلت أحرق فيها ، لكن حرام إسراف .
والحل: بخ بالمنظم بخاخ إل سي دلكو الأبيض .

[حلال المشاكل]

انا اختصر عليك الطريق لانها حصلت معي في سيارتي ولو انها تختلف عن الفورد
اذا لمبة الفحص مولعة روح لاقرب ورشة كمبيوتر وافحصها ثم اعطنا تقرير الفحص اقصد ارقام كود الاعطال
وراح نحلها لك ان شاء الله

[تخبرلي وظيفة]

تأكد من الحساسات

[abdullaha1a]

السلام عليكم ورحمة الله وبركاته

الله يعينك اخوي لكن فيه مشكله اخوي اذا كان الفورد استعمال تسبب المشكله
شوف دبات الشكمان الي نازله من المكينه الاستعمال يكون فيها رصاص ومع الحراره تتكسر وتذوب
والهواء مايطلع الا قليل وتتفتت السيارة واذا رفعت رجلك عن البنزين تطفي
هذا رأيي جرب وشوف
لا تفك الدبات قبل التأكد
والله يعينك مره ثانيه

[مشجع اهلاوي]

اللله لا يهين كل من رد واعطاني جواب وبيض الله وجيهكم