للمجااااااااراه

[شقرااااان]

مسيتووو بالخير ياوجيه الخير



تاريخ راعي الطير واضح وملموس...ولاهوب ميلادي ولاهوب هجري

يبدا ربيع القلب مع حذفة الموس......لاصفت طيور المناعير بدري

[روق999]

الجمس ضمنته مجهز وطرطوس.... من شان افرج همي اللي بصدري.... والجكس جاهز لو تبي ضلع وطعوس ... والطير يلحق ماله اليوم عذري...

[شقرااااان]

المستعد مجهز جيوب وجموس.......مصخراتن لأبرق الريش تسري


فيهن جلال عظام والكبر بالروس...شقر(ن) تطرب خاطر المستكدري

[ابوفهيدالسهلي]

الطير حبه داخل الصدرمحروس،،
،،،،،،،حبه تمكن داخل ضلوع صدرى

اعطى على عرفه تقاريرو دروس،،
،،،،،،،،،منول حياتى ياسنافى وتدرى

ان كان طيرك منعكف كنه القوس,,,
,,,,,,,,,ولا يشابه في مطيره الكدري

ومخلابه الى مشابهن شفرة الموس,,,
,,,,,,,,وريشه دقاق وملابسله وحدري

اقضب لطيرك لو يكثرلك فلوس,,,
,,,,,,,السعرناقص ياسنافي وبدري

[برررق الحيا]

متصفح جميل ومتابعين لكما

تحياتي

[شقرااااان]

الشاعر الي مايقوس الشعر قوس...لايقرب ابياتي ولا يحوس شعري


اما قصيدن يشرح صدور ونفوس...ولا السوالف راس مال المهذري

[ابوناصر السهلي]

الطير حبه داخل القلب مغروس === من صغرسني في عروقي ويجري
راعيه يقني من فعايله ناموس=== سم الحباري لثنادي ويفري

[روق999]

طرح الشبك جابوبه شباكه الروس.....قرناس يوفي يالنشامى بنذري.... عوق الخريش اللي به الحظ منحوس... جابه منكس عقب تلحيق عصري.... هذا هوى من ضاق صدره بهاجوس..... بين الديون وبين خل(ن) يغدري.... محتاس حاله عقب هجرانها حوس...... يالله انا طالبك تعظم اجري....


شقران( اخي الفاضل)
تقبل تحياتي اخوك روق999

[شقرااااان]

ابوفهيد السهلي..برق الحيا..المهذري..روق..جزلين الله يبيض وجيهكم ياوجيه الخير


الله يشافي ولد ابن روق ملبوس... حاله من الهجران والعشق مزري


قبلك نشاما صادها رامي القوس.......مافادهم دكتور ولا زيت مقري

[شقرااااان]

حييت يا شقران يـــا مقعد الروس 0000000000000 ترا الرفاقا بعض الاوقات تزري



لا تنحرف عن لبة القاف واتلوس 0000000000000 خلك على ما قيل مثل المهذري



وان كان شاب النهج بالطرق منكوس 0000000000 والا المخالف ما لنا فيه عذري





يامرحبا ترحيبتن تنور شموس.....بالمشرف الي شرف ابداع فكري



اليا انحرفنا يا ابيض الوجه ف الكوس..لاشملت وجه سفينتنا وتجري




يالي توصيني على الزرع والسوس........وصات غالي ماتنزل بقدري

[يوسف الخليفة1]

يامرحبا ترحيبتن تنور شموس.....بالمشرف الي شرف ابداع فكري




اليا انحرفنا يا ابيض الوجه ف الكوس..لاشملت دف السفينه وتجري




الي بناهاحاسب حساب للسوس........وصات غالي ماتنزل بقدري



اهلا هلا بك ما وضا نور فانوس 0000000000000 يالحر الاشقر ما بدا فيك نسري

لازم سبوتك تمشي بدرب مدروس 000000000000 وانت الفهيم اللي على النور يسري

كم ذيب ضاري بين الانياب مفروس 0000000000 ما يسلم الفريس مع كل عسري

[شقرااااان]

اهلا هلا بك ما وضا نور فانوس 0000000000000 يالحر الاشقر ما بدا فيك نسري

لازم سبوتك تمشي بدرب مدروس 000000000000 وانت الفهيم اللي على النور يسري

كم ذيب ضاري بين الانياب مفروس 0000000000 ما يسلم الفريس مع كل عسري


الذيب الأمعط ماتوطاه جاموس.....ياعنك ياسرحان صلفن وحذري


شاعر على الطرقات تدبله تروس.. وشاعر على الطرقات سيلن محدري


سيفي بيمنياه ولا انته بهندوس......والسيف دايم يجعل الحل جبري

[صدوق المخاييل]

اوجست في قلبي من الهم حاسوس===بغيت اكنه مير ظيق بصدري
السيف مات السيف ياراعي الموس===ان كان تدري مير اظنك م 00000

[يوسف الخليفة1]

الذيب الأمعط ماتوطاه جاموس.....ياعنك ياسرحان صلفن وحذري




شاعر على الطرقات تدبله تروس.. وشاعر على الطرقات سيلن محدري



سيفي بيمنياه ولا انته بهندوس......والسيف دايم يجعل الحل جبري


لا ترهق المخمص على شيح معسوس 0000000000000 ترا الحباري بالمداهيــــــــــل تغري


نخشى عليك من اقشر النبل بالقــــوس 0000000000000 نوبات حزات الصــــــواديف تهري


لكن توقا يابيض القلب باحســــــــــوس 0000000000000 وامش الليانه لو على خلاف جبري

[شقرااااان]

لا ترهق المخمص على شيح معسوس 0000000000000 ترا الحباري بالمداهيــــــــــل تغري


نخشى عليك من اقشر النبل بالقــــوس 0000000000000 نوبات حزات الصــــــواديف تهري


لكن توقا يابيض القلب باحســــــــــوس 0000000000000 وامش الليانه لو على خلاف جبري








الخير واجد وباقي الخير مدسوس....من كف شره عني كفيت شري


والتاجر الي ماله حساب وفلوس....لا يدخل اسوق التواجر ويشري


يابن خليفه ما نبا نكثر الدوس.... ولا الطواري يابيض الوجه تطري

[يوسف الخليفة1]

الخير واجد وباقي الخير مدسوس....من كف شره عني كفيت شري







والتاجر الي ماله حساب وفلوس....لا يدخل اسوق التواجر ويشري



يابن خليفه ما نبا نكثر الدوس.... ولا الطواري يابيض الوجه تطري


اراك جزعان وتنحيت بالــــــــــــدوس 0000000000000 مالك ومال اللي فرغ فيه صبري


يبين تاجر عنده حساب مغمـــــــــــوس 0000000000000 والشوف من بين السماحيق يحري


دوسن على ماذا عصى ابليس مرموس 0000000000000 اياك والناصح تريه الصقطري

[شقرااااان]

اراك جزعان وتنحيت بالــــــــــــدوس 0000000000000 مالك ومال اللي فرغ فيه صبري


يبين تاجر عنده حساب مغمـــــــــــوس 0000000000000 والشوف من بين السماحيق يحري


دوسن على ماذا عصى ابليس مرموس 0000000000000 اياك والناصح تريه الصقطري






عديت بالمرقاب والظلع محروس...وان ماحصل وافي فلا ارقى لوكري


ارقى مراقيب العرب واعطي دروس.. والمستفيد يصير دكتور فخري


شهادها يالقرم يوحونك جلوس...الفرق واضح بين خبرك وخبري

[عيسى عبد الله]

كل(ن)قافه يلعب ويلبس ملبوس=وانا جيت اشارك معكم وابسري
وحب المقناص والطير في قلبي محبوس=والموت منهوا للمقناص راكب(ن)عبري
وانا اشكي همي لربي ثم لطاحوس=وانا على فلوس المقناص اتعب دهري
سق الله زماني وايامها كلها عبوس=مشيت الدنيا كلها كيلوتها وشبري
هذي منات الروح لوكانت علي كابوس=ويالله تفرجها علي قبل شهري
وعلى يمينك حر(ن)وحنى فالوادي جلوس =وشبينا نارنا وزانت جلست السمري
ويالله على هدت الطير والفضاء مشموس =لها ثلاث ايام والسيل فيها يجري
وهضل علينا الليل ولعنى ضوء الفانوس=في ديرت(ن) ربيعا وافي والديره قفري
وخلاص جزنا من العنى دوك الوكر والدسوس =غصب(ن)عني تركتها والماده عندي عسري
وياعين لاتذرفين الدمع وخليه محروس=حتى يجي الفرج من فوق ولا جهزو قبري

[الشاهد1]

علمي بها بالطير والموس والقوس
......................ومن يوم شفته ميلت ضاق صدري
اشوفها طاشت عن الخط وتحوس
...................مادري وش اللي صابها اليوم مادري
يما انها مجارات وايجي بها ادروس
...................والابـــــــــلاها لــضربت خط حدري

[شقرااااان]

اشكر الجميع على المجاراه


لكم جل احتراااااااااااااااااااااااامي

[النـادر]

شقران دق فساحة الشعر ناقوس.........وتجمعت للصوت من كل قطري
ناس تداعت تلبس الثوب منكوس........وناس تمد وترمي النوز قطري
ياويه ياشعر النبط صار كندوس.........كل ٍ ركبه وساقه لدرب خطري
من عقب ماكانت مباديك فالروس........عودت من جرف ٍ لآخر محدري
كلٍ يبي يعلن ولايته ويروس............حتى ولو في ذبحة الشعر غدري
الله خلق فالناس عقول ونفوس..........ماتلتقي هذي مع ذيك جبري
ان فازت عقول البشر تنتج دروس.......وان فازت الاخرى نذيرٍ لشري

[شقرااااان]

شقران دق فساحة الشعر ناقوس.........وتجمعت للصوت من كل قطري
ناس تداعت تلبس الثوب منكوس........وناس تمد وترمي النوز قطري
ياويه ياشعر النبط صار كندوس.........كل ٍ ركبه وساقه لدرب خطري
من عقب ماكانت مباديك فالروس........عودت من جرف ٍ لآخر محدري
كلٍ يبي يعلن ولايته ويروس............حتى ولو في ذبحة الشعر غدري
الله خلق فالناس عقول ونفوس..........ماتلتقي هذي مع ذيك جبري
ان فازت عقول البشر تنتج دروس.......وان فازت الاخرى نذيرٍ لشري



النااااااااااااااااادر

جزل الله يطول في عمرك

تحياااااااااااااااااااتي