باترول 2004 vtc

[اكليل الجبل]

السلام عليكم ورحمة الله وبركاتة

اليوم وانا اتمشى في معارض النسيم صادفت لي جيب باترول فتك 2004 ماشاء الله تبارك الله اخو الوكالة ماشي 45 الف ونظيف بمعنى كلمة نظيف واعجبني حيل حيل بس غااااااالي شوي يقول يبي فية حول 85 الف ولو اقول له ب80 اتوقع يوافق فتكفون ياعزوتي وش تنضحوني فيه ادري انة غالي بس ممشاة مغري ,

طبعاً مكيفين
ثلاحة
تخشيبة
انوار زنن
تانكيين
مكيف لمس
مجل سيدي لمس
مراتب مخمل ..

اللي مانتبهت له الطبلون مادري هو زنن ولا عادي
وكمان مانتبهت فية دف لك ولا لا ...

اخوك محتار وفلوسة زاهبة وابي استخدم مابي ابيع طبعاً سبق واني استخدمت باترول 3 سنوات ومرتاح معاة
واجد ..





وين تنصحوني افحصة

[R7AAL]

شووووف الممشى حلووو بس مثل ما تعرف نيسااان والسعر مبالغ فيه وطبعا على كلامك تخشيب ولمس طبعا سوبر سفاري بس انا مستغرب مخمل المفروض جلد وانت تقول 2004 اجل وش خلى حق 2005 وفوق اذا هذا سعره . استخر قبل كل شي بس انصحك تبعد عنه اذا هذا سعره ترى صعب يبيعونه بهالسعر بعد ما نزل الجديد .

[اعشق الطيب]

نصيحة من اخ عزيز لا تشتري الا وانت فاحصة فحص دقيق ترى اللي ما يخافون الله واجد وان كانه خليجي فمليون بالمية جايه فصل العداد نصيحة مجرب عليك بالتروي العجلة ما هي زينة والله يوفقك.

[عاشق الموطن]

مرحبا اخوي اكليل الجبل


والله وانا اخوك النظيف يستاهل وانا ماعرف اسعارها بالضبط الايام هذي وخصوصا بالرياض والبعض يجي من الخليج
لاكن تراها تختلف حسب الفئه وحسب وصفك ان الموتر سوبر سفاري كشافات وغطاء استبنه استيل وزنون ومثبت سرعه وتحكم بالمسجل من الدركسون وفتحه وغيرها من الاكسسوارات
والسفاري اقل درجه من السوبر يعني الفرق في الاكسسوارات وsgl-v يجي رفارف سود وتنقصه بعض الاكسسوارات


عموما مااطيل عليك اهم شي تفحص الموتر ويكون سليم جربكساته ودفرنساته ماتكون مفروطه والمكينه سليمه من اي عله ومايكون ملعوب فيه بهدارز وفرارات وترهيم تطعيس استخر ولاتستعجل وتوكل على ربك وماراح تندم مع الفتك اذا كان نظيف
شريت قبل سنتين موديل 2002 sgl-v ماشي97000 الف اللون ذهبي (سعودي) اخو الوكاله ماشاء الله تبارك الله زيت وبنزين ووجهه لاي درب بس
ب 70 الف وحلال فيه

[اكليل الجبل]

الله لايهينكم وربي يوفقكم والله اني ارتحت شوي بالرغم من اني متشتت التفكير

الموتر وقفتة ماتدل انة حق بر ولا ترهيم انا فتحت الكبوت ماشاء الله تبارك الله لم ارى مثيل له ..

بس مثل ماقلتو اهم شي الفحص المضبوط ولا ادري وين افحص بالوكالة ولا وين ..

وكلامك اخوي ( اعشق الطيب ) في محلة بس الموتر باين علية معى شايب محافظ والمعرض ماعندهم الا مواتر شبة جديدة تخيلو عندة باترول العادي اللي تجي رفارفة اسود وبدون تكاية في النص ماشي 10 الف فقط والله العظيم اني فكرتة وكالة من قمة النظافة . بس طالب فية 90 الف

[سراب الوقت]

شف اخوي الممشى مهوب دليل يمكن مفصول العداد لكن يمكن يبين معك من الوجهيه اذا بالحه فهو ماشي واجد
وانتبه من مواتر الخليج ترى يجيها تيربو وشف القزوز لو لقيت على مساميرها مشخ واحد انحش فهذا والله العالم جايه هدرز وشغل خاصة اذا الموتر خليجي

[التعـ King ـديل]

حده مناسب اذا الموتر سليم من الحوادث وممشاه حقيقي

مع العلم ان اللي مثله بالسوق وماشي فوق 200 الف ماينزل عن 70 وبعضهم مرشوش

ولك في المنتدى اكبر دليل 2003 محدود ب 83

استخر وتوكل على الله بس عطني دوره عليه لاتنسى

[اكليل الجبل]

حده مناسب اذا الموتر سليم من الحوادث وممشاه حقيقي

مع العلم ان اللي مثله بالسوق وماشي فوق 200 الف ماينزل عن 70 وبعضهم مرشوش

ولك في المنتدى اكبر دليل 2003 محدود ب 83

استخر وتوكل على الله بس عطني دوره عليه لاتنسى



دورة :mad: سلامااااات يالحبيب والله انك تبطي ..

اعطيك دورة بالقديم 99 الا خذة مابية فداك .. ههههههه والله تمون يالغلا ...

[اكليل الجبل]

شف اخوي الممشى مهوب دليل يمكن مفصول العداد لكن يمكن يبين معك من الوجهيه اذا بالحه فهو ماشي واجد
وانتبه من مواتر الخليج ترى يجيها تيربو وشف القزوز لو لقيت على مساميرها مشخ واحد انحش فهذا والله العالم جايه هدرز وشغل خاصة اذا الموتر خليجي



يعطيك العافية سراب الوقت

ومعلومات جميلة . استفدت منها

ولاكن الموتر ووجهيتة بشكل خاص ماشاء الله تبارك الله نظيفة جداً وان شاء الله بكرة ابروح لمهم بالمعرض واتكد منهم اذا انة سعودي اصل وفصل عز الله اني ابخربة واروح افحصة بالرغم من اني والله متسلف حقهم الين ابيع موتري القديم ..

[العابر2222]

أخوووي انت لاقيه في الساحة مع رجال جالبه ولا في معرض واقف ؟؟

يا غالي اذا هو في معرض يخووفي عداده مرجع ولا مغير طبلونه وبنسبة 90% مرجع

[كريم الطباع]

الله يعطيك خيره ويكفيك شره مقدما
وان شاء الله افادوك الاخوان
وترى السوق نايم ذا اليومين يعني حاول فيه يخفض لك

[~ V T A C ~]

اخوي اهم شي الأستخارة
وثاني شي افحصة عند البريدي
تراه رجال نصوح

[مناي التسلي]

اذا كان ممشاه حقيقي اشتر ولا تشاورر لو ب85000
مبيوع 2003ممشاه117000لونه لؤلوي ب77000

[كريم الطباع]

http://www.mekshat.com/vb/showthread.php?t=313476&page=3

[اكليل الجبل]

والله يالربع اني احترت زيادة وسرت اخاف من الخليجي .. بالرغم من ان الممشى مافية شي يخليني اشك فية لان الوالد الله يطول عمرة عندة 2002 لاند كروز ماشي 46 الف واذكر انو باع جمس قبل 5 سنوات موديل 88 ماشي 50 الف يعني فية ناس ماتروح وتجي واجد ولاكن جميع احتمالاتكم واردة وفي مكانة ويجب ان اخذها بعين الاعتبار ... والله لايهينكم ويعطيكم العافية

[اكليل الجبل]

http://www.mekshat.com/vb/showthread.php?t=313476&page=3



مرحبا يالغالي

بس ذا ماشي فوق ال 200000 يعني عابر قارات بالنسبة للي انا شايفة

[وفي9999]

الله يرزقك

[راعي طويلات]

السلام عليكم
أخي الكريم تأكد من مواصفات الموتر لانها راح تفرق كثير بالسعر اولأ هل الموتر سوبر سفاري أم سفاري يعني شف الموتر هل فيه دفلوك وفتحة سقف وأنوار زنون وكالة وطبلونه ليزر وفيه ارباقين بالطبلون والدركسون وفيه دعامية أمامية ومراتبة الأمامية كهرب مو يدوية ونقشة المخمل لان حتى السفاري بموديل 2004 مكيفة الكتروني ويقدرون يضيفون له مسجل سيدي ويركبون له أنوار زنون ووارد الخليج يجي بفتحة سقف ويلزقون له استكرات سوبر سفاري ويباع على أنه سوبر سفاري لذلك انتبه من هالنقطة مع العلم أن بعض انواع الخليجي حتى الاستاندر يجي بدفلوك
واحرص تتأكد من ممشاة هل هو حقيقي أو مرجع عداده أو مفصول واذا كان بمعرض والموتر خليجي دقق فيه اكثر
وللعلم اذا كان لونه أبيض لؤلؤي يفرق عن أخوانه بالسعر 5 الأف
أحد الشباب بايع قبل 9 شهور 2004 ذهبي فل ابشن سعودي ماشيء 75 ألف ب 88 الف ولقيت أخوه أبيض لؤلؤي موقف بمعرض ماشيء 83 ألف عليه سوم 95 الف ومحدود ب 100 الف ودي اني خذت موتر رفيقي بس رغبتي للابيض الؤلؤي فقط
باختصار لايهمك الموديل لان موديلات 2002 2003 و2004 مطلوبة والنظيف الناهي والمخزن توصل اسعاره الموديلات الجديده
يعني ركز على 1-النظافة التامه من بدي ومحركات 2-اللون والمواصفات 3-الممشى 4-الموديل
فإذا كان الموتر الي انت شايفه سوبر سفاري وابيض لؤلؤي وهذا ممشاه الصحيح ولاجاه صدوم ولارشوش فقيمته مناسبه جدا حتى ب85 ألف وخصوصا أنك بتستخدم واذا هو سفاري مايوصل هالقيمة
واذا بغيت تفحص عندك مركز البريدي أو كارتك حاليا هم من أفضل مراكز الفحص
اعتذر عن الاطالة واتمنى لك التوفيق واي استفسار أنا بالخدمة ولايهون الشباب

[اكليل الجبل]

السلام عليكم
أخي الكريم تأكد من مواصفات الموتر لانها راح تفرق كثير بالسعر اولأ هل الموتر سوبر سفاري أم سفاري يعني شف الموتر هل فيه دفلوك وفتحة سقف وأنوار زنون وكالة وطبلونه ليزر وفيه ارباقين بالطبلون والدركسون وفيه دعامية أمامية ومراتبة الأمامية كهرب مو يدوية ونقشة المخمل لان حتى السفاري بموديل 2004 مكيفة الكتروني ويقدرون يضيفون له مسجل سيدي ويركبون له أنوار زنون ووارد الخليج يجي بفتحة سقف ويلزقون له استكرات سوبر سفاري ويباع على أنه سوبر سفاري لذلك انتبه من هالنقطة مع العلم أن بعض انواع الخليجي حتى الاستاندر يجي بدفلوك
واحرص تتأكد من ممشاة هل هو حقيقي أو مرجع عداده أو مفصول واذا كان بمعرض والموتر خليجي دقق فيه اكثر
وللعلم اذا كان لونه أبيض لؤلؤي يفرق عن أخوانه بالسعر 5 الأف
أحد الشباب بايع قبل 9 شهور 2004 ذهبي فل ابشن سعودي ماشيء 75 ألف ب 88 الف ولقيت أخوه أبيض لؤلؤي موقف بمعرض ماشيء 83 ألف عليه سوم 95 الف ومحدود ب 100 الف ودي اني خذت موتر رفيقي بس رغبتي للابيض الؤلؤي فقط
باختصار لايهمك الموديل لان موديلات 2002 2003 و2004 مطلوبة والنظيف الناهي والمخزن توصل اسعاره الموديلات الجديده
يعني ركز على 1-النظافة التامه من بدي ومحركات 2-اللون والمواصفات 3-الممشى 4-الموديل
فإذا كان الموتر الي انت شايفه سوبر سفاري وابيض لؤلؤي وهذا ممشاه الصحيح ولاجاه صدوم ولارشوش فقيمته مناسبه جدا حتى ب85 ألف وخصوصا أنك بتستخدم واذا هو سفاري مايوصل هالقيمة
واذا بغيت تفحص عندك مركز البريدي أو كارتك حاليا هم من أفضل مراكز الفحص
اعتذر عن الاطالة واتمنى لك التوفيق واي استفسار أنا بالخدمة ولايهون الشباب


مرحبا بك يارعي الطويلات ...

وجمعة مباركة عليك وعلى الجميع وتقبل الله منا ومنكم صالح الاعمال واسأل الله العلي القدير ان يجعلنا من المقبولين انة على كل شي قدير .. ولا تنسون اخر ساعات الجمعة وادعو لي معاكم ..


اشكرك على المعلومات القيمة التي تفيدني وتفيد الكثير ممن يريد شراء موتر ..


اخي العزيز انا لي نظرة بالمواتر والموتر من وقفته تحس انة وكالة والديل البوية مافيها الا مخشين صغار والداخلية تقول ماحد ركب بالموتر وايضا الاكسسوارات والكبوت انا شايفة نظيف (ماشاء الله تبارك الله )

طبعاً الموتر سوبر سفاري علية استكرات سوبر سفاري ولاكن مثل ماقلت ممكن ترهيم ليش لا ..
بس كيف اجيب خبرهم انو مرهم ولا لا .. طبعاً الطبلون الظاهر انو زنن لاني مو متاكد منة ومن المقاعد والدف لوك انا ماكان لي نية شراء والله بس من شفت الموتر وانا مدقر عنده .. وكمان مافية فتحة فية ياطويل العمر دعامة فيبر امامية وكشافات وانوارة زنن وثلاجة والقير تبترونك اما بقيت اللي انت قلت لي عنها مو متأكد اليوم باروح ان شاء الله واتأكد منه .. واخيراً لك ولكل من مر وعلق جزيل الشكر والله يجزاكم خير ...

[سوبر مكشات]

نيسان لاتاخذه الا وكاله او ماشي 000000
او تعرف راعيه
غير كذا انحش
وهذي قاعده في كل المواتر
محد يبي غثا البال والورش

[اكليل الجبل]

نيسان لاتاخذه الا وكاله او ماشي 000000
او تعرف راعيه
غير كذا انحش
وهذي قاعده في كل المواتر
محد يبي غثا البال والورش


مافهمتك ؟؟؟؟؟

وكالة او ماشي !!!!!!

[التعـ King ـديل]

اكليل الجبل لايغرك اللي منزل اعلان لباترول 2005 ارخص من موترك اللي تقصد

الناس ترغب الباترول 97 و 2001 و 2004

اكثر شي لانها افضل موديلات لحد الان

[اكليل الجبل]

الموتر انباع اليوم رحت المعرض ولقيت رجال معربن ومنتهي ب85 الف ريال
الله يرزقة ويعطية خيرة ويكفية شرة ويرزقني واياكم باللي احسن منة ..

[عاشق الموطن]

مايروح عنك شي الى الله ماهو كاتبلك نصيب فيه وماتدري لعل في الامر خيره لك
وممكن الله بيصرف شر عنك وانا خوك..........والله يعوضك في غيره
دمت بخير ... تقبل مروري

[ابوناصر السهلي]

الله يوفقك

[التعـ King ـديل]

الموتر انباع اليوم رحت المعرض ولقيت رجال معربن ومنتهي ب85 الف ريال
الله يرزقة ويعطية خيرة ويكفية شرة ويرزقني واياكم باللي احسن منة ..

امين والجميع

[سفاري959]

اخوي اذا متأكد من نضافه الموتر ومن مشيه خذه ولا تشاور ترى 2004 وتحت مرغوب اكثر من 2005 وطالع بعدين الموتر على كلامك اخو الجديد لا تفوت الفرصه صعب تحصل 2007 ماشي هالممشى الله يرزقك

[عاشق الخطامة]

تحمست مع الموضوع .. :)

كل رد أقرآآه أقول شرى والا لا هههههههه

لعلهآآآ خيره يآآ الغآآلي ,, والله يرزقك بأحسن منه

[عبدالسميع]

نصيحة من أخوك ما خسرني غير السفاريات ....


توني بايع 2006 خليجي خسران فيه تقريبأ 40 الف ... بسبب فحص أحد الكراجات التعبانين ...

ترا أذا مفكوك برغي واحد من المكينة لو أيش كان .. أنحش لاتشريه ...

لآن مكينة الفتك معقدة ولا أي واحد يفهم لها ...

وبعدين عن السعر ...

توني سايم موتر موديل 2002 سوبر سفاري اللون اسود ب5000 دينار وصاحبه يبي 5500 ويقول مسفوط
...
وموترك هذا موديل 2004 وعلى كلامك سوبر ... سعره مناسب ... أذا كان بالنظافة المذكورة ..

والله يوفقك ..

عز الله هو موتر البر والمقانيص .... بس ركب معاونيات أولد مان وسبرنقات أولد مان ..

ودور الكدري ....خخخخخخ

.

[جهراوي]

والله اسعار الجيوب مبالغ فيها حيييييييييييييل بالسعوديه
تبي نصيحه ال80هذي تجيبلك جيي تيوتا لاندكروزر قير عادي جي اكس نضييييييف مديل 2006 وتلقا ممشاه ال80الف
هاك هالرابط كامثال
http://www.q8car.com/kuwait/arabic/cars/nissan/safari/2003/352/itemdetails.aspx

http://www.q8car.com/kuwait/arabic/cars/toyota/land_cruiser/2006/21451/itemdetails.aspx


وترى الروابط هذي مبالغ في اسعراه بالواقع هم ارخص
اما اني اخذلي فتك القديم ب80 الف معصي