ايهم احسن كعكات ولا يايات

[ابوسمعه]

ياخوان تكفون الفزعة معي باترول ربع2006 قالو لي ركب من ورا يا يا ت استراليه واحد قال ركب كعكات ايهم افضل بالتفصيل لاهنتوا
وبارضه عندي رجه بالموتر توي مركب كفرات جدد ومرصصهن عطونا الحل لاهنتوايالنشاما

[اول 9099]

اخوي انا معي باترول ربع 2006
بالنسبة للرفعة الياي الاسترالي يرفع الموتر 4 سانتي ويتحمل حمل الظاهر200 كيلو يعني مايطيح الموتر السعر من 550 ال 650 على فكرة مايجي الا نوع واحد للربع
الكعكات قطعة تحط فوق الياي الأصلي تختار انت مقاس الرفعة الموتر ينزل نزله وكاله عند التحميل
السعر رخيص جدا قيمتها 60 ريال والتركيب انت وشطارتك وتقدر تركبها انت
انا مركب كعكات 3 سانتي ورا وقاص الياي الامامي 4 سانتي (راعي نصب)
وجهه نظري الموتر ربع والمساحة الخلفية ضيقة ماتقدر تحمل واجد فالكعكات تفي بالغرض


اما بالنسبة للرجة بين 80 ال 110 تقريبا
ركب مساعد دركسون استرالي (مركبه) او دبل مساعد دركسون
ركب فرارات (مركبه)
وشيك على الأذرعة الرمان
جميع هذه الطرق انا مجربها الموتر مايرج نهائي تقل بانوراما ماشاء الله

اما اذا الرجة على السرعات العالية فوق 160
شف الجنوط لاتكون تجاريه

[ابوعقل]

شف اكيد الياي اضمن ولا تشيل هم الكعكات طاحت ولا لا

الياي اضمن ان شاء الله

[ابوسمعه]

مشكورين ياخوان وماقصرتو الله لايهينكم

[ابومشخص]

الياي يخلي الموتر قاسي كنه شاص

الكعكات سهود ومهود انا قد ركبتها ولا توجع الموتر

[دحيم الفزعة]

الكعكات افضل لك ولا تشيل همها انها تطيح او تضر الموتر او تغير في مطبه
وزي ما تفضل اخوي وقال لك انها رخيصه وتركيبها سهل جدا لو كان عندك خلفيه بسيطه بالسيارات

تحياتي ====

[adil33]

ركب كعكعات افضل من الياي