المساعد الشخصي الرقمي

مشاهدة النسخة كاملة : يا منير ما جاكم عن الترف ذكار،،،،،،،،،قصه شعبيه



محمد الظاهري
06/08/2010, 10:34 PM
بسم الله الرحمن الرحيم
السلام عليكم ورحمه الله وبركاته
مساكم الله بالخير
مشرفين واعضاء وزوار هذا المنتدى الكبير
نقلت لكم هذه القصه من كتاب الراوي
واخليكم مع القصه


بداية القصه عن وحده من اهل المنطقه الشماليه
كانت بدويه تسرح عند إبل اهلها وتقابل لها واحد دايما وتحبه ويحبها حب عفيف وكان يخطط على خطبتها بس العايق الوحيد ان واحد من عيال عمها محجرها وحالف ان قرنها الاشقر ما يلتوي الا على يمينه وذا اللي يحبها مهوب من جماعتها
وفي يوم من الايام يوم رجعت من البل لقت في جنب بيتهم ( بيت الشعر ) بيت جديد مبني سألت امها عن البيت من هو له قالت لها امها ان ذا بيتها هي وهباس ( اسم ولد عمها ) قالت لأمها انها تحب واحد وحالفه انها ما تزوج الا هو قالت امها هباس في بيت ابوه روحي واطلبيه يفك حجريكي وتعوذي منه يمكن يفك حباكي .


راحت له البنت ولقت عنده رجال ودخلت عليهم وقالت اني طالبتك بوجيه الرجال اللي عندك انك تتركني في سبيلي" ما ابيك "
ضحك وقال انا قايل ان ها القرن الاشقر والله ما يلتوي الا على ذراعي حيه والا ميته .


رجعت للبيت وجهزت السم وراحت به لأمها وقالت لها اللي صار معه وقالت انا حالفه انه ما ياخذني وانا اسلم عليكم وشربت السم .





مااااااااتتتتتتتتتتhttp://files.t3as.com/images_cash/up2/080314233703P69l.gif


هباس ولد عم البنت قبل ما يدفنونها طلع قرنها ولواه على يمينه وهي ميته ومن شدة الفقر ما كفنوها وادفنوها بملابسها


وقال يميني ووفيت به




أهلها ما لقوا احد يسرح عند ابلهم واستأجروا واحد من عيال جيرانهم يسرح عند البل وكان الولد صغير سن .



حبيبها صار يترددعلى ابلها ويلقى الولد سأل ولد وين البنت اللي كانت تسرح عند البل سأله الولد ليه تسال قال لاني مضيع لي ابل ويذكرون ان فيه بنت جتها الابل وطردها وابي أسألها عنها وين طردتها قال الولد البنت يقولون انها شربت سم وماتت
ما صدق قال في نفسه أكيد ان احد شافني معها وردوها لا تسرح وقالوا للولد إذا سأل عنها احد قل انها شربت سم وماتت قال احسن لي ارسل قصيده لواحد من ربعها اللي امون عليهم واسأله وش صار بالضبط قال يا ولد تعرف واحد اسمه منير قال الولد أعرفه قال انا بعطيك رساله وصها له واذا قراها وحصل البل بيرسها لي قال الولد هاتها


استلم منير الرساله الا هويقول فيها





يا منير ما جاكم عن الترف ذكار



صحيح وان صخيف الروح غادي



صحيح والا طنبلـة علـم قمـار



او جا عنه راع العلوم الوكـادي



وكنك ضربت الكبد نطحٍ بمسمار



من يوم قيل الموت للترف صادي



وانس على كبد كما حر مخطـار



شي جرا جاللبـلا مـن فـوادي



ودك لوالدنيا تصنـت للاشـوار



والموت ياتي لـه نذيـرٍ ينـادي







يوم قرا منير القصيده ما كان يدري عن اللي ارسل له من كان يحب بس قال اكيد ان اخر من مات اللي شربت السم وانه كان يقصدها ورد عليه يقول






صحيح ماهي طنبلـة علـم قمـار



وانا عنـه راع العلـوم الوكـادي



دنياك هذي ما تصنـت للاشـوا ر



تضرب على مشهات نفسه عنـادي



لوشاورتنا كان ما حق مـا صـار



نفدي بناسٍ عـن ظبـي الحمـادي



ياحيف ياعضودٍ كما وصف جمار



يودعهـن القبـر المهبـا سمـادي



ونهود حدر الجيب غضات الاثمار



والدود ياكـل مغتـرات الثنـادي



وشقرٍ ضفرهن طولهن خمسة اشبار



يعبا لهن غير الرشـوش الزبـادي



وياحيف ياهبـاس للتـرف قبـار



هبس قرونه عقب ما هـن بعـادي



اتمنى ان الروايه صحيحه واعذروني اذا نسيت شي او زائد شي
هذا حسب الرواه



وساعدوني يا اخواني في ايجاد كتاب الراوي الكبير
محمد بن عبدالرحمن ابي حيا (رحمه الله )

راكان الظاهري
07/08/2010, 02:46 AM
وعليكم السلام ورحمة الله وبركاته
مساك الله بالنور والسرور
سلمت يمناك يالذيب على النقل الرائع
والكتاب ان شاء الله انك تلقاه يالغالي
وانا ابسال عنه واذا جانا علم عنه ابشر يالغالي

محمد الظاهري
07/08/2010, 03:16 AM
وعليكم السلام ورحمة الله وبركاته
مساك الله بالنور والسرور
سلمت يمناك يالذيب على النقل الرائع
والكتاب ان شاء الله انك تلقاه يالغالي
وانا ابسال عنه واذا جانا علم عنه ابشر يالغالي

حياك الله ياركان
والرائع هو مرورك ياغالي
وما تقصر والله ياركان ولا هي غريبه عليك

اخوكــ

الكايد8
07/08/2010, 03:30 AM
الله يعطيك العافيه علي النقل الرائع وانا بسئل من هو الكاتب تقبل مروري ودمت بكل احترام

مطيعيس
07/08/2010, 04:08 AM
السلام عليكم ورحمة الله وبركاته
ابداااع

محمد الظاهري
07/08/2010, 04:10 AM
السلام عليكم ورحمه الله
بارك الله فيك
على ردودكم العطره
وما قصرتم

ابوناصر السهلي
08/08/2010, 09:04 AM
الله يعطيك العافيه

بن جعيثن
08/08/2010, 09:43 PM
جزاك الله خير وعفك

المشتاق 2009
08/08/2010, 10:22 PM
شكرا لك
قصه جميله
تقبل مروري

محمد الظاهري
09/08/2010, 04:02 AM
السلام عليكم ورحمه الله وبركاته
الله يسلمكم
والله يجزاكم الف خير
وما قصرتو

صقر دكوة
09/08/2010, 01:06 PM
الله يعطيك العافية
تسلم ايديك

سليمان الربيعان
22/08/2010, 01:15 PM
جزأك الله خير
الله يعطيك العافية ما قصرت
أبو يوسف

ابو غند0
22/08/2010, 10:25 PM
دائم اسمع القصيدة وخاصة البيت الأول
( يا منير ما جاك عن الترف ذكار هو صحيح والا سخيف الروح غادي) > كما سمعتها
ولا اعرف القصة
فجزاك الله خيرا على هذه القصة الجميلة وبارك الله فيك

بلقيس
24/08/2010, 04:35 AM
لاهـنت على القــصه

وبـــــارك الله فـــــيك

خيط درية
11/09/2010, 05:27 PM
السلام عليكم ورحمة الله وبركاته
اسعد الله اوقاتكم بكل خير
الله يعطيك العافيه اخوي على سردك الطيب لسالفه
ومثل مايقلون راحت سواليف الاولين معهم
الله يرحمهم جميع وجعلك الجنه..