استفساراسعار الربيان في الشرقيه

[حي الجامعيين]

السلام عليكم ورحمة الله وبركاته
يا اهل الشرقيه بخصوص اسعار الربيان هل هي مرتفعه او لا
طيب كم اسعار
الحجم

الصغير

الوسط

الكبير
ارجو الرد باسرع وقت ممكن

[القنصل,,,]

هلا ومسهلا
يبيلك ما تستعجل الحين وتشتري لساء الموسم في اوله ويكون الحجم مشكل فيه سغير وسط ويكون سعره غالي
اما الكبير يبيله وقت ويتراوح سعر البانه حوالي 1500 ريال

[حي الجامعيين]

اخوي صياد الجبيل انا ما اعرف البانه لاكن تودقيت على واحد حاط اعلان بالجريده يقول
16كم وسط300
16كم كبير450
هل السعركويس والا غالي

[القنصل,,,]

اخوي البانه مثل ماقالك صندوق يزن 16كج بس مومعقوله السعر اللي حاطه الكبير الي اقصده هو مايقارب شكل الموز الهندي الصغير بس تاكد انه حق السنه هذي تر يمكن مخزن حاول ماتستعجل خذلك واحد يفهم بالربيان

[حي الجامعيين]

طيب يكف اعرف حق السنه هذي
شاكرلك
طيب وين الناس معقوله محد عنده خبر غيرصياد الجبيل

[صياد متهور]

وعليكم السلام ورحمة الله وبركاته
اخوي انا احس سعرها رخيص مرة وهو في بداية موسم
مادري كيف بتعرف ادا جديد ولا مخزن
انا اللي اعرفة الوسط يكون ب500 على مادكر
بالتوفيق يفيدونك اللي احسن مني
تقبل مروري

[خيط درية]

حياك الله اخوي البانة حجم متوصط سعرها اليوم 370 ريال انا اليوم بايعها

[accentkool]

ان شاء الله خبراء الربيان يفيدوك

[White_Shark]

أخوي خذها من قصير !

سعر الربيان للثلاجة 350 - 380 للربيان الصغير والمتوسط

و 400-500 للربيان المتوسط والكبير


وبعدين ماحد يبيعك في السوق ربيان ( صيد العام الماضي ) , حتى الغشيم في الربيان يعرف بأن الربيان طازج ولا لأ .



16كم وسط300
16كم كبير450
هل السعركويس والا غالي


هذا سعر السوق .
توكل على الله وخذ لك ثلاث ثلاجات ... اسمع كلامي !

[حي الجامعيين]

ياأخوان انا من سكان الرياض ولا اقدر اروح البحر والي حاط الاعلان يوصله الى البيت بالرياض
ارجو الافاده اكثر
مشكورين

[ملح]

عندنا في الدمام الحجم المعقول تاخذ( المن)ب200 توني راح اول امس مع واحد من خوياني والكبير مره تحصله ب260 ال300 روح سوق السمك تحصل الي تبيه

المن يساوي 16 كيلو

[sa_1899]

الله 16 كيلو ؟

وش تبي فيها ياخوي

كل ذا حب في الروبيان

[أبو أثير]

حبيب قلبي الاسعار ممتازه جداً عندك المن 16 كيلو الحجم الوسط افضل حجم للأكل 400 ريال
والسوق ما فيه ولا حبه مخزن مدري الظاهر الربيان صاير تمر خخخخخخخ
على كل حال توكل على ربك والاسعار جداً معقولة واكثر من معقولة

[أبو نوران]

اخوي حي الجامعيين
اسعار الربيان في القطيف الحين بالنسبة لحجم الوسط وهوه احسن حجم بالنسبة للأكل من 200 إلى 250 ريال وادا تبي سوق السمك المركزي بالقطيف تعال بعد صلاة العصر مباشرة

[حي الجامعيين]

اخوي حي الجامعيين
اسعار الربيان في القطيف الحين بالنسبة لحجم الوسط وهوه احسن حجم بالنسبة للأكل من 200 إلى 250 ريال وادا تبي سوق السمك المركزي بالقطيف تعال بعد صلاة العصر مباشرة
طيب اخوي هل يوجد شخص يوصل الربيان بهذا السعر للرياض

[اخو صالحة]

من اسم عضويتك احس انك من اهل حائل :)

والله ودي افيدك لكن محد يبيع التمر على اهل بيشة
ومحد يعطي معلومات عن السمك عند الاخوان بخيمة الصيد البحري

والربيان ما سبق ان اكلته من قبل الا مرة وحدة بينع

[نمط]

السلام عليكم

سعر الربيان كان اول يوم الفسح غالي فقط لان ما تواجدت كمية منه

رحت بعد يومين من الفسح لاسبوع اللي طاف وكان حراج السوق 99% ربيان وفي ثلاجات ما وصل سراها للتحريج والناس استكفت
وظلت تنباع الثلاجات على 250 ريال للوسط وفيها قرابة المنين

أنا اخدت ثلاجة كبيرة فيها تقريباً 40 كيلو بـ 350 ريال

سعر الثلاجة في سوق السمك بالقطيف من 200 الى 400 للصغير والوسط , الربيانة المتوسطة أفضل شيء
وللتخزين يفضل الربيانة البيضا خصوصاً مالت الشمال "منيفة" يمدحوها

ولمن كنت متواجد في السوق بعدها اللنجات ما وصلت من بحرتها الأولى , لهذا الربيانة الجامبو " الكبيرة" ماكانت متواجدة بعدها
والمعروف عندنا بعد وصول اللنجات يرخص الربيان أكثر
لأن قبل وصولها يكون السعر محتكر عند أصحاب الطرادات
أما عند وصول اللنجات فتكون االكميات تضاعفت والطلب بعد زيادة الكميات يقل والناس تستكفي وتبدأ تاخد على رواقة للتخزين ماهي مستعجلة مثل أول الفسح الكل متعطش لأكل الربيان

لهذا الآن من خلال توقعي راح تلقى ثلاجة الربيان فيها قرابة اثنين من أو 25 كيلو بـ 400 - 600 للجامبو
والمتوسط من 200 الى 400 في هالحدود

وبالتوفيق

[lawal]

السلام عليكم ورحمة الله وبركاته
يعطيكم العافية جميعاً


وكل عام انتم بخير بمناسبة شهر رمضان اعاننا الله واياكم على الصيام والقيام


شباب الخبره عندي بالربيان مهي اللي
فياليت لو توضحون شوي
اللي اعرفه ان البانه عبارة عن 2 من
والمن 16 كيلو
بالنسبة لبعض الشباب يقولون ثلاجة... طيب الثلاجة كم كيلو


فيا ليت لو تصححون المعلومة وتعطونا الاسعار
والسلام عليكم ورحمة الله وبركاته

[نمط]

راح تلقى ثلاجة الربيان فيها قرابة اثنين من أو 25 كيلو بـ 400 - 600 للجامبو

الثلاجة فيها قرابة الاثنين كيلو بس كل ثلاجة في الحراج بتلقاها مختلفة عن الثانية
بمعنى أقرب ان بعض الثلاجات مليانة وفيها حدود اثنين من وأكثر
وبعض الثلاجات ناقصة او زايدة مويا وثلج وبلتقى فيها 25 كيلو يعني حدود من وعشرة كيلو
وفي الحراج الثلاجات المستخدمة نوعين , في ثلاجات تشيل قرابة الـ 40 كيلو اذا كانت مليانة فل

وعلى كل اغلب الثلاجات فيها قرابة الـ 30 كيلو

وفي حراج القطيف ما يتم التحريج بالمن
يتم البيع والتحريج على "الثلاجة"
كم كيلو فيها ما تدري
اما في الفرشة وقت البيع العادي يتم مزاولة البيع والشراء بـ المن غالباً .. بعد الفرز
بس سعر المن ماعرفه لاني مزاول للحراج فقط

والأسعار موجودة في ردي اللي قبلك
وكل ما زادت كمية الربيان كل ما قل سعره
والناس أغلبها اشترت من أول اسبوع فسح ولهذا قل الطلب عليه
وأيضاً وصول اللنجات الكبيرة ساعد في انخفاض سعر الربيان
الا ان الجامبو ما زال غالي بعض الشي لانه لم يتوفر كثير
ويقولو السماكين ان قريباً بتتواجد ربيانة الكويت وهي جامبو وبعدها بتنخفض حتى الجامبو
بس المتوسطة أفضل شي وسعرها جداً ممتاز حالياً

بالتوفيق وتاكلوه بالعافية

[lawal]

السلام عليكم ورحمة الله وبركاته


مشكورين اوي على التوضيح..نمط
والله يرحم والديك والمسلمين،،،

[سداح الاول]

انا اليوم رايح سوق القطيف بعد صلاة العصر واعلمكم الاسعار بالصور ولا يهمكم

اما التوصيل يابو الشباب راح يطلع عليك فوق بيع السوق ما اتوقع احد بيجيبه لك باقل من 500 ريال

[ناجل سمار]

وعليكم السلام انا من الغربيه والذي يحصل اذا رغبنا بالكميه نذهب للحراج في البنقله بعد صلاة الفجر وهناك على عينك ياتاجر تعرف السعر والنوعيه والطازج في الحراج

[عامر11]

وعليكم السلام ورحمة الله وبركاته
وكل عام وانتم بخير ....... حي الجامعيين هذا حي بجنوب الدمام اذا انت لك احد في الدمام عطه ايميلي وخله يرسل لي رقمه ومستعدين لك.
اللي يبغى يشتري الربيان من سوق الجبيل - صفوى - القطيف يراسلني على الخاص وانا حاضر معه في الخدمه ..
واللي من الرياض يشتري له ثلاجه جديده من السوق ولا من السنيدي ويجي الشرقيه وانا انقي له الربيانه الي يبغاها ونضبط له الثلاجه وبالعافيه عليه. يرسل لي رقمه على الخاص وانا اكلمه واحدد له متى يجي بجية اللنجات من البحر وكذا راح يكون الصيد طازج قدامه عليه يحدد السعر الي يبغاه والكميه..تحياتــــــــــــي للجميع.
. هذا فقط لأعضاء مكشات . بمناسبة رمضان.

[ابوفهددد]

السلام عليكم
الاخ عامر بحكم خبرتك
ابي استفسر منك متى ينتهي موسم الربيان
ومتى افضل ووقت اشريه لان حنا نبي كميه حول 2من
وكم اسعاره

[الونان]

عزيزي أبوفهددد
اليوم نزلت حراج القطيف بعد صلاة الفجر وشريت ربيان (عشبه)وهو من أجود أنواع الربيان
الثلاجة بها حوالي منين ونصف (المن 16 كيلو),مقاس متوسط السعر 1200 ريال
السنة هذه الربيان غالي عن العام.
مازال موسم الربيان باقي فيه حوالي الى نهاية العام.