شنذرة الطير وطريقتها

[صدوق المخاييل]

السلام عليكم ورحمة الله وبركاته0
ارحب باخواني اعضا وزوار منتدانا مكشات 0 وكل عام وانتم بخير0

موضوعي كما ان نقلة الطير قربت حبيت ان نناقشه
وكيف نشنذر الطير0000

الشنذره ماده تقوم باءزالة الشحوم ومخلفات الاكل من معدة الطير
وهي خطره على الطير فلا يعطى الى شي قليل0 وبالطريقه التاليه0

1=ان يكون صنيع مرتفع فلايعط الطير الهزيل
2=ان تكون معدة الطير فاضيه يعني لاتعشيه قبل وبعد
3=ان يكون حجم الشناذره اكبرقليل من خرز السبحه العاديه
وكل صقار وطريقته
هاذي تجربتي وطريقتي
انا سمعت ان فيه من يشنذر بالشاش
بس ياليت من جربها يعلمنا

[عاافك الخاطر]

هلابك اخوي صدوق المخاييل يسعدني اني اول من يرد علىموضوعك يالغلاا لكن انا جربت الطريقه حقت الشاش لكنها خطيره جدآ ولا كل واحد يبي يضبطها انا جربتها بوضع شاش على قد الشناذره واربط فيها خيط صغير طويل بحيث ان الخيط يكون طالع من فم الطير يعني برى والحكمه من خروجه لغرض ان بعض الطيور يكبس على الشناذره ولايخرجها فانت تستطيع من خلال انك تشوف الطير طووول ماحذف الشبيكا تقووم بسحب الشناذره المتبقيه من معلف الطير.. وكذلك يوم توضع الشاشه لغرض ان الشناذره حااره ومتعبه للطير فتووضع لذلك.. ودمت بكل خير وعاافيه ..

[الهاجري ج]

[
2=ان تكون معدة الطير فاضيه يعني لاتعشيه قبل وبعد

انا سمعت ان فيه من يشنذر بالشاش
بس ياليت من جربها يعلمنا[/quote]


جزاك الله خير ياصدوق المخاييل

عندي تعليق بسيط على النقطه الثانيه
(( بالنسبه للشناذر تكون على معده فاضيه صحيح ولكن لابد انك تعشيه الليله اللي قبل ليلة الشناذر عشاء طيب علشان ما توجعه الشناذر
الشي الثاني بالنسبه للعشاء بعد الشناذر انا افضل انك تعطيه بعد الشناذر بساعه تقريباً هبرة لحم بدون عظم او ريش مثل الثندوه علشان تبرد حرارة الشناذر على الطير وعلشان يصرف تصريف طبيعي وينظف امعاءه ))

وبالنسبه للشنذره بالشاش اللي اعرف ان بعض الصقاقير قديماً كانوا يشنذرون بالغزل بمعنى انهم يلفون قطعة الشناذر بالغزل علشان تجمع الشبيكه بشكل افضل وتقوم بتجميعها حتى لو تقطعت وتخفف من حرارة الشناذر

والله اعلم

-هذا ما اردت اضافته وجزاك الله خير

[ابو جركل]

مشكوور يالغلا على الافداه
تقبل مروري

[صدوق المخاييل]

مرحبا اخوي0عافك الخاطر لاهنت يالغالي00



هلابك اخوي نواف الوسمي=
توضيحك في محله وبيض الله وجهك

[skeet]

الله يعطيك العافيه على التوضيح

[قناص الهمله]

الله يعطيك العافيه

[البآشآ]

السلام عليكم ورحمة الله وبركاته

اخوي الفاضل : شكرآ على طرحك هذا الموضوع الحساس عن الشنذره

واتمنى ايضآ آن تجاوب عن بعض الاسئله بخصوص هذا الموضوع

كوني جآهلا بعض الاشياء بالشنذره

الشنذره لها وقت معين بالسنه؟ مثلآ بعد المقيض فقط

ولا من مده لمده فقط

وسؤالي الثاني : على حسب علمي . آن الشنذره تأتي على شكل حبه .. كمآ تفضلت آنت وقلت آكبر من حبة الخرزه بقليل

فـ كيف تطعم الطير هذه الشنذره .. آذوبهآ بوسط المآء .. آو آطحنهآ وآرشهآ ع النسر .. آو كيف .. يآليت تجآوبني ومشكور مقدمآ

[قنيص غير]

الله يعطيك العافيه اخوي ومشكور على الافداه

[بو هاشم]

والله بنسبه لي كلالها صحيحه كل واحد وطريقته
ونفس كلهم خطره على الطير
لان بعض الصقاقير الله يحفظهم يشنذرون الطير وهم ما تا اكدو انه سليم من الامرض البسيطه فيه مثل الوكسيديا
لانه الشناذره توجع الطير الصاحي وشلون اللي فيه شي من بعض الامراض
وانا انصح الجميع قبل مايشنذرون طيورهم انهم يعطونهم كورس مضاد قبل الشناذره
والسلام ختام

[مخاوي النادر]

وعليك السلام ورحمة الله وبركاته
الله يعطيك العافيه يا صدوق المخاييل
على هالمعلومات الوافيه
و النشامه ماشاءالله عليهم ابدعو
والله يجزاكم خير
تحياتي لك

[ضب نجد]

الله يعطيك العافية ..
معلومات هامه وفي وقتها أيضن ,,
تسلملي ,,
لاتحرمنا جديدك ..
تحياتي ’’

[شاص2010]

الله يعطيك العافية لاهنت

[عابر الموج]

اعطوك العلم الاخوان لكن اذا طلعت طيرك من المقيض بعد السبوع طبعا تكون قاصر على الطير حتى ينزل من صنعته احضر الشناذر وتكسر جزء صغير مثل حبة الخرزه اواكبر قليل واحضر شاش طبي ولف الشناذر بها بس لازم الشناذره تجعلها دائريه ولاتوجدالشاش عليها ممكن ثلاث لفات اواربع بالكثير وقم وبلها بماء وسقطها بفم الطير باصبع يدك الخنصر حتى تتاكد انها سقطت بحويصلة الطير وبرقع الطير وبعد ثلاث دقائق فك البرقع وانتظر بعض الطيور تحذف الشناذره ولايرمي الشبيكه في هذه الحاله عد الشناذره مره اخرى بالطير ورايح يحذفها باذن الله وهذا الكلام محسوب على تقبل تحياتي

[الوبلي]

والله ياجماعة الخير الشناذره ما فيها خير انا طيرين ماتن من الشناذره
وفيه واحد من اخويانا مايعرف الشنذره وعنده طيرين كلهن يلحقن باع واحد وعنده واحد... ممكن الطير السليم تأثيرها يكون بسيط (نسبه التسمم) لاكن اغلب الطيور لها تأثير انت ماتحس فيه لانه ما مداه توك مطلعة من الربطه رأي شخصي (ما راح اشنذر طيري ابد ابد )