الذرب جسار
04/07/2005, 01:16 PM
بسم الله الرحمن الرحيم
السلام عليكم ورحمة الله وبركاته
اليكم أحبتى هذه الوجبه لفطورك
المقاضي:
خبز مفرود ، بيض ، جبن (ياحبذا شرايح) ،سمن (او زبدة المراعي) ، ملح ، بهارات .
التسنيع:
إجعل الخبزة الواحدة طبقتين (أي إقشع النص الفوقي عن التحتي ) وخلهن على جنب .
خل الصاج على القز وخذ من السمن أو الزبده على قد المزاج وحطه فوق الصاج و كلمح البصر إفقش البيض (وإصح لايكون مارج )والعدد على مزاج الخبزه (يكون متناسبا مع حجمها)ولا تحركه بل خله عيون وذر عليه البهارات والملح
وفي أثناء طبخه ولَِّم الجبن إن كان شرايح يعني شل التغليف ..
إقلب البيض بحرفنه و ليّاك يتمزع ( على فكرة حاول ان يكون شكل البيض دائريا بحجم الخبزه )وحط فوق الجنب الناضج او الناجض شريحتين او ثلاث على حسب حجم القرص من الجبن و حط فوقه أحد شقي الخبز ....خله شوي وإقر آية الكرسي ...وإذا إنتهيت إقلب القرص على الجنب الثاني وخلك حذر لا يتقطع وسو بالجنب الثاني سواتك بالجنب الأول ولا تطول بالجنب الثاني أخاف ييبس الخبز من الحرارة ومن ثم حطه على صحن وقطعه بالسكين بلطف قطع صغيرة بحجم بسكوت ابو ميزان ........وبألف عافيه
*************************************************
للفائدة:
1/ تقدر تضيف عسل على حسب الشهوه.
2/ تقدر تستبدل خبز المفرود بخبز من سنع إيدك وهو ان تخلط طحين مع الماء إلين يصير أثقل من اللبن الرايب شوي وحط معه سكر وملح ...و لاتنسى حبه بيض او شوي زيت حتى ما يتلصق على الصاج وصبه فوق الصاج صب وإفرده بقفى المغرفه وتمتع بالطعم .
3/ إذا كنت تبي تاخذ معك بيض بالكشته إقلب فوق طبق البيض طبق فاضي وإلزمه بمغّاطات حتى لا يتكسر .
4/ولاتنسى إن إسم هذه الفطيره خبزة خلف .
*************************************************
ترقبوا (الشاورما ولو كنت في مضارب البادية)
السلام عليكم ورحمة الله وبركاته
اليكم أحبتى هذه الوجبه لفطورك
المقاضي:
خبز مفرود ، بيض ، جبن (ياحبذا شرايح) ،سمن (او زبدة المراعي) ، ملح ، بهارات .
التسنيع:
إجعل الخبزة الواحدة طبقتين (أي إقشع النص الفوقي عن التحتي ) وخلهن على جنب .
خل الصاج على القز وخذ من السمن أو الزبده على قد المزاج وحطه فوق الصاج و كلمح البصر إفقش البيض (وإصح لايكون مارج )والعدد على مزاج الخبزه (يكون متناسبا مع حجمها)ولا تحركه بل خله عيون وذر عليه البهارات والملح
وفي أثناء طبخه ولَِّم الجبن إن كان شرايح يعني شل التغليف ..
إقلب البيض بحرفنه و ليّاك يتمزع ( على فكرة حاول ان يكون شكل البيض دائريا بحجم الخبزه )وحط فوق الجنب الناضج او الناجض شريحتين او ثلاث على حسب حجم القرص من الجبن و حط فوقه أحد شقي الخبز ....خله شوي وإقر آية الكرسي ...وإذا إنتهيت إقلب القرص على الجنب الثاني وخلك حذر لا يتقطع وسو بالجنب الثاني سواتك بالجنب الأول ولا تطول بالجنب الثاني أخاف ييبس الخبز من الحرارة ومن ثم حطه على صحن وقطعه بالسكين بلطف قطع صغيرة بحجم بسكوت ابو ميزان ........وبألف عافيه
*************************************************
للفائدة:
1/ تقدر تضيف عسل على حسب الشهوه.
2/ تقدر تستبدل خبز المفرود بخبز من سنع إيدك وهو ان تخلط طحين مع الماء إلين يصير أثقل من اللبن الرايب شوي وحط معه سكر وملح ...و لاتنسى حبه بيض او شوي زيت حتى ما يتلصق على الصاج وصبه فوق الصاج صب وإفرده بقفى المغرفه وتمتع بالطعم .
3/ إذا كنت تبي تاخذ معك بيض بالكشته إقلب فوق طبق البيض طبق فاضي وإلزمه بمغّاطات حتى لا يتكسر .
4/ولاتنسى إن إسم هذه الفطيره خبزة خلف .
*************************************************
ترقبوا (الشاورما ولو كنت في مضارب البادية)