المترو
04/07/2005, 04:11 PM
السلام عليكم ورحمة الله وبركاته
الحقيقه ان هذه السالفه من الموسم الماضي لكن سبب ذكري لها الآن هو ان قبل اسبوع زرت القصيم ومريت على ربع لي مجتمعين ومن ضمن السوالف ذكرو لي سالفتي انا والحصني يوم انه يطير وانواع التعليق علي
المهم السالفه خوذوها
!
!
!
!
!
طلعنا رحله مقناص شمال حول الحيانيه والنقيان الشماليه مع خويا اهل طيور وانا طبعا ليس صقار شخصيا لكن ربعي صقاره واهل طيور وانا خوي دواج جره والا دررررج المهم كان هاك اليوم وتعرفون اهل الطيور يقومون مع صلاة الفجر وما تطلع الشمس الا وهم اخذين لهم كم دوجة طيبه وشكلي ذاك اليوم
ما نمت زين سهران سماري مع بعض من هم يخرقون قوانين الصقاره اللي ينامون من الساعه 10 ليلاً
واثناء التمشي والبحث عن الجره اوي اي شيء يتحرك قدامي وكانت الارض فيها شجر كثير والضباب يغطي الافق وبعض الرذاذ على القزاز ومن مسافة 500 متر الا واشوف هاك البراقه يوم انها لاذت خلف هاك االشجره وانا اوقف السياره اتمعن بالشيء اللي تحرك وهو براقه+ اخماره حبارى +الروياء ضعيفه شوي واخذت الريشه للجهاز وقلت لواحد من خوياي لانه هو الاقرب وينك قال عسى خير قلت والله محريه واتقدم شوي والرجال يصر يسأل قلت الظاهر انه حصني قال تأكد رح للمكان وانا أتوجه للمكان الا والحصني يوم مرق قدامي عيان بيان وقلت له الا حصني 100% قال استلمت وشوي وانا ابي اوقف عند الارطاه اللي كان عندها ابا الحصين والا يوم الطير طار من تحتها قلت بطريقه عفويه ولا إيراديه بالجهاز طار طار طار الا والشباب بسم الله الرحمن الرحيم حصني ويطير وتسمع اللي يعلق واللي يقول يا ابو ناصر انت متى رقدت البارح قلت انا متأكد انه حصني وشيء طار من نفس الارطاه حصني يطير وصار حصني ابو ناصر اللي يطير ؟؟؟؟؟؟؟؟؟؟؟؟؟؟؟؟؟؟؟ والله يومها اني انحرجت من كثرة تعليقهم وصرت بعزئه يومها
هذه احد القصص او المواقف المضحكه جداً والمحرجه
وتفسير القصه من احد المتعاطفين معي وهو التفسير الصحيح يقول هذا الله يسلمك هذ حصني كان حابلن لاكالت الجراذي البومه ام اذان يبي يفطر عليها وانت يالملقوف خربت عليه وورطت نفسك معنا بالتعليق عليك يوم حصنيك يطير ؟؟؟؟؟؟؟؟؟؟؟
وهذه صورة الماخوذه اللي تسببت لي بالقصه وكنت سبب لانقاذ حياتها
http://www.mekshat.com/pix/upload/images8/mk3016_fly-fox.jpg
والسلام عليكم
الرحال2003
الحقيقه ان هذه السالفه من الموسم الماضي لكن سبب ذكري لها الآن هو ان قبل اسبوع زرت القصيم ومريت على ربع لي مجتمعين ومن ضمن السوالف ذكرو لي سالفتي انا والحصني يوم انه يطير وانواع التعليق علي
المهم السالفه خوذوها
!
!
!
!
!
طلعنا رحله مقناص شمال حول الحيانيه والنقيان الشماليه مع خويا اهل طيور وانا طبعا ليس صقار شخصيا لكن ربعي صقاره واهل طيور وانا خوي دواج جره والا دررررج المهم كان هاك اليوم وتعرفون اهل الطيور يقومون مع صلاة الفجر وما تطلع الشمس الا وهم اخذين لهم كم دوجة طيبه وشكلي ذاك اليوم
ما نمت زين سهران سماري مع بعض من هم يخرقون قوانين الصقاره اللي ينامون من الساعه 10 ليلاً
واثناء التمشي والبحث عن الجره اوي اي شيء يتحرك قدامي وكانت الارض فيها شجر كثير والضباب يغطي الافق وبعض الرذاذ على القزاز ومن مسافة 500 متر الا واشوف هاك البراقه يوم انها لاذت خلف هاك االشجره وانا اوقف السياره اتمعن بالشيء اللي تحرك وهو براقه+ اخماره حبارى +الروياء ضعيفه شوي واخذت الريشه للجهاز وقلت لواحد من خوياي لانه هو الاقرب وينك قال عسى خير قلت والله محريه واتقدم شوي والرجال يصر يسأل قلت الظاهر انه حصني قال تأكد رح للمكان وانا أتوجه للمكان الا والحصني يوم مرق قدامي عيان بيان وقلت له الا حصني 100% قال استلمت وشوي وانا ابي اوقف عند الارطاه اللي كان عندها ابا الحصين والا يوم الطير طار من تحتها قلت بطريقه عفويه ولا إيراديه بالجهاز طار طار طار الا والشباب بسم الله الرحمن الرحيم حصني ويطير وتسمع اللي يعلق واللي يقول يا ابو ناصر انت متى رقدت البارح قلت انا متأكد انه حصني وشيء طار من نفس الارطاه حصني يطير وصار حصني ابو ناصر اللي يطير ؟؟؟؟؟؟؟؟؟؟؟؟؟؟؟؟؟؟؟ والله يومها اني انحرجت من كثرة تعليقهم وصرت بعزئه يومها
هذه احد القصص او المواقف المضحكه جداً والمحرجه
وتفسير القصه من احد المتعاطفين معي وهو التفسير الصحيح يقول هذا الله يسلمك هذ حصني كان حابلن لاكالت الجراذي البومه ام اذان يبي يفطر عليها وانت يالملقوف خربت عليه وورطت نفسك معنا بالتعليق عليك يوم حصنيك يطير ؟؟؟؟؟؟؟؟؟؟؟
وهذه صورة الماخوذه اللي تسببت لي بالقصه وكنت سبب لانقاذ حياتها
http://www.mekshat.com/pix/upload/images8/mk3016_fly-fox.jpg
والسلام عليكم
الرحال2003