ضاع ( بلف الكاتم ) ... وأنت بالبر ... وش تسوي ؟

[تصريح]

السلام عليكم

إذا رحت للبر ومعك ولد الحلال الكاتم
لكن نسيت البلف بالديرة

والربع ينتظرون العشاء

ومعك لحمة حاشي يبي لها نار

وش تسوي ؟ وش الطريقة اللي تستفيد منها بالكاتم بدون بلف


كل واحد يحط طريقته في هالورطة

والفائدة للجميع

[بن حاضر]

عادي البلف مو مكشله .. لان انا في البيت ولا فـ المخيم أطبخ لحم الحاشي على القدر العادي مانعرف الكاتم إلا قليل للضبان بس ولا احيان في الحاشي .. بس ضياع البلف مو مشكله يعني تقدر تخليه قدر عادي سكر الغطاء بس لا تقفل عليه خلها عادي نفس طريقة القدر العادي ..

[فاقدخوي]

حط عود من سمره والا اي شجره وخل فيه تنسيم بسيط اللي يطلع شوي هوا هذي انا مجربها


او حط حبة ليمون صغيره على الماسوره

او اطبخ على العادي بدون غطا يمشي لك الحال

[اللافي]

السلام عليكم على قول الأخ بن حاضر حوله قدر عادي وانتهت المشكله

[مقلع الرمث]

سده ببصله ولا ليمونه ولا عود ولا اي حاجه سلملم

[برق بريده]

حط على الماصوره عود كبريت يمشي بعض الاحيان

[عزيز 3333]

اعتبره قدر عادي وأطبخ...

[omar 3]

ما اشووف ذيك المشكلة الكبيرة


خله قدر عادي وخل الرربع يصبروررون

[رعد الصحراء]

ما أشوف له أهميه إذا ضاع البلف سواء بالبر أو بالبيت


صحيح ان البلف يختصر الوقت وبدون البلف يفرق معاك بحدود النصف ساعه

والأفضل ومثل ماقالو نحوله قدر عادي وبدون أي تعديل

تقبل تحيتي

[الكدن1]

بسيطة حط مسمار اللي بسنه صغير بس لاتشده واجد

[الخيمة والذرا]

حط على الماصوره عود كبريت يمشي بعض الاحيان


نصيحة يا اخوان

ابتعد عن العبث بالكاتم

وخاصة وضع عود خشبي .... قل ليش ؟؟

أقولك ليش يابعدي : لأن الخشب مع الرطوبة والضغط اللي داخل القدر ______ راح ينتفخ من الداخل مما يجعل التنسيم لا يحصل ولا حتى إخراج العود من فوق ..فيزداد الضغط داخل القدر لدرجات عالية جدا ممكن تفجر القدر لا سمح الله .....عن تجربة

[satam1389]

بارك الله فيك
وانا قد حصل اني نسيت غطاء الكاتم وتصرفت اني فكيت صامولة احد كفرات السياره ووضعتها مكان الغاء وطلعت الطريقة 100%

[shaheen70]

السلام عليكم على قول الأخ بن حاضر حوله قدر عادي وانتهت المشكله


ما اشووف ذيك المشكلة الكبيرة


خله قدر عادي وخل الرربع يصبروررون




ما أشوف له أهميه إذا ضاع البلف سواء بالبر أو بالبيت




صحيح ان البلف يختصر الوقت وبدون البلف يفرق معاك بحدود النصف ساعه


والأفضل ومثل ماقالو نحوله قدر عادي وبدون أي تعديل


تقبل تحيتي





أتفق مع رئي الجماعة
وبيطلع الطعم أحسن شرايك

[تصريح]

بن حاضر .. حياك الله يالذيب , كلامك على متمه وصحيح, بس أنا أقول وش لون أستفيد منه ككاتم باستخدام طريقة ما, وإلا مسألة أخليه قدر عادي ما فاتت عليّ ... بيض الله وجهك

فاقد خوي ... حياك الله يا رجل , كلامك ممتاز وخصوصا العود الصغير .

اللافي.. حياك الله , وكلامك مماثل لكلام بن حاضر وردي عليك نفس ردي عليه .. حياك

مقلع الرمث ... الله يفك الرمث منك :d وكلامك جيد .. بس ما جربت قبل .

برق بريدة ..... حياك الله يا البرق والله يجيب البرق والمطر , والعود يمشي بعض الاحيان وبعض الاحيان يفقع يالذيب :d

عزيز 3333 ... ما فاتن هذا يالطيب وقصدي كيف استفيد منه ككاتم مع ضياع البلف

عمر 3 حياك يا عمر ... ردي عليك مثل الإخوان

رعد الصحراء... حياك الله يا مشرفنا الطيب , ورأيك على متمه بس مثل ما قلت للشباب فيه طريقة أو لا .

الكدن1 .. بيض الله وجهك

الخيمةوالذرا ... والله إنك وحشتنا يا رجل , عاد ما هنا أشين من انفجار هالكاتم , لكن تحذيرك صحيح

ساتما 1389 ..... طريقة ممتازة يا بعدي وهذا اللي أبيه حلول مبتكرة .. وإذا ضاع ابجربه ( متفائل بالشر )

شاهين 70 ... حياك الله , وكلام الربع جيد , بس قصدي الحلول المبتكرة .


حياكم الله يا جماعة